Ҳайдовчилик гувоҳномаси олиб беришни ваъда қилган фирибгарлар ушланди
 
Бош прокуратура ҳузуридаги Департамент, ДХХ ва ИИБнинг Сирдарё вилояти бошқармалар томонидан ўтказилган тезкор тадбирда, фуқаролар Ш.А ва Ш.Б. фуқаро А.С.нинг ишончига кириб, унга 680 АҚШ доллари эвазига “В, С” тоифали ҳайдовчилик гувоҳномасини тайёрлаб беришни ваъда қилишиб, шундан 600 АҚШ долларини олган вақтларида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
 
👉@Department_uz

Қалбаки акциз маркали алкоголь маҳсулотларининг муомалага киритилишининг олди олинди
 
Бош прокуратура ҳузуридаги Департаментнинг Самарқанд вилоят бошқармаси томонидан ўтказилган тезкор тадбирда, “G`.sh.” МЧЖ раҳбари Ф.У. Булунғур туманида жойлашган ушбу МЧЖга қарашли савдо дўконида кирим ҳужжатлари мавжуд бўлмаган 9 турдаги жами 953 дона қалбаки акциз маркали алкоголь маҳсулотлари сотувга қўйганлиги аниқланиб, ашёвий далил сифатида олинган.

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Косонсой туманида қум-шағал аралашмасини ноқонуний қазиб олиш ҳолати аниқланди
 
Бош прокуратура ҳузуридаги Департаментнинг Косонсой туман бўлими томонидан ўтказилган терговга қадар текширувда, “K.Y.” хусусий корхонаси раҳбари К.Ғ. тумандаги 3,6 гектар захирадаги ер майдонини ўзбошимчалик билан эгаллаб олиб, умумий баҳоси 802 млн сўмлик 41,4 минг куб қум-шағал аралашмасини қазиб олиб, давлат ва жамият манфаатларига жуда кўп миқдорда зарар етказганлиги аниқланган.

Мазкур ҳолат юзасидан Жиноят кодексининг 229-моддаси (ўзбошимчалик) билан жиноят иши қўзғатилиб, тергов ҳаракатлари ўтказилмоқда.
 
👉@Department_uz

Газ таъминоти бўлимининг таъмирлаш хизмати бошлиғи ушланди
 
Бош прокуратура ҳузуридаги Департамент ҳамда ДХХнинг  Сирдарё тумани бўлимлари томонидан ўтказилган тезкор тадбирда, “Сирдарётумангаз” газ таъминоти бўлимининг таъмирлаш хизмати бошлиғи М.К. фуқаро М.Р.нинг ижарада яшаётган хонадонида табиий газ тармоғига ноқонуний уланиб, 6,3 млн сўм зарар аниқланганлиги ҳолати бўйича тузилган далолатномани йўқ қилиб бериш эвазига 1 млн сўм олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Субсидия асосида уй олиб беришни ваъда қилган фирибгар ушланди
 
Бош прокуратура ҳузуридаги Департаментнинг Навоий вилоят бошқармаси томонидан ДХХ ва ИИБ ходимлари билан ҳамкорликда ўтказилган тезкор тадбирда, фуқаро О.Н. Навоий шаҳрида қурилаётган кўп қаватли турар жойлардан 2 хонали уйни фуқаро Ш.Ҳ.га гўёки субсидия асосида олиб бериш эвазига 400 АҚШ долларини фирибгарлик йўли билан олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

👉@Department_uz

8 январь - Ўзбекистон Республикаси прокуратура органлари ходимлари куни

Асосий мезон - қонунийлик, инсонга эътибор ва элнинг розилиги - Бош прокурор Ниғматилла Йўлдошев

«Халқ сўзи» газетаси, 07.01.2023 й., № 4

Манба: "Халқ сўзи" нашри

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook

Кучли таъсир қилувчи дори воситаларининг муомалага киритилишининг олди олинди
 
Бош прокуратура ҳузурида Департамент, ДХХ ва ИИБнинг Чилонзор тумани бўлимлари томонидан ўтказилган тезкор тадбирда, фуқаро А.Н. фуқаро Х.Х.га 140 дона “Регапен” ҳамда 100 дона “Зардекс” номли кучли таъсир қилувчи дори воситаларини 4,8 млн сўмга сотган вақтида ушланиб, унинг ёнидан жами 1 670 дона “Зардекс” ва 59 дона “Регапен” номли дори воситалари ҳамда 29 млн сўм ашёвий далил сифатида олинган.

Мазкур ҳолат юзасидан Жиноят кодексининг 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят иши қўзғатилиб, тергов ҳаракатлари ўтказилмоқда.
 
 👉@Department_uz

Бухоро вилоятида автомобилларга газ қуйиш шохобчасидаги ўғрилик фош этилди

Бош прокуратура ҳузуридаги Департамент, ДХХ ва ИИБнинг Бухоро вилояти бошқармалари томонидан “Ўзнефтгазинспекция” ходимлари билан ҳамкорликда ўтказилган текширувда, “Д.” ва “О.Б.” МЧЖларга қарашли 3 та метан газ қуйиш шохобчаларига ўрнатилган газ ҳисоблаш ускуналаридан ўтаётган газ ҳажми сунъий равишда камайтирилган ҳолда кўрсатилишига эришилганлиги оқибатида 26,2 млрд сўмлик табиий газ ўғриланганлиги аниқланган.

Мазкур ҳолат юзасидан МЧЖ раҳбарларига нисбатан Жиноят кодексининг 169-моддаси (ўғрилик) ҳамда “Ҳудудгаз Бухоро” газ таъминоти корхонаси масъул шахсларига нисбатан 205-моддаси (ҳокимият ёки мансаб ваколатини суиистеъмол қилиш) ва 207-моддаси (мансабга совуққонлик билан қараш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Собиқ иқтисодчининг фирибгарлиги фош бўлди

Бош прокуратура ҳузурида Департаментнинг Боёвут туман бўлими томонидан ўтказилган терговга қадар текширувда, туман халқ таълими бўлими собиқ иқтисодчиси Г.А. ва бошқалар 2020-2021 йилларда бош ҳисобчи лавозимида ишлаган Б.М., М.Н.га нисбатан қўзғатилган жиноят иши бўйича етказилган моддий зарарни қоплаб бериш эвазига 4 нафар фуқаронинг жами 65 000 АҚШ доллари ва 240 млн сўмини фирибгарлик йўли билан қўлга киритганликлари аниқланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

👉@Department_uz

8 январь - Ўзбекистон Республикаси прокуратура органлари ходимлари куни

"Прокурорман"

Хонанда - Акжол Мелдебеков

Архив

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook

8 январь - Ўзбекистон Республикаси прокуратура органлари ходимлари куни

"Меҳр"

Хонанда - Зиёда

Архив

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook