حنيني إليك/ السر قدور

حنينى اليك.. وليل الغربة اضناني
وطيف ذكراك بدمع القلب بكاني..
وأقول يا ريت زمانى الفات يعود تانى..
القاك يا حبيب عمرى.. وتلقاني
القاك يا وحيد عمرى.. وتلقاني
تلقى الريد معايا..
لحظة ما نسيتك.. ولا نسانى
وما بنساك.. وما بقدر..
ولا عايز بعد حبك احب تانى
حنيني اليك ....
بهرب من خيال طيفك فى عيني بلاقيهو
و اعيش ايامى بالذكرى..
ألم افراح اعيش بيهو
متين الليل يصافينى!!
ونعود تانى من تانى
و ألقاك يا وحيد عمرى.. وتلقانى
تلقى الريد معايا..
لحظة ما نسيتك.. ولا نسانى..
وما بنساك.. وما بقدر..
ولا عايز بعد حبك احب تاني
حنيني إليك

مزيكة الحواري/ محمد المهدي عبدالوهاب

مانى غرقان فى التمنى
ولانى سارح بالأمانى
زارنى خاطراً... بلّ شوقى ..وإحتوانى
النخل إتلاقى .. غنى
وردد النيل الأغانى
النجوم لامع بريقا
الورود النايمة .. فاقت
عطرت كل الجزاير بى رحيقا
الندى الراقد بفوقا
صفّقت جنحاتو غنت .. لى هوايا

دقوا مزيكة الحوارى
رقصوا البنوت .. أعرضوا
النخل زايد فى عرضو .. وفى علاهو
البيوت غرقت وراهو
وبرضو زايد فى علاهو
يحكى للدنيا الجميلة
سر عظمتو .. وسر بهاهو

ضى عيونك يا بنية
يضوى من بلداً بعيدة
تحملك لينا الغمامة
ويكتمل للروح .. نشيدا
وفى الدروب اللّيك تودى
بنسرج الخيل العنيدة
والحزن من نور عيونك
يلبس الفرحة الجديدة

وأنا راكب يامراكب
لا الرياح توقف خطايا
لا الجبال .. تحجب رؤايا
ست شموس الكون .. منايا
ليك مسافر
ومن كتير الزاد .. مسافر بى غناي
نوصل الشمس البعيدة..
نبقى عيدا
نزرع الحب البيوقد.... للنهاية

لحظك الجراح/ صالح عبدالسيد (ابوصلاح)

لحظك الجرّاح
أذاي فيه.. وفيه الطرب والراح
مناي يا زهرة الأفراح

للقلوب شرّاح..
مبتعد شيء عجيب..
مسجون.. وعندو سَرَاح
بيّ ضاق الكون لا أجدلو بَرَاح
منّي فارق.. وشال نوم عيوني.. ورَاح

عمري أضحى مُبَاح..
وفي الغرام لا أقصد غير لقاك أرباح
سِرِّي ليك يُباح..
مع الظلام تتبسم.. وليلي يبقى صباح

جيش غرامك زَاح..
هَـدَّ حِصن المُهجة ولي دِمَاي نَزَّاح
وعقلي كاد ينزاح
وقُلّي هجرك جَـدْ يا جافي.. ولاّ مِـزاح

ليك مُحَي وضَّاح ..
وليك جبين بي نور ماء الحياءْ نَضّاح
والدمع فضَّاح..
وبي سِـرْ هواي البَيْ تعلمبو دون إيضَاح

تِعبَت الأصْفَاح..
وطرفي جافى النوم من طِيب عبيرو الفاح
من جفونو صِفَاح..
في مِبيسمو عقد الدُر ..,في صدرو جوز تفاح

لهيب الشوق/ ابراهيم محمد ابراهيم

زاد بي لهيب الشوق.. و ماعارف أحوالا
الحلوه ست الناس يا ريتني في بالا

مزروعة في جواي.. وأنا زدت في شوقا
محروسة بي ياسين.. وقلبي معشوقا
زي نفحة الياسمين سمحة.. وسمح ذوقا

نار الغرام في الجوف زاد اللهيب الشوق
الحلوة ست الناس صاحبة معالي وذوق
زي قمرة في دورين.. أصلو الجميل معشوق

ليها الحنين دفاق.. وقلوبنا مشتاقة..
كاتلانا بي ريدا.. ونحن عشاقا..
السمحة ست الناس حارقانا أشواقا

عارف الوجع فى الجوف شديد
عارفك كمان ما بتقدرى اصبرى .. اصبرى
جاهلك شكى وجاهلك بكى
وفى بيتك المرق اتكى
والشيء البحير وما بحير
مابيه يا حاجة الزكاة ...
طلع الصباح لو ليك مراد
يا حاجة ما تطلع شمس
والليلة عندك زى أمس
لسه الرويدى مع الصباح
من مدة ماجاب ليك خبر
كان جوفو زى جوف العيال
من مدة داير ليه حجر
والله على الزمن الحجر
المابى بالصبر اتكرى
سرحتى فى هموم العيال
كيفن يعملوا مع الدروس
وسرحتى فى حق الفطور
باقى الامور البى القروش
واحد زمن داير ردا
واحد خلاص قلموا اتكسر
زى التقول أكلوا الصبر
يا حاجة آمنة اصبرى
مشيتى لى برج الحمام
برجك صفحتين ما بزيد
ومشيتى لى برج الحمام
كان تلقى ليك جوزاً جديد
يمكن بعد طلع الصباح
يغشاكى زولاً يشترى
هبشتى جاى فتشتى جاى
كان تلقى سكر بس محال
باقى الرطيل الفى الكرت
يا حاجة سفوهوا العيال
يا حليل زمان وسنين زمان
يا حاجة لو تذكرى ...
يم هوسمعتى صوت جاك من بعيد
وبعد قليل بابك ضرب
وسمعتى صوت جاك من بعيد
شالك تعب ... ختاك تعب
يا حاجة ناس المويه جوك
أصلو الشهر روح جرى
يا حاجة آمنة اصبرى
بعد صراع وصراع طويل
يا حاجة بينك والمحال
ما لقيتى فى داك النهار
شيتاً ويجو ياكلوا العيال
حبة عدس ما بسوى شيئ
وينو البصل وينو اللحم
حبة عجين ما بسوى شيئ
وينو الدقيق وينو الفحم
من جاى لجاى
هبشتى جاى فتشتى جاى
كان تلقى شيئ
لازمك كتير شان تقدرى
لازمك كتير اتقدرى ....
.

ست اللهيج السكري

ست اللهيج السكري
إنتي الجمال بتسكري
وجوه القلوب بتعسكري
صاحب الصبابة توكري
وليك بي رحالو تكركري
طاش نومي ياناس بنكري
ونام الحسود بالدكري
ببراءة تصطادي البريء
وترديه وإن سألوك بري
هيابة تهري الجوف هري
وفي قلوبنا إسمك تمهري
أمشي الهوينا اتمهلي
وهزي القوام السمهري
خلي العزول اتجاهلي
وهاك قلبي ليك تستاهلي
يا الرايقة حامد وتشكري
وفي الجبرة ما بتتشكري
كدا مرة أرسي وفكري
وإخلاصنا ليك ما تنكري
يالفقتي كل تصوري
وكيف حالي ما بتتصوري
المتلي لو كان بنطري
ما بس سطر بتسطري

حـيـاتـنـا إخـتـرتَ غـيـره

كلمات : حسن الزبير
ألحان : الطيب مدثر
غناء : الطيب مدثر

لـيــه حـيـاتـنـَـا إخـتـــــرتَ غـيــره
فـيـهــــا أحــلامـنــَــا وكـــلامـنــَــا
فـيـهــــا حــاجــاتـنــَا الـصَّـغِـيـــره
كـيــف تـَغـَـطـِّى الصـــوره صــوره
وريــدنـــا داك ......... يـاسِــيــدِى
كُـلـو يـبـقــَى ماضِـيـك بـالضَّـروره
******
إيــه لِـقـيـــــتْ فـيـهـــو الجــديـــد
ريــدتـــو مِــن حــاجــــات بـقــولا
أو لـيـــــــكْ قـــــــرَّب أمـــــــــانـى
بــيــنــَّـا مــا قــــــــادر تـطــــــولا
هـــل قـِــــدِر يـكـْسِــــر غـــــرورك
هـــل هـو فـى الأحــــلام بــِــزورك
هـــل هـو بـالجـَّــــــد بـيـعـــــــرف
لـعـبـــــة الــريــــــده وأصــــــــولا
******
هـــل صـحـيـح راقـِـى ومُـهَـنـْــــدَم
هـــل بـِـبـَـكـِّـى الـريــــد عـيــونـــو
هـــل عـِـرفـتــــو ومـابــِـتــنـــــــدم
فـى الـلـيــالـى الـقـــاسِـى طــــــولا
******
ألـــف مـبـــــــروك يـامـخـيــَّـــــــر
إنـــتَ بــتــبــيـــــع الـمـشـــــاعــر
الـبـصـَــــــــــر دون الـبـصـــــائــر
والأصـِــــــل مـابـبـقـــى صـــــوره

صياد النجوم

صياد النجوم
ياقلبي يا حليلك
أدوك سهاد وشقا
وادو الفرحة لي غيرك
زي الدنيا ديل
ما بدوموا في حالة
زي ضل الضحى
وزي غيمة رحالة
تبسم ليك تساهر
الليل وتصحى لها
ونايمة وهانية
ما بتخطر على بالها
تكتب في الغنا
وإيه الغنا بفيدك
ما دام التموت في
ريدو ما بريدك
وأغرب حاجة
حسادك أجاويدك
يالمسكين شقاك
وجبتو بي إيدك
ياحليل الغرام
أياموا ما ولت
ويا حليل ليلى يوم
عن قيسها ما إتخلت
شوف يا قلبي شوف
الريدة كيف قلت
قوم صيد النجوم
ديك النجوم طلت

وهج الشمس
الراحل حسن الزبير
غناء عابدة الشيخ

شفتك أمس وغلبني لي وهجك امس
واجهني جذاب طلعتك
لاقت عيني عين الشمس
صدق أمس شفت السما وكيف كان بعيد
وعرفت كيف صدق المثل قال كل أيام الله عيد
لاقيت جديد وعرفت من وش الصباح
كيفن بكون الذول سعيد
أنا من أمس صدقني غالبني الوصف
تاري القلب حاسس لقياك والعين ترف
وهجك جهر عيني بسلم وبعترف
بجني السراب الفي الشمس كايس الولف
أنا يا أمس ياروعة حطمت المقاييس ذوق وحس
أنا ألتمس
الرأفة في حكم العيون بمسك عيوني وبنحبس
لوجات عيون الناس عليك خليها بس بترد عينيك
بتزلزل الما بحترس

أديني خاطرك



أديني خاطرك اكتبو ليك
سر الكلام الفي عينيك
عينيك بتتكلم لغة
عالية وأنيقة وشيقة
تتعب عيوني تشفقها
فيها الهنا وفيها الشقا
عينيك حروف من غير مداد
والناس بحلفوا عينيك جداد
خرزة عريس عينيك وزاد
فيها الشقا وفيها الوداد
عينيك لا عينيك نعم
عينيك من الخلاق نعم
عينيك صدق الكان زعم
ضاق لكلام عينيك طعم

كلم لي عيونك

كلم لي عيونك
وسلم لي عليهن
هن بالعافية نامن
وأنا ساهرت بيهن

ختن فوقي شوفن
وشفت الجنة فيهن
شاقني وشقني
عاد وين أشتكيهن

ما قصدني ساكت
شن سويتو ليهن
أضمن لي أمانن
كان أقدر اجيهن

كيف دايرني أصبر
صبرا ما بفيدني
ورمشك إن لقاني
فوق النار يزيدني

أنا عارف شعورك
ما قصدك تكيدني
كلم لي عيونك
كان قلبك بريدني

أسمح لي أقول لك
إنت بكل صراحة
كملت الرزانة
وكملت السماحة

لهجك طعمو سكر
وشوفتك فيها راحة
وثغرك ديمة باسم
وزايد إنشراحه

الشبه باين



أعاين ما الشبه باين
وعايدة القمرة لي أصلها
كبرنا وكبرت احزانا
وإنتوا كبرتوا وزدتو حلا
وزي ما القمرة تبدأ هلال
جمالك إنتي يومي يهل
ومحيك بدرو يتجلى
ويزيد قجة ويوج ويول
وعينيك سارحة ما هماها
يكتر سهري ولا يقل
صباحك إنتي حقو الناس
يجوهوا يشيلوا منو الفال
صباح البشرى للمحزون
صباح العيد على الأطفال
وطبعك فيه رقة ونفرة
زي طبع الجدي الجفال
وأسألي عن سؤالي عليك
الطير في سماه سألتو
لو لاقيتي يشرح ليك
ما فضلت غير أسرح
واناديك وأشابه قيس
وكل عيون أعاين فيها
بينا وبين عيونك أقيس
وكل نغم سمعت نداه
وكل خطاوي جاية تميس
أقول إنتي وخلاص بنتي
وأبشر زي كأني عريس

بقيت تنسى


من هسه وبقيت تنسى
دلايل الريد وكت تظهر
وحاتك ما بتدسى
شفنا عيونا بي عينيك
وما عدينا لي مرسى
شقى وغرق مشاعرنا
بحر أمواجوا ما بترسى
زمان كنت الحنان سيدو
وزمان ما كان بتتوصى
شقي البمسك درب ريدك
وراك قليبو بنقصى
تعال ناجينا حجينا
وأحكي عن الغرام قصة
قلوبنا صداها غطاها
زمن محتاجة لي لمسة

اسماعيل حسن
افتراضي تتذكري؟

تتذكري؟

تتذكري موعدنا من كمين سنه؟
وعدتيني
ومشيـــت انا
وقعدت مستنيكي
والايام تمر
نامن ..بقن..كمين سنه!
كل ما يمر عابر سبيل
افرح واقول يا حبنا!!
ولكن طيوف العابرين
عبرت ..وغابت كالسناء
وانا في انتظارك
اصلي لا كليت ..ولا مليت ..انا
مر الخريف والصيف يفوت
حتي الفقير ..تتصوري
مات بالغني
حبي القصير طال
وفات عود القنا
حتي الزمان الكان شباب ..
اتصوري ..عودو.. انحنئ
وانا في انتظارك..يا انا !!
ويا ســـــــــــــــــلام

اسماعيل حسن
افتراضي قصيــدة / المستحيل

المستحيل

لو بإيدي كنت طوعت الليالي
لو بإيدي كنت زللت المحال
والأماني الدايرة في دنياي ماكانت محال
دي الإرادة ونحن ما بنقدر نجابه المستحيل
دي الإرادة والمقدر ما بنجيب ليه بديل
دي الإرادة أجبرتني في هواكم من قبيل
***
غصبا عني وغصبا عنك
انت حبيتني وهويتك
لو بإيدنا من زمان
كنت خليتني ونسيتك
والنهاية ..
انت عارف وانا عارف
لو بإيدي كان هديتك
***
أصلو حبي أقوى وأكبر من إرادتي
وانا حاسس في جحيم نارك سعادتي
والهيب البكوي في روحي
في ذاتي
هو إنت
قلبي دايرك
حبي عارفك
في شبابك في صباك
في جمالك في وفاك
في شبابك في وفاك
يا المسير وماك مخير
انت ياصابر عند الله جزاك

اسماعيل حسن
افتراضي يا سمره

يا سمره
لحن خليل أحمد
غناء محمد وردى


الليله يا سمره.. ياسماره الليله ياسمره
أنا بحكى ليك وانت لى تحكى
أنا أبسم ليك انت لى تبكى
***
ليه الزعل يا سمره
أطرى الامل يا سمره
***
لونك بديع طبعك وديع
وخدك يفوق زهر الربيع
***
كيف الوصال
خلى الدلال
***
ديمه الجميل شوفو القليل
ياحليل حليل ليالى الهنا
***
وين العهود
وعهد الخلود
الليله يا سمره

ﻋﻄﻒ ﻋﻠﻰ ﻳﺎﺭﻳﻢ ﻳﺎ ﻧﺎﻓﺮ ﺍﻟﻐﺰﻻﻥ
ﺧﺼﺮﻙ ﺭﻗﻴﻖ ﻭﻋﻠﻰ ﻗﻠﺒﻚ ﺣﺠﺮ ﻣﺎ ﻻﻥ
*******
ﺍﺣﺴﺐ ﺩﻗﺎﺋﻖ ﺍﻟﻠﻴﻞ ﺍﻧﺎ ﻭﺍﻟﻨﺠﻢ ﺯﻣﻼﻥ
ﺗﺎﺑﻊ ﻫﻮﺍﻙ ﻭﻣﺠﺎﻓﻰ ﺍﻻﻫﻞ ﻭ ﺍﻟﺨﻼﻥ
ﻳﺎﺍﻟﻌﺎﻟﻰ ﺻﺪﺭﻙ ﻭﻣﺎﻟﺒﻮ ﺿﻤﻴﺮﻙ ﺍﻟﻬﺰﻻﻥ
ﻟﻮ ﻋﻴﻨﻰ ﺗﻨﻈﺮ ﺧﺪﻙ ﻭﻣﺖ ﻣﺎ ﺯﻋﻼﻥ
*******
ﺍﻧﺎ ﻳﺎﺟﻤﻴﻞ ﺍﻫﻮﺍﻙ ﻓﻌﻼ ﻭﻗﻮﻝ ﻟﺴﺎﻥ
ﺑﺎﻟﻨﻐﻤﺔ ﺗﺴﻜﺮﻧﻰ ﺑﺎﻟﻨﻈﺮﺓ ﻭﺍﻟﻤﻴﺴﺎﻥ
ﻓﺎﺩﻉ ﺭﺟﺢ ﺧﺼﺮﻙ ﻭﻟﺴﻴﻒ ﻟﺤﺎﻇﻚ ﺳﺎﻥ
ﺍﻧﺎ ﻳﺎ ﻣﺪﻟﻞ ﻗﺼﺪﻯ ﻣﻦ ﺍﻟﺤﺴﻦ ﺍﺣﺴﺎﻥ
*********
ﻳﺎ ﺍﻛﺤﻞ ﺍﻟﻌﻴﻨﻴﻦ ﻳﺎ ﻧﺎﻳﺮ ﺍﻻﻭﺟﺎﻥ
ﻟﺤﻈﻚ ﻳﺸﻴﻞ ﻭﻳﺮﻳﻊ ﻗﻠﺐ ﺍﻻﻧﺲ ﻭﺍﻟﺠﺎﻥ
ﺷﻔﻨﺎ ﺍﻟﺒﺪﻭﺭ ﺗﺴﺮﺝ ﻣﻦ ﺑﺴﻤﺘﻚ ﺳﺮﺟﺎﻥ
ﻣﺎ ﺑﻴﻦ ﺑﻴﺎﺽ ﺍﻟﺪﺭ ﻭﺧﻀﺮﺓ ﺍﻟﻤﺮﺟﺎﻥ
*******
ﻳﺎ ﺍﻳﺔ ﺍﻟﺤﺴﻦ ﻭﺭﻳﺤﺎﻧﺔ ﺍﻟﺴﻮﺩﺍﻥ
ﻏﺎﻳﺔ ﻣﺤﺎﺳﻦ ﺍﻟﺠﻴﻞ ﻓﻰ ﻛﺎﻓﺔ ﺍﻟﺒﻠﺪﺍﻥ
ﺳﺎﻛﻦ ﺑﺸﺎﻃﻰ ﺍﻟﻨﻴﻞ ﻭﺑﺪﺍﺧﻞ ﺍﻻﺑﺪﺍﻥ
ﻓﻰ ﺣﺎﺭﺓ ﻓﻴﻬﺎ ﻣﻨﺎﻇﺮ ﺟﻨﺔ ﺍﻟﻮﻟﺪﺍﻥ
.

حكاية اغنية "يا مولاي اه من غلبي" و شعرائها الـ6 !!


تلك الاغنية المعروفة "يا مولاي اه من غلبي" ليست بقصيدة عادية ولا يمكن وضعها في اي من بحور نظم الشعر المعروفة لانها ببساطة ليست بقصيدة بل هي مجموعة من مربعات الدوبيت كتبت او نظمت في فترات متفاوتة لـ6 من الشعراء المخضرمين وبعضهم لم يعاصر البعض الاخر ...هذه القصيدة ينسبها البعض سهواً لشاعرنا الكبير أوكير الدامر )الخير( المشهور بـ)عكير( لأن لأوكير نصب الاسد من الابيات وهو ما مجموعة )12( بيت وهي الاشهر من النص المغني الا ان للقصيدة اباء اخرون وهم : للشاعر المخضرم العباسي و الشاعر ود شوراني و الفنجري و الطيب حاج عبد القادر و ابو قطاطي بالأضافة الي الشاعر الفحل عكير الدامر...يعود الفضل في هذه القصيدة للأستاذ علاء الدين احمد علي بشير كمبال )ود البيه( الذي فكر في تقديم الدوبيت مموسقاً وملحناً حتى يصيب وجدان الأجيال الشابة وبالفعل قام باختيار عدد من المربعات الشعرية من الدوبيت متوخياً فيها السلاسة والعذوبة والسهولة وقوة المعاني للشعراء الستة وهم محمد شريف العباسي و عكير الدامر ومحمد احمد محمد علي الشلهمة الشهير بالفنجري وعبد الله حمد ود شوراني ومحمد علي ابو قطاطي والطيب حاج عبدالقادر ثم وضع الاستاذ علاء الدين في الاغنية مربعين شعريين من تأليفه كما وضع للاغنية )العصا( وهي من تأليفه ايضا مستوحياً نظمها من المربع الذي تبدأ به الاغنية والعصا تتردد بعد كل مربع او مقطع من الاغنية ويقول في عصاه:
يا مَولايا آه من غُلبي مِن النَار ُوحَرَقَتْ قَلبي
ليكون بذلك ود البيه هو شاعر القصيدة السابع ...ولنبداء بمطلع القصيدة وهي مربعات الشاعر محمد شريف العباسي الذي يقول فيها :يا مَوْلَايَ بشكيلَكْ شَقَايَا وغُلْبي وحَظي الدِيمة من ردَ الأَنيسْ جَافلْبي
طَاْلت السَفْرَّه واتَحفًّتْ مَنَاسِمْ تِلْبي
وهَبَّ الرَّيمْ وعَاوَدَكْ الحِنينْ يَا قَلَبي
*
مَالكْ نَفْسِي مَطْعُونَة تَمَلي تَنِيني
مَالك عِيني للغَميدْ أَبيتي تْلِيني
عَطْشَانْ دِيمة كفحْ الموية ما برويني
كاتلاني الطريفية البريدا قريني
*
غصباً عني فَارقت الضَريح غَير أمري
وكل ماَهبّ نَسَّام مِنَُو زَادْ في جمري
جَرْحي القرَّبْ يبرى وكَادْ يوَّدرْ عُمري
عَوَدُو ليْ تغريد بلبلك يا قمري
ثم تتزين الأغنية بقوافي عكير الدامر :
النَاس عَيدَتْ مَرَقتْ عَليْ أصْحَابَا
وانا فريتْ عَليْ الجَاهلَة السَمِحْ تِرحَابَا
فَاطراً يحكي بَرَّاق البدَودي سِحَابَا
لفَّتْ قَلَبي زي لفْ طَرْحَتَا اللافحَابَا
*
أَخَدَرْ لَيهُو ضُلْ فَوقُو المَحَاسِنْ شَرَّنْأَ
فْلج فَاطرو زَي برق السَواري الكرَّنْي
ِتقَسَمْ مَقَاطِع في المَشِي ويتْحرَّنْزي
فرخ القطا الأماتو رَكَّنْ وفرَّنْ
*
من البيتْ جَا طَالع بيْ لُطُفْ يتكَّل ْالطِيب المَفَحلْ بْي القُرُنفُل عَكَّلْ
فوق سَدْرُو وتحتْ تَوبُو الَرهيف ومَشَكَّل
ْيَغطِس ومَرَّة يقْلَع بُرْتُكانْ البركَل
ْويجىء دور الشاعر الفحل محمد أحمد الفنجري وهو يشكو لعمه من سهام أعين اصابته في مقتل ليقول :
عَمْ الهَادِي نَشَابْ البَريدَا ضَربْنِي
قَسَّمْ نومِي مِن تَيبَانْ حَيَايَ سَلَبَني
حَاكْم إَنصافي أَبَي يقْبَلْ سُؤَاليِ صَلبْني
وصَبْري الكَانْ جميل جَرَّبْتُو كُلُو غَلبْني
*
لَهَجِك زَي لذيذْ عَسَل النَحَل في الضوقْي
المَرْدَا الجَمَالِك بَهْدَلْ المَخَلُوقْ
إِتفننتِ فِي دَرْسَ الأَدبْ والذَوقْ
وكُلْ ما عِلينْ الطَبَقَاتْ لِقَنِكْ فُوقْو
تتلوع الأغنية بمربع شهير لشاعر كبير هو عبد الله حمد ود شوراني الذي يقول فيه :
أَحْ والوَحَه مَا بِتْدُورْ تَفَارِقْ قَلْبِي
أحْ من نار فلانة وجرحها النوسربي
يا نفسيِ الَصبُر لوُكيهُو لا تنْسَلبي
الحَظْ مَا بدُومْ يَومْ غَالبَة يوَمْ تنغَلْبيَ
ثم تأتي ابيات شاعر شندي المشهور الطيب حاج عبد القادر التي قال فيها :
إَِتمنى الدَهَبْ لَو لَونُو يِشْبَه لَونِك
ْوأشتهَت الدُرَرْ لَو هِي تبْقَى سِنُونٍكْ
مَجْنُونْ لَيلي حَالتُو أقل مِن مَجْنُونِك
ْزَيْ مَا ليلي كَانَتْ في المحاسِنْ دُونِك
ثم يضيف ود البيه اليها مربعين الشاعر الفرد محمد علي ابوقطاطي يقول في احدهما:
شَعْرك مُنْتَظمْ زَيْ السَلاَسلْ فَتْلُو
وعِينك تَرقصْ الحَجَرْ إنْ بِقَتْ شَافَتْلُو
الطاؤوسة قَاصْدَه مَشِيَك ومَا عْرفَتْلُو
وأعصَابْ الرآكْ إتكهربَتْ تِلْفَتْلُو
ثم اضاف اليها الملحن والشاعر علاء الدين ود البيه مربعين من أجمل بنات شعره :
كِوْني حَلِيفُو مَالُو عَليَ بِعْلِنْ حَرْبُو
طَالِعْ سَعْدُو في شَرْقوُ وَمُنَوِّرْ غَرْبُ
وسَيَانْ عِندٍي وَاحِد بُعدْوُ أوكَانْ قُرْبُو
مَا بَارَحْني في مُرُورْ النَفَسْ بَشْعُرْبُو
*
مَمْشُوق القَوَام الما وَجَدتَ نَظِيرُو
خِصَامُو مَعَايْ أَخيرْ ليَّ مِن مِحَنَة غَيرُو
جَافَاني العزِيزْ الكُتَّ ديمة نصيرو
هو يسوي الغلط وانا اسوي كتر خيرو

أزهري محمد علي :

خمسة سنين كمان لي شنو ؟؟؟
نشيلك هم على هم القراية أم دق
ودي لا بتحوق ولا بتلحق
تلبس عورة الباطل تياب الحق
كفاك أرحل دي خمسة
ولا بتسوي زلط
رقصت على الخماسي سنين
أمانه عليك كم في الخط
خطاوي على الوجع عديتا
في السكه البديتا غلط
شعائر اقمتها وصليتا
لا نزلت عليك خيرات
ولا اخضرت مشاعرك قط
رهاف قامو الولاد الهجعة
ولطاف مرقن بنات الوجعة
لعبن حجلة جمب الشط
وقعدن يشخبطن في الرجعة
ورسمن في الغمام لوحات
ملامح لى وطن طيب ونكران ذات
وبت في الغيمة بتمشط
براحات الغنا الواسعات
وكتبن في الهوا وشطبن
تلات تسعات 999
اتمغى البحر في الميعة
واتحين سحاب العينة
في لهات التراب نقط
مرابي وعسكري منقط
منقط ومن هنا منقط
وناعم والكلام طاعم
يبين تحت التبن أرقط
ينوم فوق الجرح منحل
ويقوم زي الحبن منحل
دحين يا ورطة كيف الحل
كيف الحل وكم في الخط ؟
مفخخ وخطبتو الملغومة
تشيلا تصلحا الحيكومة
تصدق كضبتا الموهومة
تزيد في غيها المنحط
تزيد في غينا المنحط
غيبوبة دوار السلطة
والهوس العلينا هبط
سكرانا المنابر طينة
سكرانه المدائن هايصة
وأشباح القرى المسكينة
سكران التراب والموية
والسهله ودواهي الغابة
وأحزاب الهوى الكضابة
والحيكومة وقفت لط
وقف خاطر البلد مجروح
وقفنا على الجرح غافلين
نحن سلالة الواطة وولاد الطين
بقينا على خشاش الارض
محل قامت صلاة الغلة نتوضى
نشوفك في المنافي رهاب
تلاويح ايدك البضة
وداعا يا حبيب الروح
وداع والسامر انفض
مرقنا على مدائن التيه خفاف
كان نابا كان نرضى
مرقنا ودمنا اتفرق
ولد شلناهو للأيام
مسك شارع المطار شرق
لمحناو زي خبر عاجل
وزي رفة حمام زاجل
ويا منسلي من ضلف
الضلام في الليل
تعاااال بالباب أكان راجل
واركز واوعى تدرق
من القبلي السحابو ربط
من العبادي يوم ينصر
في وش السما وينمط
وكم في الخط
نحن بنحب شاي الصباح
الشقلة والديم والجخيس
والثورة وامبدة السبيل بالعكسي
ومحجوب الشريف
ال بالمكارم مكسي
ادانا الطريق الما عتر في يخسي
انت رجفت واتحسست
وضع الكرسي
ونحن نزفنا مهر الثورة
بين البوت وضهر البوكسي
نحن هتفنا يااااا ليل
السجون اسمعنا
ياخي اسمعنا
ليه ايش معنى ؟؟
نحن مرقنا قدمنا الشعوب الحرة
في درب النضال ورجعنا
ونحن نزلنا لي اخر
درك وطلعنا
اجمل من ملائكة رحمة
فجينا الضلام ولعنا
قلنا الجاتنا في وليداتنا
جاتنا ان شاء الله تنفعنا
نحن بكينا يوم
بيت القزاز جدعنا
لا ادتنا الشوارع عين
لا صابت نفوسنا اللعنة
علمناك عناق اللهفة
والحرف البراود المعنى
علمنا الثبات والوقفة
وعلم نصلك المسنون
يعلم فجة الطعنة
وكم في الخط
مشينا على الجرح سيرة
وكل ما فحط الدفار
تطير من العيار طلقة
وتطرق حسها مهيرة
ينمل جلدك المدبوغ
على العلقة
سياط العسكري الطيرة
ونحن على الدوام نغفر
نسامح وخيرا في غيرا
سماحات الزمان الفات
زمان الدنيا بى خيرا
رزاز الونسة والضحكات
مطيرة تزفها مطيرة
على شديرة الغنا الحتت
خلاس تاني المطر شالت
خلاس تاني المطر ختت
وبركة وخير وبركة أخير
براك يالاهي سميتا
براك فتحتها النيران
على الناس الطلع زيتا
كمل رايا وفلت من ايدا
راس خيتا
على الهملة وقطعة الراس
وقع فوق راسا راس بيتا
وهيا ريتا لو شافوك
في النايبات مشمر في
الوحل جيتا
وجيدا يا مطر جيتا
وجيدليها البلاد بالجاتا
جلابة الجن والجنادب
والجراد وجلجلة الجلالات
والجنود والجنجويد
نبكي ونعيد كل السماحات
كل السماحات روحت
خلتنا لى باس الحديد
كل المصائب في أمان
هل من مزيد
هل من بوادر رجعة
للماضي البعيد ؟؟؟؟؟
هل من قصائد أو مكائد
أو مصائد تاني للدقشو الصعيد
وياااااااا بلد الكرام
طااااااالت عليك الكرسة
والجوك في الضلام
سرقوا المباهج خلسة
تبكي وتستغيث لا زول
سمع لا حسا
نتاح الضرس
الما بتحلو الجرسة
يديك السهر يقعد يتاورك لسة
تاريهو الوجع بين اللسان واللثة
والداير القلع احسن تلخلخو هسة
قبل الطير تقوم
يا الما بتعرف الخسة
في الطابور تنود
وتدقس تنوم في الحصة
غاااايتو على العموم
خلست خلاس القصة
ماااااات بطل الفلم
وطلعت حبيبتو اللصة
وطلعت شعاراتكم وهم
وطلعت حكاياتكم ملوص
فايرين تعوسو بلا فهم
ساسقتو بين ساسا ويسوس
فقرا ولصوص
ساقونا لى اخر درك
وباعوونا بى وسخ الفلوس
كم من نفوس خانت نفوس
بيناتا قاسم مشترك
صلت على نار المجوس
حاولنا نتحاشى الشرك
ووقعنا في فخ النصوص
قاتلنا في غير معترك
ودهستنا غارات البسوس
وأمانة عليك كم في الخط
وأمانة عليك يا بلد
السماح سامحيني
مجبور مرقتك من دماي
لليل بحهجهك السقط
ريح العوارض تلفحك
ومن ايدي تمشي سقط لقط
وخمسة سنين كمان في شنو

انا بغير
بغير غليك
من جمال خديك
من الزهر الفتح حواليك
بغير عليك
من السحر الفى عيونك من سمارة لونك
بغير عليك
وانت ما دارى
يا سبب نارى
قالوا سمارى
كل امالى
نظرة من عينيك
انا بغير
بغير عليك
يا ناسى وفاك
هواى وهواك
جايين سوا
انت الدوا
بهوى رضاك
وبتمناك
وبشتاق ليك انا بغير
بغير عليك
كيف انساك
وانا فى لوعة
وانت ملاك زايد روعة
بس يا جميل
حاسب واوعى
لانى كتير
عليك بغير
طول عمرى
وايامى السبعة
كيف انساك