Nëse ai që e ka të ndaluar i pret thonjtë ose heq qimet e trupit me harresë ose vetëdije duhet të pendohet tek Allahu dhe t'i kërkojë falje, por për këtë veprim nuk ka shpagim. ✍🏻 Përgatiti: Stafi drejtues: http://telegram.me/Dobifikh https://m.facebook.com/DobiFikh-213636039423092/?ref=bookmarks

✨ Disa dobi nga ky hadith:
1- Se uji i detit është i pastër, lejohet marrja e abdesit e gusulit me të dhe pastrimi prej pisllëqeve, dhe kjo gjë nuk kushtëzohet me raste domosdoshmërie, por lejohet në të gjitha rastet.
2- se ndryshimi i ujit për faktin se ka ndenjur për një kohë të gjatë në një vend, ose prej kripës, nuk e bën atë të papërdorshëm për pastrim, përderisa ai është ujë.
3- se kafsha e detit, nëse ngordh vetë pa therrje, lejohet të haet.
Vazhdon…
✍🏻 Përgatiti: Stafi drejtues i kanalit: http://telegram.me/Dobifikh https://m.facebook.com/DobiFikh-213636039423092/?ref=bookmarks

🌴 Koha e duasë së pranuar ditën e Xhuma: Dijetarët kanë dhënë mendime për kohën e pranimit te duasë ditën e xhuma, mendimet më të forta janë dy:
🔸 1) koha nga ulja e hatibit në minber e deri në mbarimin e namazit të xhumasë, siç ka ardhur ne Sahihun e Muslimit. Sipas kësaj bën dua pas ezanit te xhumasë deri pa filluar imami hytben, në pushimin mes dy hytbeve, gjatë namazit në sexhde, si dhe pas teshehudit para selamit.
🔸 2) koha nga ikindia ne aksham e sidimos pjesa kohore e fundit para akshamit. Fjala ساعة e ardhur ne hadith nuk ka të beje me 60 min e njohur sot, se atëherë nuk kanë qenë këto njësi matëse.
Në të gjitha kohët ditën e xhuma shpresohet pranimi i duasë, por në këto të dyja shpresohet më shumë.
Allahu e di me së miri. http://telegram.me/Dobifikh https://instagram.com/dobi_fikh?igshid=ycjtkokgosis https://m.facebook.com/DobiFikh-213636039423092/?ref=bookmarks

🌹 Prej shkaqeve të suksesit 🌹

Ibnu Tejmije (Allahu e mëshiroftë) ka thënë:
💫 "Nëse përpiqet dhe i mbështetet Allahut të Lartësuar, shpesh bën istigfar dhe përpiqet, patjetër që Allahu do t'i japë prej mirësisë së Tij atë që nuk ia pret mendja.
Nëse sheh se nuk i zgjerohet gjoksi dhe se nuk ndjen ëmbëlsinë e besimit dhe dritën e udhëzimit, le të shtojë pendimin dhe istigfarin e të përpiqet sipas mundësisë, sepse Allahu thotë: {Ata që përpiqen për çështjen Tonë, sigurisht Ne do t'i udhëzojmë drejt udhëve Tona}.
📚 Fetaua ibnu Tejmije (11/390) http://telegram.me/Dobifikh https://instagram.com/dobi_fikh?igshid=ycjtkokgosis https://m.facebook.com/DobiFikh-213636039423092/?ref=bookmarks

🌴 Një hadith nga "Dyzetë hadithet" e imam Neueuiut

✨ Prej ibnu Abasit (Allahu qoftë i kënaqur prej të dyve) përcillet se i Dërguari i Allahut (salallahu alejhi ue selem) ka përcjellë prej Zotit të tij të Lartësuar se ka thënë: "Allahu i ka shkruar të mirat dhe të këqijat, pastaj i ka sqaruar ato:
Ai që ka ndërmend të veprojë një të mirë, por nuk e vepron, Allahu ia shkruan pranë Vetes si një të mirë të plotë. Nëse ka ndërmend ta veprojë atë dhe e vepron, Allahu ia shkruan pranë Vetes dhjetë të mira deri në shtatëqind fish, deri në shumëfishe të shumta. Nëse ka ndërmend të veprojë një të keqe, por nuk e vepron, Allahu ia shkruan pranë Vetes një të mirë të plotë. E nëse e ka ndërmend dhe e vepron, Allahu ia shkruan një të keqe të vetme" [Buhariu e Muslimi].
💫 Imam Neueuiu (Allahu e mëshiroftë) thotë:
"Shiko o vëlla – Allahu na dhëntë sukses mua dhe ty – madhështinë e butësisë së Allahut të Lartësuar. Meditoji këto fjalë.
Fjala e Tij "pranë Vetes": tregon përkujdesjen për këtë.
Fjala e Tij "të plotë": tregon theksimin dhe përkujdesjen e madhe.
Ndërsa për të keqen që e sjell ndërmend e pastaj e lë, tha: "Allahu ia shkruan pranë Vetes një të mirë të plotë" duke e theksuar me: "të plotë". E nëse e bën, Allahu ia shkruan një të keqe të vetme, duke e theksuar pakësimin e saj me: "të vetme" dhe nuk e theksoi me fjalën: "të plotë".
Allahut i takon falënderimi dhe mirësia! I pa të meta është Ai! Ne nuk mund ta llogarisim falënderimin që Ai meriton! Me Allahun është suksesi!
📚 Dyzetë hadithet e Neueuiut http://telegram.me/Dobifikh https://m.facebook.com/DobiFikh-213636039423092/?ref=bookmarks

☘️ Prej ditëve më madhështore e me më shumë vlerë është dita e xhuma.
✨ Në Sahihun e Muslimit përcillet se ajo është dita më e mirë në të cilën ka lindur dielli, ndaj duhet treguar kujdes për kohën e saj.
🌱 Prej suneteve të pëlqyeshme në të janë:
🍂 shtimi i duasë, veçanërisht që nga koha e hyrjes së hatibit e deri në mbarimin e namazit të xhumasë, si dhe në fundin e kohës së xhumasë.
🍂 shtimi i namazit nafile para namazit të xhumasë.
💫 Ibnu Tejmije ka thënë:
"Prej sahabëve është përcjellur se kur vinin në xhami ditën e xhuma faleshin sa të mundnin që kur hynin; kishte që falnin dhjetë rekate, kishte që falnin dymbëdhjetë rekate, kishte prej tyre që falnin tetë rekate e kishte që falnin më pak se kaq".
📚 Mexhmuul fetaua (24/189)
✨ Në Sahihun e Buhariut përcillet thënia e tij (salallahu alejhi ue selem): "Kush lahet ditën e xhuma, pastrohet aq sa ka mundësi, më pas përdor vajra apo parfum, më pas shkon duke mos ndarë mes dy vetave, falet aq sa është shkruar për të, më pas kur del imami hesht, atij i falen gjynahet nga ajo xhuma deri në xhumanë tjetër". http://telegram.me/Dobifikh https://m.facebook.com/DobiFikh-213636039423092/?ref=bookmarks