عيونك ديل بكتلني النفووووت اختاهن
خطاي الجيت وعاين فيك ماهو خطاهن
في التيه والضياع مين البجاري خطاهن
واظنك قاصده لي جس الرجال خاتاهن
............
في دنيا الغرام يا السمحه قتلك سلفا"
غير حسره وعذاب ما بلقي منك خلفا"
هسي بعد قلوبنا علي المحبه اتولفن
جايه تقولي لي بينا الدروب اختلفن
............
رغم متاعب الدنيا وظروفها الشاغله
ذكراك ديمه في افكار المحب متواغله
يا الماقالو عنك في الحديث متثاقله
قلبك قاسي اصلا ولا ساي مداغله
........
ابشري بالفراق من غيرك انت موالفو
وعارف مسبقا حظي السعد مو محالفو
ما تراعيلو قلبي البي المواجع تالفو
وكت اقنع خلاص ضلي المعايا بخالفو
.............
الا صراحه بتحدااااااااااااك تلقي غرامي
وان عز الهجير مين غيري ضل مترامي
في آسر القلوب انا مافي زيي حرامي
وأطنان غيري في الريد ما بتساوي جرامي
............
يا الادمنت ريدك وريد خلافك عائف
داب حصل الفراق المنو طول خائف
منو القادر يصدق انو حبك زائف
و7 سنين غرام تجي فوقا 7 عجائف
.............
قلبي الليك من(كاش الوداد)ما بيخلو
(بعزق درجو)ليك(مليم حنان )ما بخلو
(فلسا") صابو هسع من صدودك دخلو
منو وليهو قنب بيك يقول (ايه دخلو)؟
...........
لا تسألني عن ذاك (النسي وجافاني)
ولا تنبشلي جرحا" منو الله شفاني
انا ياصاحبي كان حبيت بحب بتفاني
وإن فارق ..! (مُيْقِّن) كل حيا" فاني
...........
صلاني الانتظار يا الما بتعرفي وعود
منك ضغطتي اصبح بين نزول وصعود
فتك .. وتاني ما اظن انخدع بي رعود
ومتي ما تحن سحايبك بالهطول بنعود
.......
كمال رحمه
خطاي الجيت وعاين فيك ماهو خطاهن
في التيه والضياع مين البجاري خطاهن
واظنك قاصده لي جس الرجال خاتاهن
............
في دنيا الغرام يا السمحه قتلك سلفا"
غير حسره وعذاب ما بلقي منك خلفا"
هسي بعد قلوبنا علي المحبه اتولفن
جايه تقولي لي بينا الدروب اختلفن
............
رغم متاعب الدنيا وظروفها الشاغله
ذكراك ديمه في افكار المحب متواغله
يا الماقالو عنك في الحديث متثاقله
قلبك قاسي اصلا ولا ساي مداغله
........
ابشري بالفراق من غيرك انت موالفو
وعارف مسبقا حظي السعد مو محالفو
ما تراعيلو قلبي البي المواجع تالفو
وكت اقنع خلاص ضلي المعايا بخالفو
.............
الا صراحه بتحدااااااااااااك تلقي غرامي
وان عز الهجير مين غيري ضل مترامي
في آسر القلوب انا مافي زيي حرامي
وأطنان غيري في الريد ما بتساوي جرامي
............
يا الادمنت ريدك وريد خلافك عائف
داب حصل الفراق المنو طول خائف
منو القادر يصدق انو حبك زائف
و7 سنين غرام تجي فوقا 7 عجائف
.............
قلبي الليك من(كاش الوداد)ما بيخلو
(بعزق درجو)ليك(مليم حنان )ما بخلو
(فلسا") صابو هسع من صدودك دخلو
منو وليهو قنب بيك يقول (ايه دخلو)؟
...........
لا تسألني عن ذاك (النسي وجافاني)
ولا تنبشلي جرحا" منو الله شفاني
انا ياصاحبي كان حبيت بحب بتفاني
وإن فارق ..! (مُيْقِّن) كل حيا" فاني
...........
صلاني الانتظار يا الما بتعرفي وعود
منك ضغطتي اصبح بين نزول وصعود
فتك .. وتاني ما اظن انخدع بي رعود
ومتي ما تحن سحايبك بالهطول بنعود
.......
كمال رحمه
محمد سليمان بحر
.......
إعراب جملة الريد البزيد ف غيابِك
فعلِ مضارعو مبني على الرجوع وإيابِك
الفاعل ضميرك ومستتر بي تيابِك
والمفعول به القلب البموت وحيابِك
.......
انا العاجبني - قَبْلِ جمالك - إنسانيتك
وعقلك وفهمك الراقي وسلامة نيتك
درر قافياتي مابساون نصاع آنيتك
حد ماتعلا مابتقدر تطول دانيتك
.....
ﺳﻤﺎﺣﺎً ﻓﻴﻜﻲ ﻣﺎﻟﻲ ﻗﻠﻮﺑﻨﺎ ﺣﺮ ﻭﻧَﺼَﺐْ
ﻭﺟﺴﻤﻚ ﺯﺍﺗﻮ ﺧﺎﻟﻲ ﻋُﺮﻭﻕ ﻭﻋَﻀُﻢ ﻭﻋَﺼَﺐْ
ﻋﻴﻮﻧﻚ ﻛﺎﺣﻠﻪ ﻣﻠﻴﺎﻧﺎﺕ ﻧﻌﺎﺱ ﻭﻭﺻَﺐْ
ﻭﻓﻤﻚ ﻓﻮﻗﻮ ﺗﺘﻜﺴﺮ ﺣﻼﻭﻩ ﻗَﺼَﺐْ
........
كمال رحمه:
مكملة الصفات مافيك شيتا عابك
أدب وعفاف فاق السابقين وشبابك
محذوذ هاف ، ردفا عالي ،رمشا شابك
جينات يوسف امتاز بيها نسلا"جابك
.....
انا العاجبني - بعد الدلال - حنيتك
انسانك جميل فرح الغلابه امنيتك
صرحك عالي جوايا ، ومتينه بنيتك
فراقك مرر - بتعادل شهر ثانيتك
.....
لو مزجو الحسان في واحده عادو الصب
تبقي من الروافد وانت ليها مصب
جمالا" فيك لي انف الجبابره غصب
في كل المتاحف تستحقي نصب
.......
إعراب جملة الريد البزيد ف غيابِك
فعلِ مضارعو مبني على الرجوع وإيابِك
الفاعل ضميرك ومستتر بي تيابِك
والمفعول به القلب البموت وحيابِك
.......
انا العاجبني - قَبْلِ جمالك - إنسانيتك
وعقلك وفهمك الراقي وسلامة نيتك
درر قافياتي مابساون نصاع آنيتك
حد ماتعلا مابتقدر تطول دانيتك
.....
ﺳﻤﺎﺣﺎً ﻓﻴﻜﻲ ﻣﺎﻟﻲ ﻗﻠﻮﺑﻨﺎ ﺣﺮ ﻭﻧَﺼَﺐْ
ﻭﺟﺴﻤﻚ ﺯﺍﺗﻮ ﺧﺎﻟﻲ ﻋُﺮﻭﻕ ﻭﻋَﻀُﻢ ﻭﻋَﺼَﺐْ
ﻋﻴﻮﻧﻚ ﻛﺎﺣﻠﻪ ﻣﻠﻴﺎﻧﺎﺕ ﻧﻌﺎﺱ ﻭﻭﺻَﺐْ
ﻭﻓﻤﻚ ﻓﻮﻗﻮ ﺗﺘﻜﺴﺮ ﺣﻼﻭﻩ ﻗَﺼَﺐْ
........
كمال رحمه:
مكملة الصفات مافيك شيتا عابك
أدب وعفاف فاق السابقين وشبابك
محذوذ هاف ، ردفا عالي ،رمشا شابك
جينات يوسف امتاز بيها نسلا"جابك
.....
انا العاجبني - بعد الدلال - حنيتك
انسانك جميل فرح الغلابه امنيتك
صرحك عالي جوايا ، ومتينه بنيتك
فراقك مرر - بتعادل شهر ثانيتك
.....
لو مزجو الحسان في واحده عادو الصب
تبقي من الروافد وانت ليها مصب
جمالا" فيك لي انف الجبابره غصب
في كل المتاحف تستحقي نصب
عومي وموحي .. يا المرناعه .. تلي الروبه
واسندي خطاك علي حيل كبدتي المخروبه
انا كان ماني شؤم .. وايامي شانه حروبه
شن وداني .. لي أوكار الغرام .. ودروبه
..............
كمال رحمه
واسندي خطاك علي حيل كبدتي المخروبه
انا كان ماني شؤم .. وايامي شانه حروبه
شن وداني .. لي أوكار الغرام .. ودروبه
..............
كمال رحمه
صباحكم خير .................. أنا فيك عشقت الروعة
ما أحلاها في الدل والدلال
والمعاني الراسمة نور
اشراقة في عينيك ظلال
وابتسامتك لما تأسر قلبي
تحكي عن المحال
تحكي عن شوقك إليّ
وتحكي عن بعد الوصال
ما أحلاها في الدل والدلال
والمعاني الراسمة نور
اشراقة في عينيك ظلال
وابتسامتك لما تأسر قلبي
تحكي عن المحال
تحكي عن شوقك إليّ
وتحكي عن بعد الوصال
نسيت أيام تلاقينا وزمن عُشرتنا هَماك
فرضت علي أعيش محزون
عيوني على تتباكى
وطول ما قلبي حي مجبور
يساهر شان بيهواك
فرضت علي أعيش محزون
عيوني على تتباكى
وطول ما قلبي حي مجبور
يساهر شان بيهواك
ياممكون جواكـ وصابر وصبركـ في جواك ممكون
ياتايه في الزمن العابر وعابر زمن الهم محزون
ياموجود بيناتكـ ونادر ورايح في ذاتكـ مرهون
يومكـ بين البآرح وباكر مشوار بالآهات مشحون
☆☆☆
لماتلملم ذاتك وترحل من الزول الأصبح مافي
وتسجن روحك عفو الخاطر
بين الدهشة وحُزن خُرافي
يبقى عزاكـ يازول في إنكـ
لما تطلع نفَسْك منكـ يطلع منكـ ويرجع صافي
☆☆☆
وفي ترحالكـ لما تسافر بتلقى
مدآين الزيف السافر ميناء ومرسى
خلت بحركـ فيكـ مسافر
وختت همكـ ليهو مرآفيء
☆☆☆
لو إتمدت ضل الغيمة ﻵتتحير أملأ خطاكـ
إصرار وعزيمة وخوض النار مع إنكـ حآفي
لو ضيعت السكة ورحتا ﻵتتحسر
برضو ضياعكـ خير وعوآفي
أصلو السكة الأولى حزينة
لوكان جيت كان يادوب ضيعت الباقي
وعشت حياتكـ زي الساقي
وبلل الريق لي حلقو مجآفي
☆☆☆
وشد الحيل جوآكـ يارآئع
وسافر عكس الزمن الضايع
بكرة بنوصل دنيا جديدة
ونلقى الخير في دربنا وآفي...
ياتايه في الزمن العابر وعابر زمن الهم محزون
ياموجود بيناتكـ ونادر ورايح في ذاتكـ مرهون
يومكـ بين البآرح وباكر مشوار بالآهات مشحون
☆☆☆
لماتلملم ذاتك وترحل من الزول الأصبح مافي
وتسجن روحك عفو الخاطر
بين الدهشة وحُزن خُرافي
يبقى عزاكـ يازول في إنكـ
لما تطلع نفَسْك منكـ يطلع منكـ ويرجع صافي
☆☆☆
وفي ترحالكـ لما تسافر بتلقى
مدآين الزيف السافر ميناء ومرسى
خلت بحركـ فيكـ مسافر
وختت همكـ ليهو مرآفيء
☆☆☆
لو إتمدت ضل الغيمة ﻵتتحير أملأ خطاكـ
إصرار وعزيمة وخوض النار مع إنكـ حآفي
لو ضيعت السكة ورحتا ﻵتتحسر
برضو ضياعكـ خير وعوآفي
أصلو السكة الأولى حزينة
لوكان جيت كان يادوب ضيعت الباقي
وعشت حياتكـ زي الساقي
وبلل الريق لي حلقو مجآفي
☆☆☆
وشد الحيل جوآكـ يارآئع
وسافر عكس الزمن الضايع
بكرة بنوصل دنيا جديدة
ونلقى الخير في دربنا وآفي...
كلمات: عبد الله محمد خير
أداء: صديق أحمد
أجمل مِنُّو فى الكون كلُّو ما شُفنا
جُود يا الله بى لُقياهو أنصِفنا
راضين نِحنا مهما حُبٌّو كلَّفنا
لأنُّو مَلَكْ شعورنا .. مَلَكْ عواطفنا
والفناهو لو يرحم يوالِفنا
نِحنا نطيعو .. ما دايرين يخالِفنا
حاوِل مرَّه زورنا عشان تشرِّفنا
وبى معنى الجمال الفطرى عرِّفنا
لفّينا المداين والقُرى و طُفنا
زيَّك لابنلاقى ولابيصادِفنا
يا سوَّاقنا قِدَّام بيتو وقِّفنا
خلِّيها الزهور تمرُقْ تلاطِفنا
ما حبّينا غيرو و هو عارِفنا
دايرين لى لِماهو الحظ يحالِفنا
ليك غنّينا وتر سلكو عازفنا
نظمنا القصايد فيك و ألَّفنا
دايم حبِّى ليكا ومستحيل يفنَى
و سيل الشوق على الحابِنُّو جارِفنا
تعال باللهِ أرقص تانى أتحِفنا
وبى عينيك لو بتحب تكاشِفنا
نارى أنا من عيونو المنَّهِن خُفنَا
عيوناً بالسهام كادت تنشِّفنا
إنْ نَسَفَتْ سَبيبَا معاهو تنسِفنا
وإنء مالتْ بعد سابتين ترجِّفنا
حياتنا عليها مِنْ قَبْلك تأسَّفنا
ولو ما شُفنا حُسنَك تانى شِنْ شُفنا
أداء: صديق أحمد
أجمل مِنُّو فى الكون كلُّو ما شُفنا
جُود يا الله بى لُقياهو أنصِفنا
راضين نِحنا مهما حُبٌّو كلَّفنا
لأنُّو مَلَكْ شعورنا .. مَلَكْ عواطفنا
والفناهو لو يرحم يوالِفنا
نِحنا نطيعو .. ما دايرين يخالِفنا
حاوِل مرَّه زورنا عشان تشرِّفنا
وبى معنى الجمال الفطرى عرِّفنا
لفّينا المداين والقُرى و طُفنا
زيَّك لابنلاقى ولابيصادِفنا
يا سوَّاقنا قِدَّام بيتو وقِّفنا
خلِّيها الزهور تمرُقْ تلاطِفنا
ما حبّينا غيرو و هو عارِفنا
دايرين لى لِماهو الحظ يحالِفنا
ليك غنّينا وتر سلكو عازفنا
نظمنا القصايد فيك و ألَّفنا
دايم حبِّى ليكا ومستحيل يفنَى
و سيل الشوق على الحابِنُّو جارِفنا
تعال باللهِ أرقص تانى أتحِفنا
وبى عينيك لو بتحب تكاشِفنا
نارى أنا من عيونو المنَّهِن خُفنَا
عيوناً بالسهام كادت تنشِّفنا
إنْ نَسَفَتْ سَبيبَا معاهو تنسِفنا
وإنء مالتْ بعد سابتين ترجِّفنا
حياتنا عليها مِنْ قَبْلك تأسَّفنا
ولو ما شُفنا حُسنَك تانى شِنْ شُفنا
أنت من ؟
حسناء كانت لى وطن
غيداء جاء بها الزمن
رفقاً بى يا مرجانةً
بالله أرفقى رحمةً
ها اقبلت تن تن وتن
تمشى كمشية من رطن
فى مشيها تيه وفن
خطواتها يترافقن حناءها
يتقاطعن خطوطها ويقطعن
ساقيها ملآ للبدن كاللبن صبت باللبن
فى عجزها هول فتن
فى خصرها فقر حسن
الصدر يحمل لى كفن
والمدفعان رمى معأً
الشهد من فيها عطن
يروى ويذهب للحزن
شفتاها يقطرنا ندأً
يصرعن ذا العشق الوهن
وخدودها يتلألأن
ألماظة فى يد يزن
وسهامها يتحدقن
فى الرمى لا يتورعن
فى قربها خطر أذن
عيناها تقتلنى إذن
والحاجبان لها مدأً
البعض من بعض إقترن
فى شعرها ليل سكن
فى وجهها صبح قرن
عذراء ياحسنى الحسن
قولى وعرفى أنت من؟
حسناء كانت لى وطن
غيداء جاء بها الزمن
رفقاً بى يا مرجانةً
بالله أرفقى رحمةً
ها اقبلت تن تن وتن
تمشى كمشية من رطن
فى مشيها تيه وفن
خطواتها يترافقن حناءها
يتقاطعن خطوطها ويقطعن
ساقيها ملآ للبدن كاللبن صبت باللبن
فى عجزها هول فتن
فى خصرها فقر حسن
الصدر يحمل لى كفن
والمدفعان رمى معأً
الشهد من فيها عطن
يروى ويذهب للحزن
شفتاها يقطرنا ندأً
يصرعن ذا العشق الوهن
وخدودها يتلألأن
ألماظة فى يد يزن
وسهامها يتحدقن
فى الرمى لا يتورعن
فى قربها خطر أذن
عيناها تقتلنى إذن
والحاجبان لها مدأً
البعض من بعض إقترن
فى شعرها ليل سكن
فى وجهها صبح قرن
عذراء ياحسنى الحسن
قولى وعرفى أنت من؟
ريمة
جيت أشوف بى نظرى تاواق
وللجمال والله مشتاق
ماشى غصبا عنى منساق
جايى أضوق أنا حلو المذاق
مالى كل آفاقنا آفاق
جايى مشرقة زايدى إشراق
طالعى من أصلاب وأعراق
من أصايل الصهب العتاق
باهى طلعتا نورا براق
وفى وجيها جمالا خلاق
فى مشيها قديمة لحاق
وفى القعاد تنطبق أطباق
زاد جمالا سنونا الدقاق
وفاق محاهو جمال العراق
الشعر بى وراها معلاق
ماهو فلفل ليفة أفراق
فى دريبى لقونى ساساق
قالوا أقبضوا عليهو سراق
جيت قبل الغيرى سباق
داير أفوز بى كأس السباق
جايى أغوص فى الجوه أعماق
شان تزيد أشواقى أشواق
شفت صيدا ريدو حراق
فى برندة ضليلا رقراق
ينقلب يجى طيبو عباق
باقى للهوى روح ورواق
صبرى قلا كمان صدرى ضاق
عقلى جن بقيت نقناق
حظى لاتبقالى فراق
ريمة صعبة على الفراق
البلد بوجودا تنطاق
وعاد بلاها التحرق حراق
جيت أشوف بى نظرى تاواق
وللجمال والله مشتاق
ماشى غصبا عنى منساق
جايى أضوق أنا حلو المذاق
مالى كل آفاقنا آفاق
جايى مشرقة زايدى إشراق
طالعى من أصلاب وأعراق
من أصايل الصهب العتاق
باهى طلعتا نورا براق
وفى وجيها جمالا خلاق
فى مشيها قديمة لحاق
وفى القعاد تنطبق أطباق
زاد جمالا سنونا الدقاق
وفاق محاهو جمال العراق
الشعر بى وراها معلاق
ماهو فلفل ليفة أفراق
فى دريبى لقونى ساساق
قالوا أقبضوا عليهو سراق
جيت قبل الغيرى سباق
داير أفوز بى كأس السباق
جايى أغوص فى الجوه أعماق
شان تزيد أشواقى أشواق
شفت صيدا ريدو حراق
فى برندة ضليلا رقراق
ينقلب يجى طيبو عباق
باقى للهوى روح ورواق
صبرى قلا كمان صدرى ضاق
عقلى جن بقيت نقناق
حظى لاتبقالى فراق
ريمة صعبة على الفراق
البلد بوجودا تنطاق
وعاد بلاها التحرق حراق
معذور لو قلبي اشتهاك ما إنت عارف
فرقتك ما بيحملا القلب الهواك
ده مناه يوم ما نفترق يا ريتو كان يفضل معاك
لو بي مرادو يقوم يجيك تلقاه بين ايديك حداك
متمني يلحق بيك سريع نتلاقي والاشواق هناك
جاييك هارب من سنين جاييك واقع في حواك
غلبو النواح يوم فرقتك بالدهشة خانس إتعبر
ما بين نوازع الروح إليك هايم وبين حكم القدر
ما اتزعزع الإيمان جواه ولكنو في الآخر بشر
قايل عليك شدة وتزول ما قايلك إنت علي سفر
ما كان هو فاهم يومو داك ايه ضحكت البرق اللصف
ولا كان هو شايف للهموم الجايه واقفات ليهو صف
ولا كان هو حاسس بالغرام الباني في الغيم اتنسف
لقي نفسو فجأة بلا وجيع مفجوع ومفقوع بالأسف
يا ريتو كان وقف الزمان قبال تروح صدّ ورجع
ما كان غشانا الحزن يوم لا فرقه بيناتنا بتقع
كان لا رثيتك لا بكيت لا قلبي فيك يوم إتفجع
وما كان قدر ذكراك صبح يومها التزور مره ورجع
فرقتك ما بيحملا القلب الهواك
ده مناه يوم ما نفترق يا ريتو كان يفضل معاك
لو بي مرادو يقوم يجيك تلقاه بين ايديك حداك
متمني يلحق بيك سريع نتلاقي والاشواق هناك
جاييك هارب من سنين جاييك واقع في حواك
غلبو النواح يوم فرقتك بالدهشة خانس إتعبر
ما بين نوازع الروح إليك هايم وبين حكم القدر
ما اتزعزع الإيمان جواه ولكنو في الآخر بشر
قايل عليك شدة وتزول ما قايلك إنت علي سفر
ما كان هو فاهم يومو داك ايه ضحكت البرق اللصف
ولا كان هو شايف للهموم الجايه واقفات ليهو صف
ولا كان هو حاسس بالغرام الباني في الغيم اتنسف
لقي نفسو فجأة بلا وجيع مفجوع ومفقوع بالأسف
يا ريتو كان وقف الزمان قبال تروح صدّ ورجع
ما كان غشانا الحزن يوم لا فرقه بيناتنا بتقع
كان لا رثيتك لا بكيت لا قلبي فيك يوم إتفجع
وما كان قدر ذكراك صبح يومها التزور مره ورجع
بعد اتفرقو القلبين واتيتم غرام وحنين
زمن كان الدريب واحد .. حليلنا بقينا فى دربين
قبيل كشح الوصال ماروق وراالشيل التقيل وقع
غدرما شهد المسيوق ولا الفطن التراب لسع
يا حليلك يا زمان الشوق ويا اروع حلم ودع
حرام ما الريده بين سنين ومن دابناالصغار شفع
وكت اتصفح الايام .. بخصم قلبى لا يدمع
واقولو اصلو الزمان دوار والراح تانى وين يرجع
رحل ما خلى غير تزكار مكتوب بى السواد صفحة
ضميرك خدروهو الناس بعد فوت الاوان يصحى
وانت حاتل فى بطون الصى يجيك محل الندم نفحه
تقبل وين يتاورك ماضى مهما خنتوا ما بتمحى
حليلنا بقينا فى دربين وخلينا الحنين مذهول
احتار كيف يدارى البين ونمرق من مصير مجهول
لكن يا حنين الحاجى فى دابنا الدريب بيطول
ولا تضهب وحاتك البينا .. نحن البينا مات مقتول
خلاص اصبحنا فى دربين ويقن حادى الدريب يوم فات
بعد ضاق المراير كيف يتلمو اللي صارو شتات
سعادتك لو تمن للفرقه .. بدفع عمرى لى الشمات
وليك اتمارى وين ما تبقى ياظالم حقيق ما مات
زمن كان الدريب واحد .. حليلنا بقينا فى دربين
قبيل كشح الوصال ماروق وراالشيل التقيل وقع
غدرما شهد المسيوق ولا الفطن التراب لسع
يا حليلك يا زمان الشوق ويا اروع حلم ودع
حرام ما الريده بين سنين ومن دابناالصغار شفع
وكت اتصفح الايام .. بخصم قلبى لا يدمع
واقولو اصلو الزمان دوار والراح تانى وين يرجع
رحل ما خلى غير تزكار مكتوب بى السواد صفحة
ضميرك خدروهو الناس بعد فوت الاوان يصحى
وانت حاتل فى بطون الصى يجيك محل الندم نفحه
تقبل وين يتاورك ماضى مهما خنتوا ما بتمحى
حليلنا بقينا فى دربين وخلينا الحنين مذهول
احتار كيف يدارى البين ونمرق من مصير مجهول
لكن يا حنين الحاجى فى دابنا الدريب بيطول
ولا تضهب وحاتك البينا .. نحن البينا مات مقتول
خلاص اصبحنا فى دربين ويقن حادى الدريب يوم فات
بعد ضاق المراير كيف يتلمو اللي صارو شتات
سعادتك لو تمن للفرقه .. بدفع عمرى لى الشمات
وليك اتمارى وين ما تبقى ياظالم حقيق ما مات
الزولة الشالت قلبي عليها
عثمان عبدالعظيم
ما وصتكم قالت ليكم انها ما بتتأخر تاني
الزولة الشالت قلبي عليها
ما قالت خلتني وراها عاصر جمر الشوق واعاني
لما حكت ما سالت دمعة بلت بي توبها التحتاني
وإن زرات في بسمه عساها تغسل حزنك في عينيها
دي الانسانه الطيبه الوافيه الردتها قبل القاها واريدها
كانت حلمي وظلت خاطرى حبها صار إيمان وعقيده
كانت مسرى الروح في ذاتي وعاشت في افكاري قصيدة
تحكي امان القلب العاشق وصدق احلامو المستنيها
طول الغيبة اشعوت شوقي والايام بيناتنا اتمدن
كم مديت لى صبري حبال الا انقطعن هين ما انشدن
نيتي الليله اطوفها القي سعادة الحجه ومدن
لسه الله ما قالها كوني وتاني غريب مو عارف الجيها
شلتا صدي الايام الخاليه وعايش بين الفرقه ونارها
بعدها ما بدلت هواها رغميها والنفس المارة
ما حسيت بالدنيا جميلة الا خلال بسمة ازهارها
وما اسطلتفطت الزهر واريجو الا لأنو الزهر ثنيها
عابو على اهواها والومها وشككوا في الاحساس النابع
مالن كان غيتلي غنيوه او فجرتا اشعاري منابع
اتماسك قدامو واضحك وقابض نصف الجرح الرابع
روحي مهلهه في علاتها قولو معاي الله يشفيها.
عثمان عبدالعظيم
ما وصتكم قالت ليكم انها ما بتتأخر تاني
الزولة الشالت قلبي عليها
ما قالت خلتني وراها عاصر جمر الشوق واعاني
لما حكت ما سالت دمعة بلت بي توبها التحتاني
وإن زرات في بسمه عساها تغسل حزنك في عينيها
دي الانسانه الطيبه الوافيه الردتها قبل القاها واريدها
كانت حلمي وظلت خاطرى حبها صار إيمان وعقيده
كانت مسرى الروح في ذاتي وعاشت في افكاري قصيدة
تحكي امان القلب العاشق وصدق احلامو المستنيها
طول الغيبة اشعوت شوقي والايام بيناتنا اتمدن
كم مديت لى صبري حبال الا انقطعن هين ما انشدن
نيتي الليله اطوفها القي سعادة الحجه ومدن
لسه الله ما قالها كوني وتاني غريب مو عارف الجيها
شلتا صدي الايام الخاليه وعايش بين الفرقه ونارها
بعدها ما بدلت هواها رغميها والنفس المارة
ما حسيت بالدنيا جميلة الا خلال بسمة ازهارها
وما اسطلتفطت الزهر واريجو الا لأنو الزهر ثنيها
عابو على اهواها والومها وشككوا في الاحساس النابع
مالن كان غيتلي غنيوه او فجرتا اشعاري منابع
اتماسك قدامو واضحك وقابض نصف الجرح الرابع
روحي مهلهه في علاتها قولو معاي الله يشفيها.
لقيتك
لقيتك وبرضي ما اتودر
برغم قساوة الايام والزمن الصبح أغبر
لقيتك في مسار الروح جريحة خطاك تتعثر
تلملمي ماضي زكراك من فجر الدجى الاسفر
وتزرعي بذرة الآمال على درب الهوى الاخضر
بليلي مجرجرة اللوبي مقالبة سبايب القنقر
لقيتك غنوة في الخرطوم وعاجة صداها في البندر
وشدهني خيالك المصلوب علي عجل الزمن مجبر
رجعت حسب سنين عمري لقيتن والضياع اكتر
ترانيم حرفك المنقوش على وتر الغنى اتبعثر
لقيتك مسبر الآهات تضمدي في جدار الروح
وتجففي بركة الآلام من عمق الاسى المجروح
ملامح وجهك الضواي مودرة بين معالمو طموح
طموح مطموسة في الاحزان مشارقة وجيهك البّهر
لقيتك بحة في الدوبيت مجودة بين غناوي النم
ممرجحة في صدى الاحزان طليقة لسانك اتلعثم
وفتقة توبك المحتار مشدقة بي خيوط الهم
بتشربي من حميم مهجور برغم منابع الكوثر
لقيتك ودعة محتارة مكرتلة بي عبى البرويش
تهز اعصابك النوبة ومخربشك الزمن خربيش
برغم جناحك المكسور تطير كان لقيتي الريش
بس الا مشانق الايام دواليب لافة في محور
لقيتك وبرضي ما اتودر
برغم قساوة الايام والزمن الصبح أغبر
لقيتك في مسار الروح جريحة خطاك تتعثر
تلملمي ماضي زكراك من فجر الدجى الاسفر
وتزرعي بذرة الآمال على درب الهوى الاخضر
بليلي مجرجرة اللوبي مقالبة سبايب القنقر
لقيتك غنوة في الخرطوم وعاجة صداها في البندر
وشدهني خيالك المصلوب علي عجل الزمن مجبر
رجعت حسب سنين عمري لقيتن والضياع اكتر
ترانيم حرفك المنقوش على وتر الغنى اتبعثر
لقيتك مسبر الآهات تضمدي في جدار الروح
وتجففي بركة الآلام من عمق الاسى المجروح
ملامح وجهك الضواي مودرة بين معالمو طموح
طموح مطموسة في الاحزان مشارقة وجيهك البّهر
لقيتك بحة في الدوبيت مجودة بين غناوي النم
ممرجحة في صدى الاحزان طليقة لسانك اتلعثم
وفتقة توبك المحتار مشدقة بي خيوط الهم
بتشربي من حميم مهجور برغم منابع الكوثر
لقيتك ودعة محتارة مكرتلة بي عبى البرويش
تهز اعصابك النوبة ومخربشك الزمن خربيش
برغم جناحك المكسور تطير كان لقيتي الريش
بس الا مشانق الايام دواليب لافة في محور
بشوفك في عيون عيني
محمد سفلة
بشوفك في عيون عيني وفي جرح القليب الني
في جور الأحبة معاي وفي شمت الأعادي علي
لاني وكت سفكته الليل علي مزبح هواي ضحك
والفرح المناي حاحيتو دودرتوا وابالي يرك
لقيت ماساتي تبكي معاي وتضحك في عيون اهلك
تركتة احلامي للايام طلقته حبالة من ايدي
وقع شقي الشمال كورك لقيت شقي اليمين مشلول
انا تركته الروح قبل ما تروح وقع مني القليب مشلول
وقعدتة اغني ما حديت رغم انو المصير مجهول
بكيت لامن وجع حتي عرفت انو الطعني اخي
شرب ريق الشجن شجني ومحقني علي العلي الخوف
وبقيت من الزوال جفال خليك من اشوف لي طيوف
دة انا البلفطرة قلبي عطوف من الشفتو يا ست ريدي
ما شفعت عهودك لي
نجومك كان رماها سماها ما اختارت براها ترك
دهر اشعاعا برق الخوف بقالا وحيح غناي تابوت
راجي نجاته من النجي يونس لم بلعوا الحوت
سنين الامتحان قضاها حتي نهاروا من غير ضي
شيلني عليك وقوم يا موج محل ما ترسي راضي اكون
ولا تهتمة بالمقسوم سمح حكم الله مهما يكون
ضجة في عيونك كلمة كانت في قلب للنون
غناها الزمن للدنيا لكن ما غشت اضني
محمد سفلة
بشوفك في عيون عيني وفي جرح القليب الني
في جور الأحبة معاي وفي شمت الأعادي علي
لاني وكت سفكته الليل علي مزبح هواي ضحك
والفرح المناي حاحيتو دودرتوا وابالي يرك
لقيت ماساتي تبكي معاي وتضحك في عيون اهلك
تركتة احلامي للايام طلقته حبالة من ايدي
وقع شقي الشمال كورك لقيت شقي اليمين مشلول
انا تركته الروح قبل ما تروح وقع مني القليب مشلول
وقعدتة اغني ما حديت رغم انو المصير مجهول
بكيت لامن وجع حتي عرفت انو الطعني اخي
شرب ريق الشجن شجني ومحقني علي العلي الخوف
وبقيت من الزوال جفال خليك من اشوف لي طيوف
دة انا البلفطرة قلبي عطوف من الشفتو يا ست ريدي
ما شفعت عهودك لي
نجومك كان رماها سماها ما اختارت براها ترك
دهر اشعاعا برق الخوف بقالا وحيح غناي تابوت
راجي نجاته من النجي يونس لم بلعوا الحوت
سنين الامتحان قضاها حتي نهاروا من غير ضي
شيلني عليك وقوم يا موج محل ما ترسي راضي اكون
ولا تهتمة بالمقسوم سمح حكم الله مهما يكون
ضجة في عيونك كلمة كانت في قلب للنون
غناها الزمن للدنيا لكن ما غشت اضني
أفتكرتك
افتكرتك لما عيني سالو ترجع
وزي حشا قلبي المقطع دم عيون عينيك تدمع
افتكرتك صدر حاني قلبو يتقطع عشاني
يفقد يتحسس رقادي ام بتتفقد مكاني
ما بتسيبني اعيش مشرد ما بتنوم لمن اعاني
كنت داخرك لي زماني يا ملاذي يا اماني
واسى شوف كيف حالي اسع افتكرتك برضو ترجع
افتكرتك ما بتسيبني براي اقاسي
واسي عارف اني غيرك
وانو لما تسيبني ترحل كل حياتي تكون مآسي
افتكرتك لما اشكي بالعلي القاك حاسي
وخاصة بتخاف من فراقي وديمة لي لقاي تطمع
اكان تعاند كان تجافي اكان تزيد المي الخرافي
شان بريدك وغصب عني هاك كمان اقرع حراثي
واعترافي ليك قلبي غيرك مالو منية
واي دنية يعيشا غيرك ماها دنيا
انت اروع اغلى منية وانت من الروعة أروع
انت واحد والله شاهد انت واحد يامناي
النجوم خلقت كتيرة والقمر في الدنيا واحد
وانت احلى ويامناي انت من الروعة أروع
انت واحد والله شاهد انت واحد يامناي
انت لي دايرني اقنع
وما حأقنع ولسة دايرك برضو ترجع
اكان تعاند كان تخاتر كان تقنب كان تسافر
انت واحد والله شاهد والله شاهد وانت واحد
افتكرتك لما عيني سالو ترجع
وزي حشا قلبي المقطع دم عيون عينيك تدمع
افتكرتك صدر حاني قلبو يتقطع عشاني
يفقد يتحسس رقادي ام بتتفقد مكاني
ما بتسيبني اعيش مشرد ما بتنوم لمن اعاني
كنت داخرك لي زماني يا ملاذي يا اماني
واسى شوف كيف حالي اسع افتكرتك برضو ترجع
افتكرتك ما بتسيبني براي اقاسي
واسي عارف اني غيرك
وانو لما تسيبني ترحل كل حياتي تكون مآسي
افتكرتك لما اشكي بالعلي القاك حاسي
وخاصة بتخاف من فراقي وديمة لي لقاي تطمع
اكان تعاند كان تجافي اكان تزيد المي الخرافي
شان بريدك وغصب عني هاك كمان اقرع حراثي
واعترافي ليك قلبي غيرك مالو منية
واي دنية يعيشا غيرك ماها دنيا
انت اروع اغلى منية وانت من الروعة أروع
انت واحد والله شاهد انت واحد يامناي
النجوم خلقت كتيرة والقمر في الدنيا واحد
وانت احلى ويامناي انت من الروعة أروع
انت واحد والله شاهد انت واحد يامناي
انت لي دايرني اقنع
وما حأقنع ولسة دايرك برضو ترجع
اكان تعاند كان تخاتر كان تقنب كان تسافر
انت واحد والله شاهد والله شاهد وانت واحد
حلم الصبي
وداعــاً يا ربيع الدنيا يا حلم الصبــي
يا امل الاماني الحالمة يا سحر الروبي
لو اصلك رضاك جحيمي روحي تعزبي
تفديك من دموع الحسرة جرعاك ساكبي
يا كاحل بهيــج الطلعة يا شــــبه الظـبي
نـــافر بي عنــادك لي نـاري مهبهبة
نزرا لي هواك من بدري روحي انا واهبة
وريتني الغريب في الدنيا وكل عجايبة
عفوا يا مسالب الروح حياة مذهبة
علقم من فراقك لي هزت ومرعبة
محكوم إني اعيش في ظلمة داكنة ساحيبة
لو شرقت شموسك تاني شمسي مغربة
افواج من طيوف الحزن هادرة مواكبة
تنهش في الفؤاد انياب غارزة مخالبة
آلاف في الغرام الزيي ضالة مراكبة
سايق مع العرق في الشيمة لافي مقلبة
آه انا بالعلي اقداري جاري مصايبة
مطلوب في سجون الريد حياتي موهدبة
معروف انو طعم الريدة مرة عواقبة
راضي انا بالعلي اقداري ربنا كاتبة
وداعــاً يا ربيع الدنيا يا حلم الصبــي
يا امل الاماني الحالمة يا سحر الروبي
لو اصلك رضاك جحيمي روحي تعزبي
تفديك من دموع الحسرة جرعاك ساكبي
يا كاحل بهيــج الطلعة يا شــــبه الظـبي
نـــافر بي عنــادك لي نـاري مهبهبة
نزرا لي هواك من بدري روحي انا واهبة
وريتني الغريب في الدنيا وكل عجايبة
عفوا يا مسالب الروح حياة مذهبة
علقم من فراقك لي هزت ومرعبة
محكوم إني اعيش في ظلمة داكنة ساحيبة
لو شرقت شموسك تاني شمسي مغربة
افواج من طيوف الحزن هادرة مواكبة
تنهش في الفؤاد انياب غارزة مخالبة
آلاف في الغرام الزيي ضالة مراكبة
سايق مع العرق في الشيمة لافي مقلبة
آه انا بالعلي اقداري جاري مصايبة
مطلوب في سجون الريد حياتي موهدبة
معروف انو طعم الريدة مرة عواقبة
راضي انا بالعلي اقداري ربنا كاتبة
شدة الشوق
طارق العوض
زي ركتك على قلبي بالعشق النبيل
ركت حمامتي على الهديل
يا زول حقيقي ومستحيل
عينيك وحات عينيك سفر
بين الغيوم الراحله بالشوق للمطر
وأنا فيها كايس للآمان
ما بين تجاويف الخطر
بين خوفي منك ولهفتي
وشجني البزيد نار لوعتي
واشواق تبث في العين سهر
سكنتا قلبي الغربة كيف
وعلمتو يمشى على رصيف الحيره كيف
يقنتو كيف إنك تميمة ضحكتو حزنو الوريف
كان مطمئن قلبي الموسد بالنعسان اصبح يئن
ويقول كلام زي الشعر رومانسي للحد المهول
في ليل دروبو بدت تطول
سلمتك الخاطر مراكب وأنت ريح
رسيها في الشاطئ المريح
قبل الجراح ما تبقي موج قاسي ولديح
قبل الصباح ما ينطفئ ويكشح رمادو على العيون
والدنيا في الآخر تكون لحظة ظنون.
طارق العوض
زي ركتك على قلبي بالعشق النبيل
ركت حمامتي على الهديل
يا زول حقيقي ومستحيل
عينيك وحات عينيك سفر
بين الغيوم الراحله بالشوق للمطر
وأنا فيها كايس للآمان
ما بين تجاويف الخطر
بين خوفي منك ولهفتي
وشجني البزيد نار لوعتي
واشواق تبث في العين سهر
سكنتا قلبي الغربة كيف
وعلمتو يمشى على رصيف الحيره كيف
يقنتو كيف إنك تميمة ضحكتو حزنو الوريف
كان مطمئن قلبي الموسد بالنعسان اصبح يئن
ويقول كلام زي الشعر رومانسي للحد المهول
في ليل دروبو بدت تطول
سلمتك الخاطر مراكب وأنت ريح
رسيها في الشاطئ المريح
قبل الجراح ما تبقي موج قاسي ولديح
قبل الصباح ما ينطفئ ويكشح رمادو على العيون
والدنيا في الآخر تكون لحظة ظنون.
البينا سر
حسون حمد
نحن البينا سر مافي زول يعرفو
في جواى دفين ماخد من أسمك حرفو
نحن البينا خافي عميق وممنوع كشفو
وما بقدر أقول كيفن أخون أنا حلفو
خايف من صدود أو مره وعدو يخلفو
أو طعنات رماحو أو جروح من طرفو
ألمحو من بعيد وجعه قليبي يخفو
لمتين يا حفيظ السر دموعي يجفو
نحن البينا سر ما في زول بيعرفو
في جواي دفين ماخد من اسمك حرفو
سرك حافظ اسرار البدور أميره
لاعرفت حقيقتو ولا بجيب السيره
ستات القلوب الما بتعرف الغيره
ومنو العلي راعينو حق الجيره
هباب الخريف الصدقتلو مطيره
يا خدرة جناين غنا غرد طيره
سرك في الشعر خلاهو زايد حيره
انهزم الشعور خلت خطاهو مثيله
سرك يا وديع خافنو في المجهول
بس يعلمبو الله وتاني ما فيش زول
يا زهر الربا الفوق التلال مشتول
ذوقك ورقتك وحديثك المعسول
خاطرك يا حنين دايرين عمرنا يطول
يبقي البينا سر فعلا كلام معقول
محفوظ في أمان ومنو أنا المسئول
حار طعم الفراق برضو العزر مقبول
سرك كاسى سريرتك برضو قاسي اجيبه
صعبه على وحاتك روحي طال تعذيبه
يا أملى وحناني ويا أعز حبيبه
يومي الما أشوفك يبقي ذاتو مصيبه
للريد انتى دنيا وفيك كل الطيبة
يا قبله حياتي وخطوتي الماشيبها
دايرك ومشتهيلك مني تبقى قريبه
احفظه يا حفيظه اسرارها دى الداريبها
الحاسى وهلك في ريدو حالتو صعيبه.
حسون حمد
نحن البينا سر مافي زول يعرفو
في جواى دفين ماخد من أسمك حرفو
نحن البينا خافي عميق وممنوع كشفو
وما بقدر أقول كيفن أخون أنا حلفو
خايف من صدود أو مره وعدو يخلفو
أو طعنات رماحو أو جروح من طرفو
ألمحو من بعيد وجعه قليبي يخفو
لمتين يا حفيظ السر دموعي يجفو
نحن البينا سر ما في زول بيعرفو
في جواي دفين ماخد من اسمك حرفو
سرك حافظ اسرار البدور أميره
لاعرفت حقيقتو ولا بجيب السيره
ستات القلوب الما بتعرف الغيره
ومنو العلي راعينو حق الجيره
هباب الخريف الصدقتلو مطيره
يا خدرة جناين غنا غرد طيره
سرك في الشعر خلاهو زايد حيره
انهزم الشعور خلت خطاهو مثيله
سرك يا وديع خافنو في المجهول
بس يعلمبو الله وتاني ما فيش زول
يا زهر الربا الفوق التلال مشتول
ذوقك ورقتك وحديثك المعسول
خاطرك يا حنين دايرين عمرنا يطول
يبقي البينا سر فعلا كلام معقول
محفوظ في أمان ومنو أنا المسئول
حار طعم الفراق برضو العزر مقبول
سرك كاسى سريرتك برضو قاسي اجيبه
صعبه على وحاتك روحي طال تعذيبه
يا أملى وحناني ويا أعز حبيبه
يومي الما أشوفك يبقي ذاتو مصيبه
للريد انتى دنيا وفيك كل الطيبة
يا قبله حياتي وخطوتي الماشيبها
دايرك ومشتهيلك مني تبقى قريبه
احفظه يا حفيظه اسرارها دى الداريبها
الحاسى وهلك في ريدو حالتو صعيبه.
انت ذاتي
طارق العوض
روحتى وين وانا ما لقيت حضنا بلاك ينضح أمان
لا نمتا في الزمن المخيف متوسد ايدي بأمان
وأنا غايتو بي حالتى العلى واقف على باب الهوان
مستني خيلك للرجوع كان يصدق الوعد الزمان
يا غايبه وين روحتي وين
وأنا في شوقك ماهو زي شوق المسافرين للرجوع
حسيتو في الروح زي عطش فطن الفؤاد الآم وجوع
طيفك معاي مدن مدن نتناجي يفرقنا الركوع
اشكيلو يبكي من العلى ابكيلو يمسح في الدموع
سبتيني مفجوع بالبعاد مجنون ومسكون بالشجن
وتنبح جراحك في الفؤاد لا جفي نزفوا ولا سكن
مشدوه مباري الأمنيات فتشتلك كل الوطن
استعجلي قبل الضلام ما الدنيا ماشى على العصر
وهتكت مناعتنا الظروف وانتلح السوس الصبر
ولدونا من رحم الشقي وطعم الحياه قدامنا مر
آيه يعني فايدة دلكتك وانا وانتي يدخلنا الكبر.
طارق العوض
روحتى وين وانا ما لقيت حضنا بلاك ينضح أمان
لا نمتا في الزمن المخيف متوسد ايدي بأمان
وأنا غايتو بي حالتى العلى واقف على باب الهوان
مستني خيلك للرجوع كان يصدق الوعد الزمان
يا غايبه وين روحتي وين
وأنا في شوقك ماهو زي شوق المسافرين للرجوع
حسيتو في الروح زي عطش فطن الفؤاد الآم وجوع
طيفك معاي مدن مدن نتناجي يفرقنا الركوع
اشكيلو يبكي من العلى ابكيلو يمسح في الدموع
سبتيني مفجوع بالبعاد مجنون ومسكون بالشجن
وتنبح جراحك في الفؤاد لا جفي نزفوا ولا سكن
مشدوه مباري الأمنيات فتشتلك كل الوطن
استعجلي قبل الضلام ما الدنيا ماشى على العصر
وهتكت مناعتنا الظروف وانتلح السوس الصبر
ولدونا من رحم الشقي وطعم الحياه قدامنا مر
آيه يعني فايدة دلكتك وانا وانتي يدخلنا الكبر.
اخر الكلام
حاتم حسن الدابي
اتحمل لهيب الفرقة لكن ما بعودلك تاني
خلى البيني بينك يبقي ذكري جميله في وجداني
الليله همك فوق هموم منطبقة منها طول حياتي بعاني
طنبورن يدق والصفقه يرقص في رحابها زماني
شفتا سعادتي أحزان فرقه ما بيقبل رصيده أماني
الريد في السفر والمرقه قاصد مع الزمن تنساني
قبلان طول حياتي انا اشقي بس اسعد معاها ثواني
فيها انسي الألم والحرقه وانسج فوق خيالي أغاني
أحبس دمعتي المندلقه واول حاجه وشي التاني
تبرا جروح زمن منفتقه روحي أبلها العطشاني
يا قلبي أنت شن داير تلقي من حواء الضميرها اناني
النظرات تصيدك سرقه تضحك والسهام طعناني
حواء بناتا ظالمات خلقه ربنا جابو نص قرأني
أدانا العلاج في الطلقه والدواء والمرض طلقاني
الليله غيرن نحن صح ما بنبقي ناس مرتاحه ناس شقياني
ريدن يبني اسعد شقه وريدن ياما هدا مباني
المرض البليل مارقه واحيانا تكون صناني
واليقع الأرض تتلقا صابره على حكم رباني.
حاتم حسن الدابي
اتحمل لهيب الفرقة لكن ما بعودلك تاني
خلى البيني بينك يبقي ذكري جميله في وجداني
الليله همك فوق هموم منطبقة منها طول حياتي بعاني
طنبورن يدق والصفقه يرقص في رحابها زماني
شفتا سعادتي أحزان فرقه ما بيقبل رصيده أماني
الريد في السفر والمرقه قاصد مع الزمن تنساني
قبلان طول حياتي انا اشقي بس اسعد معاها ثواني
فيها انسي الألم والحرقه وانسج فوق خيالي أغاني
أحبس دمعتي المندلقه واول حاجه وشي التاني
تبرا جروح زمن منفتقه روحي أبلها العطشاني
يا قلبي أنت شن داير تلقي من حواء الضميرها اناني
النظرات تصيدك سرقه تضحك والسهام طعناني
حواء بناتا ظالمات خلقه ربنا جابو نص قرأني
أدانا العلاج في الطلقه والدواء والمرض طلقاني
الليله غيرن نحن صح ما بنبقي ناس مرتاحه ناس شقياني
ريدن يبني اسعد شقه وريدن ياما هدا مباني
المرض البليل مارقه واحيانا تكون صناني
واليقع الأرض تتلقا صابره على حكم رباني.