أصبحنا وأصبح الملك لله، والحمدلله ، لا إله إلّا الله وحده لا شريك له، له الملك وله الحمد وهو على كل شيء قدير، ربِّ أسألك خير ما في هذا اليوم ،و خير ما بعده، وأعوذ بك من شر هذا اليوم، وشر ما بعده، ربِّ أعوذ بك من الكسل، وسوء الكِبَر، ربِّ أعوذ بك من عذاب في النّار ،و عذاب في القبر.

اللهم ما أصبح بي من نعمةٍ، أو بأحدٍ من خلقك، فمنك وحدك لا شريك لك، فلك الحمد ولك الشكر.

يا حي يا قيوم برحمتك أستغيث أصلح لي شأني كلّه ولا تكلني إلى نفسي طَرْفَةَ عَيْن.

تخيل واحد مننا، قاعد بيتكلِّم عادي، وبيخطَّط لبكرة زيّنا، وبيفكّر هيتجوّز إزاي، لكن -شاء الله- إنه نَفَسه يضيق، والكرب اشتد، وبدأ يدخل في صراع مع سكرات الموت، وجسمه اللي كان طول عمره شايله وبيطاوعه، خلاص مابقاش قادر يتحكّم فيه!

أهو ﴿كَلَّا إِذَا بَلَغَتِ التَّرَاقِيَ﴾ دي لحظات الغَرغَرة، اللي الروح خلاص بتوصل فيها عند عظام الترقوة، والموت بيكون وصل لمُنتهى الشدة والألم، ودي لحظات الاحتضار -ثبتنا الله وإياكم- لحظات استعاذ منها رسول الله.

أهل الميت هنا بيبدأوا يبحثوا عن أي مُنقذ: ﴿وَقِيلَ مَنْ رَاقٍ﴾ حد يجيب دكتور؟ كلموا الإسعاف؟ حد يجيب حد يرقيه ويلحقه؟ طب حد يكلم أي حد؟

وكل واحد بيدوّرله على سبب ويشبط فيه؛ لأن الإنسان بطبعه مش سهل عليه يشوف حد بيموت ويبقى واقف عادي، بيحاول يعمل أي حاجة حتى لو هتضر الميّت.

ودا مش ذمّ في الآخذ بالأسباب، ولا للعلاج أو الرُقية، لكن الآية بتتكلِّم عن اللحظة اللي بتنتهي فيها كل الأسباب الدنيوية، مهما اجتمع حواليك أعلم أهل الطب، وأفقه أهل الرُقية.

وفيه قول تاني عند المفسرين: قيل إن السؤال دا من الملائكة، بيقولوا منَ يَرقَى بهذه الروح؟ ملائكة الرحمة ولا ملائكة العذاب؟ وهنا أهل الميت بيكونوا مشغولين بالجسم، والملائكة مُنشغلة بالروح.

وهنا ﴿وَظَنَّ أَنَّهُ الْفِرَاقُ﴾: هو نفسه عِرف، مبقاش فيه احتمالات، ولا غيبوبة وهيرجع، ولا أزمة وهياخد شوية كهربا ويقوم، هو عارف إنه لحظات وهيموت.

والحاجة اللي بفكّر فيها دايمًا:
إن الدنيا بتتسحب من تحت الميت واحدة واحدة، وكل لحظة -مجازًا- فيه حاجة بتغيب من قدام عينه؛ أهله اللي حواليه، بيته، فلوسه، شُغله، خططه، ذنب كان عايز يتوب ويخلص منه، حق من حقوق العباد، وهكذا.

وبعدين: ﴿وَالْتَفَّتِ السَّاقُ بِالسَّاقِ﴾، قيل إن رجليه بتتلف في الكفن فمش هيمشي عليها تاني، وقيل إنه عايش في آخر يوم في الدنيا وأول يوم في الآخرة، وكلها معاني أرعب من بعض.

وأخيرًا: ﴿إِلَىٰ رَبِّكَ يَوْمَئِذٍ الْمَسَاقُ﴾، مش هتروح لفلوسك اللي جمّعتها، ولا بيتك اللي بنيته، ولا شُغلك، ولا الناس اللي كنت بترضيهم؛ إنت رايح لرب العالمين.

ودا مش معناه إنك تسيب حياتك وتستنى الموت؛ لأ، إنت مأمور تعيش وتشتغل وتتجوّز وتبني وتاخد بالأسباب، لكن وطَّن نفسك إن سكرات الموت ملهاش صوت، وبتيجي بدون معاد؛ فمتخليش الدنيا تاخد حيّز الآخرة في قلبك.

الله يعلِّمنا ويفهِّمنا ويأدِّبنا؛ دا محاولة واجتهاد لتبسيط وتقريب المعنى قدر المُستطاع، فإن كان من توفيق فمن ستر الله على عبدِه، وإن كان من خطأٍ أو سهوٍ أو زللٍ فمني وحدي ومن الشيطان.

عبدالرحمن_مهدي

صباح الخير.. لو قال الإنسان كل يوم: (أستودعُ الله الذي لا تضيع ودائعه نفسي وأمانتي وخواتيم أعمالي وبيتي وأهلي وأحبتي ومالي وجميع ما أنعمَ الله بهِ علي)، لحفظ الله لهُ كلّ ذلك.

الحمد لله الذي أذِنَ لنا بيومٍ جديد لنعبده ونشكره ونتوب إليه ."

‏أخشى أن أبيت في قبري وأكون نسياً منسياً
‏اللهم سخر لي من لا ينسى أسمي عند وفاتي.

المقارنة هي أول طريق حرقة الدم وضياع البركة! ربنا لمّا وزّع الأرزاق، وزّع مع كل رزق حمل ما يعلمهوش إلا هو.. ممكن تشوف بني آدم معاه قرشين، بس محروم من راحة البال أو الصحة. بص للي في إيدك وقول الحمد لله
العيشة برضا وقناعة بتخليك تنبسط بأقل حاجه في ايدك، والمقارنة بتمحي حلاوة أي نعمة أنت عايش فيها.

يرفع الله الميت من منزلته الي منزله أعلي ثم يسأل فيقال بسبب دعاء فلان لك.
لا تنسوا الأموات من دعواتكم ، وتذكروا ان من دعا لميت سخر الله له من يدعوا له بعد وفاته ، اللهم ارحم موتانا وموتى المسلمين.

بشوف كل طير آخر اليوم بيرجع لعشه، وقد ربنا رزقه وكفّاه

فأقول: يا رب، وقلبي زي الطير في سماك الواسعة، متعلق بيك وراجي فضلك، فلا ترده ملفسًا

اللهم ارزقني توكل الطير عليك، وسعيها وهي واثقة في رزقك، وارجعني كل يوم راضي ومطمئن ومُرزق من فضلك.

عيني بتدمع من الهوا والشمس وعدم تحقيق الاحلام رغم بساطتها والواقع المخُيب للأمال.

والله الإنسان دا غلبان، لما بينتظم إسبوع كامل على قراءه الأذكار مثلا, وصلاه الفجر, وقراءه الورد. ببقي قاعد مستني نفحات إلهية وكرمات تحصل , واللى هو يلا نخش الجنة دلوقتيي.
يارب احنا بنحاول دايما, وعشمانين في رحمتك وكرمك , فارزقنا الجنة يا رب.

صباح الخير احنا قومنا من النوم اتوضينا وصلينا ونزلنا نشوف شغلنا او دراستنا كل دي نعِم من ربنا علينا ، الحمد لله

لا تنسوا صيام أيام البيض
وتأتي في شهر ربيع الثاني
- الخميس ٢٤ سبتمبر
- الجمعة ٢٥ سبتمبر
- السبت ٢٦ سبتمبر
قال النبي صل الله عليه وسلم:
صيام ثلاثة أيام كل شهر صيام الدهر أي صيامها كصيام سنة كاملة .
وتخيل أن مجرد صيام يوم في سبيل الله يبعد به وجهك عن النار ٧٠ سنة!
مجرد ثلاثة أيام فلا تضيعوا اجورها!

الدال علي الخير كفاعلة .

‏رَضِيَ اللهُ عن أمّي .

أكبر خدمة تعملها ف نفسك إنك تحاول تهدي الريتم شوية ؛ تصلي بهدوء ؛ تاكل بهدوء؛ تقرأ وردك بهدوء؛ لازم نبطل السربعة في كل حاجة دي ؛ هو احنا بنجري كده ليه ؟

أنا بحس إن كلمة " نور عيني" دي أكتر كلمة حنينة فالدُنيا، منبع حنية حرفيًا ، وبحب أي حد بيقولهالي وببقى عايزة أديله عيوني كده

الستر ده حاجة غالية اوي ونعمة لا تُقدر بكنوز الدنيا والله ، الله يسترنا دايمًا في الدنيا وفي الآخره

سيظل الزواج أكبر بطيخة في الدُنيا

يارب بطيختنا تطلع حمرا وحلوة ومسكرة

‏" ولا الضّالين
وضعتُ يدّي على قلبي و قُلت آميين يا ربّ لا أضلّ و لا أتوه و لا يذلّني قلبِي، و لا تتوّقف حواسي عن إدراكِ رضاك، اللهمّ إنني أُناجيك وحدِي، و تسمعنِي وحدك" ♡