ДЕНСАУЛЫҚ САҚТАУ МИНИСТРЛІГІ: ҚАЗАҚСТАНДАҒЫ ЭПИДЕМИОЛОГИЯЛЫҚ ЖАҒДАЙ ТҰРАҚТЫ

📌 Бүгін Қазақстан Республикасының Бас санитариялық дәрігері Сархат Бейсенова ОКҚ-де өткен брифингте үстіміздегі жылдың 8 айы ішінде Қазақстандағы эпидемиологиялық ахуал туралы есеп берді.

Ол БАҚ өкілдерін инфекциялық аурулардың динамикасы, халықтың санитариялық-эпидемиологиялық қауіпсіздігінің жай-күйі, сондай-ақ инфекциялардың таралуын болдырмау және олардың алдын алу үшін қабылданып жатқан шаралар туралы хабардар етті.

➤ Бірінші кезекте С. Бейсенова жүйелі профилактикалық және эпидемияға қарсы шаралардың арқасында елімізде 21 қауіпті инфекциялық аурудың, оның ішінде оба, тырысқақ, дифтерия, полиомиелит, іш сүзегі және т.б.. жағдайлары тіркелмегенін атап өтті.

Бұдан басқа 33 инфекция бойынша сырқаттанушылықтың төмендеуі тіркелді. Атап айтқанда, А вирустық гепатиті 2,5 есе, коронавирус инфекциясы – 1,6 есе, туберкулез – 12,6%-ға, қызылша – 91%-ға, көкжөтел сегіз есе азайды.

Ата-аналар қауымдастығына жүгіне отырып Сархат Бейсенова

«Эпидемиологиялық жағдайды толық тұрақтандыру үшін нысаналы жастағы балаларды вакцинациямен қамту қажет. Вакцинация – бұл баланы қызылша және көкжөтел сияқты инфекциялық аурулардан қорғаудың ең сенімді және расталған тәсілі. Иммундық профилактиканың арқасында біз ұжымдық иммунитетті құрып, медициналық көрсетілімдер бойынша екпе ала алмайтын адамдарды қорғай аламыз. Елімізде қолданылатын вакциналар халықаралық стандарттарға және Дүниежүзілік денсаулық сақтау ұйымының ұсынымдарына сәйкес келеді. Вакциналар қолдану алдында сапасы мен қауіпсіздігіне қатаң бақылаудан өтеді»,

– деп атап өтті.

🔆 Толықтыра иммундау шеңберінде қызылшаға қарсы 191 мыңнан астам бала және көкжөтелге, дифтерияға және сіреспеге қарсы 235 мыңнан астам бала егілді.

🔷 Елдің бас санитариялық дәрігері ЖРВИ және тұмау маусымы туралы еске салды. Мысалы, қыркүйек айында 293 мың ЖРВИ жағдайы тіркелді, бұл өткен жылға қарағанда 1,6 есе аз. Ағымдағы эпидемиологиялық маусымда тұмау жағдайлары тіркелген жоқ.
Дүниежүзілік денсаулық сақтау ұйымының деректері бойынша алдағы эпидемиологиялық маусымда тұмау вирусының үш штаммы өзекті болады: A (H1N1), A (H3N2) және B. Бұл штаммдар ағымдағы маусым вакцинасының құрамына енгізілген.

🔆 Халықты қорғау мақсатында 2,1 млн «Гриппол плюс» вакцинасы сатып алынды, ол азаматтардың жекелеген санаттарына, соның ішінде Д есебіндегі балаларға, медицина қызметкерлеріне, педагогтарға, әскери қызметшілерге, жүкті әйелдерге, егде жастағы азаматтарға және басқа да осал топтарға ерікті түрде тегін беріледі.

➤ Спикер қарапайым профилактика шараларын сақтау қажеттігін еске салды: адамдар көп жиналатын жерлерге бармау, үй-жайларды желдету, қол гигиенасын сақтау, науқас адамдарды оқшаулау және алғашқы белгілері пайда болғанда өзін-өзі емдеумен айналыспай дәрігерге жүгіну.

📌 Санитариялық-эпидемиологиялық қызмет эпидемиологиялық ахуалға үнемі мониторинг жүргізуді жалғастырады.

Елдің медициналық ұйымдары алдағы эпидемиологиялық маусымға дайын екенін растады.

📌 Профилактикалық іс-шаралар кешені жүргізілуде, қажетті дәрі-дәрмектер мен жеке қорғаныш құралдарының қоры қалыптастырылды, білім беру, денсаулық сақтау және қоғамдық тамақтану объектілерінің санитариялық жағдайын бақылау күшейтілді.

🚀 https://t.me/DenMinPR

МСАК БОЙЫНША ЖАҺАНДЫҚ КОАЛИЦИЯ: ҚАЗАҚСТАН ХАЛЫҚАРАЛЫҚ ЫНТЫМАҚТАСТЫҚ ВЕКТОРЫН БЕЛГІЛЕЙДІ

📌 Нью-Йоркте БҰҰ Бас Ассамблеясының 80-ші сессиясы шеңберінде ДДҰ бас директоры доктор Тедрос Гебрейесус, ДДҰ Еуропалық бюросының басшысы доктор Ханс Клюге, МСАК бойынша ДДҰ Еуропалық орталық офисінің басшысы Мелитта Якабтың, БҰҰ Халық қоры (ЮНФПА) атқарушы директоры Диена Кейттің қатысуымен «Медициналық-санитариялық алғашқы көмек көрсету кезіндегі саяси экономика: саясаттағы негізгі өзгерістер» тақырыбында жоғары деңгейдегі іс-шара өтті.

🔷 Іс-шараға Қазақстан Республикасының Денсаулық сақтау министрі Ақмарал Әлназарова, 80-нен астам елдің делегаттары, оның ішінде 30-ы денсаулық сақтау және сыртқы істер министрлері деңгейінде қатысты.

➤ Медициналық-санитариялық алғашқы көмек (МСАК) бойынша кездесу барысында «Медициналық-санитариялық алғашқы көмек жөніндегі жаһандық коалиция: теңдік пен өміршеңдікке қатысты саяси міндеттемелер мен уәделерді кеңейту» және «Барынша ауқымды әлеуметтік мақсаттар мен даму мақсаттарына қол жеткізу үшін саясаттың негізгі бағыттары» тақырыптарында екі панельдік пікірталас өтті.

📌 Денсаулық сақтау министрі А. Әлназарова өз сөзінде Қазақстан Президентінің үкіметтердің, халықаралық ұйымдар мен сарапшылардың күш-жігерін біріктіру үшін медициналық-санитариялық алғашқы көмек (МСАК) жөніндегі елдердің жаһандық коалициясын құру жөніндегі бастамасын еске салды.

Ол Мемлекет басшысының форумға қатысушыларға МСАК мәселелері жөніндегі жаһандық коалицияны белсенді қолдауға және оған қосылуға шақырған құттықтауын оқыды.

«Бүгінде әлем денсаулық сақтау саласында өсіп келе жатқан жаһандық сын-қатерлерге тап болып отыр.
Ешбір ел бұл қиындықтарды жалғыз жеңе алмайтыны анық. Бұл Коалиция саяси ерік-жігерді жұмылдыру, ресурстарды әділ бөлу, инновацияларды қолдау және озық тәжірибелермен алмасу тетігі болуға арналған. Коалицияның басты мақсаты - ұлттық денсаулық сақтау жүйесін нығайту, медициналық-санитариялық алғашқы көмек қызметтеріне жалпыға бірдей қолжетімділікті қамтамасыз ету, сондай-ақ пандемиядан созылмалы аурулардың өсуіне және демографиялық өзгерістерге дейінгі болашақ сын-қатерлерге елдердің дайындығын арттыру»,

– делінген үндеу мәтінінде.

➤ Министрдің айтуынша, алғашқы көмек соңғы жылдары айтарлықтай жаңартулардан өтті. Біздің МСАК саясатымыздың негізгі элементі мультдисциплиналық командаларды енгізу болып табылады. Бұл командаларға медициналық алғашқы көмек дәрігерлері, психологтар және әлеуметтік қызметкерлер кіреді. Олардың негізгі миссиясы - қосалқы патологиясы бар пациенттердің жағдайын жан-жақты бағалауды қамтамасыз ету, жеке емдеу және бақылау жоспарларын әзірлеу, медициналық көмектің әртүрлі деңгейлері арасындағы сабақтастықты сақтау.

🚀 https://t.me/DenMinPR

📌 А. Әлназарова сондай-ақ ұлттық және жаһандық деңгейде адамдардың қажеттіліктеріне бағдарлана отырып, ДДҰ-ның МСАК жөніндегі коалициясы алаңында халықаралық ынтымақтастықты кеңейтуге шақырды.

🔻 Тедрос Гебреисус өз сөзінде МСАК ұзақ мерзімді саяси міндеттеме мен тұрақты ішкі қаржыландыруды қажет ететінін атап өтті.

«Әсері дәлелденді: дені сау халық, күшті экономика және тұрақты денсаулық сақтау жүйелері. Әрекетсіздік құны инвестиция құнынан өлшеусіз жоғары. Ол сондай-ақ барлық жағдайларды, соның ішінде инфекциялық емес ауруларды, психикалық денсаулықты, ана мен бала денсаулығын сақтауды, инфекциялық аурулар мен төтенше жағдайларды қамтудың рөлін, сондай-ақ ауыл тұрғындарынан бастап барлық қауымдастықтардың денсаулық сақтау қызметтерімен бірдей қамтылуын атап өтті»,

– деп атап өтті ДДҰ басшысы.

Өз кезегінде, доктор Ханс Клюге Қазақстанға

«Жаһандық көшбасшылық және тұрақты қолдау» үшін, МСАК коалициясы бойынша күш-жігерді біріктіру ісіндегі белсенділігі үшін алғыс айтты.
«Елу жылға жуық уақыт бойы Қазақстан әділ әлеуметтік және экономикалық дамудың негізі ретінде МСАК ісінде көшбасшы болып қала берді. Бұл шынайы көшбасшылық-және біз оған ризамыз. Бізге Үкімет қабылдаған әрбір шешімнің орталығына МСАК қозғалысы қажет»,

– деді ЕуроДДҰ басшысы.

🔷 Мелитта Якабтың айтуынша, осы аптада Нью-Йоркте министрлер, жастар, азаматтық қоғам және БҰҰ мекемелерінің басшылары жаһандық медициналық-санитариялық алғашқы коалицияны қолдайтындықтарын растады.

«2023 жылы Астанада негізі қаланған коалицияда 22 қатысушы мемлекет бар және МСАК-ты бүкіл Үкіметтің басымдығына айналдыруға арналған Жаһандық қозғалысқа айналуда. Біз барлық елдерді барлығына әділ және тұрақты денсаулық сақтау жүйесін бірге құруға шақырамыз»,

– деді ол іс-шараға қатысушыларға.

⏺Іс-шараға қатысушылар МСАК-қа бағытталған реформаларға байланысты саяси өзгерістерді қолдаудағы әріптестердің, жастардың және азаматтық қоғамның рөліне назар аударды.

🔵 Алматы декларациясы (1978 ж.) медициналық көмектің бастапқы буынын денсаулық сақтау және адами әлеуетті дамыту саласындағы теңдіктің ірге тасы деп жарияланғанын естеріңізге сала кетейік. Төрт онжылдықтан кейін Астана декларациясы (2018 ж.) МСАК денсаулық сақтау қызметтерімен жалпыға бірдей қамтуға (ДЖБҚ) және орнықты даму мақсаттарымен (ОДМ) қол жеткізу үшін іргелі маңызы бар екенін растады.

🚀 https://t.me/DenMinPR

ҚАЗАҚСТАНДА АЛҒАШ РЕТ ББҚ ТАҢБАЛАУ ПИЛОТТЫҚ РЕЖИМДЕ ІСКЕ ҚОСЫЛДЫ

📌 Қазақстанда биологиялық белсенді қоспаларды (ББҚ) пилоттық режимде таңбалау бойынша тесттер өтті. Шымкенттегі екі өндірушінің базасында қоспаларды таңбалау және қадағалау бойынша эксперименттер сәтті жүргізілді.

Эксперимент барысында қатысушыларға таңбалау мен қадағалаудың барлық негізгі процестері, тауарларды тіркеуден бастап бақылау-кассалық машиналар арқылы өнімді айналымнан шығаруға дейін көрсетілді.

🔷 Отандық өндірушілердің бірінің атқарушы директоры Мақсат Жұматаевтың айтуынша, биологиялық белсенді қоспаларға міндетті таңбалауды енгізу саланың бірқатар мәселелерін шешуге көмектеседі. Мысалы, биологиялық белсенді қоспа өндірушілері жиі кездесетін мәселелердің бірі заңсыз экспорт: Қазақстанға арналған тауарлар көрші елдердің сөрелерінде сатылып жатады.

«Бұл өте маңызды шара, себебі биологиялық белсенді қоспалар денсаулыққа тікелей байланысты, олардың әсері көбіне дәрі-дәрмекке ұқсайды. Оларда фармакологиялық әсер бар, сондықтан адамдар оларды сатып алып, қолданады. Ал таңбалау арқылы өнімнің не екенін, оны кім және қашан шығарғанын бірден білуге болады. Пилоттық жоба аясында бізге тауарды қалай таңбалау керегін көрнекі түрде көрсеткендеріне алғыс айтамыз. Болашақта енгізу уақыты келгенде бізге әлдеқайда жеңіл болатынына сенемін»,

– деп бөлісті Мақсат Жұматаев.

🔆 Екінші өндірістік алаңда да таңбалаудың толық тізбегі сәтті сынақтан өтті. 500-ден астам өнім қаптамасы автоматтандырылған таңбалау жүйесі арқылы бірегей Data Matrix кодтарын алды.

🔷 Эксперименттердің қорытындысы бойынша биологиялық белсенді қоспаларды таңбалау жүйесін сәтті енгізу үшін бірқатар ұсыныстар әзірленді. Олардың қатарында: Қазақстанда тауарды өткізуге эксклюзивті құқығы жоқ заңды тұлғалар үшін таңбалау кодтарын тапсырысты блоктау мүмкіндігін енгізу, қадағалау құжаттарын тауар бағаларын көрсетпей беру мүмкіндігін зерттеу және міндетті таңбалау енгізілгенде әдеттегі штрих-кодтарды алып тастау орынды ма екенін қарастыру бар.

Таңбалау жүйесі биологиялық белсенді қоспалардың өндірушіден соңғы тұтынушыға дейін толық қадағалануын қамтамасыз етуге бағытталған, бұл Қазақстан нарығындағы өнімнің қауіпсіздігі мен сапасын арттырады. Жүйе тұтынушыларға өнім туралы толық ақпаратты Naqty Onim мобильді қосымшасы арқылы алуға мүмкіндік береді, бұл жалған өнімдерді сатып алу қаупін айтарлықтай азайтады және өнімге деген сенімділікті арттырады.

Биологиялық белсенді қоспаларды таңбалау бойынша пилоттық жоба аясында өткізілген эксперименттерге ҚР Денсаулық сақтау министрлігінің, «Атамекен» кәсіпкерлер палатасының өкілдері, сондай-ақ Бірыңғай таңбалау және қадағалау операторы мен интегратор-компаниялардың мамандары қатысты.

🚀 https://t.me/DenMinPR

В КАЗАХСТАНЕ ВПЕРВЫЕ ЗАПУСТИЛИ МАРКИРОВКУ БАДОВ В ПИЛОТНОМ РЕЖИМЕ

📌 В Казахстане прошли тесты по маркировке биологически активных добавок (БАД) в пилотном режиме. На базе двух производителей в Шымкенте успешно проведены эксперименты по маркировке и прослеживаемости БАДов.

В ходе экспериментов участникам продемонстрировали все ключевые процессы маркировки и прослеживаемости: от регистрации товаров до вывода продукции из оборота через контрольно-кассовые машины.

🔷 Исполнительный директор одного из отечественных производителей Максат Жуматаев считает, что внедрение обязательной маркировки БАДов поможет решить ряд проблем в отрасли. К примеру, производители биологически активных добавок нередко сталкиваются с проблемой «серого» экспорта: товары, предназначенные для казахстанцев, оказываются на полках соседних стран.

«Это действительно важная мера со стороны государства, потому что БАДы напрямую связаны со здоровьем, их влияние во многом близко к лекарственным средствам. Фармакологическое действие у них все же есть, именно поэтому люди их покупают и используют. А с маркировкой сразу ясно, что это за продукт, кто его и когда произвел. Мы благодарны, что в рамках пилотного проекта нам наглядно показали, как маркировать товар. Думаю, в дальнейшем нам будет намного легче, когда наступит время внедрения»,

– поделился мнением Максат Жуматаев.

🔆 На второй производственной площадке производителя биологически активных добавок на основе растительного сырья успешно протестирована полная цепочка маркировки. Более 500 упаковок продукции получили уникальные Data Matrix коды через автоматизированную систему этикетирования.

🔷 По итогам экспериментов участники выработали ряд рекомендаций для успешного внедрения системы маркировки БАДов. Среди них: возможность блокировки заказа кодов маркировки для юридических лиц без эксклюзивного права на реализацию товара в Казахстане, исследование возможности передачи документов прослеживаемости без указания цен на товары и исследование целесообразности исключения обычных штрих-кодов при внедрении обязательной маркировки

Система маркировки призвана обеспечить полную прослеживаемость биологически активных добавок от производителя до конечного потребителя, что повысит безопасность и качество продукции на казахстанском рынке. Она позволит потребителям получать полную информацию о продукции через мобильное приложение Naqty Onim, что значительно снижает риск приобретения подделок и повышает доверие к продукции.

В экспериментах, проведенных в рамках пилотного проекта по маркировке БАДов приняли участие представители Министерства здравоохранения РК, Палаты предпринимателей «Атамекен», а также специалисты Единого оператора маркировки и прослеживаемости товаров и компаний-интеграторов.

🚀 https://t.me/DenMinPR