عيونك ديل
الشاعر/ ابراهيم ابنعوف


عيونك ديل قليبي هن الأذنو .. ربي يسامحك كان عذبنو
***
مسكين في بحور الشوق رمنو ... تايه فوق دريبن ودرنو
مظلوم في الغرام ما أنصفنو ... وكمان ناوات عميرو يقصرنو
***
جافاهو المنام كم سهرنو باكي ... البيه ناح والحولو غنو
باكي الماضي والدمعات رونو ... كيف يعود ماضيه والأيام طونو
***
خلنو ونسن ريدتو ونسنو ما ... راعن ودادو وقدرنو
لا جادن عليه ولا طرنو ... ولا يوم في لماتن عشمنو
***
وروني الحصل إيه سمعو عنو ... وبس ليه السلام قطعنو منو
مات بالشوق عليهن ما بكنو ... وما أظن فـ تريبتو يريحنو
***
بقيت أبكي وبكاي الناس تظنو ... تقول ود أبنعوف عاد ليهو جنو
ما بكيت تعذيبي عارفو مقدرنو ... إلا بكاي علي قليبي الحطمنو
***
انا العارف عيونك ما بحنو ... لاون قليبي لامن فترنو
يصارع في الرموش متل التكنو ... قويرب جنو موجات غرقنو
***
يجيه الليل طبول الهم يرنو ... ويسوق سوقار مصايبو يكابرنو
إنت باقيلك بيسعد ؟ ما أظنو ... ياهو شقاه منك وإلا منو

متخيــــــــلك
كلمات: السـر عثمان الطيب
لحن و غناء: عــادل عثمـان الطيـــب
( اضغط على اسم الفنان للاستمـاع )

متخيلك متخيلك والله بس متل الحرير ناعم طري
وتتراقشي يا انت قمرات سبعتين تضوي العشي
وتتموجي الله حلالي
بلا القمح عند الدغش هبالو بدري كبنغري
ورقصت سنابلو اتمايلت وقت القماري الصفقت
نفضت جناحا وسابت العش والصغار
كايسي الرزق هي مبدري
ينساب نغيما الجابتو
ويحاكي مويتا في الجداول قاصدي راس الساقي فوق متحدري
تربال هناك بي كفو يغرف ويرتوي
شمر ضراعو زمن المحل ما اتراخي يوم بالحيل قوي
وحنن قديمو الحافي بالطين التري
عاين بعيد شافك هلال العيد يهل
بين التخا يا سمحي يا شهر الرخا
دابو الزمن جاد تاني بالافراح سخا
متخيـــــــــــــلك
شمش الشتي للمتلي تبقي دفو وغتي
وحبوبتي في التكيقة قاعدي هناك عد
ماسكي السعن وخاشي اللبن
وتقولي امسك يا جني
يا انتي يا كل المني
ندياني زي زهر البنفسج في البراسيم الصباح
نوارة من منقتنا ديك عم الجنينة اريجا فاح
تمر الكرش شارف قوام علي السما وبراحة بتلولي الرياح
غيما هرع وشال برقو عبادي وشلع
سكب الدمع من فوق عتامير اب حمد وبيوضة سواهن ترع
شدر السلم افنانو يا دوب خدرت
رم البرم والصيد رتع
متخيلك والنيل تحت بالفرحة طامح متسرف
موجاتو بي شوق السنين في لهفة قالدت الجرف
قري الشمال صمت اليالي وصوت سواقينا البكت
همس المحبين زاد جمال الكون جمال
بس يا سلام لوحات يمين ماب تتوصف
ما اصلو وصف الشي السمح دايما محال
متخيلك يا انتي متل البركل الرابض هناك هيبة وجلال
غابات من الابنوس وفي الشرق الحبيب بسمة رضيع
جوه الخيام الهادية حاضناها التلال
زغرودة من اخت العريس وكتين وقف في الدارة
لي شبالو شال حس الدليب والصفقة والطمبور اهازيج الفرح
المحلب الفاح والضريري تسيرو تبراهو لي بيت الحلال

ولد الطيب محمد سعيد العباسي عام 1929م بالجيلي شمال الخرطوم بحري، والده الشاعر الفذ محمد سعيد العباسي ، وجده محمد شريف كان أحد أساتذة محمد أحمد المهدي قائد الثورة المهدية.
بدأ تعليمه الأول بحفظ أجزاء من القرءان الكريم في خلوة عمه محي الدين ود أبو قرين بقرية الجيلي موطنه الأصلي ، درس المرحلة الثانوية في مدينة حلوان بمصر ثم منها التحق بكلية الحقوق بجامعة القاهرة وتخرج فيها عام 1953م ، التحق بالهيأة القضائية السودانية في العام 1955 وتدرج في مجال القضاء ،ووصل الي منصب قاضي المحكمة العليا في العام 1978 ، وعمل خلال هذه الفترة في محاكم العاصمة المثلثة و بورتسودان و الولاية الشمالية و ولايات غرب السودان و النيل الأبيض و مدينة حلفا الجديدة و ولايات جنوب السودان -سابقاً- ومدينة الأبيض وغيرها ثم تقلد منصب رئيس الجهاز القضائي
استقال من الهيئة القضائية سنة 1979 وعمل مستشاراً قانونياً للمجلس الاستشاري الوطني في امارة أبو ظبي بدولة الإمارات العربية المتحدة حتى العام 1996 . عاد بعدها إلى السودان حيث عمل محامياً
له ديوان شعر يسمي العباسيات .


من أشعاره
في مقاومة الاستعمار الإنجليزي ، عندما ألغت مصر معاهدة 1936 وتوابعها فأنشأ قصيدته (أخي في شمال الوادي) منها :
أخي يا ابن مصــرَ فتاةِ الكــفاحِ وأمِ الحضــارةِ بيـن الأمـمْ
إذا مـا طوتــكَ غـيــومُ الزمانِ طوتني دياجيــرٌها والظُـلَمْ
وإن سقــطَ الـدمـعُ من مـقلتيكَ بكيــت بقلبي دموعـاً ودمْ
وتـأسى روافـِدُ بـحــرِ الغــزال إذامـا بِدميــاطَ خطبٌ ألمْ
وأشهر قصائده التي كتبها في مصرية استفزته بقولها ياأسود فكانت رائعته التي اشتهر بها الطيب عبدالله
يا فتاتي ... ما للهَوى بَلَدُ كُلُّ قّلبٍ في الحُب يَبْتَـردُ
وأنَا مَا خُلِقتَ فـي وَطَـنٍ الهَوى في حِمَاهُ مُضطهَـدُ
فلـمَـاذا أرَاكِ ثَـائِــرةً وَعَلاَمَ السِّبَـابُ يضطـرِدُ
والفراءُ الثميـن منتفـضٌ كفؤادٍ يشقى بـه الجَسَـدُ
ألأنَّ السَّـوَاد يغْمُـرنـي ليس لي فيه يا فتـاةُ يـدُ
أغريبٌ؟ .. أن تعْلَمي فأنا لي دِيَارٌ فيحا ولـي بلـدُ
كَمْ تَغنيـتُ بَيـنَ أرْبُعِـه لِحبيبٍ فـي ثغـرِه رَغَـدُ
وَلكـمْ زَارنـي وطَوَّقنـي بذراعيـهِ فَاتـنٌ غَــرِدُ
أيَّ ذَنبِ جَنيـتُ فانْدَلَعـت ثورة مِنك خَانهـا الجَلَـدُ
أو ذنبي في قبلةٍ خطَـرت مَع نَسيـمٍ إليـك يَتئـدُ؟
خبريني ذات الفراء فقـد جَفَّ جناني وأحْدَبَ الرَّشَدُ
أيَمُّـر النُميـر بـي ألِقـاً وأنـا ظـامـئٌ ولا أرِدُ؟
أو غيري هـواكِ ينهبُـه وفؤادي لدَيْـكِ مُضطهـد؟
أليَّ الهَجْر والقِلـى أبـداً ولغيري الشفاهُ والجسَـدُ؟
لي كغيري يا زهرتي أمَـلٌ وفؤاد يهوى ولـي كَبِـدُ
لي بدنيايَ مثلمـا لهمـو لِي مَاضٍ وَحَاضِـرٌ وغَـدُ
فالوداعَ الـوداعَ قاتلتـي هَا أنا عن حِمـاكِ أبتعـدُ
سَوفَ تنأى خُطايَ عن بَلَدٍ حَجَرُ قلبُ حوائـه صَلِـدُ
وسَأطوي الجراحَ فِي كبدي غَائراتٍ مَـا لهـا عَـدَدُكان شاعر مشبوب العاطفة، مرهف الأحاسيس ، مترف المشاعر،
وافته المنية بمستشفى ساهرون بالخرطوم يوم 29 رمضان - 1429 الموافق 29/ 9/2008م رحمه الله رحمة واسعة

مادة توثيقية عن رائعة حسين بازرعة «حبي»

الفنان عثمان حسين أعطى الأغنية حقها في اللحن وحقق لشاعرها مشاعره الدفاقة

الطيب ميرغني شكاك

نشر في الوطن يوم 04 - 11 - 2012

الشاعر حسين بازرعة منذ أن كان زميلاً لنا في مدرسة الأحفاد الثانوية قبل انتقاله إلى مدرسة وادي سيدنا الثانوية كان أديباً ويعشق الشعر ولا زلت أذكر تعليق أستاذنا الكبير احمد عبد الله المغربي الذي كان يدرس اللغة العربية عندما قال إن هذا الشاب وهو يؤشر إلى زميلنا حسين بازرعة سيكون له شأن كبير في الشعر والأدب ، ولقد صدق قول أستاذنا المغربي لأن بازرعة وهو في مرحلة الثانوي في وادي سيدنا ظهر اسمه في الشعر الغنائي مع الفنان الكبير عثمان حسين ، وصار بعد ذلك علماً في رأسه نار في عالم الشعر الغنائي ويشار إليه بالبنان كلما جاء اسمه في المناسبات الفنية والشعرية والثقافية، من درره في الثقافة والشعر ما جاء في قصيدة (حبي) إذ قال وهو يقدمها:
أسطورة الحياة منذ الأزل.. منذ أن فجر الانسان أول نغم واسترفأ اول ضرم وأبدع أول حرف منذ أن كان الرمز وسيلة التعبير وكانت العبارة وشيجة لرمز ذلك هو الحب عصب الحياة ودافعها إلى النماء والتطور والخلق هو الحب سنة الطبيعة وباعثها إلى الإستقرار والسكينة.. هو الحب ظل الخالق في أرضه وروحه في كونه وتعاليمه بين الناس ولقد عشت كما عاش غير هذه التجربه عشتها بكل عرق ينبض في قلبي وكل خاطرة تدور بعقلي ، وكل عاطفة تصرخ في أعماقي لا أملك منها غير حفنة من ثقافة لم تنضج وحزمة من غرور لا تسمن وضمة من طموح لا تفيد.
ويستمر في قصته ليقول: (كان فضل المبادرة فيها إلى الطرف الآخر الذي لاحقني بإعجابه في رسائله وبشكواه عن مشاكله وبأشواقه في هداياه فقدر الله أن أقع في حبائله، ولقد أعجبني فيه فهمه للحب على وجهه الآخر ذلك الوجه الذي يعكس جمال بلادي في حسنه وفتون الطبيعة في ذوقه وسمرة النيل في لونه وإنطلاقة الأمل في محياه.
ومن ذلك المنطلق دخلت التجربة وأنا أكثر قدرة على فهم الحياة وأعمق ثقافة لإدراك الواقع وأصلب طاقة على احتمال العبء كل ذلك والخلصاء من أصحابي مشفقون والغرباء عني ساخرون مني ولكنني لم ألق بالا لاشفاق الخلصاء ولم أعبأ بسخرية الغرباء وكان ميلاد أغنية (حبي) ذلك الحب الذي ما زلت أعيشه وأنا أوفر قدرة على الخلق والإبداع وأعرض آمالاً في الحياة والعيش وأكثر ثقة في الناس والكون) وجاءت أغنية حبي التي أبدع فناننا الكبير صاحب النغم والموسيقى والمعايشة مع القصة الأستاذ عثمان حسين في لحن أعطي الأغنية حقها وحقق لشاعرها مشاعره الدفاقة في قصة حبه التي قال فيها:
عشقتك وقالوا لي عشقك حرام
يا مجدد نور عيوني يا مبدد نار شجوني
ليتهم عرفوا المحبة وعرفوا أسرار الغرام
عشقتك وقالوا ليه تعشق وأيامك ربيع
تقضي ليلاتك مسهد وابتساماتك دموع
وزاد حياتك يبقى غيره وتطفئ من عمرك شموع
وتنسى عشاق أغنياتك وتمسي أفراحك حطام
لم يكن حبي متاعاً لا ولا كان التياعا
أو لقاءً أو وداعاً
حبي نابع من بلادي من جمالها وانطلاقها
أودعت حسن حبيبي من صباها كل باقة
من صفاء الطيبة والكلمة الحبيبة والطلاقة
كل رعشة حرف فيها ترجمت سر العلاقة
يا عوازل كيف تكون الدنيا لو عز الغرام
وهكذا حكى صديقنا الشاعر المبدع حسين بازرعة قصة حبه وهكذا تغنى بها فناننا المبدع عثمان حسين فصارت إحدى درر الغناء السوداني.

حسبن با زرعة....ناداني غرامك
ناداني غرامك

ناداني غرمك ناداني
في ليالي البعد وحياني
يا شريكة روحي ووجداني

*****
ناداني غرامك يا دنيا
أملي وتغريدي و ألحاني
رددت صداها في غنية
من شجني وهمي وحرماني

****
هاجتني تعلاتي اللقيا
وحنيني الدافق أضناني
اشكيك لمين
أنا قلبي سجين
وهواك ضنين
زبلت في غيابك أزهاري
وبكت في رياضك أخياري
وخيالك لما ناداني
انت بالفرحة اشجاني
وشدى بجمالك قيثاري
****
وأبيت يسامرني الدن
يكتمني السر وأكتمه
يا سر حطامي
يا كأس مدامي
وعميق غيابي مأساتي
في دنياي هواي
وهواي في دنياك شظايا
ودعتي لياليا وامسي
وطفأتي أمانيا وشمسي
وبقيتي في أيامي رواية

القبلة السكرى

حسين بازرعة

غناء عثمان حسين

:::::::::

أتذكرى فى الدجى الساجى ... مدار حديثنا العذب
وفوق العشب نستلقى .. فنطوى صفحة الغـيب
وإذ مـالاح نجم سعد .. نرشف خمــرة الحب

اتذكرى عهد لقيــانا .. ويوم القبـلة السكـرى
وقبَّل ثقرى الظامى .. فقـد لا تنفــع الذكـرى
وترقد فى يدى كالطفل .. الثم ثغرك العطــرى

وقطرات الندى الرقراق .. تعلو هامــة الزهد
والحان الهزار الطلــق .. فـوق خمـائل النهر
ولما ينقضى اللــيل .. وينـعس ساقـى الخمر

يرف الضوء كالحلم .. يسكـب خـمـرة الفجـر
اتذكرى قبلتى والليل .. يـروى طلعــة البـدر
كيف اناملى الحيرى .. تداعب خصلة الشـعـر

وتنعس فى ظلال النور .. تحـكم بالهوى العذرى
اتذكرى عهد لقيـانا .. ويوم القبلـة الســكرى
وقبل ثغـرى الظامى .. فقد لا تنفـــع الذكرى

الوكر المهجور

حسين بازرعة

عثمان حسين

::::::::::::::

كانت لنا أيام في قلبي ذكراها
ما زلت أطراها
يا ليتنا عدنا .. أو عادت الأيام
******
إن أنسى ما أنسى
ذكراك يا سلمى
في وكرنا المهجور
والصمت قد عم
تحلو لنا الشكوى
والحب والنجوى
لن أنسى نجواكي
والهمسة والبسمة
وحرارة الأنفاس
في قبلتي لما
ضمتك يمنايا
يا سعد دنياي
وغفوتي في صدري
نشوانة بالأحلام
****
كيف أنسى أيامي
وفكرتي الكبرى
يا وحي إلهامي
أنا عمت بالذكرى
ذكرى لياليكي
في خدر واديكي
الليل أهواه
في شعرك الناعم
لكن تباعدنا
دهرا وما عدنا
للوكر يا سلمى
أو عادت الأيام
أو عادت الأيام

حبَّـــــى

كلمات : حسين بازرعه

غناء الفنان عثمان حسين

******************

عشقتك وقالوا عشقك حرام

يا مجدد نور عيونى يا مبدد نار شجونى

ليتهم عرفوا المحبة وعرفوا اسرار الغرام

عشقتك وقالوا لى تعشق وايامك ربيع

تقضى ليلاتك مسهد وابتساماتك دموع

وزاد حياتك يبقى غيره وتطفى من عمرك شموع

وتنسى عشاق اغنياتك وتمسى افراحك حطام

لم يكن حبى متاعا لا ولا كان التياعا

أو لقا او وداعا

حبى نابع من بلادى من جمالها وانطلاقها

أودعت حسن حبيبى من صباها كل باقة

من صفاء الطيبة والكلمة الحبيبة والطلاقة

كل رعشة حرف فيها ترجمت سر العلاقة

يا عوازل كيف تكون الدنيا لو عزَّ الغــرام

حسين بازرعة
شجن

شجــــــــن

لي متين يلازمك في هواك مر الشجن

و يطول بأيامك سهر ويطول عذاب

يا قلبي لو كانت محبته بي التمن

يكفيك هدرت عمر حرقت عليه شباب

لكن هواه أكبر وما كان ليه تمن

و الحسرة ما بتنفع وما بجدي العتاب

أحسن تخليه لليالي و للزمن

يمكن يحس ضميره و يهديه للصواب



لكني أخشى عليه من غدر الليالي

و أخشى الأماني تشيب وعشنا يبقى خالي

وهو لسه في نضارة حسنه في عمر الدوالي

ما حصل فارق عيوني لحظة أو بارح خيالي

أغفر له يا حنين و جاوز لو ظلم

ما أصلها الأيام مظالم والعمر غمضة ثواني

و أصبر علي جرحك وإن طال الألم



بي جراحنا بي أشواقنا بنضوي الزمان

أنا عارفو بكره بيعود في رعشة ندم

تنسى الحصل بيناتنا و السهر اللي كان

تصبح حياتنا نغم و عشنا يبتسم

و تعود مراكب ريدنا لي بر الأمان

حسين بازرعة
لاتسلني
لا تسل عنى ليالى حبيبـــــى لا تسل

لا تسلها فهى حلم عابر طاف بذهنى

لا تسلها كم تعانقنــا علــى رقة لحن


وقضينا الليــلة الاولـى حديثا وتمنى

لا تســل عنــى ليالــى فقد بتنا حطاما

كم حرقناها شعـــورا وامانى وغراما


وســـل الشاطى لما كنت القاك دواما

ونذيب الليل همسا وعناقـــا ومـــلاما

يا حبيبــى انت الهمت اغـانى وجرسى


انت فى وحشة ايامى ندى اورق انسى

انت فى عمــرى ربيعا دافئا يملا نفسى

افلا عدت وعادت قصة الحب كأمسى

ﺭﺍﻳﻚ ﺷﻨﻮ؟ﺍﺳﻜﻦ ﺑﺮﺍﻱ ﻓﻲ ﺣﺘﻪ ﺟﻮﺍﻙ ﺣﻘﺘﻲ ! ﻭﺍﻋﻠﻦ
ﻋﻠﻴﻚ ﻣﻤﻨﻮﻉ ﺩﺧﻮﻝ ﺯﻭﻝ ﻏﺮﻳﺐ ﻓﻲ ﻣﺮﻗﺘﻲ ﻭﺍﻋﻠﻦ ﻋﻠﻴﻚ
ﺣﺎﻟﻪ ﺣﺼﺎﺭ ﻭﺍﻗﻴﻒ ﺣﺮﺱ ﻓﻲ ﺣﺘﺘﻲ ﻭﺍﻏﻨﻲ ﻟﻴﻚ ﺑﺤﺒﻚ
ﻛﺘﻴﺮ ﻳﺎ ﺍﻏﻠﻲ ﺯﻭﻝ ﻓﻲ ﺩﻧﻴﺘﻲ ..
.

ﻋﻼﺀ ﺍﻟﺪﻳﻦ ﻋﺒﺪ ﺍﻟﺮﺣﻴﻢ صاحب قصيدة " ﻋﺎﻓﻲ ﻣﻨﻚ ﻭﺭﺍﺿﻲ ﻋﻨﻚ ﺳﻮ ﺭﺿﺎﻳﺎ "
ﺍﺗﺼﻞ ﻋﻠﻰ ﻭﺍﻟﺪﻩ ﺑﺎﻟﺸﻤﺎﻟﻴﻪ ﻓﻘﺎﻝ ﻟﻪ ﺍﻟﻮﺍﻟﺪ ﻣﻌﺎﺗﺒﺎً ﻟﻤﺎﺫﺍ ﻳﺎ ﻋﻼﺀ ﻟﻢ ﺗﻜﺘﺐ ﻓﻲ ﻛﻤﺎ ﻛﺘﺒﺖ ﻓﻲ ﺃﻣﻚ .. ﻓﻔﺎﺿﺖ ﺩﻣﻮﻉ ﺍﻟﺸﺎﻋﺮ ﻭﻛﺘﺐ :

ﻋﺸﺎﻧﻚ ﻳﺎﺑﺎ ﺳﺒﺖ ﺑﻼﺩﻱ ﻭﺍﺗﻐﺮﺏ
ﻭﺍﺗﺤﻤﻝ ﻣﺂﺳﻲ ﺍﻟﻐﺮﺑﻪ ﺷﺎﻥ ﻳﺎﻳﺎﺑﺎ ﻣﺎ ﺗﺘﻌﺐ
ﻗﻠﺖ أﺷﻴﻞ ﻣﻌﺎﻙ ﺍﻟﻬﻢّ ﺍﻗﺎﺳﻤﻚ ﻓﻲ ﺍﻟﺘﻌﺐ ﻭﺍﺗﻌﺐ
ﻭﻋﺸﺎﻧﻚ ﻳﺎﺑﺎ ﻟﻮ ﺗﺮﺗﺎﺡ ﺃﻗﺎﺳﻲ ﻭﺍﻋﺎﻧﻲ ﻭﺍﺗﻌﺬﺏ
ﻻ ﺗﺸﻴﻞ ﻟﻲّ ﻫﻢّ ﻳﺎﻳﺎﺑﺎ ﻋﺎﺭﻓﻮ ﻗﻠﻴﺒﻚ ﺃﻧﺖ ﻛﻌﺐ ..
ﺳﻌﻴﺪ ﺃﻧﺎ ﻓﻲ ﺍﻟﻌﺬﺍﺏ ﺍﻟﺒﻲ ﻣﺎ ﺩﺍﻡ ﺍﻟﻔﺮﺝ ﻗﺮﺏ
ﻣﻬﻤﺎ ﺷﻘﻴﺖ ﺃﻧﺎ ﻭﻋﺎﻧﻴﺖ ﻭﺍﺗﺤﻤﻠﺖ ﻫﻮﻝ ﻭﺻﻌﺐ
ﻣﻘﺎﺑﻞ ﺑﺴﻤﻪ ﻣﻨﻚ ﻳﺎﺑﺎ ﺍﺭﺗﺎﺡ ﻭﺍﻧﺒﺴﻂ ﻭﺍﻃﺮﺏ
ﻣﻨﻮ ﺍﻟﺰﺭﻉ ﺍﻟﻔﻀﺎﻳﻞ ﻓﻴﻨﺎ ﻟﻲ ﺃﺧﻼﻗﻨﺎ ﻣﻴﻦ ﻫﺬﺏ
ﻣﻨﻮ ﺍﻟﻮﺭﺍﻧﺎ ﻗﻴﻡ ﺍﻟﺮﻳﺪ ﻭﻳﻮﻡ ﻣﺎ ﺷﺎﻝ ﻋﺼﺎﺗﻮ ﺿﺮﺏ
ﻣﻨﻮ ﺍﻟﻔﺮّﺵ ﺩﺭﻭﺑﻨﺎ ﻭﺭﻭﺩ ﻭﻟﻲ ﻛﻞ ﺍﻟﺒﻌﻴﺪ ﻗﺮﺏ
ﻣﻨﻮ ﺍﻟﻔﻬﻤﻨﺎ ﻣﻌﻨﻰ ﺍﻟﺠﻮﺩ ﻭﻳﻮﻡ ﻣﺎ ﺭﺩّ ﻟﻴﻨﺎ ﻃﻠﺐ
ﻏﻠﺒﻨﻲ ﺃﺭﺩ ﺟﻤﺎﻳﻠﻚ ﻟﻲ ﻭﻟﻤﻪ ﺧﻼﺹ ﻏﻠﺒﺖ ﻛﺘﺐ
ﻗﺼﻴﺪﻩ ﺗﻮﺿﺢ ﺍﻟﻤﻜﻨﻮﻥ ﻋﺴﺎﻫﺎ ﺗﻜﻮﻥ ﺷﻮﻳﻪ اﻧﺴﺐ
ﻛﻴﻔﻦ ﺃﺣﻞ ﺩﻳﻮﻥ ﻣﺮﺩﻭﻣﻪ ﻣﻨﻚ ﻓﻮﻗﻲ ﺑﺎﻷﺭﺩﺏ ...
ﺻﻌﺐ ﺻﻨﻊ ﺍﻟﺠﻤﻴﻞ ﻟﻜﻦ ﻟﻘﻴﺖ ﺣﻔﻆ ﺍﻟﺠﻤﻴﻞ ﺃﺻﻌﺐ
ﻭﺟﻮﺩﻙ ﺑﻴﻨﺎ ﻧﻌﻤﻪ ﻭﺧﻴﺮ ﻣﺪﻓﻖ ﻭﺍﻟﻠﻪ ﻟﻴﻨﺎ ﻭﻫﺐ
ﻛﻠﻤﺎ ﺗﻌﻔﻮ ﺧﻴﺮﻱ ﻳﺰﻳﺪ ﻭﻛﻞ ﻣﺎ ﺗﺮﺿﻰ ﺍﻓﻮﺯ ﻭﺍﻛﺴﺐ
ﻋﻔﻮﻙ ﻳﺎﻳﺎﺑﺎ ﺭﻱ ﻋﻄﺸﺎﻥ ﻋﻔﻮﻙ ﺃﻧﺎ ﻣﻨﻮ ﺩﺍﻳﺮ ﺍﺷﺮﺏ
ﻋﻔﻮﻙ ﻳﺎ ﻳﺎﺑﺎ ﻛﻞ ﻣﺎ ﻳﺰﻳﺪ ﺑﺮﺿﻲ ﺃﻧﺎ ﻓﻲ ﺍﻟﺰﻳﺎﺩﻩ ﺍﺭﻏﺐ
ﻋﻔﻮﻙ ﻟﻲ ﺯﻱ ﺻﺒﺎﺡ ﺍﻟﻌﻴﺪ ﺑﺮﺟﺎ ﻫﻼﻟﻮ ﻭﺍﺗﺮﻏﺐ
ﻋﻔﻮﻙ ﻣﻄﺮ ﺍﻟﺪﺭﺕ ﻳﺮﻭﻳﻨﺎ ﻳﺸﺒﻊ ﻟﻠﻘﻠﻴﺐ ﺍﻟﺼﺐ
ﻋﻔﻮﻙ ﻳﺎ ﻳﺎﺑﺎ ﺩﻓﻘﺔ ﺧﻴﺮ ﺗﺨﺪﺭ ﻓﻲ ﻧﻔﻮﺳﻨﺎ ﺟﺪﺏ
ﻣﻌﻴﻦ ﺭﻳﺪﻙ ﻋﻴﻮﻥ ﺗﻮﺗﻴﻞ ﻻ ﺑﻴﺠﻒ ﻭﻻ ﺑﻴﻨﻀﺐ
ﺍﻧﺪﺍﺡ ﻃفى ﻧﺎﺭ ﺍﻟﺒﻴﻦ ﻭﻓﻮﻕ ﺟﻤﺮ ﺍﻏﺘﺮﺍﺑﻨﺎ ﺳﻜﺐ
ﺭﺿﺎﻙ ﻓﻲ ﺍﻟﺪﻧﻴﺎ ﻧﻮﺭ ﻭﺳﺮﻭﺭ ﻭﺭﺍﺣﺔ ﺑﺎﻝ ﻏﻨﺎ ﻭﻣﻜﺴﺐ
ﻣﻔﺘﺎﺡ ﻟﻲ ﺩﺧﻮﻝ ﺍﻟﺠﻨﻪ ﻣﻐﻼﻕ ﻟﻲ ﺳﻌﻴﺮ ﻭﻟﻬﺐ
ﺷﻮﻕ ﻭﺗﺤﻴﻪ ﻟﻴﻚ ﻳﺎ ﺑﻮﻱ ﻗﺪﺭ ﻣﺎ ﺍﻟﻬﻤﺒﺮﻳﺐ ﻫﺒﻬﺐ
ﻗﺪﺭ ﻣﺎ ﺍﻳﻨﻌﺖ ﺃﺷﺠﺎﺭ ﻭﺷﺎﻟﺖ ﻣﻮﺯ ﻭﺗﻴﻦ ﻭﻋﻨﺐ
ﻗﺪﺭ ﻣﺎ ﺷﺎﻝ ﻧﺨﻴﻠﻨﺎ ﺳﺒﻴﻂ ﻭﻫﺪّﻝ ﺑﻲ ﺟﺮﻳﺪﻭ ﺭﻃﺐ
ﻗﺪﺭ ﻧﺠﻢ ﺍﻟﺴﻤﺎ ﺍﻟﻀﻮّﺍﻱ ﻗﺪﺭ ﻣﺎ ﻳﺴﻄﻊ ﺍﻟﻜﻮﻛﺐ
ﻗﺪﺭ ﻣﺎ ﻣﻮﺟﻪ ﻃﺎﻟﺖ ﻗﻴﻒ ﻗﺪﺭ ﻣﺎ ﻧﻴﻠﻨﺎ ﻓﺎﺽ ﺗﺴﺐ
ﻗﺪﺭ ﻣﺎ ﺍﺳﺒﺢ ﺍﻟﺨﺎﻟﻖ ﻗﺪﺭ ﻣﺎ ﺍﺗﺮﺩﺩﺕ ﻳﺎ ﺭﺏ

···························

اللهم اغفر لوالدينا وأعنا على برهم أحياء وأمواتا .. واجمعنا بهم في دار كرامتك🌹🌹

شوف العين قالت دا لا لا
(( الشاعر صالح عبد السيد ( ابو صلاح ) ))

شوف العين قالت ده لا لا
صدت من تيها ودلالا
ريدتك ساكنة الجوف خلالا
و الاعضاء امتزجت خلالا
براق سنك شق لالا
وسهمك صاب احشاي قلالا
اسباب الغي و العلالا
ضمرتها والخصر العلالا
نور في نور ياذا الجلالا
وخدانا بالمعه انجلال
في الترنيع ماليك مثالا
علمتي الغصن الرتالا
شوفتك كم عاشق اتالا
يانسام اوصف جمالا
والقامة السيرك امالا
اوصف لي اسباب كمالا
وقول لي ام خد هجراني مالا
النسام شال الرسالة
وفي التوضيح روق رسالا
ذكرني الرطب العسالا
وهاج الشوق والدمعة سالا

تم دورو واتدور : -

نظمت في زواج محمد عثمان منصور ( ابن عمدة الخرطوم - الخليفة / عثمان منصور شاعر أغنية بغرامك تنفيذ مرامك ) سنة 1928وهو صديق لخليل فرح وشقيق الشاعر حسين عثمان منصور وأول من تغنى بهذه القصيدة هو كرومه وقد ذكر الشاعر محمد على عبدالله الامى إن خليل فرح أعطى الأغنية لكرومه فقرأها وسأله خليل إن كان يعرف لحنها فأجاب بالنفي فقال خليل إنها تجئ على نهج الأغنية الشعبية

الزين حننو فوقك السيادة
سيروه مرق كيه للنداده
الله يتم ليه

فصاغها كرومه بنفس اللحن ولم يسجل كرومه الأغنية وإنما سجلها الفنان إبراهيم عبد الجليل في بداية الثلاثينات كما سجلها للإذاعة الفنان رحمة الله الشيخ والفنان عبدالرحيم الأمين وسجلها بالموسيقى الفنان عبدالعزيز محمد داود والفنان عبدالكريم الكابلى كما تغنى بها الفنان مبارك حسن بركات والفنان بادي محمد الطيب .
وهذه القصيدة تختلف عن بقية قصائد الاخوانيات التى نظمها حتى اضحت تنسب للقصائد الوطنية فالاستاذ مرتضي الغالي يري أن خليل تناول في هذه القصيدة الاشكال الاساسي في جمعية الاتحاد السوداني والتساؤل حول نضوج النضال والخروج به الى الشارع اما انه يحتاج الي بعض الوقت فكان رد خليل في هذه القصيدة بأن جمعية الاتحاد ادت دورها ويجب أن تتحول الي حركة ثورية

تم دور وادور
عمّ نورو شال
فات الحلة نوّر
زي بدر التمام
واحدين قالوا نوّر
واحدين قالوا دوب مروي ما بتنوّر
زي بدر التمام
مين يقوم يتهور
يبري القيف هناك
تحتو الدابي كوّر
زي بدر التمام
مواصلة لتم دورو واتدور : -

بينما يروي عبدالمطلب احمد عبدالمطلب ( حدباي ) صديق ونديم الخليل بأن ( ود حاجي ) وشلته التابعين للاستخبارات البريطانية وهؤلاء دوماً كانوا يترصدون خليل فرح ومصطفى بطران ويسعون لاستفزازهم وفي زواج محمد عثمان منصور تجمع ( حاجي وشلته ) وتلفظوا بكلمات إستفزازية فغضب خليل فرح وذهب أمام وزارة الداخلية علي شاطي النيل وشحن قصيدته بالفخر
مين يقوم يتهور
يبري القيف هناك
تحتو الدابي كوّر

والدابي كور اشارة لقصر الحاكم العام ويواصل الخليل الفخر والعزة بالنفس

الحسود يتضور نارو ماكله لسانو كلو زور في مزور
الطريق الحور دمي مابروح سيدو ليش يتجور
يا نديم ازاي جرحي المخفي غور

ويبدو لي ان رواية حدباي هي الاقرب للحقيقة لقرب حدباي من الخليل ولتسلسل القصيدة واختلافها عن اخوانيات خليل

نحن ما بنطفر
ما بنهاب سيفو
الا ما بنتزفر
قولوا للبتنفر
ما شالن قناع
المعاك تتوفر
يا قليب اتجبر
قوم وريني كيف
الكرام تتصبر
مواصلة لتم دورو واتدور : -

ومن الواضح أن الغضب استبد بالخليل ويتضح ذلك بجلاء في القصيدة التى نظمها حدباي في هذه المناسبة ( زهر الرياض بغصونو ماح ) لانه يخاطب الخليل
من قالوا أو قلنا سيب
اسمعني من حالي النسيب
ذكرني آرام الكثيب
الليهن الجيب والكسيب

فيتجاوب الخليل مع صديقه فيعود الي وصف الحفل في بعد أن افرغ غضبه فيخاطب ( حدباي )

يا زميل اتشطر
شن بتشوف حداك
الا الحور مبطر
الشعر مخمر يرشح كلو ند
عردب المجمر
قام محمد بشر
هز فوق تيجانن
سل سيفو وكشر
قول معاي واتفشر
نحن سياج عروضن
نحن يوم المحشر

هنا يذكر الخليل اسم ( العريس ) ويواصل الفخر ( قول معاي واتفشر نحن سياج عروضن نحن يوم المحشر )
تَمَّ دُوْرو واتدْوَّرْ

تمّ دورو واتدور
عَمَّ نـور شالْ
فات الحلة نوّر
زى بدر التمام
واحدين قالوا نور
واحدين قالوا دوب مروى ما بتنوِّر
مينْ يقـوم يتهور
يبرى القيف هناك تحته الدابى كوَّر
قالوا الكون اتطوَّر
لا عاشق عفيـف لا جميل اتصـوَّر
الحسود يتضـوَّر
ناره ماكله لسانه كُلُّه زورْ ومـزورْ
الطـريف الحَـوَّر
دمى ما بــروح سيده ليش بتجور
هز شوقى نــور
يـا نديم اذاى جرحي المخفي غوَّر
ياقليب اتجبـــر
قومي وريني كيف الكــرام تتصبـر
نحن مـا بنغيــر
النفوس ان حبت تستحـى تتكبــر
ماك خبير اتخبـر
فى الزمان الفات والجديد إدَّبـَــرْ
اوعى لا تتشبــر
هل رأيت لك عاشق بالغرام يَتْنَبـّرْ
نحن ما بنطفــر
ما بنهاب سفيه إلاَّ مـا بنتزفر
قولوا لى لبِتنفــر
ما شالن قناع المعـاك تتـوفر
يا زمـيل اتشطر
شن بتشوف حداك إلاَّ الحور مبطر
يبقى يومنا مطر مالُهْ الكون دهين
والفريق معطر
النحر مغمـر
والسبـاته حـارة والمجال مضمر
الشعر مخمـر
يرشح كل نـد عردب المَجمَّر
قام محمد بشَّر
هزَّ فوق تيجانن سلَّ سيفه وكشـَّر
قول معاى واتفشر
نحن سياج عروضن ونحن يوم المحشر
يا حسن اتذكر
طيب ليلتنـا ديك والصباح السكـر
المدام ما اتنكر
لا من ديكنا صاح فوق رؤوسنا اتحكر
كل شيء مفسر
ما فى شئ غريب والعسير ميســـر
ما فى عين تتحسر
دام عريسنا دام
والحسود اتحسـر

عندي فكرة- محمود الجيلي صلاح الدين

عندي فكرة ..
أوزع إسمك للمساكين..
و أهدي ليهم بسمتك..
و يبدو يرسموا بيكي بكرة
عندي فكرة ..
أشيل عيونك للمزارعين
و تبقي ليهم ضي و بزرة
عندي فكرة
أشيل كلامك للتلاميذ و المدارس و الحجى
و للبتاوقو على المطارات..
يوم يقولوا الغالي جا
عندي فكرة أشيل أناملك
و تبقى نور المسرجة
عندي فكرة
أدس ملامحك جوّه..
في القمرة المسيخة و في النجوم
علشان أونس بيك فريقنا..
يوم يجافي عيونو نوم
عندي فكرة
أشيل خطاكي.. للدروب الما بتودي
و تبقى لافتة ريدة حلوة..
ترشد التايهين و تهدي
و تبقي رمز الدنيا ليهم
و تبقي كل الدنيا عندي

عندي فكرة- محمود الجيلي صلاح الدين

عندي فكرة ..
أوزع إسمك للمساكين..
و أهدي ليهم بسمتك..
و يبدو يرسموا بيكي بكرة
عندي فكرة ..
أشيل عيونك للمزارعين
و تبقي ليهم ضي و بزرة
عندي فكرة
أشيل كلامك للتلاميذ و المدارس و الحجى
و للبتاوقو على المطارات..
يوم يقولوا الغالي جا
عندي فكرة أشيل أناملك
و تبقى نور المسرجة
عندي فكرة
أدس ملامحك جوّه..
في القمرة المسيخة و في النجوم
علشان أونس بيك فريقنا..
يوم يجافي عيونو نوم
عندي فكرة
أشيل خطاكي.. للدروب الما بتودي
و تبقى لافتة ريدة حلوة..
ترشد التايهين و تهدي
و تبقي رمز الدنيا ليهم
و تبقي كل الدنيا عندي

وجودك منيه في الخاطر
ملامحك لوحه في الإحساس...

بشيلك جوه في عيوني
وأدســــك من عيون الــــناس...

وحـات عيــــنيك يا ســـيدي
بريــدك ريـــــده مختلفــــه...

محــكر في دواخلي بــراك...
حقيقه أكيـــده ما صــــدفـه...

شراع إحساسك المرهــف
ســــواحل ريدي والضــــفه...

قطــعت معاك عــــهد الريـــــد
دوام العشـــره والإلفـــــه...

صرخ صمتي ونطق اسمك
محال لي غيره تاني يبــوح...

وهبـــت حياتي لي حبك
معاك يا غــالي وين ما تــروح...

عسل عينيك بطمـــــني
ويداوي الـــخاطر الـــمجــــروح...

حنـانك زادي في الـــــدنيا
ومــــكانك أسمى من الروح

عيــــونك فيها ســـــر الريد
بفتــش فيه لي سنين...

تكسر لي حواجــز الخوف
عيون مليانه شوق وحنــين...

خلاص اخترتك انــــت حبيب
أفــــوت منك وأقــــبل وين...

أشيل همــــك تقاسمني
نعيـــــش أيامـــــنا متحابين.

يا زول بريدو- ريم الرفاعي

يا زول بريدو ودنيتو مليانة هم ومطينة
يلقاها ببسمة الصباح رغم العذابات والضنا
لاقيتو في درب الشقا و درستو قهر المسكنة
وقعنا ميثاق الوضوح.. و إنو التفاؤل نهجنا
لازم نفتش للفرح.. الفرحة حق و من حقنا
عيشا انفجارات الشمس و اديهو للقمر السنا
خليني بينك وبين إناك ما يفرزوا انك من انا
زي ما روحي ما دايما معاك خليني روح الأمكنة
ايدك معاي لا بننهزم.. لا الخوف يزلزل أمننا
الريدة ما بتعرف محال.. والعشق ميلاد للهناء

أنا و الأشواق- وئام كمال الدين

أنا والأشواق والريد والبين
واللهفة الدايما ماليانا
في حضرة طيفك متلمين
مرات إحساسك بغشانا

فتحنا جروحنا و كل ما تبين
الذكرى الدايما لامانا
نعزما تتفضل مبتسمين
وحبابا بتسعد نجوانا

أها لامن مر علينا حنين
وعزمناهو القعدة معانا
كل ما يشرح كيف مشتاقين
أشواقك تضحك غامرانا

وبدينا الونسة خشم خشمين
قام دق النوم بابنا وجانا
دخل طيفك جوة العينين
إتخيل خلانا برانا !!!

و أنا عشت معاك في حلمي سنين
وبنيت في الأحلام دنيانا
والشوق والحن والكل عارفين
بي حال الريدة الظالمانا ....

لو مرة تفكر إنو تلين
وتراضي رؤانا العشمانة
حنكون وحياتك ممتنين
يا ريت تتكرم وتطرانا

بلادي اهلاً- اسماعيل حسن

بلادي اهلاً يا بلادي
الف تحية ليكي من الفؤادِ
بلادي اهلاً .. يا بلادي
صدورنا حماية ليكي من الاعادي
بلادي أنا بلاد ناساً في اول شي
موارثيم..كتاب الله
وخيل مشدود .. وسيف مسنون حداهو درع
تقاقيبن تسرج الليل مع الحيران
وشيخاً في الخلاوي ورع
وكم نخلات تهبهب فوق جروفا الساب
وبقرة حلوبة تتضرّع وليها ضرع
وساقيةً تصحي الليل مع الفجراوي
يبكي الليل ويدلق في جداولو دمع
يخدر في بلادي سلام ..
خدرةً شاربة موية النيل تزغرد في البوادي زرع
بلادي سهول بلادي حقول
بلادي الجنة للشافوها او للبرة بيها سمع
بلاد ناساً تكرم الضيف
وحتى الطير يجيها جعان...
ومن اطراف تقيها شبع
بلادي أنا
تشيل الناس.. كل الناس
وساع بي خيرو لينا يسع
وتتدفق مياه النيل على الوديان
بياض الفضة في وهج الهجير بيشع
بلادي بلاد الصفقة والطمبور
وداراتاً تنح بالليل
وبنوتاَ تحاكي الخيل
يشابن زي جدّي الريل
وشبالن مكنتل في طريفو ودع
بلادي بلاد من التاريخ
من ترهاقا لاعند ميسنا ...
عاد ترجاك خيل ودروع
بلادي أمان.. بلدي حنان وناسا حُنان
يكفكفوا دمعة المفجوع
يحبو الدار.. يموتو عشان حقوق الجار
يخوضو النار شان فد دمعة
وكيف الحالة لو شافوها سايلة دموع ؟!
ديل اهلي .. ديل اهلي ..
يبدّوا الغير على زاتهم
يقسموا اللقمة بيناتهم
ويدّوا الزاد حتى ان كان مصيرهم جوع
ديل اهلي .. ديل اهلي ..
ديل اهلي .. البقيف في الدارة
وسط الدارة واتنبر
وأقول لي الدنيا كل الدنيا
ديل أهلي
عرب ممزوجة بي دم الزنوج الحارة
ديل اهلي
ديل قبيلتي لما ادور افصل للبدور فصلي
اصحاب روحي والاحساس
و اسافر في بحار شوقهم زمان عقلي
أقول بعضي ...
ألاقيهم تسرّبوا في مسارب الروح
بقوا كُلي .. ديل اهلي
محل قبلت القاهم ..
معايا .. معايا زي ضلي
كان ما جيت من زي ديل..
وآسفاي وآماساتي وآآآآآآآذلي
تصور كيف يكون الحال..
لو ما كنت سوداني
واهل الحارة ما اهلي ؟؟