مراسيل مليانه حكايات
مراسيل وتبعدها الاماكن
كان ممكن نعديها المره دي كمان
كان ممكن نراهن علي الوقت عادي
لي اختارنا الوقت يقف ميمشيش
لي لسه حبي في نفس الاماكن مبينتهيش."

واشيل الدنيا..
بجناحي انا وهي."

(إن آلَلَهِ وُمِـلَآئگتُهِ يـصِـلَوُن عَلَي آلَنبّي يَا أَيُّهَا الَّذِينَ امنُو صَلُّو عَلَيْهِ وسَلِّمُو تَسْليمًا)❤️

انا بلف في نفس الدايره علشان اوصل لحاجه انا في الاساس مش عارف مصيرها اي وبسبب اني بدور علي مصير مجهول فعلا بحس بانعدام الرغبه اتجاه اي شئ."

_شوفت عيون كتير!

منها اللي بصت بكل حب،
نظرة صريحة، مفيهاش لف ولا دوران،
نظرة تقولك أنا شايفك، ومبسوط إني شايفك.
مش لازم أقولها، أنا عايزك تعرفها لوحدك.
نظرة فيها غيرة، وفيها خوف، وفيها حاجة كده بين "متبعدش" و"محدش يقرب".

وفي عيون بصت من بعيد.
ودي يمكن أكتر عيون نقف عندها.
متقربش، ومتبعدش.
تفضل واقفة على مسافة آمنة، تبص وتبعد، أكنها نفسها تقرب، بس خايفة.

خايفة من اللي ممكن يحصل لو قربت،
خايفة تكون مش حاسس، أو تكون حاسس زيادة،
خايفة تقول حاجة وبعدها متعرفش ترجع زي الأول.
فتختار تبص من بعيد.

بس أنا واخد بالي.
عارف النظرة اللي بتستخبى بسرعة،
والنظرة اللي تيجي بالغلط وبعدين صاحبها يهرب منها،
والنظرة اللي تفضل متعلقة ثانية زيادة عن المفروض.

يمكن الحب بيبصلك في عينك.
والتملك بيبصلك كأنه مش عايز يسيبك.
لكن الخوف...
الخوف بيبصلك من بعيد،
لإنك مش عارف هو مش بيقرب عشان مش عايز!،
ولا عشان عايز أكتر من اللازم!.

والأكتر تعقيدًا بقى هي اللي بتسأل.
لإن في عيون بتبقى واضحة أوي،
وفي عيون تانية تفضل طول الوقت واقفة على الحافة،
لا هي قالت، ولا هي قدرت تخبي.
اللي مش بتبصلك علشان تشوفك،
بتبصلك علشان تتأكد إنك شايفها.

تفضل تسألك من غير كلام:
هو أنا فارق؟
هو إنت حاسس؟
ولا أنا الوحيد اللي واقف هنا؟
ويمكن عشان كده النظرة دي بتفضل أكتر من أي كلمة.

لأن الحب لما يتقال، بنعرف نرد عليه.
لكن لما حد يبصلك كإنه مستني منك إعتراف،
هو نفسه مش قادر يعترف بيه...

بتحتار!
تطمن عينه؟
ولا تسيبها تسأل؟

وتفضل إنت كمان واقف على الحافة...
لا عارف تقرب،
ولا عارف تبعد،

بس عارف حاجة واحدة.
إن في عيون، مهما حاولت تنكرها،
بتفضل فاكرها...
مش علشان كانت أجمل عيون شوفتها،
ولا علشان كانت أوضحها.
يمكن علشان كانت العيون الوحيدة
اللي سألتك سؤال،
ومستنيتش منك إجابة...
ToM!...

انا مقتنع ان الانسان مهما كان بيحكي او بيطلع حاجه من اللي جواه فهو مبيطلعش حتي 50% من اللي جواه ودايما في جزء وهو الاكبر جوانا متشال لينا علشان علي الاقل نلاقي حاجه نلوم نفسنا عليها."

بدور علي المكان اللي كنا فيه ... توهت انا فين وليه مش عارف يمكن كل حاجه كانت بتنادي بلقانا بس احنا...احنا اللي قررنا نغير الطريق بقي كل واحد في سكه بعيد عن التاني."

لا شيء يوازي الألم ...
كل التعازي رخيصة

اوقات ببص لنفسي وبقول هو دا فعلا جبروت مني ولا حقيقي انا مبقتش حاسس بي اي حاجه بس اه انا بردو جوايا صوت بيقول انه عادي اللي يحصل يحصل مفيش حاجه تاني علشان اخسرها."

الواحد مش حاسس بحاجه غير ان تايه ، ومش عارف بعمل إيه ، عايز يسكت وخلاص لانهُ عارف مهما أتكلم مش هيوصل الشعور إللي حاسس بيه.

أصَل طول م الناس بتِقلَق
مش هَتعمِل أي حاجة .
- ميدو زُهير

انتهيت من كل فرصي ..
وابتديت بعديها أغني ..

وكل مرة عم سيد يقطع ف الوريد من غير تفاهم ، متفوتنيش انا وحدي .. متفوتنيش وياهم

(إن آلَلَهِ وُمِـلَآئگتُهِ يـصِـلَوُن عَلَي آلَنبّي يَا أَيُّهَا الَّذِينَ امنُو صَلُّو عَلَيْهِ وسَلِّمُو تَسْليمًا)❤️

دلوقتي قاعد انا دماغي لوحدنا...

في سوء تفاهم في الوجود
سوء تفاهم بين الجميع."

انا بس عاوز افهم ذنبي اي في كل دا...

حقيقي معنديش اي حاجه اديها لحد الفتره دي,وهيبان جدا اني متغير ومش مهتم,بس انا فعلا مش متغير ومش مش مهتم,انا فعلا مافضلش جوايا اي حاجه اقدمها لحد."

مافيش حاجة مبتعدّيش كل حاجة بتعدّي بس بتاخد معاها جزء من استقرارنا النفسي ومهما حصل مسير الأيام تداوي جروحنا ونفهم مع الوقت إن مافيش حد دايم في حياتنا مهما كان غالي عندنا ومهما كنا غاليين في حياته
الفراق جزء أساسي من الحياة ومش كل شخص بندخله حياتنا لازم يفضل فيها للأبد وعشان كده إياك تربط استقرارك وسعادتك بوجود شخص تاني أيًّا كان هو مين بالنسبة لك لأنك في النهاية.. أنت اللي هتتوجع
اتعلم تحب نفسك قبل أي حد واتعود إنك تكون لوحدك من غير ما تحس إن الوحدة معناها إنك ناقص أو إن حياتك وقفت الرحلة في النهاية فردية ومش لازم يكون فيها حد ماشي معاك طول الطريق
وصدقني اللي جاي هيكون أحسن. يمكن مش بنسبة 100% ويمكن مش بالشكل اللي كنت تتمناه لكنه على الأقل هيكون بداية جديدة وهيِداوي جزء من اللي اتكسر جواك ويرجعلك جزء من استقرارك النفسي
مش كل فراق نهاية… أحيانًا بيكون بداية إنك ترجع لنفسك🩶

انا ممكن أسامح في أي حاجه إلا اللي يخليني أشفق علي نفسي وأندم اني حبيت او قدمت خير لحد وارجع اقول يارتني ما عرفته انا بشر وبغلط وبسامح لما الغلط يستاهل يتسامح..
انما خاطري غالي واللي يتعامل معايا لازم يصونه وما يخلينيش اندم اني حطيته في مكانه اكبر منه كل الاخطاء بتتغفر..
معادا اللي يخليني ابكي علي نفسي."