منــي افكاري شان خاطر جنابن نصلن
قمتـــا طرحتهن قافياات وقامن فصلن
عــلي رقمـي البراريب البريدن حصلن
لكــن للاســف لا مــسكلن لا اتـــصلـن

ﻋﻴﺶ ﻣﻌﺎﻱ ﺍﻟﺤﺐ ﻋﻴﺶ ﻣﻌﺎﻱ ﺣﻨﺎﻧﻲ ..
ﺧﻠﻴﻨﻲ ﺃﻧﺴﻰ ﺳﻨﻴﻦ ﻋﺸﺘﻬﻢ ﻭﺣﺪﺍﻧﻲ ..
ﺇﻳﻪ ﻳﻀﺮﻙ ﺗﺴﺄﻝ ﻳﻮﻡ ﻋﻠﻲ ﻳﺎ ﻏﺎﻟﻲ ..
ﻭﺇﻧﺖ ﻭﺣﺪﻙ ﻋﺎﺭﻑ ﻫﻤﻲ ﻋﺎﺭﻑ ﺣﺎﻟﻲ ..
ﻛﻴﻒ ﺃﻭﺍﺻﻞ ﺻﺒﺮﻱ ﻓﻲ ﺍﻟﻄﺮﻳﻖ ﺍﻟﺨﺎﻟﻲ ..
ﻛﻴﻒ ﺑﺪﻭﻧﻚ ﺗﺼﺒﺢ ﺍللياﻟﻲ ﻟﻴﺎﻟﻲ ..
ﺃﻧﺎ ﻛﻨﺖ ﺩﺍﻳﻤﺎ ً ﺑﺼﺒﺮ ﻣﻬﻤﺎ ﺍﻟﺒﻌﺎﺩ أﺿﻨﺎﻧﻲ ..
ﻓﻲ ﻗﻠﺒﻲ ﺇﻧﺖ ﺑﺘﻜﺒﺮ ﺗﻜﺒﺮ ﻣﻌﺎﻙ ﻣﻌﺎﻧﻲ ..
ﺑﺮﺟﻰ ﺍﻷﻳﺎﻡ ﻭاﺳﺘﻨﻰ ﺃﻣﺎﻟﻲ ﺑﻴﻦ ﻧﻴﺮﺍﻧﻲ ..
ﻭﺍﻟﻬﺠﺮ ﻣﻬﻤﺎ ﻳﺄﻟﻢ ﻳﺮﺟﻊ ﺣﻨﺎﻧﻚ ﺗﺎﻧﻲ ..
ﺑﺮﺍﻳﺎ ﻟﻮ ﻛﺎﻥ ﺟﻔﻴﺘﻨﻲ ﺧﻠﻴﺘﻨﻲ ﻭﺣﺪﻱ ..
ﻣﻊ ﻟﻴﻠﻲ ﺍﻟﻮﺣﺪﺓ ﻭﺍﻟﺸﻮﻕ ﺣﻨﻴﻨﻮ ﻣﻌﺎﻳﺎ ..
ﻣﺎ ﺑﺴﻴﺒﻮ ﻏﺮﺍﻣﻚ ﺭﺿﻴﺎﻥ ﻣﻌﺎﻙ ﺑﺸﻘﺎﻳﺎ ..
ﻭﻗﺖ ﺍﻟﻄﺮﻳﻘﻚ ﻳﻮﺻﻞ ﺃﻋﺮﻑ ﻧﻬﺎيته ﺧﻄﺎﻳﺎ

د.عمر محمود خالد

ﻟﻮﻥ ﺍﻟﺪﻫﺐ

ﻳﺎﺗﻮ ﺍﻟﺴﻤﺢ ﻭﻣﻨﻮ ﺍﻟﺴﻤﺢ
ﻏﻴﺮﻙ ﺳﻤﺢ
ﻟﻮﻥ ﺍﻟﺪﻫﺐ ﻭﻻ ﺍﻟﻘﻤﺢ
ﺇﻳﻪ ﺍﻟﺪﻫﺐ ﻭﺇﻳﻪ ﺍﻟﻘﻤﺢ
ﺍﻧﺖ ﺍﻟﺴﻤﺢ
ﻃﺒﻌﻚ ﺳﻤﺢ
ﺃﻧﺖ ﺍﻟﺴﻤﺎﺡ ﻻﺑﺴﻚ ﻭﺷﺎﺡ
ﻟﻤﺎ ﺍﻟﺼﺒﺎﺡ ﺷﺎﻓﻚ ﻓﺮﺡ
ﺃﻧﺖ ﺍﻟﺴﻬﺎﺩ ﺍﻟﻤﺎ ﺃﺳﺘﺮﺍﺡ
ﺍﻧﺖ ﺍﻟﻮﺩﺍﺩ ﺍﻟﻌﻤﺮﻭ ﺿﺎﻉ
ﺍﻧﺖ ﺍﻟﺤﻨﺎﻥ ﺍﻟﻤﺎ ﺣﺼﻞ
ﺍﻧﺖ ﺍﻵﻣﺎﻥ ﻭﺳﻂ ﺍﻷﻫﻞ
ﺍﻧﺖ ﺍﻟﺠﻮﺍﺏ ﺍﻟﻤﺎ ﻭﺻﻞ
ﺍﻧﺖ ﺍﻟﻐﻤﺎﻡ ﺍﻟﻄﺎﻑ ﺩﻳﺎﺭﻧﺎ ﻭﻣﺎ ﻭﺻﻞ
ﺍﻧﺖ ﺍﻟﺸﺬﻯ ﻭﺍﻧﺖ ﺍﻟﻨﺪﻯ
ﻭﺍﻧﺖ ﺍﻻﻣﻞ
ﺑﺈﺧﺘﺼﺎﺭ ﻳﺎ ﺣﺒﻴﺒﻲ
ﻛﻠﻚ ﺣﻴﺎﺓ
ﻭﺯﻳﻚ ﻋﺴﻞ

إن نضمت کل الخلق تصنف وراها
وإن سکتت وا حلات شفايف فاها
نادرات.... محاسن الدنيا چت لاماها
ملاک في الخلقه واااا تعب الوقع في هواها

ﻛﻠﻤﺎﺕ ﺍﻏﻨﻴﺔ ﻃﻴﺒﺔ ﺍﻷﺧﻼﻕ


ﻳﺎ ﻃﻴﺒﺔ ﺍﻷﺧﻼﻕ.......
ﻓﺮﺍﻕ ﺣﺒﻴﺒﻲ ﺍﻟﻤﺎ ﺑﻨﻄﺎﻕ
ﺍﻟﺮﻳﺪ ﻳﺎ ﻃﻴﺒﺔ ﺍﻷﺧﻼﻕ
ﻟﻴﻪ ﻳﺎ ﺩﻧﻴﺎ ﺗﺨﺘﺎﺭﻱ
ﺗﺸﻴﻠﻲ ﺣﺒﻴﺒﻲ ﻣﻦ ﺟﻮﺍﺭﻱ
ﺃﻧﺎ ﺍﻟﻘﺪﻣﺖ ﺗﺬﻛﺎﺭﻱ
ﻭﻟﻴﻪ ﺣﻄﻤﺖ ﺁﻣﺎﻟﻲ
ﻣﻌﺎﻙ ﻳﺎ ﻃﻴﺒﺔ ﺍﻷﺧﻼﻕ
ﻗﺎﺩﺭ ﺭﺑﻨﺎ ﺍﻟﺨﻼﻕ
ﺃﺩﺍﻛﻲ ﺍﻟﺨﻠﻘﺔ ﻭﺍﻷﺧﻼﻕ
ﻫﺎﻳﻢ ﻭﻟﻴﻚ ﺣﺒﻴﺐ ﻣﺸﺘﺎﻕ
ﻭﻳﺎ ﺗﻮﻣﺘﻲ ﺍﻟﺰﻣﻦ ﻓﺮﺍﻕ
ﻳﺎ ﻃﻴﺒﺔ ﺍﻷﺧﻼﻕ
ﻛﻼﻡ ﺍﻟﻨﺎﺱ ﻛﺘﻴﺮ ﻫﻮﻩ
ﻛﺘﻴﺮ ﻻ ﺣﻮﻟﻪ ﻻ ﻗﻮﻩ
ﻭﺣﺒﻨﺎ ﻓﻲ ﺍﻟﻔﺆﺍﺩ ﺟﻮﻩ
ﻳﺎ ﺭﺑﻲ ﺗﻨﺼﻒ ﺍﻟﺨﻮﺓ
ﻣﻌﺎﻙ ﻳﺎ ﻃﻴﺒﺔ ﺍﻷﺧﻼﻕ
ﺃﻧﺎ ﺟﺴﻤﻲ ﺍﻟﻜﻠﻔﺘﻪ ﺃﻧﺴﻠﺐ
ﻭﺍﻧﺎ ﻗﻠﺒﻲ ﺍﻟﻐﺬﻳﺘﻪ ﺍﻧﺠﺬﺏ
ﺟﺒﺖ ﺍﻟﺠﻤﺮ ﻓﺮﺷﺘﻪ
ﻭﺗﻮﺏ ﺍﻟﺼﺒﺮ ﻓﺼﻠﺘﻪ
ﻋﻤﻠﺖ ﺗﻴﺎﺏ ﻭﻓﺼﻠﺘﻪ
ﻣﻌﺎﻙ ﻳﺎ ﻃﻴﺒﺔ ﺍﻷﺧﻼﻕ
ﻟﻴﻪ ﻳﺎ ﺣﻨﻴﻨﺔ ﺑﺖ ﺃﻣﻲ
ﺃﻣﻮﺕ ﻧﺸﻔﺎﻧﺔ ﻣﻦ ﺩﻣﻲ
ﺃﻣﻮﺕ ﺳﻬﻴﺎﻧﻪ ﻓﻲ ﻫﻤﻲ
ﺃﻣﻮﺕ ﻭﺗﻌﺰﻭ ﻧﺎﺱ ﺃﻣﻲ
ﺃﻣﻮﺕ ﺭﻳﺪﻱ ﻣﻌﺎﻙ ﺗﻤﻲ
ﻣﻌﺎﻙ ﻳﺎ ﻃﻴﺒﺔ ﺍﻷﺧﻼﻕ
.

النســــــايم في شعر أبوصلاح ونماذج من قصائده

النسايم كانت الوسيلة الوحيدة لتوصيل الرسائل للمحبوبة عندما يخاطبها الشاعر في صمت كل ما التهبت الأشواق واستجمر الحنين لما يجوش بخاطره من شوق وحنين اتجاه محبوبته علها تخفف القليل من لهيب الشوق والعشق والصبابة في حقبة كانت تصعب فيها مخاطبة المحبوبة أو الوصول اليها حتى في الخيال كما أشار اليها في البديع الهواك سباني : (في الخيال أحيا لو تراني والنجوم من وصالك أسهل) فكانت النسايم هي البلسم حين تلتهب الأشواق ويتفشى الضنين ومجافاة النوم والسهاد .
(1) جافي المنام لاسعني حي
لو يانسيم مريت عشي
قبل فويطـــــرات الرشي
قول ليهو قط مابي شى
الا الغرام شـاويني شى

(2) النسيم المار بالخميله
يانسيم لاترتعد
اصفي زور شادن بعيد
كتفو في الدرعين قعيد
رنا سهمو للالام يعيد

(4) يانسايم اتعطري
من روائح الزهر الطري
زوري مالكي واقري السلام

يانسائم بي اخطري
واكتبي الشفتي وسطري
من روايحك بفهم كلام

(5) يا سمير
يا نسيم نومي قل وزاد عناد
إستعد اصبح عليك الإستناد
إجتهد في السرعه زي قدح الزناد
تلقى سياف لحظو صاحي وطرفو ناد
إحتفلبو و لفو بي توب الندى

(6) وسطاً ضمر واتهادا
هجــم النســـيم كالعاده
بالبوســـته فــي ميعــاده
قالت له جسمي اتعـاده
من نــــارك الوعـــــــــاده
راسل النســـيم زي داده
للجاهـــله بيـــــــن انداده
يلقاهــا في استعـــــداده
ويقــرأ العلــــي بي وداده

(7) عيني ساهرة وقلا اصطباره
النسايم جابت أماره
من روايحك تحي الغماره
دمت وهبه وليك الاماره
تجني فل الروضه وثمارا

(8) سبعة ام صدراً علا
يا نسيم الروض قابلا
بالتحيه ان كان تقبلا
اوع حاسب لا تقبلا
تبقي عاشق والغي بلا

(9) مستلمه القليب
ارسلت النسيم السابق البالون
ورد لي الروايح جابها غير نولون
من الجسمو يلصف نور ويرنع لون
والخد بالجمال كل ساعه يقلب لون

يا صافي النسيم روقت كل ذهون
لي خمسيني روح و القاسيه بيك تهون
لاعب لي المضفر و بالمسك مدهون
حل قلبي المقيد بالعشق مرهون

(10) أرى الطيور غردت ثميله
يانسيم الفروع ظليله
تطوف بي روحك العليله
تلاعب ازهارها كل ليله
رسن بستاتينا ام خليله

يانسيم اخطر عني حيله
وطوف بي حي ظبيتي الكحيله
صرت روح بين عظام نحيله
وغمضه اجفاني مستحيله

(11) صيدة الأراك
رق يانسيم حن وابكي وانتكيلا
في شوقي بالعلي لما تحكيلا
مرجح صديرا ولاتاكيلا
وارجع لي زيد نار الغرام كيلا

(12) هنده في الهجران كفاكي
النسيم اسرع اتاكي
مر بين طبقات غطاكي
تقلو في لينك عتاكي
وضمه في خصرك يتاكي
¤¤¤¤
النسيم ساعه غشاكي
منو ميل رق حشاكي
سبح الباري النشاكي
وجاني مغرم يبكي شاكي

(13) الحواري الظهرت جديدة
الروايح عبقت شديده
والنسيم بي كؤوسه بيدير
والظبيه اللامع خديدا
تلولي فوق رمان الصدير

(14) يا نسيم بلغ الأحباب
يانسيم ارجوك بلغ الاحباب
بي اذاي وارجع وضح الاسباب

يانسيم وصفك حير الالباب
لايحوشك حيط لاحجاب لاباب
لي خداري تقيف بي ادب هباب
بي الروائح كم لبسوك جلباب

النسيم كيل طيب روايحك جاب
حير افكاري وزادني استعجاب
قل جاك فاقد عقلو شوف له حجاب
من جلال نورك وسطوه الحجاب

يانسيم زورو وقبل الاعتاب
قولو عاشقك صار ماعليه عتاب
من غرام غيرك كم حلف له كتاب
اما من حبك والله ياجميل ماتاب

(15) من رايت الفدعة في وريدا
انتي عرتي البانه تاويده
وانتي فقتي الرانعه في هويده
والنسايم ديمه تعويده
من روايحك شايله تزويده

(16) يانسايم الليل حصلي
في العليفون الشوق وصلي
طلسم الاسحار ابطلي
بالرشيم والخد الطلي
والنسيم بتعطلي
بي روايح الطيب تسطلي

(17) ظبي رامه
ياخلاصه نور كل زمان وعصور
في اللحاظ يبرق سيفك المنصور
النسيم ميل خصرك المحصور
بين عناب فاهك خندريس معصور

(18) يانسيم مالي اراك
يانسيم مالي اراك
دايما بالليل مسراك
مابين خزام واراك

يانسيم جيب لي نباك
من روضي الما بيغباك
ياناعس العين في خباك
في هواك عيون تتباك

يانسيم لو حباك
وناجاكا سريع لباك
اتمتع بين رباك
وليك روحي هديه جباك

(19) ان ورد بروايحك نسام
ان ورد بروايحك نسام
تنتعش ارواح ياليلي واجسام

دمعي مالو اتحلل وانسام؟
لاح بريق ولافاطرك بسام؟
قلبي مالو اتقطع اقسام؟
ديل رشارش عينيك يا ام خد ولا حسام

(20) البساتين
هب يانسيم زهر الرياض ليك مبتزل
والنزهه ليك غير شك مسطره في الازل
مابين اكمام البساتين لم تزل
تلتف بين اوراقا تلتمس الغزل

روح يانسيم داخل الربوع رايق وسل
جاذب فؤادي الليهو دون امري ارتسل
قول ليه عاشقك للامر طاع وامتثل
وجيب رد خطابو الاحلي من صافي العسل

(21) يوم نظرتك لي عيد
يانسيم لاترتعد
اصفي زور شادن بعيد
كتفو في الدرعين قعيد
رنا سهمو للالام يعيد

(22) في النسايم شاكي
فيدي مين افتاكي
ترمي قلبي سهام لحظك الفتاك
تقلعي الرمان والصدير يعتاكي
والنسيم المار لي قوامك تا

(23) يا قميريه
عد نسيم عاطر
ماهب في يوم ماطر
السلام مني ليكي يا ام فاطر

(24) عيني والمنام في معانده
النسيم كتب اشواقي وردا
للوحيده في جيلا مفرده
هب مسكو فاح سبب الرده
كم جروح برت تاني جددا

(25) قلبي همالو
الفريع السيل دمعي سحــــــــالو
يا نسيم ارجوك شوفو كيف حالـــو

(26) الطريف الشـايل سيف رمـش جـرّاح
النســيم المسـكر للغصـون رنّـاح
جيب لي روح مسكية وزوّد الامناح
يابلـيـبـل طيـبة ويالهـزار النـاح
ليك اصير متشكر لو تعيرني جناح
النســيم المـروي البـالروائح فـاح
هـبّ جمر اشواقي الملّتو الاصفاح
جـلّي صبري ودوّر في القـلوب لفّاح
اصل اذاي عنّـابه وطبي في التفاح
يالنسـيم الغصن المـن مـرورك ماح
صدّ ليـه واطلب من تنـيه سماح
الفـويطـر يقـدح والبـريـق لمّـاح
حـلل امـطر دمعي الاندفق طمّاح

(27) أضيع في هواك
رقيق خصرو سادل عليه الغمام
يجاذبو النسيم في المرور كالزمام
يميل بالشمال والجنوب والامام
يكاد ان يرك فوق غصنو الحمام

(28) رشا يا كحيل
هبتلي روايح داهشـــــــاني
يا نسيم عقب وعود علشاني
قول ليه غرامك اغشـــــاني
وأدركني الدمــــع الرشـــاني
الجمال شأنك والحب شاني
يا نسيم روح بلغ واغشـــاني

(29) شوف العين قالت ده لالا
النســــام جــــاب الرســـــــالا
وفي التوضيــــح روق رســـــالا
ذكرنــــي الرطــب العســــــالا
وزاد الشـــــــوق والدمعه سالا

يا نســـــام وضـــــح جمــــــالا
والقامــــه السيــــــــــرك امالا
واصف لي احـــــــــــوال كمالا
وقول لي ام خد هاجراني مالا

(30) رياض توتي
للنسيم بساتين يعاشره
وكل روضه لا شك يباشره
طيبه ليها بيع والقلوب شره
وفي روايحه اخباره ناشره

يا نسيم رياضك موازره
والزهور تخوض في مغازره
تحضن الرياحين تفزره
جد عشيقه ولا بتهازره

(31) شقيقة البدري
طيبك بالنســـائم يســـرى
شـــم نفحاته يجبر كسرى
قابل بى غرامي وحسري
بس بى موتى عاد لا تجسري

(32) صدر المحافل
لي طيفك مالقيت وسائل
غير بسط النسمات رسائل
أغرب شي واعجب مسائل
حلم الصاحي ودمعو سايل
لو شكيت في أمري سائل
البدرين كونك مثيله

(33) ياحمام ورق الخدور

ياحمام ورق الخدور
من غناك اسمعني دور

غني ذكرني البدور
المحجبه في الخدور
النسيم بالند يدور
يسقي رمان الصدور

(34) يا الفي حبك ظالمانا

رسل النسمات تغشانا
بي طيبك جات راشانا
نرجاها صباح وعشانا
وخاصمنا النوم علشانا

(35) بدور القلعه
هل خليل نسـى أم لي طــرا -- يا ام شلوخــــاً عشره مسطرا
النسايــــــم بالند عطرا -- ده الدفق لدمــــوعي وامطرا

جافي المنام لاسعني حي
ام زاد غـرام ضـاوي المحـي

قالب الدرع يقدل ضحي
طال جيدو فـاق ظبـي السحـي
قال لي تطوف بي كل حي
كيف تبقي عاشق وانت حـي

لـو يانسيـم مريـت عُشـي
قبـل فويطـرات الرُشـي
قول ليـه قـط مابـي شـئ
الا الغـرام شاوينـي شـي

خليك حنين رايـق بُنـي
لاتتنـي قامـة الدابـو نـي
املد خصـر خاتـي التُنـي
حـق نـهـدو يلعبـو التُنـي

عينيك متل عين الجدي
السارحـة بـي شويـدن الربـي
كم بالدعج هلكـن صبـي
جاهلابـو زي ماجاهلـة بـي

ياللردف خصرك تكـي
انـا مـن هـواك دايمـاً شكـي
فاطرك وقد في البسمـة كـي
يشوينـي لايكوينـي كـي

نورتـي يالخـد الجلـي
تخفـي الجـواهـر والحـلـي
خبرني ياب صـدراً عُلـي
البرتكـان ليـك والـلا لـي

قال لي دا لااتباع لاشـري
احسبلـو فـوق نجـم التـري
لسه رُخـص ناعـم طـري
خمر الـدلال باقيلـو ري

سائـل حميمـات الـودي
بالذمـة يغـشـن للـجـدي
يردن زلال فاهـو النـدي
عـن نيلـو قصـرن ساعـدي
يا قلبي كون بالحب رضي
انا لي رضاك ماشايف لي ضي

يانديمي...
دعك من عثرات قولي
واترع الكأس تناجي الكون مثلي
لا تظنني أبيد العمر لهوا"
إذ أنا جسم به البركان يغلي
سوف يأتي
باسم الثغر يلوح بالأماني
ضي عينيه بريق وغموض ومعاني
يحمل الروح الي
يجلب العطف ندي
يسكب الاهات همسا"
في ثنايا اذني
وبها أحيا وأنسي ماضناني
لا....لا...لا تسلني
ضي عينيه بريق وغموض ومعاني

قوم بينا نلاقي مناظر
مصطفى بطران ...

قوم بينا نلاقى مناظر تفرح وتسر الناظر
تبرى الارواح بشوقة
خليك يا صاحبى محاذر وافينا وفاء الناذر
ساعدنا كمان بالروقة
تشوف ارآم وجئاذر لاتبقى خليع ومهاذر
تصبح احشاك محروقة
شوف حسن الجيل الحاضر فى عيون الظبى الناضر
والسعد مخيم فوقا
مجموعة جوهر نادر تحكى زهور فى مناظر
منتظمة تمثل جوغة
من كل مدرع سافر فى هدوء الليل الكاسر
وصفا الاقمار فى مروقة
وهياب الملك الظافر فى عيون الظبى النافر
والمزن الحايكة بروقة
ضماهن مجلس عامرعفافن ليهن يسامر
والقمرى حداهن قوقا
دلالن كان الآمر واصبح بنفوسنا يغامر
مرق الافكار عن طوقا
حافلات بالمحى الناير جالسات فى شكل دوائر
لدنى القامات ممشوقة
تركنى مولة وحائر ما ضر ان جيتين زائر
بيناتن لى معشوقة
فى بساط الروض الطاهر تجلى الحسن الباهر
والخلقة السالم ذوقة
الشمس وشعاعا الظاهر فى ثوب العفة الطاهر
ودى حياتى ولي مخلوقة

ﺍﻟﻤﺮﺳﻮﻡ ﻓﻲ ﺿﻤﻴﺮﻱ
ﻭﻳﻦ .. ﺳﻤﻴﺮﻱ
******
ﻳﺎ ﻇﺒﻴﺔ ﺃﺣﻼﻣﻲ
ﺑﻨﻈﻢ ﻓﻴﻚ ﻛﻼﻣﻲ
ﻭﻫﺎﻳﻢ ﻭﺩﻣﻌﻲ ﻫﺎﻣﻲ
ﻣﻊ ﺍﻟﻘﻤﺮﻱ ﺍﻟﺒﻘﻮﻗﻲ
ﺑﺮﺳّﻞ ﻟﻴﻚ ﺳﻼﻣﻲ
ﻭﻳﻦ .. ﺳﻤﻴﺮﻱ
******
ﺩﻳﻠﻚ ﺟﻦ ﺗﻼﺗﺔ
ﻭﺷﻮﻓﻮﺍ ﺣﺒﻴﺒﺘﻲ ﻳﺎﺗﺎ
ﺑﻬﺎﺟﺮ ﻟﻴﻬﺎ ﺣﺎﻓﻲ
ﺑﺰﻭﺭ ﺑﻴﺖ ﺍﻟﺤﺒﺎﻳﺐ
ﻭﻳﻦ .. ﺳﻤﻴﺮﻱ
******
ﺍﻟﺒﺴﻤﺎﺗﺎ ﺣﺎﻟﻴﺔ
ﻣﻬﺬﺑﺔ ﺭﻭﺣﺎ ﻋﺎﻟﻴﺔ
ﻭﺑﺲ ﻧﻈﺮﺍﺗﺎ ﻏﺎﻟﻴﺔ
ﻓﻲ ﺍﻟﺤﻲّ ﺍﻷﻣﺎﻣﻲ
ﺟﻮﺍﺭ ﺍﻹﺳﺒﺘﺎﻟﻴﺔ
ﻭﻳﻦ .. ﺳﻤﻴﺮﻱ
******
ﺃﻧﻈﺮ ﺷﻮﻑ ﺣﻼﺗﺎ
ﺍﻟﻈﻬﺮﺕ ﺑﻲ ﻏﻼﺗﺎ
ﺍﻟﻨﺎﻋﺴﺎﺕ ﻛﺎﺣﻼﺗﺎ
ﺃﻧﺎ ﺩﺳﺘﻮﺭﻱ ﻧﺎﺯﻝ
ﻓﻲ ﺍﻟﺨﺮﻃﻮﻡ ﺗﻼﺗﺔ
ﻭﻳﻦ .. ﺳﻤﻴﺮﻱ
******
ﻟﻲ ﺃﻳﺎﻡ ﻋﺪﻳﺪﺓ
ﻣﻦ ﺍﻟﻨﺎﻳﺮ ﺧﺪﻳﺪﺍ
ﻳﺎ ﺍﻟﻤﺎﻟﻜﻨﻲ ﺭﻳﺪﺍ
ﺃﺟﻤﻞ ﻏﺎﻧﻴﺔ ﺷﻔﺘﻚ
ﻓﻲ ﺍﻟﺤﻠّﺔ ﺍﻟﺠﺪﻳﺪﺓ
ﻭﻳﻦ .. ﺳﻤﻴﺮﻱ
******
ﺍﻟﻨﻘﺮﺕ ﺃﺟﺮﺍﺳﻦ
ﺃﻧﺎ ﻗﻠﺒﻲ ﻣﻴﺮﺍﺳﻦ
ﻭﺣﻦّ ﺍﻟﺰﻫﺮ ﺑﺎﺳﻦ
ﻭﺣﺒﻴﺒﺘﻲ ﻓﻲ ﺭﺍﺳﻦ
ﺃﻧﻈﺮ ﺩﻳﻚ ﺑﺜﻴﻨﺔ
ﻛﻤﺎﻥ ﺷﻮﻑ ﺩﻳﻚ ﻣﺤﺎﺳﻦ
ﻭﻳﻦ .. ﺳﻤﻴﺮﻱ
******
ﻧﺰﻟﺖ ﻣﻨّﻲ ﺩﻣﻌﺔ
ﻭﺍﻷﻣّﺔ ﻣﺠﺘﻤﻌﺔ
ﻭﺍﻟﻴﻮﻡ ﻛﺎﻥ ﺟﻤﻌﺔ
ﻳﺎ ﺍﻟﻔﺎﺭﻡ ﺍﻹﻣﻌﺔ
ﺃﻋﻄﻒ ﺳﻴﺐ ﺻﺪﻭﺩﻙ
ﺣﺒﻴﺐ ﺭﻭﺣﻲ ﻭﻳﻦ ﺍﻧﺖ
ﻭﻳﻦ .. ﺳﻤﻴﺮﻱ
******
ﺣﺒﻴﺐ ﺭﻭﺣﻲ ﺃﻫﺪﻳﻠﻲ
ﻭﻣﻦ ﻋﻨﺒﻚ ﺃﺩّﻳﻠﻲ
ﻓﻼﻳﻜﻲ ﻋﺪﻳﻠﻲ
ﺃﻧﺎ ﻧﺴﻴﺖ ﻣﻨﺎﺩﻳﻠﻲ
ﻭﻳﻦ .. ﺳﻤﻴﺮﻱ

وشوشني العبير فانتشيت
وساقني الهوي فما ابيت
يد الحرير ارتعشت بكفي
بكيت من رعشتها بكيت
صبيه العطر يشتهيها
امزنب اذا انا اشتهيت
سافرت في دروبها دهورا
فما ارتوت عيناي ما ارتويت
سبايب الليل علي كتفيها
تهدلت حولي فما اهديت
حبيبتي اغروده العزاري
ورنه الافراح اذ غنيت
حبيبتي انيقه العطايا
تهمي هوا اذا انا هميت
اجمل منها ما احتوي فؤادي
العبق الصادق ما احتويت
لا تسالوني كيف كان الملتقي
وكيف في دروبها مشيت
وكيف طاب الثغر ابتهالا
وكيف في محرابها صليت
سر عميقا حبها بقلبي
ما قلته للناس ما حكيت
فان روي القيثار سر حبي
قول له ما قلت ما رويت لكنه حين بكي حنينا
بكيت من رقته بكيت

ود الرضي
الناحر فؤادى .. مولع جوفى حر
أضرم نار وجدى .. نسَّام السحر
دامع لجَّ طرفى .. ياأبطرفاً سحر
و البسم المُفلَّج .. للأكباد نحر
لا يبرد حميمى .. لو أحسى البحر
دارى و ماك دارى .. يا سمح النحر
ما أطراك حبيبى .. إلا و قلبى فر
أتلظَّى و أكظُم .. الغيظ الوفر
ينعش روحى طيبك .. لو محيك سفر
زى مابىَ تفعل .. ذنبك مغتفر
أدرى البىَ .. يامن ساقينى الجرر
إنى المن غرامك .. عرضه لكل ضرر
شاغل غير شاغل .. بى سوحك مرر
علَ أَسمعن .. من فاهك درر
أبصر طرفى طرفك .. حاكى طرفى المطر
وقلبى كأنه طيره .. خافق و أنفطر
أحذروا يا أحبه .. حب الريم خطر
يكفى البىَ اصل .. من حالى الفِطر
بان لعينى شخصك .. و النوم إنحجر
و المايق تملىَّ .. غير خاطرى إنفجر
من فولاذ قليبك .. وكبدك من حجر
ما أحلاه عندى .. إن زار أو هجر
كل أذآى ياطبيبى .. فى جوفى إنحصر
حُبك خلَ عقلى .. و العود إنهصر
مالى إليك إلا .. قولاً مختصر
العند الله أقرب .. من لمح البصر
شادى الحفلة طنَ .. و الأكليل سفر
والنشاب توتَر .. للفاطر غفر
ظبى الريم تبختر .. للآساد ظفر
معنى الحفلة كاين .. فى واحد نفر
ورينا النشاهد .. لى دارة القمر
و أتكى فى المبنَّى .. ولوُليبو الثمر
و الجيد المحزز .. نسِّفبو العمر
مره و مره أجدعه .. فى طى الضَّمر
الكتف المهدل .. و الجسم إنتبر
و الصاد المزمزم .. و الغيم و التَّبر
و الضَّهر المتنَّى .. و التيه يا الأبر
دا الخلانى ساهر .. ماء عيني تبر
لاجم كتفه كفله .. ماج جيدُه الوفر
عرعم ديسه درعه .. فى بعض إنضفر
حاكى الغيم تنَّقل .. يا غالى النَّفر
قول للوزَّه غُورى .. فى عينك ضفَّر

ﺍﻟﺨﻨﺘﻴﻠﺔ
ﻭﻋﻤﻨﺎ ﺃﺑﻮ ﺻﻼﺡ
..
ﺍﻟﺨﻨﺘﻴﻠﺔ ﺗﻘﺎﻝ ﺑﺎﻟﺪﺍﺭﺟﺔ ﻟﻠﺤﺴﻨﺎﺀ ﺍﻟﻠﻴﻨﺔ
ﻭﺍﻟﻤﺘﻜﺴﺮﺓ ﺃﻭ ﺍﻟﻔﺘﻴﻠﺔ ﺍﻟﺮﻗﻴﻘﺔ ﺍﻟﻨﺤﻴﻠﺔ ﺑﺎﻟﺮﻏﻢ ﻣﻦ ﺃﻥ ﻫﺬﻩ ﺍﻟﻜﻠﻤﺔ ﺃﺻﻠﻬﺎ ﻋﺮﺑﻲ ﻓﺼﻴﺢ ...
ﻓﺎﻟﺨﻨﺘﻠﺔ ﻓﻲ ﺍﻟﻠﻐﺔ ﺗﻌﻨﻲ ﻣﺎﻟﺖ ﻭﺗﺜﻨﺖ ...
ﻭﺍﻟﺨﻨﺘﻴﻠﺔ ﻫﻲ ﻟﻘﺐ ﺳﻮﺩﺍﻧﻲ ﻳﻄﻠﻖ ﻟﻠﺘﺪﻟﻴﻞ.
ﺃﻏﻨﻴﺔ )ﻭﺻﻒ ﺍﻟﺨﻨﺘﻴﻠﺔ( ﻫﻲ ﻣﻦ ﺃﻭﺍﺋﻞ ﺃﻏﺎﻧﻲ ﺯﻣﻦ
ﺍﻟﺼﻔﻘﺔ ﺍﻟﺬﻱ ﻇﻬﺮ ﻓﻲ 1922ﻡ ... ﻛﺘﺐ ﻛﻠﻤﺎﺗﻬﺎ
ﻋﻤﻨﺎ ﺍﻟﺸﺎﻋﺮ ﺃﺑﻮ ﺻﻼﺡ
ﻭﻫﻲ ﻟﺤﻦ ﻭﺃﺩﺍﺀ ﺍﻟﻔﻨﺎﻥ
ﺍﻟﻜﺒﻴﺮ ﻋﻤﺮ ﺍﻟﺒﻨﺎ
ﺍﻟﺬﻱ ﻟﻢ ﻳﻜﻦ ﻳﻜﺘﺐ ﺍﻟﺸﻌﺮ ﻓﻲ
ﺗﻠﻚ ﺍﻟﻔﺘﺮﺓ
..
ﻭﺻﻒ ﺍﻟﺨﻨﺘﻴﻠﺔ ...
ﺟﻤﺎﻝ ﺗﺎﺟﻮﺝ ﺍﻟﻤﺎﻓﻰ ﻣﺜﻴﻼ ...
ﻭﻫﺎﻙ ﻳﺎ ﺯﻣﻴﻞ
ﺭﻭﻳﺤـﺘﻰ ﻛـﺘـﻴـﻠﺔ ...
ﻗﻠﻴﺒﻰ ﻳﺸﺎﺑﻰ ﺣﺴﺐ ﺗﺮﺗﻴﻼ ...
ﺻﺪﻳﺮ ﻫﺰﺍﺯ ...
ﺿﻤﻴﺮﺍ ﻓﺘﻴﻞ ...
ﻭﻟﻴﻬﺎ ﻋﻴﻮﻥ ﺃﺭﻳﻞ ﻓﻰ ﻧﺘﻴﻠﺔ ...
ﻭﻫﺎﻙ ﻳﺎ ﺯﻣﻴﻞ
ﻋﻘﻮﻟﻨﺎ ﻫﺰﻳﻠﺔ ...
ﻗﻠﻮﺑﻨﺎ ﻋﻠﻴﻜﻰ ﻛﺘﺮ ﺯﻟﺰﻳﻼ ...
ﻭﺷﻮﻓﺔ ﻋﺎﺭﺿﻚ ... ﻧﻐﻤﺔ ﺟﺰﻳﻠﺔ ...
ﺗﺮﺩ ﺍﻟﺮﻭﺡ ﻭﺍﻟﻐﻤﺔ ﺗﺰﻳﻼ ...
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ ...
ﻭﺿﻴـﺒﺎ ﺯﻣﻴـﻼ ...
ﻳﻘﻮﺩﺍ ﻳﺘﺎﻛﻰ ﺍﻟﻘﺎﻣﺔ ﻳﻤـــﻴﻼ ...
ﺟﺒﻴﻨﺎ ﺗﻠﻮﺡ ﺍﻧﻮﺍﺭﻭ ﺟﻤـﻴﻠﺔ ...
ﻳﻔﻮﻕ ﺍﻟﻘﻤﺮﺓ ﺑﻌﺪ ﺗﻜﻤﻴـﻼ ....
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ ...
ﺧـﺪﻭﺩﺍ ﺃﺳــﻴـﻠﺔ ...
ﺳﻨﺎﻫﺎ ﻳﻔﻮﻕ ﻏﻴﻤﺎﺗﻮ ﻋﺴﻴﻠﺔ ...
ﻛﺘﻴﻔﺎ ﻧﺰﻝ ﻃﺎﻭﻉ ﺗﻮﺳﻴﻼ ...
ﻣﻦ ﺍﻷﺭﺩﺍﻑ ﻣﺎ ﻻﻗﻰ ﻭﺳﻴﻠﺔ ...
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ ...
ﺧـﺪﻳﺮﺍ ﻛﺤﻴﻠﺔ ...
ﺿﻬﻴﺮﺍ ﺭﻧﻊ ﻏــﺎﻟﺒﺎﻫﻮ ﺍﻟﺤﻴﻠﺔ ....
ﺿﻤﻴﺮﺍ ﺍﻟﻬﻴﻒ ﺻﻔﺤﺎﺗﻮ ﻧﺤﻴﻠﺔ ...
ﺻﺪﻳﺮ ﻳﺮﺟﺢ ﻭﺍﺭﺩﺍﻓﻮ ﺭﺣﻴﻠﺔ ...
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ ...
ﺧﺪﺭﺗﻚ ﺍﺻﻴﻠﺔ ...
ﻋﻠﻰ ﺍﻟﻨﺮﺟﺲ ﻳﻌﻈﻢ ﺗﻔﺼﻴﻼ ...
ﻋﻴﻮﻧﻰ ﻧﺠﻮﻡ ﺍﻟﻠﻴﻞ ﺗﺤﺼﻴﻼ ...
ﻣﻘﺎﻃﻊ ﺍﻟﻨﻮﻡ ﺍﺭﺟﻮﻙ ﺗﻮﺻﻴﻠﺔ ...
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ ...
______
ﺍﻟﺮﻭﺿﺔ ﻇﻠﻴﻠﺔ ...
ﻃﺎﻳﻠﺔ ﻣﻌﺘﻤﺔ ﻻﺧﻤﺔ ﺩﻟﻴﻼ ...
ﻭﻟﻮﻻ ﻗﻤﺮ ﻣﺤﻴﺎﻙ ﻫﺎﺍﻟﻠﻴﻠﺔ ...
ﻟﻜﻨﺎ ﻧﺘﻮﻩ ﻓﻰ ﻇﻠﻤﺔ ﻟﻴﻞ ...
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ ...
ﺍﻟﻠﻴﻬﺎ ﻧﻔﻴﻠﺔ ...
ﺗﻌﻮﻡ ﻭﺍﻛﺘﺎﻓﺎ ﻳﻼﺯﻣﻮﺍ ﻛﻔﻴﻼ ...
ﻭﻟﻴﻬﺎ ﻃﺒﺎﻉ ﺍﻟﺼﻴﺪ ﻭﺟﻔﻴﻼ ...
ﻋﻠﻴﻬﺎ ﺍﻟﻘﺎﻓﻴﺔ ﻭﺟﺐ ﺗﻘﻔﻴﻼ ...
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ

ﺻﺎﺑﺤﻨﻲ ﺩﺍﻳﻤﺎ ﻣﺒﺘﺴﻢ
ﺍﺷﻮﻑ ﺟﻤﺎﻟﻚ ﻭﻭﻓﺘﻨﺘﻚ
ﺻﺎﺑﺤﻨﻲ ﺩﺍﻳﻤﺎ ﻭﺇﺑﺘﺴﻢ
ﺍﻟﻘﻲ ﺍﻟﻤﻼﻙ ﺑﺎﻥ ﻣﺘﺮﺳﻢ
ﻭﺍﻟﻨﻮﺭ ﻳﻠﻮﺡ ﻣﻦ ﻭﺟﻨﺘﻴﻚ
ﻭﺍﻟﺨﻀﺮﺓ ﺯﺍﻧﺖ ﺿﻔﺘﻴﻚ
ﺍﻧﺖ ﺍﻟﺸﺮﻑ ﺻﺎﺭ ﻟﻴﻚ ﺍﺳﻢ
***
ﺻﺎﺑﺤﻨﻲ ﻣﺎﺑﻴﻦ ﺍﻟﺨﻤﻴﻞ
ﻭﺗﻐﻨﻲ ﻓﻲ ﺍﻟﺮﻭﺽ ﻳﺎ ﺟﻤﻴﻞ
ﺗﺠﺪ ﺍﻻﺯﺍﻫﺮ ﺣﻔﺘﻚ
ﻭﻣﺎﻟﺖ ﻃﺮﺏ ﺣﻴﻦ ﺷﺎﻓﺘﻚ
ﻋﺸﻘﺖ ﺟﻤﺎﻟﻚ ﻭﺧﻔﺘﻚ
ﻭﺑﻨﻀﺎﺭﺍ ﺑﺴﻤﺖ ﻭﻟﻔﺘﻚ
ﺍﺗﻬﺎﺩﻱ ﺧﻠﻲ ﺍﻟﻨﺎﺱ ﺗﻤﻴﻞ
ﻳﺬﺩﺍﻥ ﺟﻤﺎﻟﻚ ﻭﻋﻔﺘﻚ
ﺻﺎﺑﺤﻨﻲ ﺩﺍﻳﻤﺎ ﻭﺍﺑﺘﺴﻢ

راضى بى صاقعة
كتب الطيب ود الرضي علي صفحته في الفيس
خرجت أم ضبان في ذاك اليوم بكاامل هيأتها، والحسان في أبهي حليهن وحلاهن، يتباهين بجمالهن وقد أكتظت الساحة بالشباب من الجنسين في مشهد خلاب وجمع غفير، ولم لا فالعرس يجمع بين أسرتين كبيرتين من أبناء الشيخ العبيد ود بدر، أما الفنانة الشاعرة أم برعه ففي يومها يوم ذاك، تتقدم الحضور وتتغني بفرح وانتشاء عظيمين، وحولها أخريات منهن من تجيد العزف على الدهلة (الدلوكة) ومنهن من يحملن المباخر تنداح منها رائحة البخور والصندل والمندل يعطر الساحة باريجه الفواح فيضفي على الجو بهجة ورونق، والحسان يتغنين معها ويطلقن الزغاريد فيسمو صوتهن على كل ما سواه.
تسير السيرة سيراً وئيداً، وأم برعه ما زالت تغنى وتبدع بما يبهر الألباب، والحسان يسحرن الجمع برقصهن البديع ويتحفنه بأنواع الفنون، ويتسابق الشباب لشيل الشبال، والعريس الشيخ يتوسط الحفل مبشرا ومهللا، فتصل أم برعة الى قمة النشوة والابداع فينطلق صوتها مرددا.

النصيح حديدو
البريد الشيخ أنا بريدو
الشيخ سيروا

عندها اجتاج الشباب نوع في الحماس الطاغي فأخذ يندفع نحو الساحة مبشيرا.. أبشروا.. أبشروا.. والحسان ما زلن يبرعن في الرقص ويبدعن، ويتسابق نحوهن الشباب لشيل الشبال، كل يود لو يحظى بشبال معطر يعطر وجدانه، فانفرط عقد النظام، واستحال السير فتقدم العريس معلناً.. الشبال بي سوط.. الشبال بي سوط . الشبال بى صوط. وهنا انصرف الشباب عن شيل الشبال .
أخذت السيرة طريقها إلى منزل العروس فى هدوء تام، أم برعه تتغنى وتبدع والحسان يودين دورهن في الرقص. انبرت فى حين لحظة من بينهن حسناء غيداق مبدعة مفنة، أذهلت الحاضرين بحسنها الفتان وفنها البديع، وكان ود الرضي بين الحضور، فسحره الجمال وبهره الفن، فانتابته حالته الشعرية، ودون ما يشعر وجد نفسه داخل الساحة وهو يردد.

الكتوف واقعه
العيون ياناس مويتن ناقعه
الوجن قادحات في الظلام فاقعه
راجي شباله وراضي بي صاقعه

الظريف فى الأمر.. ذكر ود الرضى انها عندما أعطته الشبال وقفت أمامه طالبة من العريس اعفاء الشاعر من الصوت فوافق العريس.

*الدينكاوي الذي ملأ دنيانا إبداعا*:

*الشاعر السوداني عبد المنعم عبد الحي*
><><><><><><><>
من مواليد عشرينيات القرن العشرين (المرجح 1922م)
من أبناء جنوب السودان - قبيلة الدينكا.
ترعرع بمدينة أم درمان حيث درس المرحلة الأولية بمدرسة الموردة/العباسية حيث زامل الشاعر الكبير مبارك المغربي ، و المرحلة المتوسطة بمدرسة أم درمان الأميرية .
سافر إلى مصر حيث دخل الكلية الحربية و تخرج ضابطآ ، و تزوج بمصرية.
أستشهد له إثنان من أبنائه : الأول في حرب يونيو 1967م و الثاني في حرب اكتوبر 1973م.
توفي بالقاهرة العام 1975م.
هو شاعر مجيد ثر المنتوج . كتب الشعر بالفصحى و العامية.
رغم عيشه الطويل بمصر فقد حافظ على كتابة الشعر بعامية الوسط السوداني أو ما يعرف أحيانآ بلغة أم درمان.
كان أثناء تواجده بمصر قبلة المبدعين السودانيين الذين كانوا يزورون مصر لأغراض فنية أو غيرها فيمدهم ببعض أشعاره الجميلة ، كما كان الحال عند تواجده بالسودان.
تغنى له العديد من المطربين الحديثين فيكون بذلك قد أثرى مكتبة الغناء السوداني بأسفار سيأتي ذكر بعض صفحاتها تاليآ :-
- المطرب ابراهيم الكاشف :
حبيبي أسمر .. أسمر جميل
و منها
أسمر جميل .. زايد وسامه
فوق الخدود عاجبانى شامه
و من العيون الله السلامه
- المطرب عبيد الطيب :
ياساير ياماشي و النظره ماشه وراك
وقف وقف .. و سوقني معاك.
- المطرب حسن عطية :
* الحجل بالرجل
* النيل الفاض
* عيوني عشقوا السهر
المطرب أحمد المصطفى :
* فارق لا تلم .. أنا أهوى الألم
* أنا أم درمان تأمل في ربوعي
و منها :
أنا إبن الشمال سكنتو قلبي .. على إبن الجنوب ضميت ضلوعي.
فيا سودان إذا ما النفس هانت ... إلخ
- المطرب عثمان حسين :
* أوراق الخريف
* يا ناس لا لا
- المطرب سيد خليفة :
* المامبو السوداني
* إزيكم .. كيفنكم
أنا لي زمان ما شفتكم.
* ياقماري أبني عشك قشه قشه
و منها :
كلمينا يا قماري سر المحنه
و كيف بتبني يا قماري القشه جنه.
رغم العواصف .. برضو واقف .. ما تصيبو رعشه.
المطرب عبد العزيز محمد داؤود :
* عذارى الحي
*يا حليلهم دوام نطراهم
* يا نديمآ عب من كاس الصبا
- المطرب عثمان الشفيع :
* أيامنا .. يا النسيت أيامنا
* داك الصباح
* أسمر أسمر يا جميل
* أنساني و أنا أنساك
- المطرب عبد الدافع عثمان :
*هبت نسايم الليل
- المطرب التاج مصطفى :
- محمد حسنين :
يا سهارى تعالوا شوفوا البي
الحبيبه كيف قست علي
- المطرب حمد الريح :
بين اليقظه و الأحلام
بين أجفان تقول للنام
أريت النوم يزورني اليوم
أنوم لو ليله في كل عام
و كما هو واضح فإن أشعاره الغنائية ذات صيت واضح و نجاح بين لتغني مطربين مبدعين بها ؛ و لتلحين بعضها من جانب ملحنين متمكنين مثل برعي محمد دفع الله و بشير عباس و عبد اللطيف خضر .
منقول

ﺗﻠﻚ ﺍﻻﻏﻨﻴﺔ ﺍﻟﻤﻌﺮﻭﻓﺔ “ ﻳﺎ ﻣﻮﻻﻱ ﺍﻩ ﻣﻦ ﻏﻠﺒﻲ ” ﻟﻴﺴﺖ ﺑﻘﺼﻴﺪﺓ ﻋﺎﺩﻳﺔ ﻭﻻ ﻳﻤﻜﻦ ﻭﺿﻌﻬﺎ ﻓﻲ ﺍﻱ ﻣﻦ ﺑﺤﻮﺭ ﻧﻈﻢ ﺍﻟﺸﻌﺮ ﺍﻟﻤﻌﺮﻭﻓﺔ ﻻﻧﻬﺎ ﺑﺒﺴﺎﻃﺔ ﻟﻴﺴﺖ ﺑﻘﺼﻴﺪﺓ ﺑﻞ ﻫﻲ ﻣﺠﻤﻮﻋﺔ ﻣﻦ ﻣﺮﺑﻌﺎﺕ ﺍﻟﺪﻭﺑﻴﺖ ﻛﺘﺒﺖ ﺍﻭ ﻧﻈﻤﺖ ﻓﻲ ﻓﺘﺮﺍﺕ ﻣﺘﻔﺎﻭﺗﺔ ﻟـ 6 ﻣﻦ ﺍﻟﺸﻌﺮﺍﺀ ﺍﻟﻤﺨﻀﺮﻣﻴﻦ ﻭﺑﻌﻀﻬﻢ ﻟﻢ ﻳﻌﺎﺻﺮ ﺍﻟﺒﻌﺾ ﺍﻻﺧﺮ …
بداية من الشاعر محمد شريف بقوله:

ﻳﺎ ﻣَﻮْﻟَﺎﻱَ ﺑﺸﻜﻴﻠَﻚْ ﺷَﻘَﺎﻳَﺎ ﻭﻏُﻠْﺒﻲ
ﻭﺣَﻈﻲ ﺍﻟﺪِﻳﻤﺔ ﻣﻦ ﺭﺩَ ﺍﻷَﻧﻴﺲْ ﺟَﺎﻓﻠْﺒﻲ ‏
ﻃَﺎْﻟﺖ ﺍﻟﺴَﻔْﺮَّﻩ ﻭﺍﺗَﺤﻔًّﺖْ ﻣَﻨَﺎﺳِﻢْ ﺗِﻠْﺒﻲ
ﻭﻫَﺐَّ ﺍﻟﺮَّﻳﻢْ ﻭﻋَﺎﻭَﺩَﻙْ ﺍﻟﺤِﻨﻴﻦْ ﻳَﺎ ﻗَﻠَﺒﻲ ‏
ﻭﻋﻨﺪﻣﺎ ﺻﺮﺧﺖ ﺭﻭﺡ الشاعر ﻣﺤﻤﺪ ﺷﺮﻳﻒ ﺑﺎﻷﻧﻴﻦ ﻭﻫﻲ ﻋﻄﺸﻰ ﻭﻓﺎﺭﻕ ﺍﻟﻨﻮﻡ ﻋﻴﻨﻴﻪ ﻷﺟﻞ ﻇﺒﻴﺔ ﻛﺤﻼﺀ ﻣﻘﻼﺀ ﺍﻭﻗﻌﺖ ﺻﺎﺣﺒﻪ ﻓﻲ ﺣﺒﻬﺎ ﻗﺎﻝ :
ﻣَﺎﻟﻚْ ﻧَﻔْﺴِﻲ ﻣَﻄْﻌُﻮﻧَﺔ ﺗَﻤَﻠﻲ ﺗَﻨِﻴﻨﻲ ‏
ﻣَﺎﻟﻚ ﻋِﻴﻨﻲ ﻟﻠﻐَﻤﻴﺪْ ﺃَﺑﻴﺘﻲ ﺗْﻠِﻴﻨﻲ
ﻋَﻄْﺸَﺎﻥْ ﺩِﻳﻤﺔ ﻛﻔﺢْ ﺍﻟﻤﻮﻳﺔ ﻣﺎ ﺑﺮﻭﻳﻨﻲ
ﻛﺎﺗﻼﻧﻲ ﺍﻟﻄﺮﻳﻔﻴﺔ ﺍﻟﺒﺮﻳﺪﺍ ﻗﺮﻳﻨﻲ ‏
ﻭﻳﺘﺼﻞ ﺣﺪﻳﺚ الشاعر ﻣﺤﻤﺪ ﺷﺮﻳﻒ ﺑﺎﻟﻔﺮﺍﻕ ﺍﻟﻤﺮ ﺍﻟﺬﻱ ﻓﺮﺽ ﻋﻠﻴﻪ ﻭﻋﻦ ﺗﻠﻚ ﺍﻟﻨﺴﺎﺋﻢ ﺍﻟﺘﻲ ﺗﻠﻬﺐ ﺍﻟﺬﻛﺮﻯ ﻭﺍﻷﺷﻮﺍﻕ ﻭﻋﻦ ﺟﺮﺍﺣﺎﺕ ﺣﺒﻪ ﺍﻟﻤﻤﻴﺘﻪ ﺍﻟﺘﻲ ﻳﺠﺪﻫﺎ ﺷﺪﻭ ﺍﻟﺒﻼﺑﻞ ﻭﻫﺪﻳﻞ ﺍﻟﻘﻤﺎﺭﻱ ﻭﻳﻘﻮﻝ :
ﻏﺼﺒﺎً ﻋﻨﻲ ﻓَﺎﺭﻗﺖ ﺍﻟﻀَﺮﻳﺢ ﻏَﻴﺮ ﺃﻣﺮﻱ ‏
ﻭﻛﻞ ﻣﺎَﻫﺐّ ﻧَﺴَّﺎﻡ ﻣِﻨَُﻮ ﺯَﺍﺩْ ﻓﻲ ﺟﻤﺮﻱ
ﺟَﺮْﺣﻲ ﺍﻟﻘﺮَّﺏْ ﻳﺒﺮﻯ ﻭﻛَﺎﺩْ ﻳﻮَّﺩﺭْ ﻋُﻤﺮﻱ
ﻋَﻮَﺩُﻭ ﻟﻲْ ﺗﻐﺮﻳﺪ ﺑﻠﺒﻠﻚ ﻳﺎ ﻗﻤﺮﻱ
ﻭﻣﻦ ﺛﻢ ﺗﺘﺰﻳﻦ ﺍﻷﻏﻨﻴﺔ ﺑﻘﻮﺍﻓﻲ ﻋﻜﻴﺮ ﺍﻟﺪﺍﻣﺮ ﺍﻟﺘﻲ ﺗﺘﻤﺴﻚ ﺩﺍﺋﻤﺎً ﺑﺎﻟﻠﺰﻭﻣﻴﺎﺕ ﺩﻭﻥ ﺗﻜﻠﻔﺔ ﺍﻭ ﺻﻨﻌﺔ، ﻓﻴﻘﻮﻝ ﻭﻫﻮ ﻳﺼﻒ ﺍﻟﻌﻴﺪ ﻭﺑﻬﺠﺘﻪ ﻭﻛﻴﻒ ﺃﻥ ﺍﻟﻨﺎﺱ ﺗﺰﻭﺭ ﻓﻴﻪ ﺍﻷﺻﺪﻗﺎﺀ ﻏﻴﺮ ﺍﻥ ﺯﻳﺎﺭﺗﻪ ﻛﺎﻧﺖ ﻣﺨﺘﻠﻔﺔ ﺇﺫ ﺃﻧﺪﻓﻊ ﻟﺰﻳﺎﺭﺓ ﺍﻟﺤﺒﻴﺐ ﺻﺎﺣﺐ ﺍﻟﺜﻐﺮ ﺍﻟﻔﻀﻲ ﺍﻟﺬﻱ ﺃﺗﻠﻒ ﻗﻠﺒﻪ ﻭﻳﻘﻮﻝ :
ﺍﻟﻨَﺎﺱ ﻋَﻴﺪَﺕْ ﻣَﺮَﻗﺖْ ﻋَﻠﻲْ ﺃﺻْﺤَﺎﺑَﺎ
ﻭﺍﻧﺎ ﻓﺮﻳﺖْ ﻋَﻠﻲْ ﺍﻟﺠَﺎﻫﻠَﺔ ﺍﻟﺴَﻤِﺢْ ﺗِﺮﺣَﺎﺑَﺎ
ﻓَﺎﻃﺮﺍً ﻳﺤﻜﻲ ﺑَﺮَّﺍﻕ ﺍﻟﺒﺪَﻭﺩﻱ ﺳِﺤَﺎﺑَﺎ ‏
ﻟﻔَّﺖْ ﻗَﻠَﺒﻲ ﺯﻱ ﻟﻒْ ﻃَﺮْﺣَﺘَﺎ ﺍﻟﻼﻓﺤَﺎﺑَﺎ
ﻭﻳﻤﺴﻚ ﻋﻜﻴﺮ ﺭﻳﺸﺘﻪ ﻟﻴﺮﺳﻢ ﻟﻨﺎ ﺣﺒﻴﺒﺘﻪ ﻓﻲ ﻟﻮﺣﺔ ﺷﻌﺮﻳﺔ ﺑﺪﻳﻌﺔ ﻭﺯﺍﻫﻴﺔ ﺍﻷﻟﻮﺍﺏ ﻭﻳﻘﻮﻝ :
ﺃَﺧَﺪَﺭْ ﻟَﻴﻬُﻮ ﺿُﻞْ ﻓَﻮﻗُﻮ ﺍﻟﻤَﺤَﺎﺳِﻦْ ﺷَﺮَّﻥْ
ﺃَﻓْﻠﺞ ﻓَﺎﻃﺮﻭ ﺯَﻱ ﺑﺮﻕ ﺍﻟﺴَﻮﺍﺭﻱ ﺍﻟﻜﺮَّﻥْ ‏
ﻳِﺘﻘَﺴَﻢْ ﻣَﻘَﺎﻃِﻊ ﻓﻲ ﺍﻟﻤَﺸِﻲ ﻭﻳﺘْﺤﺮَّﻥْ
ﺯﻱ ﻓﺮﺥ ﺍﻟﻘﻄﺎ ﺍﻷﻣﺎﺗﻮ ﺭَﻛَّﻦْ ﻭﻓﺮَّﻥْ
ﻭﻳﻘﻮﻝ :
ﻣﻦ ﺍﻟﺒﻴﺖْ ﺟَﺎ ﻃَﺎﻟﻊ ﺑﻲْ ﻟُﻄُﻒْ ﻳﺘﻜَّﻞْ
ﺍﻟﻄِﻴﺐ ﺍﻟﻤَﻔَﺤﻞْ ﺑْﻲ ﺍﻟﻘُﺮُﻧﻔُﻞ ﻋَﻜَّﻞْ ‏
ﻓﻮﻕ ﺳَﺪْﺭُﻭ ﻭﺗﺤﺖْ ﺗَﻮﺑُﻮ ﺍﻟَﺮﻫﻴﻒ ﻭﻣَﺸَﻜَّﻞْ
ﻳَﻐﻄِﺲ ﻭﻣَﺮَّﺓ ﻳﻘْﻠَﻊ ﺑُﺮْﺗُﻜﺎﻥْ ﺍﻟﺒﺮﻛَﻞْ
ﻭﺗﺴﺘﻤﺮ ﻣﺮﺑﻌﺎﺕ ﻋﻜﻴﺮ ﻓﻲ ﺍﻷﻏﻨﻴﺔ ﻟﺘﺒﻠﻎ ﺳﺘﺔ ﻣﺮﺑﻌﺎﺕ، ﻭﻳﺠﻰﺀ ﺩﻭﺭ ﺍﻟﺸﺎﻋﺮ ﺍﻟﻔﺤﻞ ﻣﺤﻤﺪ ﺃﺣﻤﺪ ﺍﻟﻔﻨﺠﺮﻱ ﻭﻫﻮ ﻳﺸﻜﻮ ﻟﻌﻤﻪ ﻣﻦ ﺳﻬﺎﻡ ﺃﻋﻴﻦ ﺍﺻﺎﺑﺘﻪ ﻓﻲ ﻣﻘﺘﻞ ﻓﺄﻃﺎﺣﺖ ﺑﻨﻮﻣﻪ ﻭﺳﻠﺒﻨﻪ ﺣﻴﺎﻩ ﻭﻋﺼﻔﺖ ﺑﺼﺒﺮﻩ ﻓﻴﻠﻮﺫ ﺑﺎﻟﺸﻌﺮ ﻭﻳﻘﻮﻝ :
ﻋَﻢْ ﺍﻟﻬَﺎﺩِﻱ ﻧَﺸَﺎﺏْ ﺍﻟﺒَﺮﻳﺪَﺍ ﺿَﺮﺑْﻨِﻲ
ﻗَﺴَّﻢْ ﻧﻮﻣِﻲ ﻣِﻦ ﺗَﻴﺒَﺎﻥْ ﺣَﻴَﺎﻱَ ﺳَﻠَﺒَﻨﻲ
ﺣَﺎﻛْﻢ ﺇَﻧﺼﺎﻓﻲ ﺃَﺑَﻲ ﻳﻘْﺒَﻞْ ﺳُﺆَﺍﻟﻲِ ﺻَﻠﺒْﻨﻲ
ﻭﺻَﺒْﺮﻱ ﺍﻟﻜَﺎﻥْ ﺟﻤﻴﻞ ﺟَﺮَّﺑْﺘُﻮ ﻛُﻠُﻮ ﻏَﻠﺒْﻨﻲ
ﺛﻢ ﻳﻀﻊ ﻭﺟﻬﻬﺎ ﺍﻟﻤﻠﻴﺢ ﻋﻠﻰ ﻣﺮﺑﻊ ﺷﻌﺮﻱ ﺁﺧﺮ ﻣﺘﺮﺍﻓﻘﺎً ﻣﻊ ﺃﺩﺑﻬﺎ ﺍﻟﻌﺎﻟﻲ ﻭﻣﻜﺎﻧﺘﻬﺎ ﺍﻟﺴﺎﻣﻴﺔ ﻗﺎﺋﻼً :
ﻟَﻬَﺠِﻚ ﺯَﻱ ﻟﺬﻳﺬْ ﻋَﺴَﻞ ﺍﻟﻨَﺤَﻞ ﻓﻲ ﺍﻟﻀﻮﻕْ ‏
ﻳﺎﻟﻤَﺮْﺩَﺍ ﺍﻟﺠَﻤَﺎﻟِﻚ ﺑَﻬْﺪَﻝْ ﺍﻟﻤَﺨَﻠُﻮﻕْ ‏
ﺇِﺗﻔﻨﻨﺖِ ﻓِﻲ ﺩَﺭْﺱَ ﺍﻷَﺩﺏْ ﻭﺍﻟﺬَﻭﻕْ
ﻭﻛُﻞْ ﻣﺎ ﻋِﻠﻴﻦْ ﺍﻟﻄَﺒَﻘَﺎﺕْ ﻟِﻘَﻨِﻚْ ﻓُﻮﻕْ
ﻭﺗﺒﺘﻬﺞ ﺍﻷﻏﻨﻴﺔ ﺑﻤﺮﺑﻊ ﺷﻬﻴﺮ ﻟﺸﺎﻋﺮ ﻛﺒﻴﺮ ﻫﻮ ﻋﺒﺪ ﺍﻟﻠﻪ ﺣﻤﺪ ﻭﺩ ﺷﻮﺭﺍﻧﻲ ﺭﻏﻢ ﻣﺎ ﻓﻴﻪ ﻣﻦ ﺍﻷﺣﻴﺢ ﻭﺍﻟﻨﺎﺭ ﻭﺍﻟﺠﺮﻭﺡ ﻭﺍﻟﻬﺰﻳﻤﺔ ﻳﻘﻮﻝ ﻓﻴﻪ :
ﺃَﺡْ ﻭﺍﻟﻮَﺣَﻪ ﻣَﺎ ﺑِﺘْﺪُﻭﺭْ ﺗَﻔَﺎﺭِﻕْ ﻗَﻠْﺒِﻲ
ﺃﺡْ ﻣﻦ ﻧﺎﺭ ﻓﻼﻧﺔ ﻭﺟﺮﺣﻬﺎ ﺍﻟﻨﻮﺳﺮﺑﻲ ‏
ﻳﺎ ﻧﻔﺴﻲِ ﺍﻟَﺼﺒُﺮ ﻟﻮُﻛﻴﻬُﻮ ﻻ ﺗﻨْﺴَﻠﺒﻲ
ﺍﻟﺤَﻆْ ﻣَﺎ ﺑﺪُﻭﻡْ ﻳَﻮﻡْ ﻏَﺎﻟﺒَﺔ ﻳﻮَﻡْ ﺗﻨﻐَﻠْﺒﻲَ
ﻭﻳﺒﺮﺯ ﻟﻨﺎ ﻓﻲ ﺍﻷﻏﻨﻴﺔ ﺷﺎﻋﺮ ﺷﻨﺪﻱ ﺍﻟﻤﺸﻬﻮﺭ ﺍﻟﻄﻴﺐ ﺣﺎﺝ ﻋﺒﺪ ﺍﻟﻘﺎﺩﺭ ﺑﻤﺮﺑﻊ ﺭﺍﺋﻊ ﺇﺣﺘﻮﺷﺘﻪ ﺗﺸﺒﻴﻬﺎﺕ ﺑﺪﻳﻌﺔ ﻓﺠﺎﺀ ﻛﻤﺎ ﻳﻠﻲ :
ﺇَِﺗﻤﻨﻰ ﺍﻟﺪَﻫَﺐْ ﻟَﻮ ﻟَﻮﻧُﻮ ﻳِﺸْﺒَﻪ ﻟَﻮﻧِﻚْ
ﻭﺃﺷﺘﻬَﺖ ﺍﻟﺪُﺭَﺭْ ﻟَﻮ ﻫِﻲ ﺗﺒْﻘَﻰ ﺳِﻨُﻮﻧٍﻚْ
ﻣَﺠْﻨُﻮﻥْ ﻟَﻴﻠﻲ ﺣَﺎﻟﺘُﻮ ﺃﻗﻞ ﻣِﻦ ﻣَﺠْﻨُﻮﻧِﻚْ
ﺯَﻱْ ﻣَﺎ ﻟﻴﻠﻲ ﻛَﺎﻧَﺖْ ﻓﻲ ﺍﻟﻤﺤﺎﺳِﻦْ ﺩُﻭﻧِﻚ
ﻭﻟﻢ ﻳﻨﺲ ﺍﻷﺳﺘﺎﺫ ﻋﻼﺀ ﺍﻟﺪﻳﻦ ﺃﻥ ﻳﺨﺘﺎﺭ ﻣﻦ ﺍﻟﺸﺎﻋﺮ ﺍﻟﻔﺮﺩ ﻣﺤﻤﺪ ﻋﻠﻲ ﺍﺑﻮﻗﻄﺎﻃﻲ ﻣﺮﺑﻌﻴﻦ ﻳﻘﻮﻝ ﻓﻲ ﺍﺣﺪﻫﻤﺎ .
ﺷَﻌْﺮﻙ ﻣُﻨْﺘَﻈﻢْ ﺯَﻱْ ﺍﻟﺴَﻼَﺳﻞْ ﻓَﺘْﻠُﻮ
ﻭﻋِﻴﻨﻚ ﺗَﺮﻗﺺْ ﺍﻟﺤَﺠَﺮْ ﺇﻥْ ﺑِﻘَﺖْ ﺷَﺎﻓَﺘْﻠُﻮ
ﺍﻟﻄﺎﺅﻭﺳﺔ ﻗَﺎﺻْﺪَﻩ ﻣَﺸِﻴَﻚ ﻭﻣَﺎ ﻋْﺮﻓَﺘْﻠُﻮ
ﻭﺃﻋﺼَﺎﺏْ ﺍﻟﺰﺁﻙْ ﺇﺗﻜﻬﺮﺑَﺖْ ﺗِﻠْﻔَﺘْﻠُﻮ
ﻭﻣﻦ ﺃﺟﻤﻞ ﻣﺎ ﻋﻨﺪﻩ ﻣﻦ ﺷﻌﺮ ﺃﺿﺎﻑ ﺍﻟﻤﻠﺤﻦ ﻭﺍﻟﺸﺎﻋﺮ ﻋﻼﺀ ﺍﻟﺪﻳﻦ ﻣﺮﺑﻌﻴﻦ ﻟﻸﻏﻨﻴﺔ ﻳﻔﺴﺪﻫﻤﺎ ﺍﻟﺸﺮﺡ ﻭﺍﻟﺘﺤﻠﻴﻞ ﻳﻘﻮﻝ ﻓﻲ ﺍﻷﻭﻝ :
ﻛِﻮْﻧﻲ ﺣَﻠِﻴﻔُﻮ ﻣَﺎﻟُﻮ ﻋَﻠﻲَ ﺑِﻌْﻠِﻦْ ﺣَﺮْﺑُﻮ
ﻃَﺎﻟِﻊْ ﺳَﻌْﺪُﻭ ﻓﻲ ﺷَﺮْﻗﻮُ ﻭَﻣُﻨَﻮِّﺭْ ﻏَﺮْﺑُﻮ
ﺳَﻴَﺎﻥْ ﻋِﻨﺪٍﻱ ﻭَﺍﺣِﺪ ﺑُﻌﺪْﻭُ ﺃﻭﻛَﺎﻥْ ﻗُﺮْﺑُﻮ
ﻣَﺎ ﺑَﺎﺭَﺣْﻨﻲ ﻓﻲ ﻣُﺮُﻭﺭْ ﺍﻟﻨَﻔَﺲْ ﺑَﺸْﻌُﺮْﺑُﻮ
ﻭﻳﻘﻮﻝ ﻓﻲ ﺍﻟﺜﺎﻧﻲ :
ﻣَﻤْﺸُﻮﻕ ﺍﻟﻘَﻮَﺍﻡ ﺍﻟﻤﺎ ﻭَﺟَﺪﺕَ ﻧَﻈِﻴﺮُﻭ
ﺧِﺼَﺎﻣُﻮ ﻣَﻌَﺎﻱْ ﺃَﺧﻴﺮْ ﻟﻲَّ ﻣِﻦ ﻣِﺤَﻨَﺔ ﻏَﻴﺮُﻭ
ﺟَﺎﻓَﺎﻧﻲ ﺍﻟﻌﺰِﻳﺰْ ﺍﻟﻜُﺖَّ ﺩﻳﻤﺔ ﻧﺼﻴﺮﻭ
ﻫﻮ ﻳﺴﻮﻱ ﺍﻟﻐﻠﻂ ﻭﺍﻧﺎ ﺍﺳﻮﻱ ﻛﺘﺮ ﺧﻴﺮﻭ