💠 AI ခေတ်ရောက်လာတဲ့အချိန်မှာ ကျွန်တော်တို့အတွက် အရင်ကထက်လွယ်ကူလာတာတွေအများကြီးဖြစ်လာပြီ။

👉🏻 အရင်ကဆို ကိုယ်ပိုင် website အသေးလေးဆောက်ဖို့အတွက်ကိုတောင်မှ Coding တွေ သေချာလေ့လာရမယ်၊ ခေါင်းအစားခံပြီး ကိုယ်လိုချင်တဲ့ UI ပုံရအောင်ရေးရမယ်၊ နောက်ပြီး အလုပ်လုပ်အောင်အတွက်လည်း frontend နဲ့ backend ကို သေချာလေး ချိတ်တတ်ဖို့ကလည်း လိုသေးတယ်။

✅ အခုနောက်ပိုင်း AI တွေပေါ်လာတော့ သင်ချင်တာတွေလည်း လွယ်လွယ်ကူကူသင်လာနိုင်တယ်၊ လုပ်ငန်းဆောင်တာတွေလည်း အမြန်ပြီးအောင်လုပ်ဆောင်လာနိုင်တယ်၊ ကိုယ့်ရဲ့ career အတွက်လည်းပိုပြီး အထောက်အကူပြုလာနိုင်တယ်။
-
👍🏻 ကျွန်တော် ဒီရက်ပိုင်း Vibe Coding နဲ့ Domain Knowledge Channel Portfolio Website လေးတစ်ခုလုပ်နေတာ။

🎉 အဲ့ဒါ ဒီနေ့တော့အောင်မြင်စွာနဲ့ပဲလုပ်လို့ပြီးသွားခဲ့ပြီ။

😉 ဒါကြောင့် AI ခေတ်မှာ AI Tools တွေကိုသာ ကောင်းကောင်းလေးအသုံးချတတ်ပြီးတော့ AI နဲ့ပတ်သက်တာကိုသာ သေချာလေးလေ့လာမယ်ဆိုရင် ကိုယ်လုပ်ချင်တဲ့အရာတွေကို လုပ်နိုင်ဖို့အတွက်က ကိုယ့်ရဲ့လက်တကမ်းမှာတင်ဖြစ်လာနိုင်နေပါပြီ။

⚠️ Disclaimer

👉🏻 ဒီမှာ website ကို ဖန်တီးနိုင်တယ်ဆိုတဲ့စကားက ကိုယ့်အတွက်အသုံးပြုမယ့်၊ Data ထည့်ဖို့မလိုတဲ့ website တွေကို ဆိုလိုချင်တာပါ။

👉🏻 Data တွေထည့်ရပြီးတော့ Security ပိုင်းအရေးကြီးတဲ့ website တွေ၊ app ဆိုရင်တော့ AI သုံးတတ်ရုံနဲ့တင်မရပါဘူး၊ Coding ပိုင်း Knowledge ကိုလည်း ကောင်းမွန်စွာသိဖို့လိုအပ်ပါတယ်။

👉🏻 အရာရာကို AI နဲ့ မဖြေရှင်းနိုင်ပါဘူး၊ ဖြေရှင်းနိုင်တဲ့ Knowledge ရှိမှသာ ဖြေရှင်းလို့ရမှာပါ၊ ဒါကြောင့် ကိုယ့်ဘက်က နောင်တိုးတက်လာမယ့်အနာဂတ်မှာ အဆင်သင့်ဖြစ်နေအောင်လို့ အခုကတည်းက AI နဲ့ပတ်သက်လို့ လေ့လာသင့်တာတွေလေ့လာပါ။

Domain Knowledge Portfolio
https://domainknowledge.website/

YouTube Channel Link- https://youtube.com/@domainknowledge9
-
❤️ ဒီလိုမျိုး Knowledge Sharing လုပ်ပေးတဲ့ Information တွေကို အမြဲမပြတ်သိချင်တယ်ဆိုရင်တော့ Domain Knowledge YouTube Channel လေးကို Subscribe လုပ်ထားပြီး Telegram Channel လေးမှာ Reacts လေးတွေပေးဖို့ ဖိတ်ခေါ်ပါတယ်။

👍🏻 ကိုယ့်လူတို့ရဲ့ Subscribe တစ်ချက်နဲ့ Reacts တွေက Admin အတွက် အပြုံးပန်းကိုဆောင်ပေးနိုင်သလို Domain Knowledge Channel အတွက်လည်း အားဆေးတစ်ခွက်ဖြစ်စေမှာပါ။

💠 ကျွန်တော် အခုနောက်ပိုင်း AI Automation နဲ့ AI Agent ကို သေချာလေးနားလည်အောင်လို့ AI ကိုမေးပြီးတော့ရော၊ ရနိုင်သမျှ Sources တွေကနေပါ အခြေခံကနေသိအောင်လို့ စတင်လေ့လာနေပါတယ်။
ကျွန်တော်လေ့လာနေရင်းနဲ့ အခြားလေ့လာချင်တဲ့သူတွေရှိရင်လည်း အတူတူလေ့လာလို့ရအောင် ဒီ Group လေးကိုထောင်လိုက်တာပါ။ Channel မှာတင်လို့ရတယ်ဆိုပေမယ့်လည်း အခြား Content တွေနဲ့ရှုပ်နေမှာစိုးလို့။

👉 ဒီ Domain Knowledge AI Lessons ဆိုတဲ့ Group ထောင်ရတဲ့ရည်ရွယ်ချက်က Channel ထဲက သူတွေကို Knowledge Sharing လုပ်ပေးချင်တာရယ်၊ ကျွန်တော်နဲ့အတူလေ့လာနိုင်အောင်ရယ်၊ နောက်ပြီး Group ထောင်လိုက်တဲ့အတွက် လေ့လာထားတာတွေကို ပြန်ပြီး Sharing လုပ်ပေးရမယ်၊ Sharing လုပ်ဖို့ လေ့လာဖို့လိုအပ်တယ်ဆိုပြီးတော့ ကိုယ့်ကိုကို Remind လုပ်မိနေစေဖို့ပါ။

🥴 ကျွန်တော်က အရမ်းအပျင်းကြီးတာ။ ဘာအလုပ်မှမရှိဘူးဆိုရင် ဘာမှကိုမလုပ်ဘဲနဲ့ နေတတ်တဲ့သူမို့လို့ အလုပ်တစ်ခုခုရှိအောင်လို့ ကိုယ့်ကိုကို အလုပ်ပေးလိုက်တဲ့သဘောပါပဲ။

✅ Channel ထဲက ကိုယ့်လူတို့လည်း AI Automation နဲ့ AI Agent တွေအကြောင်းကို စိတ်ဝင်စားတယ်ဆိုရင် Group ကို Join ထားလို့ရသလို၊ AI Automation နဲ့ AI Agent က ဘာကြီးလဲမသိသေးရင်လည်း Join ပြီးတော့ လေ့လာကြည့်လို့ရပါတယ်။

ဆိုတော့ စိတ်ဝင်စားတယ်ဆိုရင် Group လေး Join လိုက်၊ ပြီးရင်တော့ အတူတူလေ့လာကြတာပေါ့😉

Domain Knowledge AI Lessons
https://t.me/DomainKnowledge99

Meme Down လို့ရမယ့် Website 5 ခု

AI Automation Tutorial 1 Part 1 (Google Form က Data တွေကို Google Sheet မှာ Auto ဖြည့်အောင်လုပ်မယ်)

🔥 ကိုယ့်လူတို့ စကားပြောကောင်းချင်ကြတယ်မလား? ကိုယ့်ရဲ့ပြောစကားတွေ‌အပေါ် လူတွေစိတ်ဝင်စားမှုရှိစေချင်တယ်မလား? ကိုယ့်ရဲ့စကားပြောပုံကိုကြည့်လိုက်တာနဲ့ လုံးဝလေးစားအားကျရတဲ့ ပုံစံမျိုးပေါ်စေချင်တယ်မလား?

👉🏻 ဆိုတော့ အဲ့လိုဖြစ်ချင်ကြတဲ့ ကိုယ့်လူတို့အတွက် ကျွန်တော်လေ့ကျင့်နေတဲ့ နည်းစနစ်လေးတစ်ခုကို မျှဝေပေးမယ်။
-
💠 ကျွန်တော်မနက်အိပ်ယာနိုးလာပြီဆိုတာနဲ့ မျက်နှာသစ်၊ သွားတိုက်၊ မနက်စာစား၊ လုပ်စရာရှိတာတွေလုပ်တယ်။ ပြီးတော့ အလုပ်မလုပ်ခင် ထိုင်ခုံတစ်ခုမှာထိုင်တယ်။ နောက်ပြီး ဖုန်းကင်မရာကိုဖွင့်၊ ကင်မရာကိုတည့်တည့်ကြည့်၊ Screen Recording ကိုဖွင့်ပြီးတော့ ကိုယ်ပြောချင်တဲ့ Topic တစ်ခုကိုရွေးပြီး အဲ့ဒီ Topic နဲ့သက်ဆိုင်တာတွေကို 15 မိနစ်တိတိထိုင်ပြောလိုက်တယ်။

ပြောလို့ပြီးသွားရင်တော့ Recording လုပ်ထားတာကိုရပ်၊ ဖုန်းကိုဘေးချပြီးတော့ လုပ်ရမယ့်အလုပ်တွေကိုထိုင်လုပ်‌တော့တာပေါ့။

🤔 ဒီနေရာမှာ ကိုယ့်လူတို့ ဘာလုပ်ရမလဲဆိုတော့ ကိုယ်သွင်းထားတဲ့ Recording ကို ချက်ချင်းနားမထောင်နဲ့။ အရေးကြီးတယ်။ ဘာလို့ဆို ဦးနှောက်က အဲ့အချိန်မှာ ကိုယ် 15 မိနစ်ပြောခဲ့တဲ့ အကြောင်းအရာတွေ သူ့ဆီမှာ ပဲ့တင်ထပ်နေသေးတာမို့လို့ အဲ့လို Recoding သွင်းပြီးပြီးချင်းနားထောင်လိုက်ရင် ကိုယ့်ရဲ့လိုအပ်ချက်တွေကို ရှာတွေ့နိုင်မှာမဟုတ်ဘူး။ အဲ့တော့ တနေကုန် ကိုယ်လုပ်စရာရှိတဲ့အလုပ်တွေကိုလုပ်။ လုပ်စရာရှိတဲ့အလုပ်တွေ လုပ်ပြီးသွားပြီဆိုရင်တော့ မနက်က ကိုယ်သွင်းခဲ့တဲ့ Recording ကိုပြန်နားထောင်ကြည့်။

🥴 အဲ့လိုနားထောင်ကြည့်တဲ့အချိန် ကိုယ့်လူတို့ ဘယ်လို Reaction ဖြစ်သွားမလဲဆိုတော့...

"အားးးးးယားးးးးး
ဒါ ငါ့အသံကြီးလား၊ ပြီးတော့ ဘာတွေပြောနေတာတုန်း၊ အသံကြီးကဆိုးလိုက်တာ၊ ခန္တာကိုယ်ကဘယ်လိုကြီးဖြစ်နေတာတုန်း၊ လက်တွေက ဘာဖြစ်နေတာလဲ၊ ပါးစပ်ကကော ဘာဖြစ်နေတာလဲ၊ အသံကလည်းလုံးနေသေးတယ်၊ အူးးးး"

အစရှိသဖြင့်ပေါ့နော်

အသံပေါင်းများစွာလည်းထွက်လာမယ်၊ ကိုယ့်ရဲ့လိုအပ်ချက်ပေါင်း သောင်းခြောက်ထောင်လောက်ကိုလည်း ရှာတွေ့သွားလိမ့်မယ်။
-
📌 ဒီနေရာမှာ ကိုယ့်လူတို့ ကိုယ့်ရဲ့ Recording ကို ပုံစံ 3 မျိုးနဲ့ နားထောင်ရမယ်။

1. ပုံမှန်အတိုင်း ရုပ်ကောအသံကောကြည့်ပြီးနားထောင်။
2. ဖုန်းကိုပိတ်ပြီး Recording အသံကိုပဲနားထောင်။
3. အသံကိုပိတ်ပြီး ကိုယ့်ရဲ့ Recording Video ကိုထိုင်ကြည့်။

အဲ့လိုပုံစံ 3 မျိုးနဲ့နားထောင်ကြည့်ရင် ကိုယ့်ရဲ့ အသံအနေအထား ဘယ်လိုရှိတယ်၊ စကားတွေထစ်နေလား၊ အသံတွေတုန်နေလား၊ အကြောင်းအရာတွေ ထပ်နေလား၊ တောင်စဉ်ရေမရဖြစ်နေလား၊ စကားလမ်းကြောင်းတွေလွဲနေလား၊ စကားပြောတဲ့အချိန် အမူအရာဘယ်လိုဖြစ်နေလဲ၊ ခန္ဓာကိုယ်ကတောင့်တောင့်ကြီးဖြစ်နေလား၊ မျက်နှာအမူအရာကောင်းရဲ့လား၊ မှန်ရဲ့လား၊ Body Language ကော အဆင်ပြေရဲ့လား အစရှိသဖြင့် ကိုယ်မသိထားတဲ့ ကိုယ့်ရဲ့အားနည်းချက်တွေ တစ်ပုံကြီးမှတစ်ပုံကြီးထွက်လာလိမ့်မယ်။
-
✅ အဲ့တော့ ကိုယ့်လူတို့က Recording ကို နားထောင်ပြီးရင် ကိုယ့်ရဲ့ပြင်ရမယ့်အချက်တွေကိုမှတ်ထား၊ နောက်နေ့တွေလည်း ဒီအတိုင်းပဲ Recording သွင်း၊ Recording မှာ ကိုယ်လိုနေတဲ့အချက်‌တွေကိုဖြေးဖြေးချင်းပြင်သွား၊ ညကျပြန်နားထောင်။

အဲ့လိုမျိုး နေ့စဉ်လုပ်သွားမယ်ဆိုရင် ကိုယ့်လူတို့ရဲ့ စကားပြောစွမ်းရည်က အရင်ကနဲ့မတူတော့ဘဲ အတော်လေးကောင်းလာလိမ့်မယ်။ အဟုတ်ပြောတာ။

😉 ကျွန်တော်ဆို အဲ့လိုလေ့ကျင့်နေတာ အတော်လေးတိုးတက်လာတယ်လို့ခံစားမိတယ်၊ တကယ်လည်းတိုးတက်လာတာမို့လို့ ကိုယ့်လူတို့အနေနဲ့ လုပ်ကြည့်ဖို့ ကျွန်တော်ကတော့ အားပေးတယ်။
-
📌 ဘောလုံးကန်တတ်ချင်ရင် ဘောလုံးကန်တတ်အောင်တော့ လေ့ကျင့်ရမယ်မလား

#DomainKnowledge