الطب مش رسالة بس..

الطب إنك تقف عند ضعف العبد وقدرة ربنا سبحانه وربنا يختارك عشان تبقى سبب في رحمته لعبده

إحنا دفعة ٣٩ طب المنيا
قررنا نجمع تبرعات عشان نعمل غرفة عناية مركزة لمستشفى الكلى والمسالك.
مش عشان يتقال إننا عملنا…
لكن عشان يمكن ربنا يكتب لنا نكون سبب في رحمته لعباده.

قال الله تعالى:
﴿مَن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً﴾

إحنا مش بنجهز أوضة…
إحنا بنحاول نحط سبب صغير في مكان ممكن تنزل فيه رحمة.

يمكن اللي ظاهر إنها اجهزة…
بس اللي بيحصل إنه نفس بيرجع، وقلب بيسكن، واهل بينامو بعد خوف.

ويمكن دكتور صغير يتعلم هنا مهارة، ويفضل العلم ده ماشي منه لناس كتير، وانت ثوابك ماشي معاه زي نهر بدأ بنقطة.

في ميزان بيتقل بحاجات الناس مش شايفاها.
وفي أعمال بتفضل شغالة بعد ما أصحابها يسكتوا.

لو حابب تكون شريك، حط نيتك قبل فلوسك.
اللي يتحط بإخلاص بيرجع طمأنينة قبل ما يرجع أجر.

دفعة ٣٩ طب المنيا ،إحنا هانمشي…
واللي عملناه هيفضل.

﴿وَمَا تُقَدِّمُوا لِأَنْفُسِكُمْ مِنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا﴾
رقم الكاش وانستا:-
01101025412

خلى ليك أيد عون وشاركنا الثواب
شير فالخير يشباب..

من فترة كتبنا إننا بنحاول نعمل غرفة عناية مركزة لمستشفى الكلى والمسالك…

والحمد لله، بفضل ربنا ثم بفضل الناس الطيبة، قدرنا نجمع 75٪ من تمن أول جهاز في الغرفة: جهاز المونيتور.

يمكن الرقم شكله بسيط…
لكن وراه قلوب كتير حطت نيتها قبل فلوسها، وشاركت عشان تكون سبب في رحمة ربنا بعبد من عباده.

قال الله تعالى:
﴿مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّائَةُ حَبَّةٍ وَاللَّهُ يُضَاعِفُ لِمَن يَشَاءُ وَاللَّهُ وَاسِعٌ عَلِيمٌ﴾

فاضل جزء صغير ونقدر نكمل تمن الجهاز ونشتريه في أقرب وقت بإذن الله.

الجهاز ده يمكن بالنسبة لنا مجرد جهاز…
لكن بالنسبة لمريض ممكن يكون متابعة لحظة بلحظة لقلبه ونَفَسه…
ولأهل واقفين برا ممكن يكون طمأنينة بعد خوف طويل.

إحنا قربنا جدًا…
ومستنيين همتكم معانا عشان نكمل المبلغ ونشتري الجهاز في أسرع وقت.

يمكن المساهمة بسيطة…
لكن عند ربنا اكيد الأجر عظيم

للتبرع:
كاش / إنستا باي
01101025412

ايدينا فى ايد بعض يشباب شدوا الهمة وشير فالخير …

ومتنسوش تدعوا لزميلنا محمد أيمن
ربنا يشفيه ويعافيه

إنا لله وإنا إليه راجعون

بقلوبٍ راضيةٍ بقضاء الله وقدره، وببالغ الحزن والأسى، ننعى وفاة زميلنا محمد ايمن، طالب بالدفعة 39، سائلين المولى عز وجل أن يتغمده بواسع رحمته.

اللهم اغفر له وارحمه، واجعل قبره نورًا، وثبّته عند السؤال، وآنس وحدته، ووسع مدخله، واجعل مثواه الفردوس الأعلى.
اللهم اجعل قبره روضةً من رياض الجنة، واملأه سكينةً وطمأنينة، ولا تجعله حفرةً من حفر النار.

اللهم اجعل مرضه شفيعا له يوم القيامة

اللهم اربط على قلوب أهله وذويه ومحبيه، وألهمهم الصبر الجميل والسلوان، واجعل هذا المصاب آخر الأحزان.

ونسألكم الدعاء له بالرحمة والمغفرة، وأن يسكنه الله فسيح جناته

السلام عليكم ورحمه الله وبركاته

-فُجعنا اليوم بوفاة زميلنا
الدكتور /محمد ايمن
بدفعة 39 طب المنيا
قررنا نعمل صدقات جارية لزميلنا باذن الله
سائلين المولى عز وجل له الرحمه والمغفرة وألا يفجعنا الله في موت عزيز
المساهمة علي الرقم التالي
🌹01029600373
(المحفظة باسم شروق )

والسهم يبدأ من 50 جنيه (وبقدر الإمكان ليس شرطا 50)
جعلكم الله دائما من محبي الخير وجزانا الله وإياكم  ❤️

الرسالة موجهة بشكل خاص لدفعة 39طب المنيا
وشكل عام كل دفعات طب المنيا وكل محبي الخير في كل مكان

#رابط القناة
https://t.me/HameloelbasmaMinia

قال رسول الله ﷺ:
“إذا مات ابن آدم انقطع عمله إلا من ثلاث: صدقة جارية، أو علم يُنتفع به، أو ولد صالح يدعو له.”
أجمل حاجة ممكن نقدمها لزميلنا د محمد أيمن حاليا هيا صدقة جارية تكون سبب فالرحمة ورفع الدرجات له ان شاء الله
خلونا كلنا نكون سبب في الصدقة دى ، وربنا يجعلها في ميزان حسناته ويربط على قلوب أهله وأحبابه. 🤍

كل ده ماكانش مجرد تبرع…
ده ستر ربنا بيتحقق على إيدينكم
وده رحمة بتوصل لمريض في وقت هو محتاجها فيه فعلًا

والاجمل بقا اننا قربنا جدًا من الجهاز التاني…
ووصلنا لـ 99% من تمنه
وفاضل خطوة صغيرة جدًا ونكمله سوا بإذن الله

قال الله تعالى:
﴿وَمَا تُقَدِّمُوا لِأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا﴾
الجهاز ده مش مجرد أرقام على شاشة…
ده متابعة لقلب بينبض…
ولنَفَس ممكن يضعف في أي لحظة
وده أمل جديد لأهل واقفين بين الخوف والدعاء

اللحظة دي تحديدًا…
هي اللي بتفرق بين إنقاذ روح أو فقدها
وإنت ممكن تكون السبب بعد ربنا 🤍

لسه فاضل جزء بسيط…
ومع همتكم هنتم الجهاز التاني في أقرب وقت بإذن الله

متستصغرش مساهمتك…
يمكن ربنا يكتب بيها حياة كاملة لإنسان

للتبرع:
كاش / إنستا باي
01101025412

{ قُلۡ بِفَضۡلِ ٱللَّهِ وَبِرَحۡمَتِهِۦ فَبِذَ ٰ⁠لِكَ فَلۡیَفۡرَحُوا۟ هُوَ خَیۡرࣱ مِّمَّا یَجۡمَعُونَ }

بفضل ربنا ثم دعمكم… قدرنا نوفر 3 أجهزة مونيتور ووصلوا بالفعل

كل خطوة كانت بسببكم، وكل مساهمة" حتي لو مجرد مشاركة " فرقت بجد.

ودلوقتي بدأنا المرحلة الجديدة:
تجهيز جهاز التنفس الصناعي…
واللي هيكون خطوة أكبر في إنقاذ حياة أكتر.

لسه مكملين… ومعاكم نقدر نوصل
_ و يَبْقَي اَلْأَثَرُ _ .....

للتبرع:
كاش / إنستا باي
01101025412

الحكاية لسه مكملة… ❤️

كل خطوة فاتت كانت بسببكم، وكل إنجاز وصلنا له كان بداية للي بعده.

دلوقتي قدامنا هدف جديد:
جهاز التنفس الصناعي

سعره حاليًا 480,000 جنيه
وهيكون هدفنا طويل المدى بإذن الله…

خطوة كبيرة، لكن طريق إنقاذ حياة دايمًا يستاهل.
مكملين… ومعاكم نقدر نوصل 💛

بفضل الله ثم بدعمكم قدرنا نوصل لـ 10% من ثمن جهاز التنفس 🤍
وإحنا لسه مكملين
صدقة عن دفعة ٣٩ وعن ارواح زملائنا وأخواتنا

اللي بنعمله ده مش مجرد تبرع…
ده أثر طيب بيجري في ميزان حسناتهم وحسناتنا ، وحياة ممكن ترجع تنبض من جديد بإذن الله

قال الله تعالى:
“وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا"

خلّونا نكمل سوا ونكون سبب بعد ربنا عز وجل فى إنقاذ روح إنسان ومتستهونش ممكن مساهمتك تكون هيا الفارق

📌 للتبرع:
إنستا / كاش
01101025412

- ويبقى الأثر 🤍

ودلوقتي جه دورنا 🤍

عايزين دفعة 39 تكمل الطريق، وتمشي على أثر إخواتنا في الدفعات اللي قبلنا ،
فـ خير التنافس… التنافس في الخير والصدقات.
قال الله تعالى:
﴿وَفِي ذَٰلِكَ فَلْيَتَنَافَسِ الْمُتَنَافِسُونَ﴾

هدفنا دلوقتي إننا نخلّص جهاز التنفس في أسرع وقت بإذن الله، ونبدأ في الجهاز اللي بعده،
ونسيب أثر وصدقة جارية تكون شفيعة لينا ولإخواتنا اللي فقدناهم،
وتكون سبب في إنقاذ روح بعد فضل ربنا عز وجل.

ماتستهونش بمشاركتك،كل واحد فينا له دور و يقدر يفرق فى خطوة زى دى

📌 للتبرع:
إنستا باي / كاش
01101025412

بدأت أيام العشر من ذي الحجة 🤍
أيام أقسم الله بها فقال:
﴿وَالْفَجْرِ * وَلَيَالٍ عَشْرٍ﴾

وقال رسول الله ﷺ:
“ما من أيامٍ العملُ الصالحُ فيها أحبُّ إلى الله من هذه الأيام.”

دي أيام خير وصدقة وأجر مضاعف، ويمكن مساهمة صغيرة منك يكون ميزانها عند الله أتقل مما نتخيل.

وبفضل الله ثم بدعمكم، بدأنا المشوار ووصلنا لـ 20٪؜ من هدفنا، بما يعادل اكتر من ١٠٠ الف جنية من تمن الجهاز
كل مساهمة بتقرّبنا خطوة، وكل واحد بيشارك ليه نصيب من الأجر بإذن الله.
خلّينا نتسابق في الخير، ونستغل الأيام المباركة دي في صدقة وأثر وأجر يمتد بإذن الله
﴿وَفِي ذَٰلِكَ فَلْيَتَنَافَسِ الْمُتَنَافِسُونَ﴾ 🤍
“ساهم ولو بالقليل… فربّ قليلٍ باركه الله فأصبح كثيرًا.”

انستا / فودافون
01101025412

السلام عليكم يا شباب 🤍

يقول النبي ﷺ:
«ما من أيام العمل الصالح فيها أحب إلى الله من هذه الأيام»
فكرنا نستغل الفرصة دي ونلتزم بصدقة يومية ثابتة من مصروفنا اليومي طول فترة العشر من ذى الحجة لحد يوم العيد .
وإحنا النهارده بنفكّر بعض: طلعت صدقتك النهاردة ولا لسه؟
لسه قدامك الفرصة، ومتقولش إن مبلغ بسيط مش هيعمل فرق ، ده سبب لخير وأجر كبير عند ربنا
يلا نشجع بعض ونتسابق فالخير ،ونكون عون لبعض ، ونستغل الأيام المباركة دي في طاعة تقربنا أكتر إلى الله

انستا / كاش
01101025412

خدنا نفسنا واجازتنا وقضينا العيد مع حبايبنا ..
فى نفس اللحظة دى فى اللى فى أمس الحاجة لنفَس فعلا ..
وعشان كدا استلمنا عديتكم وكل همنا اننا نوفر فى اسرع وقت الجهاز المناسب للمكان المناسب
ونكون سبب بعد الله عز وجل ان مريض ياخد نفسه ويسترد حياته ويفرح مع أهله
قال الله تعالى:
﴿وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا﴾
وصلنا ل 32 % بفضل الله ثم بفضلكم و ما زلنا في الطريق…
محتاجين همتكم يشباب وافتكر ان كل نفس انت بتاخده بسهولة فى اللى مش قادر ياخده ومستنى الجهاز
بنحاول منتأخرش عليه …
ممكن متبقاش عارف المريض اللى هينتفع بالجهاز
ولا هو يعرفك …
بس ربنا عارف وعالم وكله مكتوب فى ميزان حسناتنا. ﴿إِنَّ اللَّهَ لَا يُضِيعُ أَجْرَ الْمُحْسِنِينَ ﴾

ساهم باللى تقدر عليه كل خطوة صغيرة عند الله لها أجر عظيم ..

انستا / كاش
01101025412

كل واحد فينا دلوقتي بيدعي ربنا ييسرله سؤال صعب، أو يفتح عليه في مادة، أو يعدي الأيام دي على خير.

بس يمكن وإحنا بندور على التيسير لأنفسنا، نكون ناسين باب كبير من أبواب التيسير…. صنائع المعروف.

قال رسول الله ﷺ:
“صنائع المعروف تقي مصارع السوء.”

الفترة اللي فاتت يمكن ما قدرناش نحقق التقدم اللي كنا بنتمناه، وده عشان كلنا مضغوطين ففترة امتحانات لكن محتاجين نفتكر إن من أعظم أسباب التيسير والبركة وتسهيل الامور هو السعي في قضاء حوائج الناس وفعل الخير.
لسه عندنا فرصة نجدد نيتنا ونشد همتنا ونخلي مشروع جهاز التنفس الصناعي من أولوياتنا في الأيام الجاية

وبفضل الله ثم بفضل دعمكم وصلنا لـ 35% من قيمة الجهاز.

يعني إحنا بالفعل قطعنا أكتر من تلت الطريق، وفاضل الجزء اللي محتاج عزيمة الدفعة كلها

متنساش احنا هنخلص وهنستنى نتيجة الامتحان وفى مريض هيبقا مستنى برضو. .. مستنى ل نفس
بنحاول منتأخرش عليه..

متبقاش مجرد متابع خلى ليك أثر ✨

للتبرع
انستا / فودافون
01101025412