بدأت أيام العشر من ذي الحجة 🤍
أيام أقسم الله بها فقال:
﴿وَالْفَجْرِ * وَلَيَالٍ عَشْرٍ﴾

وقال رسول الله ﷺ:
“ما من أيامٍ العملُ الصالحُ فيها أحبُّ إلى الله من هذه الأيام.”

دي أيام خير وصدقة وأجر مضاعف، ويمكن مساهمة صغيرة منك يكون ميزانها عند الله أتقل مما نتخيل.

وبفضل الله ثم بدعمكم، بدأنا المشوار ووصلنا لـ 20٪؜ من هدفنا، بما يعادل اكتر من ١٠٠ الف جنية من تمن الجهاز
كل مساهمة بتقرّبنا خطوة، وكل واحد بيشارك ليه نصيب من الأجر بإذن الله.
خلّينا نتسابق في الخير، ونستغل الأيام المباركة دي في صدقة وأثر وأجر يمتد بإذن الله
﴿وَفِي ذَٰلِكَ فَلْيَتَنَافَسِ الْمُتَنَافِسُونَ﴾ 🤍
“ساهم ولو بالقليل… فربّ قليلٍ باركه الله فأصبح كثيرًا.”

انستا / فودافون
01101025412

السلام عليكم يا شباب 🤍

يقول النبي ﷺ:
«ما من أيام العمل الصالح فيها أحب إلى الله من هذه الأيام»
فكرنا نستغل الفرصة دي ونلتزم بصدقة يومية ثابتة من مصروفنا اليومي طول فترة العشر من ذى الحجة لحد يوم العيد .
وإحنا النهارده بنفكّر بعض: طلعت صدقتك النهاردة ولا لسه؟
لسه قدامك الفرصة، ومتقولش إن مبلغ بسيط مش هيعمل فرق ، ده سبب لخير وأجر كبير عند ربنا
يلا نشجع بعض ونتسابق فالخير ،ونكون عون لبعض ، ونستغل الأيام المباركة دي في طاعة تقربنا أكتر إلى الله

انستا / كاش
01101025412

خدنا نفسنا واجازتنا وقضينا العيد مع حبايبنا ..
فى نفس اللحظة دى فى اللى فى أمس الحاجة لنفَس فعلا ..
وعشان كدا استلمنا عديتكم وكل همنا اننا نوفر فى اسرع وقت الجهاز المناسب للمكان المناسب
ونكون سبب بعد الله عز وجل ان مريض ياخد نفسه ويسترد حياته ويفرح مع أهله
قال الله تعالى:
﴿وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا﴾
وصلنا ل 32 % بفضل الله ثم بفضلكم و ما زلنا في الطريق…
محتاجين همتكم يشباب وافتكر ان كل نفس انت بتاخده بسهولة فى اللى مش قادر ياخده ومستنى الجهاز
بنحاول منتأخرش عليه …
ممكن متبقاش عارف المريض اللى هينتفع بالجهاز
ولا هو يعرفك …
بس ربنا عارف وعالم وكله مكتوب فى ميزان حسناتنا. ﴿إِنَّ اللَّهَ لَا يُضِيعُ أَجْرَ الْمُحْسِنِينَ ﴾

ساهم باللى تقدر عليه كل خطوة صغيرة عند الله لها أجر عظيم ..

انستا / كاش
01101025412

كل واحد فينا دلوقتي بيدعي ربنا ييسرله سؤال صعب، أو يفتح عليه في مادة، أو يعدي الأيام دي على خير.

بس يمكن وإحنا بندور على التيسير لأنفسنا، نكون ناسين باب كبير من أبواب التيسير…. صنائع المعروف.

قال رسول الله ﷺ:
“صنائع المعروف تقي مصارع السوء.”

الفترة اللي فاتت يمكن ما قدرناش نحقق التقدم اللي كنا بنتمناه، وده عشان كلنا مضغوطين ففترة امتحانات لكن محتاجين نفتكر إن من أعظم أسباب التيسير والبركة وتسهيل الامور هو السعي في قضاء حوائج الناس وفعل الخير.
لسه عندنا فرصة نجدد نيتنا ونشد همتنا ونخلي مشروع جهاز التنفس الصناعي من أولوياتنا في الأيام الجاية

وبفضل الله ثم بفضل دعمكم وصلنا لـ 35% من قيمة الجهاز.

يعني إحنا بالفعل قطعنا أكتر من تلت الطريق، وفاضل الجزء اللي محتاج عزيمة الدفعة كلها

متنساش احنا هنخلص وهنستنى نتيجة الامتحان وفى مريض هيبقا مستنى برضو. .. مستنى ل نفس
بنحاول منتأخرش عليه..

متبقاش مجرد متابع خلى ليك أثر ✨

للتبرع
انستا / فودافون
01101025412

إذا غامرت في شرف مروم …. فلا تقنع بما دون النجوم
مع قرب انتهاء المشهد الأول من فصلنا الأخير وقربنا للتخرج حابين اننا نختم معاها النص الأول من هدفنا الأكبر
كل جنية اتبرعتوا بيه ساهموا معانا فحلمنا الكبير ، قدرنا بيكم نجمع مبالغ غطت تكلفة 3 اجهزة مونيتورز ولكن الحلم لسه مكملش والجزء الأكبر لسه مخلصش
هدفنا دلوقتي اننا مع نهاية الترم الأول نكون قدرنا اننا نوصل لخمسين فالمية من سعر جهاز التنفس الصناعي الجزء الأكبر فحلمنا واحنا شوفنا قبل كده وقادرين بيكم نعملها
يلا نتنافس فالخير
تبرعك مش بس أثر دا سبب فإنقاذ حياة ❤️
للتبرع
انستا / محفظة
01101025412

العد التنازلى بدأ 🔥
فاضل ٣ أيام من رحلة ال١٠٠ يوم …
قربنا نقفل اخر صفحة فى روايتنا ورحلة التخرج بتاعتنا بس لسه مقفلناش صفحة الخير اللى ابتديناها
وبأيدينا نخلى النهاية سعيدة …
خطواتنا بفضل الله ثم بفضلكم كانت مؤثرة وقدرنا نقدم ونساهم ب ٣ أجهزة مونيتوز الفترة اللى فاتت

تعالوا نخلى العد التنازلى ده فالخير ونتنافس ونتسارع فاكتر حاجة ممكن تقربنا لربنا عز وجل قال تعالى (َوفِي ذَٰلِكَ فَلْيَتَنَافَسِ الْمُتَنَافِسُون)

بفضل الله ثم بفضلكم قدرنا نجمع اكتر من 200 ألف من سعر الجهاز

واثقين فيكم وفى همتكم إننا نقدر نجمع المبلغ الباقى فأسرع وقت ممكن ..

التخرج محطة… أما الأثر فهو ده الرحلة اللى هتكمل ورانا
وعشان كدا تعالوا نختم مشوارنا فالخير ويبقا لكل واحد فينا نصيب فى نفس ينقذ حياة 🎓🤍


‎للتبرع
‎انستا / فودافون
01101025412

اهو احنا كدا نقدر نقول وبكل ثقة إننا على عتبة بداية النهاية …
وخلونا نستغل فرصة زى دى عشان نستحضر النية سوا ونجعلها خالصة لوجهه الكريم
وامتثالاً لقول رسولنا الكريم ﷺ
«إنما الأعمالُ بالنيات، وإنما لكل امرئٍ ما نوى.»

احنا اه نيتنا كانت واضحة من البداية إننا نسيب أثر طيب ورانا وخير ينتفع بيه الناس وبالفعل قطعنا شوط كبير من طريق الخير وادينا بنجدد النية وعلى أمل وثقة فيكم بعد الله عز وجل
إن زى ما نستقبل بداية النهاية نبقا بننهى فى مشروعنا اللى بدأناه ( جهاز التنفس الصناعى )
يمكن الترم ده يكون آخر ترم دراسي لينا…
لكن الأثر اللي هنسيبه بإذن الله، هيكون بداية حياة لناس كتير، وأجره هيستمر حتى بعد ما نتخرج.
قال رسول الله ﷺ:
“أحبُّ الناسِ إلى اللهِ أنفعُهم للناس.”
لو كل واحد فينا ساهم باللي يقدر عليه، هنوصل لهدفنا أسرع مما نتخيل.

يلا نختم رحلتنا بأجمل أثر ممكن… ونكمل الخير اللي بدأناه سوا. 🤍
للتبرع
انستا / فودافون
01101025412

«لكلِّ عملٍ شِرَّة، ولكلِّ شِرَّةٍ فترة.»
رسول الله ﷺ

بدأنا بقوة، وكان الإقبال في بدايته كبير وكان أملنا على الله عز وجل، ثم عليكم.
حطّينا إيدينا في إيدين بعض، وباسم دفعة ٣٩، وبنية صدقة جارية وأثر ممتد عن كل واحد فينا، بدأنا مبادرتنا «منَّا وإلينا».

وبفضل الله ثم بدعمكم، قدرنا نوصل لحوالي 50% من قيمة جهاز التنفس.

لكن في الفترة الأخيرة، بدأ معدل التبرعات يقل، والمشوار اللي كنا فاكرين إننا هنقطعه في وقت أقصر بدأ يطول، وظهرت فيه صعوبات ماكنّاش حاسبينها.

ومع ذلك الفترة دي مش معناها إننا نقف.
فكل عمل بيمر بفتور ، لكن الهمة الحقيقية هي إننا نعرف نكمّل حتى لما الطريق يبقى أصعب.

والأهم إن الموضوع مش مجرد جهاز بنحاول نوفره…
في مرضى محتاجين الجهاز النهارده قبل بكرة.
وفي مستشفيات بالفعل تواصلت معانا بخصوص احتياجات وأجهزة تانية، وإحنا نفسنا نقدر نكمل معاهم ونبدأ أهداف جديدة بمجرد ما ننجز هدفنا الحالي.

عشان كده، هدفنا دلوقتي إننا نكمل اللي بدأناه، ونوصل للمتبقي في أسرع وقت، ونفتح باب جديد للخير.🚪🍃

منَّا وإلينا — لأن الخير اللي بنعمله النهارده، أثره هيكمل ورانا . 🤍

للتبرع
انستا / محفظة
01101025412

﴿مَثَلُ الَّذِينَ يُنفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنبَتَتْ سَبْعَ سَنَابِلَ…﴾ 🌱

حَبّة واحدة ممكن تبان قليلة… لكن لما تجتمع النوايا والايادى ، بينبت منها أثرٌ عظيم

بدأت دفعة ٣٩ مبادرة «منَّا وإلينا»، وبفضل الله ثم بدعمكم وصلنا إلى حوالي 240000 جنيه من قيمة جهاز التنفس. 🤍

اه ممكن نقول أقل دفعة في العدد، لكن الخير مش بعددنا… الخير باللي نقدر نسيبه ورا ضهرنا. ونأمل إن الأثر يبقا أضعاف أضعاف عددنا..

وده هيتم بمشاركتكم معانا دي مش مبادرة دفعة لوحدها؛ دي فكرة جيل بيسلّم جيل، وكل جيل بيكمّل باب خير بدأه اللي قبله.
ودلوقتي دور ٣٩… ومستنيين كل إيد تقدر تساعد فالخير 🤝

منَّا وإلينا — لأن الخير اللي بنعمله النهارده، أثره هيكمل ورانا. 🤍

للتبرع:
إنستا / محفظة
01101025412

جاهزين للتحدى؟!

لسه فاضلنا شوية اد اللى جمعناهم كل دقيقة بتعدى الاسعار بتزيد والفينت بيبقا أغلى ومعدل تجميع المبلغ بقا بطئ 😞
مش حابين إننا نشفت لأجهزة تانية وعايزين نكمل هدفنا على خير
وعشان مفيش أجمل من المنافسة في الخير…
فالمرة دي عندنا تحدّي حقيقي :

*هدفنا إننا نجمع ٣٠ ألف خلال اسبوع باءذن الله 🎯*

ودلوقتي… مين هيشدّ الهمة؟ ومين هيسبق؟ 👀🔥

كل جنيه بيقرّبنا من الهدف، وكل إيد بتشارك بتسيب أثر. 🤝

منَّا وإلينا — الخير سباق، فاستبقوا الخيرات.

للتبرع:
إنستا / فودافون كاش
01101025412

«مش كل اللي بنسيبه ورانا بيكون ذكريات.»

بنحاول نحتفل بطرق كتيرة آخر ترم ونعمل ذكريات حلوة السنة دي..

ولأن مفيش ذكرى أجمل من خير تسيبه من بعدك، ويفضل أثره وثوابه مستمرين بعدك.

ولأن الخير بيطلع من أهل الخير، وكلامكم واقتراحاتكم كانوا سبب إننا نفكر نعمل أكتر.. قلنا: ليه مايبقاش لينا في كل راوند نصيب من الخير؟

ومن هنا بدأت فكرة ( ايد بتسلم ايد ) ..

فكل راوند، هيبقا فيه ظرف بيعدى علينا كل واحد فينا يحط مبلغ بسيط.. حاجة بسيطة ممكن تصرفها في يومك على قهوة أو سناك بين الراوندات، المرة دي خلّيها تروح لحاجة أثرها يفضل.

هنكمل بيها تبرعاتنا اللى هتتحط في المستشفى باسم دفعتنا، وتنفع مرضى كتير بإذن الله.

«من جيوبنا الصغيرة.. لأثر كبير.»

هنحاول نسيب أثر..
ونعمل خير يعيش بعدنا. 🤍

للتبرع
انستا / محفظة
01101025412

إحنا طول الوقت بنتنافس…

مين يعمل أحلى vibes؟
مين يطلع بأحلى ذكريات؟
مين يخلي آخر ترم أحلى؟

طب إيه رأيكم المرة دي نتنافس في حاجة أهم؟ 🤍

نتنافس في الخير.

زي ما بنحاول نخلّي آخر أيامنا في الكلية مليانة ضحك وذكريات حلوة، نخلّيها كمان مليانة أثر.

كل جنيه بيتحط في الظرف مش مجرد مبلغ بيتجمع…
هو خطوة بتقرّبنا من هدفنا إننا نوفّر جهاز في المستشفى ممكن يكون سبب في إنقاذ حياة مريض.

فخلّينا نشوف:
انهى راوند هيجمع أكتر؟
مين هيكون ليه النصيب الأكبر من المشاركة؟
ومين هيكون سبب في أكبر قدر من الخير؟ 👀

وتسهيلًا عليكم، لو التبرع أونلاين مش دايمًا بيكون متاح، وفرنا لكم فكرة الظرف 🤍
عشان يبقا قدامك، وكل ما تقدر تحط فيه حاجة يبقى ليك نصيب من الخير.

اتبرعت أونلاين؟ اتكتبتلك صدقة.
ولقيت نفسك حابب تتبرع تانى في الظرف؟ ليه لا 🌚

المهم نكمل اللي بدأناه، ونخلّي كل راوند إيد بتسلّم إيد. 🤍

من vibes التخرج… لـ vibes الخير.
ومن منافسة بينا… لأثر يفضل بعدين.

للتبرع:
إنستا / محفظة
01101025412