قلب بالصح
للشاعر: محمد سفلة
وغناء الفنان : محمد النصري
دا ما القلب البجرسو شوق اذا ما اختار سميرو بعاد
ولا القلب التبكي حبيبة لو غابت عن الميعاد
قلب من قام صحاري الالفة كان بيشقهن بالنوق
محكوم بسياج العفه في يوم ما سرح مطلوق
شيال للتقيل ما نحى لو ساد العمر ارقوق
ندي وريان كريم وتجواد إلا من الضعف معتوق
قلبِ نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه ما بيضحكوا الشمات وتجري دموعو روق فوق روق
قلب ما همو يقضي ايامو جنب الضامر المحزوق
قلب مشغول بهم اكبر من اشواق ورضى المعشوق
هم وطنا عشانو نزف دماهو على الارض ماروق
وهم انسان قضايا كتار وما قادر عليها يحوق
قلبي أنا ..
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح على مروادك المطبوق
انا ان حبيت بقدّر زولي وان فارق(ت) بفوت بي ذوق
دة ما القلب البجرسو شوق ..الا بيبكي لما يشوف مابين الخلق في خلوق
ماخده طباعا من الغابه شايله ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق
وداعاً يا حبيب

لشاعر: إبراهيم ابنعوف
أغنية : عيونك ديل
عيونك ديل قليبي هن الأذنو .. ربي يسامحك كان عذبنو
***
مسكين في بحور الشوق رمنو ... تايه فوق دريبن ودرنو
مظلوم في الغرام ما أنصفنو ... وكمان ناوات عميرو يقصرنو
***
جافاهو المنام كم سهرنو باكي ... البيه ناح والحولو غنو
باكي الماضي والدمعات رونو ... كيف يعود ماضيه والأيام طونو
***
خلنو ونسن ريدتو ونسنو ما ... راعن ودادو وقدرنو
لا جادن عليه ولا طرنو ... ولا يوم في لماتن عشمنو
***
وروني الحصل إيه سمعو عنو ... وبس ليه السلام قطعنو منو
مات بالشوق عليهن ما بكنو ... وما أظن فـ تريبتو يريحنو
***
بقيت أبكي وبكاي الناس تظنو ... تقول ود أبنعوف عاد ليهو جنو
ما بكيت تعذيبي عارفو مقدرنو ... إلا بكاي علي قليبي الحطمنو
***
انا العارف عيونك ما بحنو ... لاون قليبي لامن فترنو
يصارع في الرموش متل التكنو ... قويرب جنو موجات غرقنو
***
يجيه الليل طبول الهم يرنو ... ويسوق سوقار مصايبو يكابرنو
إنت باقيلك بيسعد ؟ ما أظنو ... ياهو شقاه منك وإلا منو

من قومة الجهل ما خوفوك باخ
تور بقر الجواميس الرقادن لخ
نقروبو أم هبك الدرباخنه تضخ
قرنك بفتح الهامه وبمرق المخ

مشيتم حفايا

الأغنية شاعرها هو احمد محمد الشيخ الجاغريو قالها في محمد عبدالقادر عمدة
العيلفون وكان ناظرا للخط ، ولقد وقع خلاف بين العمد وبعض سكان المنطقة من
المغاربة في مشرع في منطقة العيلفون .. ووصلت القضية إلى المحكمة وكسبها
العمدة محمد عبدالقادر فانشد الجاغريو هذه الأغنية ذاكرا محاسن العمدة من
كرم وشجاعة وبسالة ( المصدر .. لقاء مع حسن الشيخ مؤسس ثنائي الدبيبة
أغسطس 200

تغنى بالأغنية الفنان خلف الله حمد وكذلك ثنائي الدبيبه
مشيتم حفايا


مشيتم حفايا وأديتم القارض
ورتعت المعاك فوق ضلك البارد
أب كريق حجر الوارد
*********
الليله أب كريق يبرا بالموجات
فوق ضهرو الخبوب ضنبو تسع طيات
كم دقيت مسامير التدر ملويات
بغروا من الترب أفضل وخيرا مات
**********
عجل الهوسكى الماك ولادة صيف
أرفق بالضعاف وديك شبعهم كتيف
من قومة الجهل بعرف قدلة السيف
دفاع للطرز البمشن الحنيف
********
النبوت عوى للبحمل الرسه
طارى حديث بنات جبهتن ملساء
بختف بسٌرع أسرع من الرمشه
الطاردك زلق ما بلحس الخمسه
*********
شيخ الخط محمد البردخ النقال
سمعوا جروا فزو بالحلال
بقيل أم عشوش زردوهم الحمار
قاموا متفجرين مبيتم السمار

مانة عليك
كلمات الشاعر : خالد الباشا
أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت
.........
عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت
أمانة عليك...
سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطــــــ

لاتكتر غيابك
كلمات الشاعر : سيد احمد عبد الحميد
لاتكتر غيابك تاني شان مايبقى عادي
بعد وادعنا الهموم رحلت مقبله غادي
عانقنا الفرح و اتشابكت الايادي
لالا لآتكتر غيابك تاني
يازولي الوسيم ياللمحاسن بادي
ياناير الوجانة
كل يوم مزداهي لاتكتر غيابك تاني
الليل الظلوم منو الشحوب وسوادي
حالف مايفوت
ونور الصباح لي ماراضي
فات زمن الحسان وزمن الالم كان زادي
........والنجوم شهادي
غرد ياكنار
قوم بالوتر ياشادي
وارقصي ياحسان من الشمال واتهادي
ارحل ياغمام للواحه واسقي الوادي
وارشعي يامطور برقنا صار عبادي

يا الـلـه عــــــوِّضـنى
يا الله عوضنى فى زول عزيز فقدو
دنياى غيرو جحيم وانا قاسي اعيش بعدو
انت العليم بالحال مابتعرف اى محال
خالقنى من صلصال قادر على ردو
عايش معاهو سنين كان بينا ود متين
قبال نتم الدين جار الزمان اخدو
عزونى يا اصحاب قمرى المنور غاب
وانا زول حياتو عزاب كل الظروف ضدو
يا حليلي تهت جافونى كل الناس
ما الزول بدون احساس زى روض نشف وردو
صبرنى يا رحمن خلينى انسي الكان
والهمنى بالسلوان وانا حزنى فات حدو
*********
كلمات الشاعر : الفاتح إبراهيم بشير

والله مشتاقيـــــــــــن
الخدود الشاربة من لون الشفق عند المغارب
ديل خدودك سيدي سيد الناس يا سيد الحبايب
العيون طرتني زول من أهلو غايب
والشعر في كتيفو يتهادل سبايب
والله مشتاقيـــــــــــن
في عينيك تظهر لي دنيا..دنيا شوقك فيها ظاهر
الأماني الحلوة هايمة زي بحور ماليها آخر
الكليمة طيبة منك زادي
وحياتك لباكر والامل فارد جناحو..
ديمة زي عينيك مسافر
والله مشتاقيـــــــــــــن
الغروب يسألني منك..امسياتنا في شوقي اليك
الرمال الناعمة مشتاقة لمشيك
الطيور الراحلة في ضل المسا تسأل عليك
كيف تفارق الضفة والنيل هان عليك
والله مشتاقيـــــــــــــن
طال علينا فراقكم والله يا غايبين
قدر ما ننسى العلينا برضو مشتاقين
××××××××××
كلمات الشاعر : إسماعيل حسن
أداء : الراحل محمد وردي

مما اشوفو مايق المن الردف وحلانه!؟
بحس بي كل جسمي اتملكتو سخانه
بريريبه العفا الأتكجرت في... كدانه
مقاطعا خيل ومايقا ريل واللهج روزانه

بت الكرمو معروف لي جميع....الأُمة
سابل ديسَّا عاتم بي وراها....ضُلمة
من فرق المسببه في الحناجر.....غُمة
شن خلتلي غير آهتين ونوحة وحمة

تسالمي كل الناس ! لينا نحن اشمعنى؟؟
حياتنا بلاكي ماك عارفاها فاقده المعنى؟
يادكتوره فحصك ..... تراهو زالي الطعنه
شيلي العينه بي طعنه وتاني تني الطعنه

دوبيت الشاعر الصادق فضل الله
https://www.youtube.com/watch?v=GFbhC7-1r6M&t=212

دوبيت نضم جد 💪💪 ماك القليل ضرب القواسي بحقرك
https://www.youtube.com/watch?v=dMp8Mx_NQf4

أجمل ما قال الشاعر عبد الله ود إدريس في الحكمه دوبيت رائع
https://www.youtube.com/watch?v=ja017JHsKPw

الموسيقار محمد وردي
" يا ناسينا "
******************
حبيبي الدنيا دي الفراقة
والله الدنيا دي الفراقة
المشتاق مع المشتاقة
يا الله تاني وين نتلاقى
يا ناسينا يا مجافينا حن علينا
حبيب مشتاق اشوف عينيك
وشعرك موج على خديك
هناي في بسمتك ..في وقفتك.. في مشيك
بالغالي العزيز أفديك
يا ناسينا يا مجافينا حن علينا
عارف قلبو ما بنساني
عزاي في الدنيا بس يطراني
تجي للعذول الجاني
فرق بينا ليه يا زماني
يا ناسينا يا مجافينا حن علينا
كل ما أميل أجد ذكراه
بين الروض عرفت شذاه
في دنيا الغرام أهواه
كن نسايني ما بنساه
يا ناسينا يا مجافينا حن علينا
الجو قلبي احتلاه
صبحي مساي دوام اطراه
فارق دربي ما هماه
يا الله تاني وين القاه
يا ناسينا يا مجافينا حن علينا
بفرش ليك قلبي وسادة
وازقيك من غرامي سعادة
لو عاد الحنين يالسادة
أقضي عمري فيك عبادة
يا ناسينا يا مجافينا حن علين

أرفع من خيوط الشله ضمرة هافا
واجمل من جمال يوسف عليه قيافا
تمشي الكي قبل ممكونه من اردافا
سمو أسنانا بي وهج الضياء اللصافا

صباح الخيرات ............القمري المظلل

القمري المظلل بى ورق الأراك

روح لي حبيبي وقولو متين أراك

يا الفى قوس حواجبك ناصب لي شراك

بيعك في المحاسن والأرواح شراك

يا الفارم فؤادي يا الضارب ضراك

شيل النوم ورجع قلبي الطاش وراك

الــدر المنظم عقــدك ولا فـــاك

والعناب مكنتل أم خضرة شفاك

عيد النظره داوى الجرح الما خفاك

الصد والتدلل والهجران كفاك

الظبي المروقل جـــافــل بى وداك

يسكر سمعي صوتك من راحة نداك

يا الكاتل عشوقك بهدل بى عداك

عندك جوز قنابل في صديرك هداك

الفرع المفرهد في روضة نداك

شعرك ليل وخدك ولع نور هداك

كيف ما تشيل قلوبنا روحي تروح فداك

والردف المرجرج يلعب بى فداك

الصدر المقبقب يا الضامر حشاك

من ميلة ضميرك فرع البانه شاك

بى سهم الرشارش جوّ ضلوعي شاك

أصلك لي ودار أعمارنا الله نشاك

تايه فكرى عايم في النور الملاك

من بهجة محاسنك كيف اتاملك

عبدالحـــافظ ابشر حــظك تملاك

هل تدرى أب عوارض إنسان أم ملاك

يا المن در مخلق كيف انظم صفاك

وين نومي المعلق يا أب طرفا غفاك

عبدالحافظ أصلك نجم الحظ لفاك

عيش بين سرور أتمتع في صفاك

يا جدي التمائم ظل الغيم رعاك

راتع في الخمائل قانص ما سعاك

كيف تصطاد قلوبنا وما الشئ الدعاك

ارجع من هزارك جيب قلبي المعاك

انا شفت الملاك ..

بأيدي سالمتوا..

بهرني بنورو ..

خلاني مأسورو ..

إن ضعت في بحورو ..

أنا عقلي فارقتوا ..



لو طلاك صباحوا ..

او ضماك جناحوا ..

حقيقة القلب بشفى ..

وتاني تطيب جراحوا ..

كمان لو شفته لونوا ..

سحرو الفي عيونوا ..

تدور ترحل في كونوا ..

من حسنو ولطافتوا ..



الراقي في وسامتوا ..

مرسومه ابتسامتو ا..

تفوق البدر صورتوا ..

أية الحسن هامتوا ..

دلال من غير تعالي ..

رقه وزوق مثالي ..

زي الدر بلالي ..

في أصلو وداعتوا..



من يوم ما ليقيتوا ..

كل الفات نسيتوا ..

في قلبي اصطفيتوا ..

دون الناس هويتوا ..

صار لحياتي معنى ..

في أحلامي جنه ..

بس الحظ تجنى ..

شال قلبي وسعادتوا ..

انا شفت المــــــــــــــــــــــــــلاك ..

كفاك ما تبكي يا عيوني
خلاص ما تبكي يا عيوني
اتاريهم نسو الريده و نسوها حتي نسوني
كفاك ما تبكي يا عيوني
خلاص ما تبكي يا عيوني
كفاك يا عيوني ما تبكي
كفاك يا عيوني ما تبكي
و جفاكي ما تسوقي خلاص ما تبكي يا عيوني
و ما تالمي و تشكي
ما تالمي و تشكي
الساب الحنان فكيه
و حقيقه الريده بتبكي
خلاص ماتبكي ياعيوني كفاك ماتبكي يا عيوني
اتاريهم نسو الريده و نسوها حتي نسوني
كفاك ما تبكي يا عيوني خلاص ما تبكي ياعيوني
كفاك ياعيوني ما تعبتي
كفاك ياعيوني ما تعبتي
حتي اليله ده غلبتيه
خلاص ما تبكي يا عيوني
منو نهيلتي و شربتي
منو نهيلتي و شربتي
سابك و ما حصل سبتي
خلاص ما تبكي يا عيوني كفاك ما تبكي يا عيوني
اتاريهم نسو الريده و نسوها حتي نسوني
كفاك ما تبكي يا عيوني خلاص ما تبكي يا عيوني

✍🏼ابومؤيد

بتخيلك كل ما الصباح طل وبدا

بتخيلك في زرقة السما والمدى

كل ما الغروب لون خواطري و هدهدا

وكل ما ابتهجت وبلل اعماقي الندى

بتخيلك يا كرنفال حزني المضى

لما النجوم تغفى وتنوم

وانكسر خاطري و يموت فيني الرضا

بتخيلك زحمة فرح تملك حواسي و تبهجا

ونجدة غريق يتلاشى في جوف الدجى

لا قربو ساحل لا جزر لا طوق نجا

بتخيلك لمة صغار ونسة و حجى

و قمراً طلع ضو الدساتر و مهرجا

بتخيلك في كل شي لمن ابالغ وانتشي

لما تظلمني الخطى وابا المشي

و بتخيلك ✍🏼 ابومؤيد

كلَك حلـو** جمال فرفور
كلمات ألحان د.علي الكوباني
************
كلك حلو
وانت الجمال
في كل معنى تكملو
بعشق رواك وانوار صفاك
لكن جفاك والله مـا بتحملو
ْْْْْْْْْْ****
يا بدر تامي مسا وصباح
بيك الحسان إتمثلو
بالرقة والطبع السماح
خليت مشاعري إتبدلو
انت في سماك قلبي إصطفاك
طالب رضاك
قول ليا كيفن اوصلو
****
يوم قلت ليك
والله غيرك ما في زول
شال نوم عيونا وقللو
حتي العناد فيك نقبلو
يا راقي ياب طبعاً حلو
لانك ملاك خلقوك براك
وانت في علاك
ما تنسي ريدي وتجهلو
****
مشتاق كثير انا يا امير
لهمسك النادي وحلو
للضحكة والفرح اللي كان
قبال زمانا يبد لو
انا في رجاك روحي وهواك
وعهدي المعاك تاني المحال يتحولو