🏃‍♀️Қазіргі өмір ырғағы бізді күннің көп бөлігін — кеңседе, оқу орнында, көлікте немесе үйде отырып өткізуге мәжбүрлейді. Алайда күніне небәрі 30 минут қозғалыстың өзі көңіл күйді жақсартып, күйзелісті азайтуға және денсаулықты нығайтуға айтарлықтай ықпал етеді.

🌳Қазақстан Республикасы Денсаулық сақтау министрлігі мен Салидат Қайырбекова атындағы Ұлттық ғылыми денсаулық сақтауды дамыту орталығы күнделікті өмірде дене белсенділігін әдетке айналдыруға көмектесетін қарапайым дағдылар туралы бейнеролик дайындады.

🏃‍♀️Современный ритм жизни всё чаще заставляет нас проводить день сидя — в офисе, на учёбе, в транспорте или дома. Но даже 30 минут движения в день способны значительно улучшить самочувствие, снизить стресс и укрепить здоровье.

🌳Министерство здравоохранения РК и Национальный научный центр развития здравоохранения им. Салидат Каирбековой подготовили видеоролик о простых привычках, которые помогают сделать физическую активность частью повседневной жизни.

🏥ҰЛТТЫҚ ФТИЗИОПУЛЬМАНОЛОГИЯ ҒЫЛЫМИ ОРТАЛЫҒЫНЫҢ ДӘРІГЕРЛЕРІ ӨКПЕНІҢ СИРЕК КЕЗДЕСЕТІН АУРУЫМЕН АУЫРАТЫН ПАЦИЕНТКЕ СӘТТІ ОПЕРАЦИЯ ЖАСАДЫ

ҚР Денсаулық сақтау министрлігінің Ұлттық фтизиопульмонология ғылыми орталығында алғаш рет сирек кездесетін өкпе ауруы — өкпенің альвеолярлық протеинозымен ауыратын пациентке тотальды бронхоальвеолярлық лаваж сәтті жүргізілді.

⏺Жоғары технологиялық емшара эндоскопия бөлімшесінде бірсаңылаулы интубациялық түтік пен кеуде қуысына вибромассаж жасау әдісін қолдану арқылы орындалды.

Операцияныэндоскопист дәрігер Бахтияр Абзалыұлы Тұрғымбаев реанимация бөлімшесінің мамандарымен, торакалдық хирургтермен және Орталықтың пульмонолог дәрігерлерімен бірлесіп жүргізді.

🤩33 жастағы пациент ауыр жағдайда, айқын тыныс жеткіліксіздігімен түсті. Ауруханаға түскен кездегі сатурация деңгейі шамамен 80%-ды құрады.

Жүргізілген емнен кейін айқын оң динамика байқалды: сатурация деңгейі 95–97%-ға дейін көтеріліп, тыныс алу қызметі мен науқастың жалпы жағдайы едәуір жақсарды.

🩺Аталған клиникалық жағдайдың ерекшелігі — бронх ағашына кезең-кезеңімен сегментарлық лаваж жасау мен кеуде қуысына вибромассажды қатар қолдану болды. Бұл альвеолалардағы ақуызды-липидті массаларды тиімді түрде шығаруға мүмкіндік берді.

Өкпенің альвеолярлық протеинозы — өте сирек кездесетін ауру, ол шамамен 2 миллион халықтың 1–2 адамында ғана анықталады. Бүгінде тотальды бронхоальвеолярлық лаваж осы патологияны емдеудің негізгі әрі ең тиімді әдісі болып саналады.

🤩Бейнежазбада операция барысына ҚР ҰҒФО пульмонолог дәрігері Диана Нигматова
түсініктеме береді.

🏥АБАЙ ОБЛЫСЫНДА ЖОСПАРЛАНҒАН 65 МЕДИЦИНАЛЫҚ АЛҒАШҚЫ КӨМЕК НЫСАНЫНЫҢ БАРЛЫҒЫ САЛЫНЫП БІТТІ

Абай облысында медициналық-санитариялық алғашқы көмек көрсететін 65 нысанның құрылысы толық аяқталды. Жалпы республика бойынша 813 денсаулық сақтау нысаны пайдалануға берілді, оның 655-і ұлттық жобаның шеңберінде іске асырылды. Бұл туралы ҚР Денсаулық сақтау вице-министрі Тимур Мұратов Аягөз ауданы тұрғындарымен кездесу барысында мәлімдеді.

🪧Вице-министр Аягөз ауданының орталық көпбейінді ауруханасына барып, магниттік-резонанстық томография бөлімшесінің жұмысымен танысты. Сондай-ақ аудан тұрғындарымен кездесу өткізіп, азаматтарды жеке қабылдады.

Ол елімізде ауылдық денсаулық сақтау жүйесін жаңғырту жұмыстары жалғасып жатқанын, оның ішінде аудандық ауруханаларды көпбейінді ауданаралық медициналық мекемелерге айналдыру көзделгенін атап өтті. Бұл шамамен 4 миллион ауыл тұрғыны үшін жоғары технологиялық медициналық көмектің қолжетімділігін арттыруға мүмкіндік береді.

💬Кездесу барысында халық денсаулығының негізгі көрсеткіштері бойынша мәліметтер келтірілді.

«2025 жылы күтілетін өмір сүру ұзақтығы 75,97 жасқа жетті. Бұл – тәуелсіздік жылдарындағы тарихи ең жоғары көрсеткіш. Абай облысында бұл көрсеткіш 74,87 жасты құрады», – деді вице-министр.

💬Сондай-ақ ол нәресте өлімінің төмендегенін хабарлады.

«2025 жылдың қорытындысы бойынша нәресте өлімі 14%-ға төмендеп, 1000 тірі туған нәрестеге шаққанда 5,85 жағдайды құрады. Абай облысында төмендеу 25,6%-ды құрап, 1000 тірі туған нәрестеге шаққанда 5,32 жағдай болды», – деп толықтырды Тимур Мұратов.

Тұрғындармен кездесу барысында медициналық көмектің қолжетімділігі, кадрлық қамтамасыз ету, дәрілік қамтамасыз ету және медициналық инфрақұрылымды дамыту мәселелері талқыланды. Азаматтардың барлық өтініштері бойынша түсіндіру жұмыстары жүргізіліп, жекелеген мәселелер жауапты бөлімшелердің қарауына алынды.

✔️Жеке қабылдау барысында аудан тұрғындары жергілікті жерлерде медициналық көмекті ұйымдастыруға қатысты бірқатар әлеуметтік маңызы бар мәселелерді көтерді.