Ushbu hikoyani bir necha yil avval eshitganimda hayratdan yoqa ushlagan edim. Subhanalloh, Alloh shunday soliha ayollarni yaratishga qodir yagona Zot degandim oʻzimga oʻzim. Allohdan soʻrashda chegara boʻlmaydi deyishlaridan umid qilib , garchi bunday neʼmatga arzimasam ham, har nega qodir Zotdan bizdan ham shunday marhamatini darigʻ tutmasligini soʻrab , ushbu orzuni qalbimning bir chetiga tugib qoʻygandim. Lekin unutdim, dunyo fitnasidan iymonimni omon saqlay olmadim, yoʻldan adashdim. Ammo bugun Robbim menga bu hikoyadan yana bir bor bahramand boʻlishni nasib qildi. Allohu Akbar, birinchi eshitganimdek yana muzlab qoldim. Bu soʻzlarni ham ushbu qissaning hayojoni va hayrati ogʻushida yozyapman. Subhanalloh deyishdan oʻzimni toʻxtata olmayapman toʻgʻrisi. Alloh barchamizni oʻz yoʻlida sobit qilsin va bu yoʻlda bizga Oʻzi ulardan rozi boʻlgan va ular Undan rozi boʻlgan bandalarini hamroh qilsin. Ushbu Soliha ayolning haqqiga duo qilishningizni sizdan soʻrab qolgan boʻlardim. Alloh bu Ayolni Oʻz jamolini koʻrishlik va Jannatul Firdavsda Paygʻambarimiz Muhammad sollallohu alayhi vasallam bilan birga qoʻshni boʻlishlik bilan neʼmatlantirsin, unga doʻzoh olovini harom qilsin va unga oʻzi istagan insonlarni shafoat qilishlik fazlini nasib qilsin.