السلام عليكم و رحمة الله وبركاته .

«دائمًا عندي احترام كبير جدًا للناس اللي تشق طريقها بشكل مختلف عن الجميع، وتختار لنفسها أسلوبها الخاص في النجاح. وهذه تجربة صديقي عبد الله القماطي في مادة الأطفال، تجربة تستحق التقدير»
👇👇

تجربتي في مادة الأطفال جامعة طرابلس.

الحمد لله طلعت النتيجة وقد نجحت في مادة الأطفال بدون أي دراسة لمناهج الكلية في الامتحان النظري وما حليتش حتى التجميعات للامتحانات السابقة، ولكن اعتمدت على:

1- منهج الحسيني USMLE step2:
قريت الكتاب متاعه في الأطفال بروحي بدون مشاهدة الفيديوهات
2-أسئلة uworld
حليت نص الأسئلة بس حول الاطفال (حوالي 300 سؤال)

هدا كله وماحضرتش بيد سايد الا مرتين بس تقريبا.

طبعا تبقى جزئية الكلينيك اللي تقراها برا من مصادر USMLE.

هادي ثاني مادة اكلينيكية نصفيها بمنهج step2 فقط بعد مادة طب النساء والولادة.


اللهم لك الحمد 🤲🤲.
#myexperience

السلام عليكم ورحمة الله وبركاته

🩺 طلبة مقابلة 3 و4

🟢في البداية، نتمنالكم بداية موفقة جميعا في مادة الباطنة، وإن شاء الله تكون بداية خير ونجاح، ويكون السيمستر خفيف عليكم يا رب

🔵حنكون معاكم في لايف يوم الاربعاء  الساعة 6، وحنحكي فيه بالتفصيل على طريقة دراسة الباطنة، وشن الحاجات اللي تهمكم وحتفرق معاكم هلبا في المادة، وكيف تختصروا على روحكم وقت ومجهود؛ لأنه فعلًا هني بالذات تتحقق مقولة:

Study smart, not hard. 🧠🔥

🟤حنوضحلكم طريقة المذاكرة، وكيف ترتبوا قرايتكم، وشن تركزوا عليه، وكيف تتعاملوا مع المادة حسب شن هدفك منها؛ سواء تبي تفهمها صح، تبي تجيب درجة 🔥، تبي تتميز في الكلينك، أو تبي تبني أساس قوي في المادة.

🟡وكذلك حنوضحلكم فكرة الكلينك وكيف تقروه، وشن الطريقة الصح لدراسته، وشن الوقت الصح اللي تبدأ فيه

⚫وطبعًا حنحكولكم بالتفصيل على طريقة كورس الكلينك اللي حنعطيه، وشن حيكون فيه، وكيف حنمشي فيه، وشن حنركز عليه، وكل التفاصيل اللي تهمكم بعون الله

🔴ونبيكم تستغلوا اللايف وتسألوني على أي حاجة في بالكم، لأن حنجاوبكم على أسئلتكم ونوضحلكم أي حاجة مش واضحة، ونبي اللايف يكون فرصة إنك تعرف بالضبط كيف تبدأ الباطنة وكيف تمشي فيها بطريقة صح.

📅 الاربعاء
⏰ الساعة 6 مساءً

💯المحاضرة طبعًا حتتسجل وتقدروا ترجعوله بعدين، لكن نتمنى منكم تحضروا  اللايف، باش نقدر نتناقش معاكم ونرد على أسئلتكم في وقتها

مستنيكم الاربعاء الساعة 6، وإن شاء الله تكون بداية موفقة ليكم جميعًا، وبداية  قوية ومميزة مع الباطنة يا رب

 رابط القناة:
https://t.me/Drexplain
👥 رابط القروب:
https://t.me/+JIOUhzX0Rtc4M2Fk

السلام عليكم دكاترة
يومكم طيب.

نعتذر منكم عن لايف اليوم، للأسف الضي هارب والنت سيئ جدًا، فمش حنقدر نعطي الايف بالشكل المطلوب.

حنسجله وانزله باش تتفرجوا عليه، وبعدها بإذن الله نفتح لايف  ونرد على كل استفساراتكم وأسئلتكم.

السلام عليكم دكاترة

حنبدأ معاكم يوم الخميس في المركز بعون الله، وحننزلكم المكان والموعد غدًا بعون الله، لأنه لازم المكان يكون مكيّف وفيه مولد 😂

حتكون فيه محاضرة مقدمة للـHistory وRheumatoid Hand Examination.
وحيكون فيه تطبيق لل examination

وحنخصصوا أول 30 دقيقة نهدرزوا فيها على الباطنة وتفاصيلها، وشن أهم الحاجات اللي لازم تعرفوها عليها. و طريقة دراستها و هذا الاهم

المحاضرة حتفيدكم جدا بعون الله
إن شاء الله تكون بداية موفقة للجميع