🧒ҚАЗАҚСТАНДА БАЛАЛАРДЫҢ ДЕНСАУЛЫҒЫН САҚТАУ ЖҮЙЕСІН ДАМЫТУДЫҢ ЗАМАНАУИ ТӘСІЛДЕРІ ТАЛҚЫЛАНДЫ

Қазақстан Республикасы Тәуелсіздігінің 35 жылдығына орай Қазақстан Республикасы Денсаулық сақтау министрлігі Біріккен Ұлттар Ұйымының Балалар қорының (ЮНИСЕФ) және Шығыс Қазақстан облысы әкімдігінің қолдауымен Өскемен қаласында «Салауатты өмірдің бастауы – дені сау ұрпақ» атты республикалық семинар-кеңес өткізді.

🇺🇳Іс-шараға Дүниежүзілік денсаулық сақтау ұйымының, БҰҰ Балалар қорының (ЮНИСЕФ) өкілдері, өңірлік денсаулық сақтау басқармаларының басшылары, штаттан тыс бас мамандар, медициналық жоғары оқу орындары мен денсаулық сақтау ұйымдарының өкілдері қатысты.

Семинар-кеңесті ашқан Денсаулық сақтау бірінші вице-министрі Тимур Сұлтанғазиев өскелең ұрпақтың денсаулығы елдің демографиялық дамуының, әлеуметтік әл-ауқатының және адами капиталының болашағын айқындайтын басты негіз екенін атап өтті.

«Бүгінде Қазақстанда шамамен 7 миллион бала тұрады, жыл сайын 330 мыңнан астам сәби дүниеге келеді. Тәуелсіздік жылдарында елімізде ана мен бала денсаулығын сақтаудың заманауи жүйесі қалыптасты, ана мен нәресте өлімі айтарлықтай төмендеді, медициналық көмектің халықаралық стандарттары белсенді түрде енгізілуде. Біздің міндетіміз – әрбір балаға өмірдің салауатты басталуын қамтамасыз етіп, сапалы медициналық көмекке тең қолжетімділік беру», – деді бірінші вице-министр.

🤔ДДҰ өкілдігі де Қазақстанның балалар денсаулығын сақтау саласындағы елеулі жетістіктерін атап өтті. Ұйымның мәліметінше, елімізде бес жасқа дейінгі балалар өлімінің көрсеткіші 1000 тірі туған балаға шаққанда 9,83-ке дейін төмендеп, бұл Орталық Азиядағы ең төмен көрсеткіштердің біріне айналды.

Пленарлық отырыс барысында Қазақстан Республикасы Денсаулық сақтау министрлігінің Ана мен бала денсаулығын сақтау департаментінің директоры Мағрипа Ембергенова ана мен бала денсаулығын сақтау қызметін одан әрі дамытудың негізгі бағыттарын, мемлекеттік бағдарламаларды іске асыру нәтижелерін, сондай-ақ «Қазақстан балалары» тұжырымдамасы мен ҚР ДСМ-нің «Бастау–2030» жоспары шеңберінде басым міндеттерді таныстырды.

✔️Семинар барысында қатысушылар балалар денсаулығын сақтау саласындағы мемлекеттік саясаттың негізгі бағыттарын, педиатриялық қызметті жетілдіруді, медициналық-санитариялық алғашқы көмекті дамытуды, аурулардың алдын алуды, даму бұзылыстарын ерте анықтауды, балалар мен жасөспірімдердің психикалық денсаулығын нығайтуды, сондай-ақ заманауи цифрлық шешімдерді енгізу мәселелерін талқылады.

Семинар шеңберінде Қазақстан Республикасы Денсаулық сақтау министрлігі, ЮНИСЕФ және Республикалық медициналық-санитариялық алғашқы көмек орталығының ерте шақтағы балаларға көрсетілетін медициналық көмекті жетілдіру бойынша бірлескен жұмысының нәтижелері ұсынылды.

📊Негізгі жетістіктердің қатарында әмбебап прогрессивті патронаж моделіне кешенді бағалау жүргізу, Даму және ерте араласу орталықтарына арналған стандартты операциялық рәсімдерді әзірлеу, балалардың дамуын бағалауға арналған ұлттық скрининг құралын жасау, сондай-ақ балалардың денсаулық жағдайын бақылау мен сүйемелдеуге арналған цифрлық технологияларды енгізу бар.

Аталған бастамаларды іске асыру балаларға көрсетілетін медициналық көмектің сапасы мен қолжетімділігін арттыруға, педиатриялық қызметтің кадрлық және ресурстық әлеуетін нығайтуға, пациенттерді цифрлық сүйемелдеу мүмкіндіктерін кеңейтуге және ведомствоаралық өзара іс-қимылдың тиімділігін арттыруға мүмкіндік береді.

Семинар қорытындысы бойынша қатысушылар әріптестікті одан әрі дамытуға және балалардың денсаулығын нығайтуға, ерте араласу жүйесін жетілдіруге, сондай-ақ ана мен бала денсаулығын сақтау саласындағы ұлттық мақсаттарға қол жеткізуге бағытталған бірлескен жобаларды іске асыруға дайын екендіктерін растады.

Қазақстан Республикасы Денсаулық сақтау министрлігінің баспасөз қызметі

🖥 Ресми сайт
gov.kz/memleket/entities/dsm

📱 Facebook
facebook.com/healthcare.gov.kz

📱 Instagram
instagram.com/healthcare.gov.kz

🫀Қонаев қаласында заманауи Кардиологиялық орталық ашылды

Қонаев қаласында Алматы облысының тұрғындарына жоғары технологиялық медициналық көмек көрсететін заманауи Кардиологиялық орталық өз жұмысын бастады. Жаңа медициналық мекеме өңірдегі жүрек-қан тамырлары ауруларын диагностикалау мен емдеудің қолжетімділігін арттыруға мүмкіндік береді.

✅Жоба «Интермед Плюс» ЖШС тарапынан Алматы облысы әкімдігінің және облыстық денсаулық сақтау басқармасының қолдауымен жүзеге асырылды. Орталықтың ашылу салтанатына Алматы облысы денсаулық сақтау басқармасының басшысы Ержан Сүлейменов қатысты.

Кардиологиялық орталық 50 төсек-орынға арналған және тәулік бойы жоспарлы әрі шұғыл медициналық көмек көрсетеді. Мұнда интервенциялық кардиология, аритмология және кардиохирургия бөлімшелері жұмыс істейді. Пациенттер диагностикадан бастап жоғары технологиялық операцияларға дейінгі емнің толық кезеңінен бір медициналық ұйымда өте алады.

👍Орталықты жарақтандыру үшін 100-ден астам заманауи медициналық құрал-жабдық сатып алынды. Олардың қатарында ангиографиялық жүйе, электрофизиологиялық зерттеулер мен радиожиілікті абляция жасауға арналған аппараттар, заманауи кардиохирургиялық операциялық бөлме, компьютерлік томограф, сараптамалық деңгейдегі ультрадыбыстық жүйелер және зертханалық жабдықтар бар.

Алматы облысы денсаулық сақтау басқармасының басшысы Ержан Сүлейменовтің айтуынша, жаңа орталықтың ашылуы өңірдегі мамандандырылған медициналық көмекті дамытудағы маңызды қадам.

«Бүгін біз Алматы облысының тұрғындарына жоғары технологиялық кардиологиялық көмекті қолжетімді ететін жаңа орталықты іске қосып отырмыз. Жүрек-қан тамырлары аурулары халық денсаулығына елеулі қауіп төндіретіндіктен, кардиологиялық қызметті дамыту – біздің басты басымдықтарымыздың бірі. Заманауи құрал-жабдықтармен қамтамасыз етілген және білікті мамандар жұмыс істейтін бұл орталық мыңдаған адамның өмірін сақтап, өңір тұрғындарына көрсетілетін медициналық көмектің сапасын жаңа деңгейге көтереді деп сенемін», – деді Ержан Сүлейменов.

🤩Айта кету керек, жоба мемлекеттік-жекешелік әріптестік аясында жеке инвестициялар есебінен жүзеге асырылып, ғимарат құрылысына бюджет қаражаты жұмсалған жоқ. Жаңа орталықтың іске қосылуы Алматы облысында кардиологиялық көмектің қолжетімділігін арттырып, Алматы қаласының медициналық ұйымдарына түсетін жүктемені азайтуға мүмкіндік береді.

Қазақстан Республикасы Денсаулық сақтау министрлігінің баспасөз қызметі

🖥 Ресми сайт
gov.kz/memleket/entities/dsm

📱 Facebook
facebook.com/healthcare.gov.kz

📱 Instagram
instagram.com/healthcare.gov.kz

🫀В городе Конаев открыт современный Кардиологический центр

В городе Конаев начал работу современный Кардиологический центр, который станет одним из ключевых специализированных медицинских учреждений Алматинской области. Новый центр позволит значительно повысить доступность высокотехнологичной медицинской помощи пациентам с сердечно-сосудистыми заболеваниями.

✅Проект реализован ТОО «Интермед Плюс» при поддержке акимата Алматинской области и управления здравоохранения региона. В церемонии открытия принял участие руководитель управления здравоохранения Алматинской области Ержан Сулейменов.

Центр рассчитан на 50 коек и будет работать в круглосуточном режиме, оказывая как плановую, так и экстренную медицинскую помощь жителям области. Здесь открыты отделения интервенционной кардиологии, аритмологии и кардиохирургии, что позволит пациентам проходить полный цикл лечения — от диагностики до проведения высокотехнологичных операций — в одном медицинском учреждении.

👍Для оснащения центра приобретено более 100 единиц современного медицинского оборудования, включая ангиографическую систему, аппараты для электрофизиологических исследований и радиочастотной абляции, современную кардиохирургическую операционную, компьютерный томограф, ультразвуковые системы экспертного класса и лабораторное оборудование.

По словам руководителя управления здравоохранения Алматинской области Ержана Сулейменова, открытие центра является важным этапом развития специализированной медицинской помощи в регионе.

«Сегодня мы открываем современный кардиологический центр, который позволит жителям Алматинской области получать высокотехнологичную помощь, не выезжая за пределы региона. Сердечно-сосудистые заболевания остаются одной из основных причин смертности, поэтому развитие кардиологической службы является для нас приоритетом. Новый центр оснащен передовым оборудованием и укомплектован квалифицированными специалистами. Уверен, что его работа позволит сохранить тысячи жизней и повысить качество медицинской помощи населению», — отметил Ержан Сулейменов.

🤩Особенностью проекта стало то, что центр построен за счет частных инвестиций в рамках государственно-частного партнерства без привлечения бюджетных средств на капитальное строительство.
Открытие нового медицинского учреждения позволит повысить доступность специализированной кардиологической помощи, сократить сроки ожидания лечения и снизить нагрузку на профильные клиники Алматы.

Пресс-служба Министерства здравоохранения Республики Казахстан

🖥 Официальный сайт
gov.kz/memleket/entities/dsm

📱 Facebook
facebook.com/healthcare.gov.kz

📱 Instagram
instagram.com/healthcare.gov.kz

🎗Еліміздің онкологиялық орталықтарында Ашық есік күні барысында обырдың 30 жағдайы анықталды

Республиканың барлық онкологиялық орталықтарында онкоурологиялық аурулардың алдын алу және оларды ерте анықтауға арналған Бірыңғай ашық есік күні өтті.

🧪Уақтылы диагностиканың арқасында акцияға қатысушылардың арасында 30 қатерлі ісік жағдайы (оның ішінде онкологиялық ауруға күдікті жағдайлар), 43 обырға дейінгі жағдай және әрі қарай бақылауды, қосымша тексеруді немесе емдеуді қажет ететін 287 өзге ауру анықталды.

🩺Бұл күні еліміздің тұрғындары онкоурологтар мен бейінді мамандардың тегін консультациясын алып, профилактикалық тексерулерден және қажетті диагностикалық зерттеулерден өтті.

Акцияның қорытындысы бойынша 579 адам мамандардың консультациясын алды. Жалпы 386 диагностикалық зерттеу жүргізілді, оның ішінде 14 төмен дозалы компьютерлік томография (ТДКТ) жасалды.

🖊Акция халықтың қауіп факторлары, алдын алу шаралары және уақтылы диагностиканың маңыздылығы туралы хабардарлығын арттыруға бағытталған республикалық ақпараттық науқан шеңберінде ұйымдастырылды.

Бірыңғай ашық есік күні профилактикалық тексерулердің жоғары тиімділігін тағы бір мәрте дәлелдеді.

Қазақстан Республикасы Денсаулық сақтау министрлігінің баспасөз қызметі

🖥 Ресми сайт
gov.kz/memleket/entities/dsm

📱 Facebook
facebook.com/healthcare.gov.kz

📱 Instagram
instagram.com/healthcare.gov.kz