آلشـآعر/محمد بشير عتيق الامان ... الامان
🌷🌷🌷
الامان الامان
ويشغل قلبي حبك علي مر الزمان
سلطانه استقر
وفي جوره استمر
كيف القى الضمان
يا ما انت ظالم
وانا طائع اوامرك
ولي شخصك مسالم
الامان الامان
الامان الامان
ياحبيبي الامان
واسمح لي كمان
اقبل يديك
من نور وجنتيك
أنور مقلتي
الامان الامان
من فتكات عيونك
ارحم مهجتي
الامان الامان
فيك صور المحاسن
ظهرت لي عيان
موسيقى حديثك
مع سحر البيان
واذا مال قوامك
يازينة الحسان
روحي تسيل عواطف
وقلبي يذوب حنان
وانا كيف ما أخافك
من ما طرفي شافك
وما حبيت خلافك
حبك منيتي
وفرضي وسنتي
وناري وجنتي
الامان الامان
ومن يوم نشأتي
تقديسك شعاري وحبك نشوتي
يا سامي العروض أرسل ليك أغاني
من أرقى المعاني
عنوان خبرتي ابداع فكرتي
تخليد ذكرتي

‏فيديو من ﺃﻛﺘﺐ ﻟﻲ ﻳﺎ ﻏﺎﻟﻲ ﺍﻟﺤﺮﻭﻑ

‏فيديو من ﺃﻛﺘﺐ ﻟﻲ ﻳﺎ ﻏﺎﻟﻲ ﺍﻟﺤﺮﻭﻑ

مسكين أنـا
إنسان عقيم ستين سنة أتمنى يوم يلد ا لجنى
أتتمنى المنى..فرهد كبر وعمره حصل كم سنة
فجاءة انتهى..ماأهونا ما أصل غاية ا لحي أفنى
لكن أنا مأساتي أكبر بي كثير..ما شفت أيده محننة
والدبلة في إيده اليمين ذهبية ثايرة تزينها
ياحليلو ياناس حبنـا
بالله كيفن تاني الصلة لوفي القمر ساهـل علي أنـزلا
لو در في أعماق بحر كان نغوص ونحصلة
لو كان بـعـيد أقصى الأقـاصي بـنـوصلـة
لو قوا نـين كنـا بـنـصـوغها نـعـدلا
لكن حرام ومين الحرام بـيـحـللو غيـر ربـنا
وحليلة قصة حبنا
شفتوا الحبيب ماظن يوم شفتوا الجمال
وشفتوا العيون ما اظنه مرواد كحـلا
ماشال قلم قصر حواجبو وطولا
مرسومة زي شكل الهلال شفتوا الشفاه
ما حلوة أحلى من ا لحـلى
شفتوا الخصل لما النسيم يحسد جمالة يبهدلة
شفتوا الصور ياربي ألهمني الصبر
قــويـة عـيـونـة مـنـزلـة
شفتوا الخصر خايف عليهو أنا ينكسر
زي السويس رابط بحور وموصلة
لوشفتوا القدم ياناس وحات الله العظيم
زي إيد عروس ممكن تـشيـله تــقبلـه
ياحليلو مشوا را لسنين حليلو ياناس حبنا
لوحة جمال فنان بديع يتأمله أحتار وقف قال الصلاة
ريحة دعاش زمن الرشاش عم البنادر والخلا
ورقة جمال من الجدود متسـلسـلة
ماسـيد بـلد ما روعـة جـد
ماتـقولوا قل هو الله أحد والنازعات والبسملة
حاأعيش كدا وزمن حروفو اردده
حاأعيش غريب وأكتم عواطفي وأقيده
ما صورتك أنت يا سـت هواي
نـاميـة في ضلوعي مـفـرهـدة
بـسـقيـها بـدمـي العـزيـزوأغني ليها أمجده
ماروحي كان ملكـك سنـيـن وحديثي الكان بترددي
الليلة عاد ميـن يـسـمع نداه
وياحليلو مشوار السنين..حليلا قصة حـبـنا

لـ فؤاد عبدالرحيم

نـــــظرة يا السمـــــحة ام عجــــننـــــظرة يا السمـــــحة ام عجــــن

كلمات سيدعبدالعزيزكلمات سيدعبدالعزيز

نظرة يا السمحة أم عجننظرة يا السمحة أم عجن

لو كان قليل تبرى الشجنلو كان قليل تبرى الشجن

أعرف صفا الأيام أفيقنأعرف صفا الأيام أفيقن

أنظر جمال تلك الوجنأنظر جمال تلك الوجن

دولات صدودك ماوعندولات صدودك ماوعن

الامى وبى اتدرعنالامى وبى اتدرعن

ابكى واصيح متضرعاًابكى واصيح متضرعاً

يا ناس دموع عينى ترعاًيا ناس دموع عينى ترعاً

ارحمونى مارضنى الظعنارحمونى مارضنى الظعن

أمالى جور لى قاطعنأمالى جور لى قاطعن

أحشاي هديل أتقطعنأحشاي هديل أتقطعن

وبالفرقة نشابك طعنوبالفرقة نشابك طعن

يا منبع النور والفطنيا منبع النور والفطن

يا الفقتى يعرب والرطنيا الفقتى يعرب والرطن

فى جوفى من حبك قطنفى جوفى من حبك قطن

يا جاهلة مليون ألف طنيا جاهلة مليون ألف طن

كيف أسلى عينيك والوجنكيف أسلى عينيك والوجن

يالبسمتك نور الدجنيالبسمتك نور الدجن

جسمك حرير ناسجة العجنجسمك حرير ناسجة العجن

ناضر وباللون انعجنناضر وباللون انعجن

الضاوية زى خديك منالضاوية زى خديك من

فى الدنيا يا نور الزمنفى الدنيا يا نور الزمن

أرواح نسائمك لى رمنأرواح نسائمك لى رمن

نرجس مزج لى مسك اليمننرجس مزج لى مسك اليمن

ما احلاك يا الجيدك شدنما احلاك يا الجيدك شدن

يالعمرى فيك ضائع سدىًيالعمرى فيك ضائع سدىً

انا عندى شوفتك يا اللدنانا عندى شوفتك يا اللدن

أحسن من الروح فى البدنأحسن من الروح فى البدن

يا منبع الذوق آه يا منيا منبع الذوق آه يا من

حبك غرز فى الجوف كمنحبك غرز فى الجوف كمن

يا غالية قط ما ليك تمنيا غالية قط ما ليك تمن

إن هب او جار الزمنإن هب او جار الزمن

ليك السلام ما ولعنليك السلام ما ولعن

خديك بالنور يلمعنخديك بالنور يلمعن

وعدد النجوم ما يطلعنوعدد النجوم ما يطلعن

يرضيك وبيك لى يجمعنيرضيك وبيك لى يجمعن

*سامعك_من_زمان*
كلمات الشاعر / محمد أحمد الحبيب
@@@@@@@@
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

*ﺳﺎﻣﻌﻚ ﻣﻦ ﺯﻣﺎﻥ ﺷﺎﻛﻲ ﺍﻟﺸﺘﺎﺕ ﻭﺍﻟﻔﺮﻗﺔ*
*ﻣﺎﻟﻚ ﻟﻤﺎ ﺟﻴﺖ ﻃﻮﻟﺖ ﻗﺎﻃﻊ ﺍﻟﻤﺮﻗﺔ* ؟
*ﺑﻐﺮﻳﻚ ﺍﻟﺴﻼﻡ ﺭﻏﻢ ﺍﻟﺪﺭﻭﺏ ﻣﻔﺘﺮﻗﺔ*
*ﺗﺘﻠﻔﺖ ﻭﺭﺍﻙ ﺣﺘﻰ ﺍﻟﺴﻼﻡ ﺑﺎﻟﺴﺮﻗﺔ* ؟

*ﻗﻮﻝ ﻟﻰ ﺷﻦ ﺩﻫﺎﻙ ﺗﺮﺿﻰ ﺍﻟﻌﻮﺍﺯﻝ ﺗﺸﻘﻰ*
*ﻣﻴﻦ ﺍﻟﻘﺎﻝ ﺑﻼﻙ ﻏﻴﺮ ﺍﻟﻀﻴﺎﻉ ﺣﺄﻟﻘﻰ*
*ﻳﺎ ﺭﻭﺣﻰ ﺍﻟﺒﺼﻴﺢ ﻋﺼﻔﻮﺭﻯ ﻗﺒﻞ ﺍﻟﺸﺮﻗﺔ*
*ﺗﺒﻜﻴﻚ ﺍﻟﻘﻠﻮﺏ ﻗﺒﻞ ﺍﻟﻌﻴﻮﻥ ﺑي حرﻗﻪ* .

*ﻛﺎﻥ ﻟﻠﻤﺎﺿﻰ ﻋﺎﻳﺶ ﻓﻴﻬﻮ ﻏﺼﺒﺎً ﻋﻨﻰ*
*ﻣﺠﻨﻮﻥ ﻋﺎﺑﺮﻩ ﻻﺯﻡ ﺑﻴﻬﺎ ﻳﻮﻣﻲ ﻳﻐﻨﻰ*
*ﻧﻤﺮﻩ ﻋﻠﻲ ﺍﻟﺨﺒﻴﺚ ﻣﺎﺧﻴﺒﺖ ﻳﻮﻡ ﻇﻨﻲ*
*ﺍﻣﺎ ﻣﻊ ﺍﻟﻌﻔﻴﻒ ﻣﺴﻜﻴﻨﻲ ﻃﻴﺮﺓ ﺍﻟﺠﻨﻲ*

*ﻟﻔﻴﺖ ﺍﻟﻤﺪﻥ ﻣﺎﺷﻔﺘﺎ ﻏﻴﺮﺍ ﺳﻤﺎﺣﻪ*
*ﻣﺪﻋﻮﺟﺔ ﻋﻴﻮﻥ ﺻﺎﻓﻲ ﺍﻟﻀﻤﻴﺮ ﻣﺮﺗﺎﺣﻪ*
*ﻭﺭﻳﺘﻚ ﻗﺒﻴﻞ ﺑﻜﻞ ﻭﺿﻮﺡ ﻭﺻﺮﺍﺣﺔ*
*ﻟﻜﻦ ﺍﻟﺴﻨﻴﻦ ﻗﻠﺒﺖ ﻏﻨﺎﻳﺎ ﻣﻨﺎﺣﻪ*

*ﻓﻲ ﺫﻛﺮﺍﻫﺎ ﻣﺎﻭﻗﻌﺖ ﻋﻴﻮﻥ ﻓﻲ ﺻﻮﺭﻩ*
*ﻣﺎ ﻏﻨﺖ ﻋﻠﻲ ﺻﺪﺭ ﺍﻟﺼﺒﺎﺡ ﻋﺼﻔﻮﺭﻩ*
*ﻟﻮ ﺟﺎﺭﺕ ﻋﻠﻴﻚ ﺍﻭ ﻃﻮﻟﺖ ﻣﻌﺰﻭﺭﻩ*
*ﻟﻮ ﺟﺎﺩ ﺍﻟﺰﻣﺎﻥ ﻻﺑﺪ ﺍﻣﺸﻲ ﺍﺯﻭﺭﻩ*

*ﻭﺍﺣﺪﻳﻦ ﻓﻲ ﻫﻮﺍﻙ ﻳﺎﻋـﺎﺑﺮﻩ ﻫﻢ ﻻﻣﻮﻧﻲ*
*ﻳﻨﻀﻤﻮﺍ ﺑﻲ ﻭﺭﺍﻱ ﻗﺪﺍﻣﻲ ﻣﺎﻭﺭﻭﻧﻲ*
*ﻣﻦ ﻗﻮﻟﺖ ﺍﻟﺼﺒﺮ ﺍﻟﻠﻪ ﻳﻜﻮﻥ ﻓﻲ ﻋﻮﻧﻲ*
*ﻫﻢ ﻗﺎﺻﺪﻳﻦ ﺷﻘﺎﻱ ﺩﺍﻳﺮﻳﻦ ﻳﺒﻜﻮﺍ ﻋﻴﻮﻧﻲ*

*ﻛﻞ ﻣﺎ ﺍﻗﻮﻝ ﺍﻃﻴﺐ ﺑﺎﻛﺮ ﺍﻧﻮﻡ ﺍﻧﺠﻤﻲ*
*ﺍﺳﻤﻊ ﻟﻲ ﻗﻮﻝ ﺯﻱ ﺍﻟﺴﻬـﺮ ﻭﺍﻟﺤﻤﻲ*
*ﻗﻠﺒﻲ ﺍﻧﺎ ﻓﻲ ﻟﺴﺎﻧﻜﻢ ﺻﺢ ﻭﻗﻊ ﻣﺎ ﺳﻤﻲ*
*ﺧﻠﻮﻧﻲ ﺍﻟﻠﻌﻴﺶ ﻣﺎﻟﻜﻢ ﻋﻠﻲ ﻳﺎ ﺍﻣﻪ* ؟؟

🌹🌹🌹🌹

*جرعة فن وتراث وطرب*
*الكابلى ومفردات خال فاطمه*
يجد الكثير من الإخوة العرب صعوبة في فهم بعض مصطلحات العامية السودانية . فاللغة (أو اللهجة) السودانية هي مزيج من العربية وبعض اللغات واللهجات الافريقية الاخري في الغالب . لكن بعض الكلمات الدارجية عندنا مشتقة من كلمات عربية في غاية الفصاحة والبلاغة قد لا تجدها مستخدمة في لهجات الدول العربية الاخري ... في مرة فى الاذاعه سمعت الاستاذ (عبدالكريم الكابلي) يشرح معاني قصيدة (خال فاطمة) . وهي قصيدة تراثية باللهجة العامية يعود تاريخها للقرن التاسع عشر . قامت بتأليفها امرأة أرملة لديها بنت اسمها (فاطمة) . ونظمت تلك القصيدة في مدح شقيقها (خال فاطمة) لشهامته ومساندته لها اثناء احدي الكوارث . وقد ابدع الاستاذ الكابلي فى شرحه لهذا البيت :

*اب كريق في اللجج سدّر حبس الفجج*
*عشميق حبل الوجج اخوي مقلام الحجج*

طبعا معروف ان (اب كريق) هو اسم التمساح باللغة النوبية . بينما اللجج (جمع لجّة) هي كلمة عربية فصحي وردت في القرآن الكريم (او كظلمات في بحر لجّي) . وتعني المكان شديد العمق في البحر الذي تنعدم فيه الرؤية لشدة عمقه . وتصف شاعرة القصيدة شقيقها في الشطر الاول من البيت بالتمساح الذي يجيد السباحة في الاماكن العميقة . ومعروف ان السباحة في الاماكن العميقة تكون اصعب وتحتاج لقوة اكبر . وتضيف انه من الشهامة والقوة لدرجة انه وسط كل هذه المصاعب . فهو يرفع صدره (سدّر) عاليا ليقوم باجراء اللازم من سد الفجوات (حبس الفجج - جمع فجوة) - أي اغلاق المنافذ و ستر ما يجب ستره من ثغرات .
اما شرح الشطر الثاني من البيت فهو لا يقل بلاغة عن الاول . فالعشميق مأخوذ من كلمة (آشميق) وهي ايضا كلمة باللغة النوبية تعني (لحاء اشجار النخيل) . ومعروف ان مادة لحاء النخيل (العشميق) تعتبر من اقوي المواد في الطبيعة واكثرها تحملا لدرجات الحرارة العالية . لذا يصنع منها المصفي الذي يوضع في فوهة آنية تحضير القهوة (الجبنة والشرقرق) . حتي يقوم بتصفية البن اثناء صب القهوة بينما يظل ذلك المصفي متماسكا دون تلف . رغم ارتفاع درجة حرارة المياه المغلية ... ايضا العشميق تصنع منه حبال العناقريب . والعناقريب لغير الناطقين بها هي جمع مفردة (عنقريب) وتعني السرير). والعشميق يصنع منه أيضا (حبل الوجج) . وهو الحبل الذي يستخدم بواسطة عمال حفر الآبار لانزال الاشخاص داخل البئر . ولربط الدلو الذي تجلب به المياه من داخل البئر . وبالتالي فهو من القوة بحيث يثق الناس في متانته ويستأمنونه علي ارواحهم . لانهم يضمنون انه ولشدة متانته فهو لن ينقطع ليطيح بهم داخل البئر .. وتضيف الشاعرة في وصفها لشهامة شقيقها انه (مقلام الحجج) . اي انه يقطع او يستأصل (يقلم) المشاكل (الحجج : جمع حجة او مشكلة) و هنا تصف الشاعرة قوة شقيقها بمنتهي البلاغة . حيث شبهت قوته بقوة العشميق الذي يصنع منه حبل الوجج - وكأنها تقول بانه ليس قوياً فحسب ، بل هو اصل القوة التي تصنع منها الاشياء القوية مثل (حبل الوجج) . وانه يقوم بحل المشاكل من جذورها (يقلمها) .. وبعد ان وصفت الشاعرة شقيقها بالشهامة والفروسية والقوة . تأتي في البيت الذي يليه لتصفه بالكرم والعطاء والعطف قائلة :

*يا خريف الرتوع اب شقّه قمر السبوع*
*الفوق بيتو بيسند الجوع يا قشاش الدموع*

وهنا تشبه عطاء شقيقها بالخريف الغني بالامطار الذي يعقبه اخضرار المراعي لترعي (ترتع) فيها المواشي .. اما (اب شقه قمر السبوع) فهي تصف شكل القمر وكأنه يشق السحب . وقمر السبوع هو القمر في الاسبوع الاول من الشهر . حيث اعتاد أهل الريف علي حساب التاريخ بحجم القمر وشدة اضاءته . فهو مصدر الانارة الوحيد في الاماكن التي تنعدم فيها انظمة الكهرباء . ويحسبون الشهر بالاسابيع ويقولون علي الاسبوع انه (دور) . والشهر اربعة أدوار لذا تجدهم يصفون الشخص الجميل بأنه (قمر دورين) .

*يا قمر دورين*
*انا شفتك وين ؟*

أي انه بدر مكتمل او (قمر 14) حيث تكون ليالي اكتمال القمر هي الاكثر اضاءة خلال الشهر (قمر 14) بينما تكون ليالي بداية الشهر ونهايته هي الاكثر ظلمة . حيث يختفي خلالها القمر ويزداد حجمه تدريجيا مع بداية الشهر . حتي يأتي الاسبوع الاول من الشهر فيظهر (قمر السبوع) المضئ . وهو يشق السحب ليضئ لهم ليلتهم بعد ان كانت الليالي التي سبقتها حالكة الظلام .. اما الشطر الثاني من البيت (الفوق بيتو بيسند الجوع يا قشاش الدموع) فاعتقد ان المعني واضح في وصف الكرم والعطف .

لي نية في قمر السماء

كلمات :سيد عبد العزيز

مـقـاصـدي اه مـــا اجـسـمــــــــا
لـي نـيـه فـــي قـمـر الـسـمــــــا
ابـنــي الــفـكر واهـدمــــــــــــــــا
والـعـيـن تـسـيـل دمــع الـدمــــــا
والـدمـعـهـ مـرااات اعـــدمـــــــــا
لــحبـيـبـي روحـــي اقـــدمـــــــــا
يـالــــيـتـه يـرضـــــي يـــخـــدمـــا
حواسي مالها كلما هبت نسيمه تالما
روووح يــــانــســـيــــم لـهـا كلـمـا
لو جاهله كنت اعلما نحن المعذب حما
فــــــــي حـــمــــايه الحما احتـمي
مـــنـعـو الــــــدلال يـظـهـر حـمـــا
هــلـكـ الــنـفـوس وابـــا يـرحـمـهـا
مـن هـجـره يــــاحـــامـــي الحمي
كــــم مــن مــحــاســـن اعـظـمــا
فـــيـكـ خـــايـلـــه خــلقـه مـنـظـمه
زي مـعـنـي شـــــاعــر نـــاظـمــــا
صـــفـــاء بـهــجـتـكـ مــا اعـظـمـها
شـوفـتـكـ ظـمـا وتـــروي الـظـمـــا
حــــي الـمـسـالـمـهـ ومـســـلــــمـا
ذكـــــــراهـــــا انـســــــي اقـــلـمــا
الـــذكـــري دايـــمــــــا مــــولـــمـه
لـلــــــــه امــــــــــــوري اســلـمــــا
الـــــقـــــــــــمـرا مـالـقيت ســـلـما

انت بدر السماء في صفاك

قولي من عيني من خفاك

تعال ياحبيبي متي وفاك

قلبي دون الناس اصطفاك

روحي تسمو سماك الفاك

الممات والحياة بين شفاك

فيك نفور الظبي في صفاك

قلبي واله بيك ما نساك

عاني فيك العنا من اساك

قصدي زورة طيفك عساك

ياحبيب القسا سيب قساك

حاجبه يحكي النون والهلال

طرفه فيه معاني الدلال

فاه فيه الدر والزلال

جيدة اتلع ظبي التلال

مالو بدر السماء ما شروق

ما الحماه ومنعوا المروق

خده زهري وبسمو البروق

وغير اشوفوا انا مابروق

ياحليل زمن الجهل

بين تلال الربي في السهل

من سروفنا بنشرب نهل

يازمان هل من عوده

ﺎﻋﻴﺎﺕ ﻓﻲ ﺍﻟﻐﺰﻝ ﻟﺪﻯ ﺷﻌﺮ
ﺍﻟﺪﻭﺑﻴﺖ ﻭ ﺍﻟﻤﺴﺎﺩﻳﺮ
ﺍﻟﺮﺑﺎﻋﻴﺔ ﺍﻷﻭﻟﻰ :
ﺇﻥ ﻣﺪﺣﻮﻛﻲ ﻳﺼﻐﺮﻭﺍ ﻣﻦ ﻣﺪﻳﺤﻚ ﻧﺎﺱ
ﻭﺇﻥ ﻭﺻﻔﻮﻛﻲ ﻭﺻﻔﻚ ﻣﺎ ﺑﺸﻴﻠﻮ ﺍﻟﺮﺍﺱ
ﻭﺇﻥ ﻗﺎﺳﻮﻛﻲ ﻭﻳﻦ ﻟﻴﻚ ﻳﺘﻠﻘﻲ ﺍﻟﻤﻘﻴﺎﺱ
ﺇﻧﺘﻲ ﻣﻜﻤﻠﻪ ﻭﻏﻴﺮﻙ ﺭُﺑُﻊ ﻭﺃﺧﻤﺎﺱ
ﺍﻟﺮﺑﺎﻋﻴﺔ ﺍﻟﺜﺎﻧﻴﺔ
ﺯﻱ ﺟﺪﻱ ﺍﻟﻐﺰﺍﻝ ﻛﺎﺣﻼﺕ ﻋﻴﻮﻧﺎ ﻭﺯﻳﻨﻪ
ﻭﺇﻥ ﻗﺎﻣـﺖ ﻣﺸﺖ ﺗﻘـﺪﻝ ﻣﺘﻞ ﻭِﺯِّﻳﻨﻪ
ﺍﻟﺴﺒﺐ ﺍﻟﻘﺒﻴﻞ ﺧـﻼﻫﺎ ﺗﺒﻘﻰ ﺣﺰﻳﻨﻪ
ﻗﺎﻟﺖ ﻟﻲ ﺑﺨـﺎﻑ ﻋﻴﻦ ﺍﻟﺤﺴـﻮﺩ ﺗﺄﺫﻳﻨﺎ
ﺍﻟﺮﺑﺎﻋﻴﺔ ﺍﻟﺜﺎﻟﺜﺔ :
ﺯﻱ ﻣﻬﺮ ﺍﻟﺴﺒﻖ ﻓﻲ ﻣﺸﻴﺘﻮ ﻭ ﺭﺣﻴﻠﻮ
ﺿﺎﻣﺮ ﻫﺎﻓﻮ ﺗُﻘﻞ ﺃﺭﺩﺍﻓﻮ ﻫﺪﻥ ﺣﻴﻠﻮ
ﻃﻠﻘﻮﻟﻮﺍ ﺍﻟﺒﺨﻮﺭ ﺟﺪﻉ ﻋﻘﻮﺩﻭ ﻭ ﺗﻴﻠﻮ
ﻃﺒﻖ ﺍﻟﺒﻮﺧﺔ ﻗﺎﻡ ﻋﺮﻗﻮ ﺍﻟﺼﻔﻴﺢ ﻣﺎ ﻳﺸﻴﻠﻮ
ﺍﻟﺮﺑﺎﻋﻴﺔ ﺍﻟﺮﺍﺑﻌﺔ
ﻣﻦ ﺻﺪﺭ ﺍﻟﻘﻤﺮ ﺭﺿﻌﺖ ﺭﻭﺕ ﻭﺟﻨﺎﺗﺎ
ﻭﻣﻦ ﺿﺮﻉ ﺍﻟﻐﺰﺍﻝ ﺣﻠﺒﺖ ﺳﻤﺎﺣﺘﺎ ﺟﺎﺗﺎ
ﻣﺘﻞ ﺍﻟﻀﻞ ﺑﺸﻴﺶ ﺟﻮﺍ ﺍﻟﻘﻠﻮﺏ ﻭﻟﺠﺎﺗﺎ
ﺗﺴﻜﻦ ﻓﻲ ﺍﻟﻨﻔﺲ ﺗﺘـﺎﻭﻯ ﻓﻲ ﺧﻠﺠﺎﺗﺎ
ﺍﻟﺮﺑﺎﻋﻴﺔ ﺍﻟﺨﺎﻣﺴﺔ
ﻗﺪﺭ ﻣـﺎ ﻗﻠﺖ ﺃﺗﻮﺏ ﻣﻦ ﺍﻟﻐـﺮﺍﻡ ﻭﻓﻌﺎﻳﻠﻮ
ﻳﺒﺮﺍﻧﻲ ﻭﻳﻔـﻮﺡ ﻃﻴﺐ ﺍﻟﻤﺴﻚ ﻓﻲ ﺟﺪﺍﻳﻠﻮ
ﻛﻴﻒ ﻋﺎﺩ ﺍﻟﻔﻜﺎﻙ ﻭﺍﻧﺎ ﻗﻠﺒﻲ ﻣـﺎ ﻛﺖ ﻗﺎﻳﻠﻮ
ﻳﺒﻘﻰ ﺍﻟـﺮﻳﺪ ﺩﻭﺍﻡ ﻓﻲ ﻛﺘﻔﻮ ﺣﺎﻳﻢ ﻭﺷﺎﻳﻠﻮ
ﺍﻟﺮﺑﺎﻋﻴﺔ ﺍﻟﺴﺎﺩﺳﺔ
ﺗﺠﻴﻚ ﺑﻲ ﻣﻬﻞ ﻭﺍﻟﻔﻠﺠﻪ .... ﻟﻤﺎ ﺗﺸﻮﻓﺎ
ﻋﻨﻘﺎ ﺑﺎﻫﻲ ﻣﺨﺮﻭﻃﻪ ﻭﻣﻀﻤﺮ ﺟﻮﻓﺎ
ﺯﻱ ﻣﻬﺮ ﺍﻟﺴﺒﻖ ﻣﺘﺤﻀﺮﻩ ﻭﻣﻜﻠﻮﻓﺎ
ﻗﻠﺒﻲ ﺍﻟﻜﺎﻥ ﺻﻤﻴﻢ ﺟﺎﺑﺘﻠﻮ ﻓﺮﻩ ﻭﺧﻮﻓﺎ
ﺍﻟﺮﺑﺎﻋﻴﺔ ﺍﻟﺴﺎﺑﻌﺔ
ﻳﺎ ﻗﺼﻴﺒﺔ ﺍﻟـﻮِﺍﺩَﻱ ﺍﻟﺸﺎﻝ ﺑﺮﻡ ﻗﻨﺪﻭﻻ
ﻟﺒَّﻦ ﻭﺇﻧﺘﻨﺖ ﺳـﺎﻗﺎ ﺍﻟﻨﺤﻴﻞ ﻣـﺎ ﺑﺸﻴﻼ
ﺇﻥ ﻧﻀﻤﺖ ﻣﺘﻞ ﺳﺠﻊ ﺍﻟﻘﻤﺎﺭﻱ ﻫﺪﻳﻼ
ﻭﺇﻥ ﺿﺤﻜﺖ ﻣﻄﺮ ﻳﺠﺮﻑ ﺭﻭﻳﺤﺘﻚ ﺳﻴﻼ
ﺍﻟﺮﺑﺎﻋﻴﺔ ﺍﻟﺜﺎﻣﻨﺔ
ﺇﻥ ﻣﺮﻳﺘﻰ ﻓﺮﻋﺎ ﺑﺎﻟﻨﺴﺎﻳﻢ ﻣـــــــــــﺎﺱ
ﻭﺇﻥ ﻣﺴﻮﻙ ﻣﻦ ﻣﺴﻚ ﺑﺨﺎﻓﻮﺍ ﺍﻟﻤـــﺎﺱ
ﻓﻰ ﺻﺪﺭﻙ ﻗﻨﺎﺑﻼ ﺧﻮﻓﻦ ﻓُـــــــــــﺮﺍ ﺱ
ﻭﻓﻰ ﻋﻴﻨﻴﻚ ﺑﺘﻮﻩ ﺍﻟﺰﻭﻝ ﺗﻘﻮﻝ ﻣﻮ ﺣﺎﺱ
ﺍﻟﺮﺑﺎﻋﻴﺔ ﺍﻟﺘﺎﺳﻌﺔ
ﺁﻩ ﻣﻦ ﻧﺎﺭﻙ ﺍﻟﺴﻤﺤﻪ ﺍﻟﻠﻬﻴﺠﻪ ﻋﺴﻴﻼ
ﻭﺁﻩ ﻣﻦ ﺧﺪﻙ ﺍﻟﻮﺻﻔﻮ ﺍﻟﻨﻀﻴﺮ ﻭﺃﺳﻴﻼ
ﻭﺁﻩ ﻣﻦ ﻭﺻﻠﻚ ﺍﻟﺘﺐ ﻣﺎ ﻟﻘﻴﺘﻠﻮ ﻭﺳﻴﻠﺔ
ﻭﺁﻩ ﻣﻦ ﺩﺭﺑﻚ ﺍﻹﺻﻠﻮ ﻣﺎ ﻟﻘﻴﺘﻠﻮ ﺳﺒﻴﻼ

الليل وجمال الليلالليل وجمال الليل😍😍
كلمات : أبو صلاح (وآخرين) ألحان : كرومةكلمات : أبو صلاح (وآخرين) ألحان : كرومة

وهوي يا جاهله وطيبك عبقوهوي يا جاهله وطيبك عبق
سنك براقا يسوي بقسنك براقا يسوي بق
وترنعي تشبهي مهر السبقوترنعي تشبهي مهر السبق
وبين اكتافها صديرها انطبقوبين اكتافها صديرها انطبق
الليل الليل ..يا جمال الليلالليل الليل ..يا جمال الليل
وفوقك عهودوفوقك عهود
وهوي يا جاهلة وفوقك عهودوهوي يا جاهلة وفوقك عهود
براءة و طه وياسين وهودبراءة و طه وياسين وهود
لي شلاخك وقفن شهودلي شلاخك وقفن شهود
ازهر فرعك جوز النهودازهر فرعك جوز النهود
الليل الليل ..يا جمال الليلالليل الليل ..يا جمال الليل
تتفدعيتتفدعي
وهوي يا حبيبة وتتفدعيوهوي يا حبيبة وتتفدعي
فوق لدروعك تتجدعيفوق لدروعك تتجدعي
بجيوش شامك لي تفجعيبجيوش شامك لي تفجعي
في يوم توب صدري تمزعيفي يوم توب صدري تمزعي
الليل الليل ..يا جمال الليلالليل الليل ..يا جمال الليل
طرفك كحيلطرفك كحيل
وهوي يا حبيبي وطرفك كحيلوهوي يا حبيبي وطرفك كحيل
صدرك عالي وخصرك نحيلصدرك عالي وخصرك نحيل
من اردافك دائما محيلمن اردافك دائما محيل
تحكي سحيب الضحى في الرحيلتحكي سحيب الضحى في الرحيل
الليل الليل ..يا جمال الليلالليل الليل ..يا جمال الليل
محياك قمرمحياك قمر
وهوي يا حبيبي ومحياك قمروهوي يا حبيبي ومحياك قمر
ميل فرعك شال الثمرميل فرعك شال الثمر
طايل ديسك يندح خمرطايل ديسك يندح خمر
من العلقم هجرك امرمن العلقم هجرك امر
الليل الليل ..يا جمال الليلالليل الليل ..يا جمال الليل
يا نسيم الروض قابلايا نسيم الروض قابلا
بالتحية ان كان تقبلابالتحية ان كان تقبلا
قال لي حاسب لا تقبلاقال لي حاسب لا تقبلا
تبقى عاشق والغيبة لاتبقى عاشق والغيبة لا
الليل الليل ..يا جمال الليلالليل الليل ..يا جمال الليل
جدية الخدورجدية الخدور
وهوي يا حبيبة جدية الخدوروهوي يا حبيبة جدية الخدور
بخلاف شوفتك انا شن بدوربخلاف شوفتك انا شن بدور
وصفك رق وقلع الصدروصفك رق وقلع الصدر
شعرك ظلمة ومحياك بدرشعرك ظلمة ومحياك بدر
الليل الليل ..يا جمال الليلالليل الليل ..يا جمال الليل
تتجلى نارتتجلى نار
هوي يا حبيبي و تتجلى نارهوي يا حبيبي و تتجلى نار
قنديل وجهك يطفى الفنارقنديل وجهك يطفى الفنار
ساكنة قليبي وما ليكي جارساكنة قليبي وما ليكي جار
سكني روحي معاك بالايجارسكني روحي معاك بالايجار
الليل الليل ..يا جمال الليلالليل الليل ..يا جمال الليل
يا خفيف الروح يا الرزانيا خفيف الروح يا الرزان
فرعك المصقول خيرزانفرعك المصقول خيرزان
انت كالميزان كاللبانانت كالميزان كاللبان
الليل الليل ..يا جمال الليلالليل الليل ..يا جمال الليل
المهر الوحيلالمهر الوحيل
ما مشية المهر الوحيلما مشية المهر الوحيل
ما السحاب ما الظل في الرحيلما السحاب ما الظل في الرحيل
اصلو غير يتنى النحيلاصلو غير يتنى النحيل
يمشي خطوة اتنين مستحيليمشي خطوة اتنين مستحيل
الليل الليل ..يا جمال الليلالليل الليل ..يا جمال الليل

يا رزينة ٠٠
وصي عينيك الحنينة ٠٠
ترسم الفرح المهاجر
في عيون كل المدينة ٠٠
سيبي أحزانك تعالي
نحضن القمر البيلالي
فوق نجيمات الليالي ٠٠
نحكي للأطفال حكاوي
نهدي للناس الغناوي ٠٠
في الصباحات والأصايل
للرياحين والخمايل ٠٠
يا رزينة ٠٠
للرياح الهابة نحكي ٠٠
للنجيمة ٠٠
للغيوم نهدي التحايا ٠٠
غيمة ٠٠ غيمة ٠٠
ولي قمر طلا في جبينك ٠٠
وللنجيمة ٠٠
العيون كيفنها ؟؟
خلي بالك منها !!
الحزن فارقنا أمسو ٠٠
والنسيم يطربنا همسو
والصباح الطل جانا
فوق جيبنك
شارقه شمسو ٠٠
يا رزينة ٠٠
وصي عينيك الحنينة
ترسم الفرح المهاجر ٠٠
يا عيون كل المدينة

يقال انو شاعرنا ود الرضي علية رحمة الله ..كان ماري في يوم من الأيام في احد احياء امدرمان ..فلمح بت جميلة!!..فقام تابعها لحدي ما وصلت حوشهم ..ومن يومها بقي كل يوم يجي يقيف قريب من حوش اهل البت ..عسى يملّي عينو منها ...لكن البت ابت تجي مارقة كلو كلو !!!!!!...وكل يوم علي دا الحال ..لا. كل لا مل ...اها قالو كان في حوش فاضي ملاصق حوش اهل البت ..جو العمال وبدو فيهو بناء ..فقام شاعرنا طلب يشتغل معاهم طلبه. فكان ليهو ما أراد واشتغل معاهم شهر لما جو للسقف طلع واشتغل كل السقف. بنفسو عشان يشوفها..لكن خابت كل محاولاتو..البت كانت عارفة ..وخايفة من وصف ود الرضي ليها وانتشار سيرتها بين الناس ..الشغل انتهي في البيت وود الرضي أخد مصنعيتو...جاتو فكرة اهاااااا جمع كل العيال الفي الحي ووزع عليهم القروش الاخدها ..وطلب منهم بجرو في شوارع الحي ويقولو :- الحريقة...الحريقة...وكان ليهو ما أراد ...اها هو واقف جنب باب حوش البت ..اخيراً جات مارقة .. ولاقت ود الرضي في وشها.. سالتو الحريقة وين يا ود الرضي ؟؟.رد عليها وقال ليها "في قلبي دا"
وكتب فيها:-
النَاحِرْ فُؤَادِى مُوْلِعْ جُوفِى حَرْ
أَضْرَم نَارَ وَجْدِى نَسَّامْ السَّحَرْ
دَامِعْ لَجَّ طَرْفِى يَا أَبْ طَرْفَاً سَحَرْ
والبَسَمْ المُفَلَّجْ للأكْبَادْ نَحَرْ
لاَيَبْرُدْ حَمِيمِى لَوْ أَحْسَى البَحَرْ
دَارِى ومَاكْ مِدَارِى يَاسَمْحَ النَّحَرْ
مَا أطْرَاكْ حِبَيْبِى إِلاَّ وقَلْبِى فَرْ
أتْلَظَّى وأكْظُمْ الغَيظْ الوَفَرْ
يَنْعِشْ رُوحِى طِيبَكْ لَوْ مَحْيَكْ سَفَرْ
زَىْ مَا بَىَّ تَفْعَلْ ذَنْبَكْ مُغْتَفَرْ
أَرِى البَىَّ يَا مَنْ سَاقِينِى الجُرَرْ
إِنِّى المِنْ غَرَامَكْ عُرْضَه لِكُلْ ضَرَرْ
شَاغِلْ غَيرْ شَاغِل بَى سُوحَكْ مَرَرْ
عَلَّى أَسْمَعَنَّ مِنْ فَاهَكْ دُرَرْ
أَبْصَرِ طَرْفِى طَرْفَكْ حَكَى طَرْفِى المَطَرْ
وقَلْبِى كَأنَّه طَيرُه خَافِقْ وإِنْفَطَرْ
أحْذَرُوا يَا أحِبَّه حُبَّ الرِّيمْ خَطَرْ
يَكْفِى البَىَّ حَاصِلْ مِنْ حَالِى الفَطَرْ
بَانْ لَى عَينِى شَخْصَكْ والنُّومْ إِنْحَجَرْ
والمَايِقْ تَمَلَّى غَيرْ خَاطْرِى إِنْفَجَرْ
مِنْ فُولاَذْ قِلَيبَكْ وكَبْدَكْ مِنْ حَجَرْ
مَا أحْلاَكْ عِنْدِى إنْ زُرْ أوْ هَجَرْ
كُلْ أذَى يَا طَبِيبِى فِى جُوفِى أنْحَسَرْ
حُبَّكْ خَلَّ َعَقْلِى والعُودْ أنْهَصَرْ
مَالِى إلَيْكَ إلاَّ قُولاً مُخْتَصَرْ
العِنْدَ الله أقْرَبْ مِنْ لَمْحَ البَصَرْ
شَادِى الحَفْلَه طَنَّ والأكْلِيلْ سَفَرْ
والنَّشَّابْ تَوَاتَرْ للفَاطِرْ غَفَرْ
ظَبْىَ الرِّيمْ تَبَخْتَرْ للآسَادْ ظَفَرْ
مَعَنَى الحَفْلَه كَايِنْ فِى واحِدْ نَفَرْ
وَرِّينَا النَّشَاهِدْ لَى دَارْةْ القَمَرْ
وأتَّكِى فِى المَنَّى ولُولِيبُو الثَّمَرْ
والجِّيدْ المُحَزَّزْ نَسِّفْبُو العَمَرْ
مَرَّه ومَرَّه أجْدَعُو فِى طَىْ الضَّمَرْ
الكَتْفَ المُهَدَّلْ والجِّسْمَ إنْتَبَرْ
والصَّادْ والمُزَمْزَمْ والغَيمْ والتَّبَرْ
والضَّهَرْ المَتَنَّى والتَّيهْ يَا الأبَرْ
دَا الخَلاَّنِى سَاهِرْ مَاءَ عِينَىْ تَبَرْ
لاَجَمْ كَتْفُه كَفَلُو مَاجْ جِيدُه الوَفَرْ
عَمْعَمْ دِيسُه دِرْعُو فِى بَعْضُه إنْضَفَرْ
حَاكِى الغَيمْ تَنَقَّلْ يَا غَالِى النَّفَرْ
قُولْ للوِزَّة غُورِى فِى عَينِكْ ضَغَر

المنعوك اهلك
عمر البنا
لوهجرك طال انا بهلك يا خفيف الروح منعوك اهلك

هل منعو النسيم يجيب ريك
وهل منعو البدور تحكى محيك
وهل منعو الغصون تميل زيك
لو منعوك او سابوك ما بسيب غيك
ياخفيف الروح منعوك اهلك

هل منعو القلم يكتب اسمك
وهل منعو الدرر تضوى كبسمك
وهل منعو الحرير يشبه جسمك
زاد غلبى فى قلبى موضوع رسمك
ياخفيف الروح منعوك اهلك

هل منعونى اجيب ذكرك
وهل منعونى انظم شكرك
اسعفنى وراجع فكرك
انا مظلوم من اهلك ومن فكرك
ياخفيف الروح منعوك اهلك

جود ياحبيب وخاف ربك
رحماك على اسير حبك
امتى على يحن قلبك
تزيل نحسى وعذابى بقربك
ياخفيف الروح منعوك اهلك
مهما ابيت بودك
انا حافظ شروط عهدك
تعال ياجميل وبر وعدك
انا بخشى اموت لوجافيت وطال بعدك
ياخفيف الروح منعوك اهلك

كيف أسلى عينيك والوجن،
يا البسمتك نور الدجن،
جسمك حرير ناسجه العجن،
ناضر وباللون انعجن...
ما أحلاك يا الجيدك شدن،
يا العمري فيك ضائع سدىً،
أنا عندي شوفتك يا اللدن،
أحسن من الروح في البدن

ﻣﺴﺎﺟﻠﻪ ﺷﻌﺮﻳﻪ ﻣﺎﺑﻴﻦ ﺍﻟﺸﺎﻋﺮ ﺣﺴﻦ
ﺍﻟﺰﺑﻴﺮ ﻭﺍﻟﺪﻛﺘﻮﺭ ﺍﺣﻤﺪ ﻓﺮﺡ ﺷﺎﺩﻭﻝ
ﻳﻘﻮﻝ ﺍﻟﺸﺎﻋﺮﺍﻟﺮﺍﺣﻞ ﺍﻟﻤﻘﻴﻢ ﺣﺴﻦ
ﺍﻟﺰﺑﻴﺮ ﻛﻨﺖ ﻳﻮﻡ ﻓﻲ ﺍﻟﻤﻜﺘﺐ ﻓﺠﺄﺓ
ﺟﺎﻧﻲ ﺯﻣﻴﻞ ﻣﻦ ﺯﻣﻼﻧﺎ ﻭﻗﺎﻝ ﻟﻲ ﺃﻧﺎ ﻋﺎﻳﺰ
ﺃﻭﺳﻄﻚ ﺗﺨﻄﺒﻠﻲ ﺯﻣﻴﻠﺘﻨﺎ ﺩﻱ .. ﻗﻠﺖ
ﻟﻴﻪ ﺍﻧﺘﻮ ﻣﺘﻔﺎﻫﻤﻴﻦ؟؟ ﻗﺎﻝ ﻟﻲ
ﻣﺘﻔﺎﻫﻤﻴﻦ.. ﻗﻠﺖ ﻟﻴﻪ ﺧﻼﺹ ﺍﻥ ﺷﺎﺀ
ﺍﻟﻠﻪ ﻓﻲ ﺍﻟﻴﻮﻡ ﺍﻟﺘﺎﻧﻲ ﺣﺄﺳﺄﻟﻬﺎ..ﻗﻤﺖ
ﺳﺄﻟﺘﻬﺎ ﻗﺎﻟﺖ ﻟﻲ ﺍﻧﺎ ﺑﺮﺩ ﻟﻴﻚ ﺑﻜﺮﺓ ﻭﻟﻤﻦ
ﺟﺎﺕ ﻓﻲ ﺍﻟﺼﺒﺎﺡ ﻗﺎﻟﺖ ﻟﻲ ﺃﻧﺎ ﻣﺎ ﺑﻘﺪﺭ
ﺃﺗﺰﻭﺝ ﺯﻣﻴﻠﻨﺎ ﺩﻩ ﻭﺫﻛﺮﺕ ﻟﻲ ﺑﻌﺾ
ﺍﻻﺳﺒﺎﺏ ﻗﻠﺖ ﻟﻴﻬﺎ ﺍﻧﺎ ﺣﺎ ﺃﻗﻮﻝ ﻟﻴﻪ
ﻣﺨﻄﻮﺑﺔ ﻭﺍﺗﻔﻘﻨﺎ ﻋﻠﻰ ﻛﺪﻩ ﺑﻌﺪ ﺩﺍﻙ
ﺟﺎﻧﻲ ﻫﻮ ﻓﻲ ﺍﻟﻤﻜﺘﺐ ﺟﺎ ﻭﻗﻒ ﻗﺪﺍﻡ
ﺍﻟﺘﺮﺑﻴﺰﺓ ﻗﺎﻝ ﻟﻲ ﺍﻫﺎ ..ﻗﻠﺖ ﻟﻴﻪ ﺍﻗﻌﺪ
ﻗﺎﻝ ﻟﻲ ﻣﺎ ﻗﺎﻋﺪ.. ﻧﺠﻴﺐ ﻟﻴﻚ ﺷﺎﻱ؟ ﻗﺎﻝ
ﻟﻲ ﻣﺎ ﺩﺍﻳﺮﺷﺎﻱ ﻗﻠﺖ ﻟﻴﻪ ﻃﺒﻌﺎ ﺯﻣﻴﻠﺘﻨﺎ
ﺩﻱ ﺍﻣﺒﺎﺭﺡ ﺍﺧﺪﻭ ﺍﻟﻔﺮﺻﺔ ﻭﻣﺸﻮ ﻛﻠﻤﻮ
ﻭﺩ ﻋﻤﻬﺎﺍﻟﻜﺎﻥ ﺧﺎﻃﺒﺎ ﻭﺭﻓﺾ ﻭﻗﺎﻝ ﻣﺎ
ﺑﺨﻠﻲ ﺑﺖ ﻋﻤﻮ ﺩﻱ
ﻣﻬﻤﺎ ﻛﺎﻧﺖ ﺍﻟﻈﺮﻭﻑ ﻭﺑﻨﺎﺕ ﺣﻮﺍﺀ ﻛﺘﺎﺭ
ﻭﺭﺑﻨﺎ ﻳﺪﻳﻚ ﺍﻻﺑﺮﻙ ﻣﻨﻬﺎ ﻗﺎﻝ ﻟﻲ ﻳﻌﻨﻲ ﻣﺎ
ﺣﺎ ﺗﺘﺰﻭﺟﻨﻲ؟؟؟
ﻗﻠﺖ ﻟﻴﻪ ﻃﺒﻌﺎً ﻻﻧﻬﺎ ﻣﺨﻄﻮﺑﺔ ﻭﺍﻧﺖ
ﺟﻴﺖ ﻣﺘﺄﺧﺮ ﻳﻌﻨﻲ.. ﻣﺎ ﺣﺎ ﺗﻌﺮﺳﻨﻲ؟؟
ﻗﻠﺖ ﻟﻴﻪ ﻃﺒﻌﺎً ﻣﺎ ﺣﺎ ﺗﻌﺮﺳﻚ
ﺿﺮﺏ ﺍﻟﺘﺮﺑﻴﺰﺓ ﻭﺷﺘﺖ ﻟﻲ ﺍﻟﻮﺭﻕ ﻭﻗﺎﻝ
ﻟﻲ
ﺍﻥ ﺷﺎﺀ ﺍﻟﻠﻪ ﺍﻟﻘﻴﺎﻣﺔ ﺗﻘﻮﻡ
ﻋﺸﺎﻥ ﺍﻟﻨﺎﺱ ﻛﻠﻬﻢ ﻳﺘﻠﺨﺒﻄﻮ ﻓﻲ
ﺑﻌﺾ
ﺍﻟﻤﻬﻢ ﻗﺎﻻ ﺑﻄﺮﻳﻘﺔ ﻓﻴﻬﺎ ﻧﻮﻉ ﻣﻦ ﺍﻻﻟﻢ
ﻭﺍﻟﺤﺴﺮﺓ
ﺃﻧﺎ ﺩﺍﻋﺒﺘﻬﻢ ﺍﻻﺛﻨﻴﻦ ﺑﺎﻟﻘﺼﻴﺪﺓ ﺍﻟﺘﺎﻟﻴﺔ :
ﺍﻥ ﺷﺎﺀﺍﻟﻠﻪ ﺍﻟﻘﻴﺎﻣﺔ ﺗﻘﻮﻡ
ﻋﺸﺎﻥ ﺭﻳﺪﻙ ﻣﻌﺎﻱ ﻣﺎ ﺑﺪﻭﻡ
ﻧﺎﺱ ﺳﻬﺮﺍﻧﺔ ﻃﻮﺍﻟﻲ
ﻭﻧﺎﺱ ﻃﻮﻝ ﺍﻟﻠﻴﺎﻟﻲ ﺗﻨﻮﻡ
ﺃﺷﻮﻑ ﺍﻧﺎ ﻛﻴﻒ ﺣﺴﺎﺑﻚ ﻳﻄﻮﻝ
ﻋﻠﻰ ﺍﻟﻮﻋﺪﺍﻟﺪﻭﺍﻡ ﻣﻤﻄﻮﻝ
ﻭﺍﻧﺎ ﺍﻟﺸﺎﻳﻒ ﻛﺘﻴﺮ ﺃﺣﺒﺎﺏ
ﺑﻌﻴﺸﻮ ﺍﻟﺮﻳﺪﺓ ﻋﺮﺽ ﻭﻃﻮﻝ
ﺃﻧﺎ ﺍﻟﺸﺎﻳﻞ ﺩﻭﺍﻡ ﻫﻤﻚ
ﻭﺃﺭﻳﺪﻙ ﺭﻳﺪﺓ ﺯﻱ ﺃﻣﻚ
ﻭﺃﻏﻴﺮ ﻣﻦ ﻏﻴﺮﺗﻲ ﺯﺍﺗﺎ ﻋﻠﻴﻚ
ﺃﺧﺎﻑ ﺃﻧﺎ ﻳﺎ ﺍﻟﺨﻔﻴﻒ ﺩﻣﻚ
ﺍﻥ ﺷﺎﺀﺍﻟﻠﻪ ﺍﻟﻘﻴﺎﻣﺔ ﺗﻘﻮﻡ
ﻭﻛﻞ ﺯﻭﻝ ﻳﻤﺸﻲ ﻓﻲ ﺣﺎﻟﻮ
ﻋﺸﺎﻥ ﻣﺎ ﻗﻠﺒﻲ ﻳﺮﺟﻊ ﻳﻘﻮﻝ
ﺣﺒﻴﺐ ﺍﻟﺪﻧﻴﺎ ﻓﻲ ﺑﺎﻟﻮ
ﻛﺎﻥ ﻣﻤﻜﻦ ﺍﻟﺤﻜﺎﻳﺔ ﺗﻨﺘﻬﻲ ﻋﻨﺪ ﻫﺬﺍ
ﺍﻟﺤﺪ
ﻟﻜﻦ ﺃﺧﻮﻧﺎ ﺍﻟﺪﻛﺘﻮﺭ ﺃﺣﻤﺪ ﻓﺮﺡ ﺷﺎﺩﻭﻝ
ﻗﺎﻝ ﻟﻲ
ﺃﺑﺪﺍً ﺍﻟﺤﻜﺎﻳﺔ ﺩﻱ ﻣﺎ ﺣﺼﻠﺖ ﻟﺰﻣﻴﻠﻚ
ﺩﻱ ﺣﺎﺻﻠﺔ ﻟﻴﻚ ﺍﻧﺖ
ﻭﻗﺎﻡ ﻋﻤﻞ ﻗﺼﻴﺪﺓ ﻫﺎﺟﻤﻨﻲ ﺑﻴﻬﺎ
*****
ﻫﺠﻮﻡ ﺍﻟﺸﺎﻋﺮ ﺷﺎﺩﻭﻝ ﻟﺤﺴﻦ ﺍﻟﺰﺑﻴﺮ
ﺍﻥ ﺷﺎﺀ ﺍﻟﻠﻪ ﺍﻟﺤﺴﺎﺩﺓ ﺗﻄﻴﺮ
ﻭﺗﻤﺘﺪ ﺍﻟﺴﻌﺎﺩﺓ ﺗﺪﻭﻡ
ﻭﺍﻟﻀﺎﻕ ﺍﻟﻌﺬﺍﺏ ﻓﻲ ﺍﻟﺮﻳﺪ
ﺑﻜﺮﺓ ﻳﻌﻴﺶ ﻭﻳﺸﺒﻊ ﻧﻮﻡ
ﻭﺗﻘﻮﻝ ﺍﻟﻘﻴﺎﻣﺔ ﺗﻘﻮﻡ؟؟
ﻋﺸﺎﻥ ﺣﻈﻚ ﺷﻘﻲ ﻭﻣﺸﺌﻮﻡ
ﻭﻓﺘﺤﻦ ﻟﻴﻚ ﺑﻨﺎﺕ ﺣﻮﺍﺀ
ﻭﺟﺎﻓﺎﻙ ﻟﻴﻠﺔ ﻭﺍﺣﺪﺓ ﺍﻟﻨﻮﻡ
ﺑﺘﻘﻮﻝ ﺍﻟﻘﻴﺎﻣﺔ ﺗﻘﻮﻡ؟؟
ﺃﻧﺤﻨﺎ ﻻ ﻋﺮﻓﻨﺎ ﺍﻟﺮﻳﺪ
ﻭﻻ ﺯﻳّﻚ ﻋﺸﻘﻨﺎ ﺍﻟﻐﻴﺪ
ﻭﺣﺒﻴﻨﺎ ﺍﻟﻘﺮﻳﺐ ﻭﺑﻌﻴﺪ
ﻭﺭﺍﺟﻌﻨﺎ ﺍﻟﻘﺪﻳﻢ ﻭﺟﺪﻳﺪ
ﻭﻻ ﺿﻤﺎﻧﺎ ﺣﻀﻦ ﺍﻟﻠﻴﻞ
ﻣﻊ ﺍﻟﻮﺟﻪ ﺍﻟﺒﻬﻲ ﻭﻏﺮﻳﺪ
ﻭﻻ ﻟﻠﻴﻞ ﺷﻜﻴﻨﺎ ﺣﺒﻴﺐ
ﺍﺫﺍ ﺣﺘﻰ ﺍﻟﻌﺸﻘﻨﺎ ﻋﻨﻴﺪ
ﻭﻻ ﻧﻈﻤﻨﺎ ﻓﻲ ﺍﻟﺤﻠﻮﺍﺕ ﻏﻨﺎ ﻭﻣﻮﺍﻝ
ﺩﺭﺭ ﻭﻗﺼﻴﺪ
ﻭﻻﻟﻴﻨﺎ ﺑﻦ ﻋﻮﻑ ﻏﻨﺎ
ﻻ ﺍﻟﺼﺎﺑﺮ ﻭﻻ ﺍﻟﺒﺎﻛﻲ
ﺧﻴﺎﻟِﻚ ﻋﻨﺪﻱ ﻳﻮﻣﺎﺗﻲ
ﺻﺒﺎﺡ ﺧﻴﺮﻱ ﻭﻣﺴﺎﺀ ﺃﻓﺮﺍﺣﻲ
ﺃﻋﺪ ﻣﻴﻌﺎﺩﻭ ﺑﺎﻟﻠﺤﻈﺎﺕ
ﻭﺳﻬﺮﻱ ﻣﻌﺎﻩ ﺻﺒﺎﺣﻲ
ﻋﻴﻮﻧِﻚ ﻓﻮﻕ ﻋﻴﻮﻧﻲ ﺗﻨﻮﻡ
ﻭﻓﻮﻕ ﺁﻻﻣﻲ ﺗﺮﺗﺎﺣﻲ
ﻭﺭﻳﺪِﻙ ﻣﻦ ﻋﻮﺍﺗﻲ ﺍﻟﺮﻳﺢ
ﺍﻟﻤﻮ ﻭﺃﺿﻢ ﻋﻠﻴﻮ ﺟﻨﺎﺣﻲ
ﻭﺗﻘﻮﻝ ﺍﻟﻘﻴﺎﻣﺔ ﺗﻘﻮﻡ؟؟
ﺃﻧﺤﻨﺎ ﻣﻊ ﺍﻟﺴﻌﺎﺩﺓ ﻧﺴﻴﺮ
ﻣﻮﺍﻛﺐ ﻓﺮﺣﺔ ﻫﺎﺩﺭﺓ ﻫﺪﻳﺮ
ﻧﺤﻴﺎ ﻧﺤﺐ ﻧﻌﻴﺶ ﻭﻧﻐﻴﺮ
ﻭﻧﻌﻠﻦ ﺛﻮﺭﺓ ﺍﻟﺘﻐﻴﻴﺮ
ﻧﺎﻛﻞ ﺣﺐ
ﻭﻧﺸﺮﺏ ﺣﺐ
ﻭﻧﻠﺒﺲ ﺣﺐ
ﻭﻧﻔﺮﺡ ﺑﺎﻟﻤﺤﺒﺔ ﻧﻄﻴﺮ
ﻧﻌﻴﺶ ﺍﻟﺮﻳﺪﺓﻋﺮﺽ ﻭﻃﻮﻝ
ﻛﺒﻴﺮﻧﺎ ﻣﻠﻚ ﺻﻐﻴﺮﻧﺎ ﺃﻣﻴﺮ
ﻭﺗﺴﻤﻊ ﺻﻮﺕ ﻫﺘﺎﻓﻨﺎ ﻳﺠﻴﻚ
ﺍﻥ ﺷﺎﺀ ﺍﻟﻠﻪ ﺍﻟﺤﺴﺎﺩﺓ ﺗﻄﻴﺮ
ﻭﺗﻜﺒﺮ ﻭﺗﻨﺴﻰ ﻳﺎ ﺯﻏﺒﻴﺮ
****
ﺭﺩ ﺣﺴﻦ ﺍﻟﺰﺑﻴﺮ :
ﺍﻥ ﺷﺎﺀﺍﻟﻠﻪ ﺍﻟﻘﻴﺎﻣﺔ ﺗﻘﻮﻡ
ﻭﻋﺸﻤﻲ ﻓﻲ ﺍﻟﻠﻪ ﻣﺎ ﺷﻮﻳّﺔ
ﺃﺩﺧﻞ ﺟﻨﺔ ﺍﻟﻤﺄﻭﻯ
ﻭﻫﻨﺎﻙ ﻳﺪﻭﻧﻲ ﺣﻮﺭﻳﺔ
ﺃﺗﻜﻲ ﻓﻲ ﺍﻻﺭﺍﺋﻚ ﺃﻧﻮﻭﻭﻭﻭﻭﻡ
ﺑﻜﻞ ﺣﺒﻮﺭ ﻭﺣﺮﻳﺔ
ﻭﺃﺭﺗﺎﺡ ﻣﻦ ﺩﻩ ﻣﺎﻓﻲ ﻭﻗﻮﻡ
ﻭﺃﻣﺶ ﺟﻴﺒﻠﻲ ﻭﺟﻴﺐ ﻟﻴّﺎ
ﺃﻓﺎﺭﻕ ﺩﻧﻴﺔ ﺍﻟﻤﻌﺪﻭﻡ
ﻭﺍﻟﻘﻰ ﻣﻄﺎﻟﺒﻲ ﺑﺎﻟﻨﻴﺔ
ﻭﻟﻮﺣﻨﻴﺖ ﻟﻠﺤﻢ ﺍﻟﻄﻴﺮ
ﺗﺠﻴﻨﻲ ﺍﻟﻄﻴﺮﺓ ﻣﺸﻮﻳّﺔ
ﻋﺸﺎﻧﻚ ﻛﻴّﺔ ﻳﺎ ﺩﻛﺘﻮﺭ
ﺗﻜﻮﻥ ﺣﻮﺭﻳﺘﻲ ﺧﻤﺮﻳﺔ
ﺗﺠﺮﺟﺮ ﺩﻳﺴﺎ ﺩﻩ ﺍﻟﻤﺮﺩﻭﻡ
ﻭﻟﻬﺠﺘﺎ ﺧﺎﻟﺼﺔ ﻋﺮﺑﻴﺔ
ﺃﺧﻠﻲ ﻟﻴﻚ ﺑﻨﺎﺕ ﺣﻮﺍﺀ
ﺗﺤﺎﺣﻲ ﺻﺒﺎﺡ ﻭﻋﺼﺮﻳﺔ
ﻭﺗﺒﻘﻰ ﻋﻮﺍﻃﻠﻲ ﻳﺎ ﺩﻛﺘﻮﺭ
ﻫﻨﺎﻙ ﻻ ﻣﺮﺽ ﻭﻻ ﺷﻜﻴّﺔ
ﻫﻨﺎﻙ ﻻ ﺃﺫﻥ ﺳﻤﻌﺖ
ﻭﻻﺑﻌﻴﻮﻧﺎ ﻣﺮﺋﻴﺔ
ﻫﻨﺎﻙ ﺣﺘﻰ ﺍﻟﺮﺣﻴﻖ ﻣﺨﺘﻮﻡ
ﻭﻭﻟﺪﺍﻥ ﻃﺎﺋﻔﺔ ﺩﻭﺭﻳّﺔ
ﻻ ﻋﺸﻮﺍﺋﻲ ﻓﻲ ﺍﻟﺨﺮﻃﻮﻡ
ﻭﻻ ﺻﻔﻘﺎﺕ ﺗﺠﺎﺭﻳﺔ
ﺻﻔﻲ ﺍﻟﻨﻴﺔ ﻳﺎ ﻣﻬﺠﻮﻡ
ﺑﻼﺵ ﻫﺠﻤﺎﺕ ﻫﺒﻮﺑﻴﺔ
ﻭﺍﻥ ﺷﺎﺀ ﺍﻟﻠﻪ ﺍﻟﻘﻴﺎﻣﺔ ﺗﻘﻮﻡ
ﻭﺗﻨﺠﺢ ﻣﻴﺔ ﻓﻲ ﺍﻟﻤﻴﺔ
*****
ﺭﺩ ﺷﺎﺩﻭﻝ :
ﻣﺎ ﻣﻘﺒﻮﻟﺔ ﺍﻋﺬﺍﺭﻙ
ﻭﻣﺎ ﻣﻌﺮﻭﻑ ﻣﺼﻴﺮﻙ ﻭﻳﻦ
ﻭﻣﺎﻫﻲ ﺻﺎﻟﺢ ﺍﻋﻤﺎﻟﻚ
ﻋﺸﺎﻥ ﻳﺪﻭﻙ ﺣﻮﺭﺍً ﻋﻴﻦ
ﻟﻮ ﺍﻧﺖ ﻋﻠﻰ ﺍﻟﺼﺮﺍﻁ ﻣﺎﺷﻲ
ﻭﺷﺮﻛﻮﺍ ﻟﻴﻚ ﺑﺒﻨﻴﺔ
ﺣﺎ ﺗﺨﺘﻞ ﻛﻞ ﺣﺴﺎﺑﺎﺗﻚ
ﻭﺣﺎ ﺗﺤﺘﻞ ﺣﺘﻠﺔ ﺍﺑﺪﻳﺔ
ﺃﻣﺎ ﻟﻮ ﺿﺮﺏ ﺣﻈﻚ
ﻭﺟﺎﺑﻮﺍ ﻟﻴﻚ ﺑﻨﺎﺕ ﺍﻟﺤﻮﺭ
ﺗﻤﻮﺕ ﻭﺍﻗﻒ ﻋﻠﻰ ﻃﻮﻟﻚ
ﻭﻳﺸﻴﻠﻚ ﺣﻴﻠﻚ ﺍﻟﻤﺸﻠﻮﻝ
ﻭﺗﺘﻠﻔﺖ ﻳﻤﻴﻦ ﻭﺷﻤﺎﻝ
ﻣﺸﺪﻭﻩ ﺑﺎﻟﺠﻤﺎﻝ ﻣﺒﻬﻮﺭ
ﻭﺗﺤﺘﺎﺭ ﺑﺎﻗﻲ ﻋﻘﻠﻚ ﻃﺎﺭ
ﻓﻴﻤﻦ ﻳﻬﻮﻱ ﺍﻭ ﻳﺨﺘﺎﺭ
ﺩﻳﻚ ﻗﻮﺍﻣﺎ ﺳﻤﻬﺮ ﻭﻃﻮﻝ
ﻭﺩﻳﻚ ﺩﻋﺞ ﺍﻟﻌﻴﻮﻥ ﻣﻜﺤﻮﻝ
ﻭﺩﻳﻚ ﺟﻤﺎﻻ ﻳﺴﺒﻲ ﻋﻘﻮﻝ
ﻭﺩﻳﻚ ﻣﻦ ﻓﻴﻬﺎ ﺣﻠﻮ ﺍﻟﻘﻮﻝ
ﻭﺩﻳﻴﻴﻴﻴﻴﻴﻴﻴﻴﻴﻴﻴﻴﻴﻴﻚ ﺧﻠﻴﻬﺎ ﻟﻲ ﺷﺎﺩﻭﻝ
ﻭﺩﻳﻚ ﺷﻌﺮﺍً ﻛﻤﺎﻥ ﺧﻠﻲ
ﻗﺪﺭ ﻣﺎ ﻳﺰﻳﺪ ﻧﻌﻮﻣﺔ ﻭﻃﻮﻝ
ﻋﺬﺍﺑﻨﺎ ﻭﻟﻴﻠﻨﺎ ﻓﻴﻪ ﻳﻄﻮﻝ
ﻭﺩﻳﻚ ﺧﺸﻴﻤﺎ ﺑﻨﻘﻂ ﻛﻼﻡ ﻣﻌﺴﻮﻝ
ﺗﻘﻴﻒ ﻣﺸﺪﻭﻩ ﻭﺗﻔﻮﺕ ﺍﻟﻘﻴﺎﻣﺔ ﻋﻠﻴﻚ
ﻭﺍﻗﻒ ﺍﻧﺖ ﺗﺘﻠﻔﺖ ﻃﺮﺏ ﻭﺫﻫﻮﻝ
ﺣﺴﻦ ﺩﻧﻴﺎﻙ ﻟﻠﺰﻱ ﺩﻳﻞ
ﻭﺩﻳﻞ ﻳﺎ ﺻﺎﺣﺒﻲ ﻫﻢ ﺩﻧﻴﺎﻙ
ﻳﻮﺩّﻧﻚ ﻭﻳﺠﻴﺒّﻨﻚ
ﻭﻳﺨﺘﻨّﻚ ﻭﻳﺸﻴﻠﻨﻚ
ﻳﺠﻠﺒّﻨﻚ ﻭﻳﺒﻴﻌّﻨﻚ
ﻳﻐﺴﻠّﻨﻚ ﻭﻳﺸﺮّﻧﻚ
ﻭﻳﺪﻓﻨّﻨﻚ ﻭﻳﻜﺘﻠﻨﻚ
ﻳﻘﻴﺪﻭ ﺍﻟﻨﺎﺭ ﻳﺸﺪّﻧﻚ
ﻭﻳﺒﺮﻥ ﻋﻮﺩﻙ ﺍﻟﻤﺴﻠﻮﺏ ﻳﺤﺮﻗﻨّﻚ
ﺗﻔﻮﺡ ﺍﻧﺖ ﻭﻳﺰﻳﺪ ﺩﻧّﻚ
ﻭﺗﻐﻨﻲ ﺍﻟﺪﻧﻴﺎ ﺑﻲ ﻓﻨﻚ
ﺩﻩ ﺣﺎﻝ ﺍﻟﺪﻧﻴﺎ
ﻣﺎ ﺑﺘﺪﻭﻡ
ﻣﺮﺓ ﺗﻼﻡ ﻭﻣﺮﺓ ﺗﻠﻮﻡ
ﻭﻳﻮﻡ ﺗﺘﻌﺐ
ﻣﺮﺓ ﺗﺤﺐ ﻭﺗﺸﺒﻊ ﺣﺐ
ﻭﻣﺮﺓ ﺗﺤﺐ ﻭﻣﺎ ﺗﻨﺤﺐ
ﺣﺴﻦ ﺧﻠﻴﻬﻢ ﺍﻟﺴﻤﻌﻮﻙ ﻭﺍﺭﺟﻊ
ﻟﺤﻠﻮﻛﻼﻣﻚ
ﻣﻌﻘﻮﻟﺔ ﺍﻟﻘﻴﺎﻣﺔ ﺗﻘﻮﻡ
ﻗﺒﻞ ﻣﺎﺗﻠﻘﻰ ﺍﺣﻼﻣﻚ

في لمحة غزل - عبد العزيز سيد أحمد بحر العلوم
**********************************
عمي العزيز ابن عم والدي عليهما رحمة الله البروفيسور والشاعر والمهندس والأديب الأريب عبد العزيز سيد أحمد بادناب
ذلك الرجل الذي ظُلم إعلامياً كثيراً في هذا الوطن، طالبني الكثيرون بالكتابة عنه ولكن من أين أبدأ لم أعرف,,,فقد كان بحراً كما وصفه معاصروه، سأحاول المرور سريعاً على سيرته العطرة:
- من مواليد دبلا - دنقلا
- لقبه الخواجات ببحر العلوم عندما كان يدرس المعمار بجامعة أيا صوفيا ببلغاريا وذلك لغزارة علمه ومعرفته لشتى العلوم والمعارف
- كان أستاذاً في التاريخ والفنون والأدب
- اهتم بالتراث وتاريخ السودان القديم ،،، هو من أوائل الذين تحدثوا عن التاريخ النوبي التليد، مبيناً أن سيدنا موسى عليه السلام كان موجودا في شمال السودان تحديدا دنقلا جزيرة موسى نارتي كما أن سحرة فرعون تواجدوا في ذات المكان في منطقة ناوا الحالية بدنقلا وأن البحر الذي عبره موسى وقومه هو نهر النيل...الخ
- لديه مكتبة ضخمة تحوي أكثر من 4000 كتاب في شتى ضروب المعرفة، كانت بمنزله بالخرطوم الرياض، وقد خصص لها مساحة مقدرة من منزله العامر ، ان شا الله تكون لسة موجودة يا سارة ؟
وهو إلى جانب ذلك شاعر مجيد له عدة دواوين منها ( اتكاءة على التأويل )
- وله ايضا ( 21 ) مسرحية طبعت منها اربع ومثلت واحدة وهي عن الملك النوبي الحكيم زكريا بن كرياكوس ومسرحية عن عثمان دقنه مؤسس حركة المقاومة في افريقيا والاميرة ستنا امنتري كنداكة مروي ابان القرن الأول الميلادي .
- كتب مسرحية بالرطانتين الدنقلاوية و المحسية بعنوان (المسيرة) يستعرض فيها حضارة النوبة و أمجادهم بمناسبة تكريم االراحل المقيم بروفسور نجم الدين محمد شريف - عالم الآثار المعروف- الذى كان الهوس الدينى قد أحاله للمعاش حين كان عبدالله محمد احمد وزيرا للثقافة فى حكومة الصادق المهدى. و قد أقام له النوبيون مهرجانا ضخما فى شارع النيل تكريما له. و قد شارك المرحوم عبدالعزيز بتلك المسرحية و قد مثلتها نخبة من أبناء النوبة و على رأسهم البلابل.
- كتب العديد من الأغنيات منها الى متى ياقلب للفنان عبد الكريم الكابلي وحبابن جن لمحمد ميرغني وسايق البوباي لمحمد حسنين ولازم الزعل لزكي عبد الكريم
- ما لا يعرفه الكثيرون عن الراحل عبد العزيز أنه أنشأ في أوائل التسعينات كلية الخرطوم التقنية، وكان مقرها بالعمارات، لكن حكومة الإنقاذ وكعهدها مع مخالفيها في الرأي قامت بإغلاق الكلية بحجة أنه لا يحمل تصديقاً بإنشائها بل قامت بسجنه، وكانت المرة الأولى والأخيرة التي أرى فيها دموع عمي وهو يتحدث بحسرة وألم عن سرقة مجهوده وتضييع شقا عمره
- كان عمي عبد العزيز عندما يحضر لمنزلنا أكون في غاية السعادة وهو يتسامر مع والدي حيث كنت أستمتع بقصصه وسرده وهو يحكي عن تاريخ السودان وعن الجغرافيا ومفاهيمه القيمة عن الدين الإسلامي، على حد تعبيره: تعال يا زهير اوريك دين الإسلام بس ما حق الجماعة ديل
أذكر أنه مرة طلب مني أن أوصله لمنزل صديق الصبا عبد الباسط سبدرات، الذي كان يسكن غير بعيد من منزلنا، ذهبت معه وكنت حينها صبياً ، ومن حسن الحظ أننا وجدناه، كنت أود أن أحضر لقاءه معه لكنه قال لي: في كلام ما عايزنك تسمعو يا زهير الزول ده كان شيوعي بس بارى الجماعة ديل ,,, فضحك سبدرات حتى بانت نواجزه :)
الحديث يطول عن العالم والأديب الأريب عبد العزيز سيد أحمد بادناب طيب الله ثراه ورحمه رحمة واسعة
- والتحية لأبنائه وبناته أبناء عمي العزاز باسل ومازن وسارة وسلمى وسالي وسلاف ووالدتهم ،،، ربنا يمتعهم جميعا بالصحة والعافية
أترككم مع رائعته لازم الزعل التي تغنى بها الفنان الجميل زكي عبد الكريم
بي شوية غزل ومجرد امل ..
في لمحة غزل ومجرد امل
ايه لازم الزعل ..
لو رد السلام بي رقة وخجل
كنا نقول كلام احلي من الزجل
احلي من العسل
ايه لازم الزعل
****
كل مايكون غرير عذرو نقول جهل
ما اصلو الحرير بنجر بي مهل
ايه لازم الزعل
******
كل ما يقول محال نحن نعيش امل
ما بين حال وحال نلقي الغيث هطل
ايه لازم الزعل ..

لو بتعرف

لو بتعرف يا حبيبي ..
قدر ايه عينيك بريده
كلمات حنانك يا حناني..
كلمه كلمه براي بعيده..
عيوني في حبك مساهره..
مشتاقه حاضنه الليل وحيده..
لو تغيب عن عيني لحظه
اللحظه تصبح لي بعيده..
ولما احكي مشاعري ليك..
واشيل حنان الريد وأجيك
بلقى ريدتك ديمه باينه
ولهفة الشوق في عينيك..
ما فرحنا إنت....
وريدنا إنت...
وعز هنانا كلو بيك..
لو بتعرف.....!!
ااه يا ريـــت..
اريتنا لو نجمين بعاد
أو بسمه في ثغر القمر..
أو كنا زي نسمة دعاش ..
راحلين مع الغيم والمطر
أو كنا زي زهرة ربيع..
او نغمه في قلب الوتر ..
ااه يا ريـــت ...
كنت العمر أهديته ليك
يا ريته لو يكفي العمر .

ذوالنون بشرى