⚡️Т. СҰЛТАНҒАЗИЕВ ШЫМКЕНТТЕГІ ДЕНСАУЛЫҚ САҚТАУ НЫСАНДАРЫНЫҢ ЖҰМЫСЫМЕН ТАНЫСТЫ

Қазақстан Республикасының Денсаулық сақтау бірінші вице-министрі Тимур Сұлтанғазиев жұмыс сапары барысында Шымкент қаласындағы бірқатар медициналық мекемелерге барды, онда №6 қалалық емхананың, қалалық клиникалық және балалар клиникалық ауруханаларының, сондай-ақ жедел медициналық жәрдем станциясының жұмысымен танысты.

✔️Қалалық балалар клиникалық ауруханасында Т. Сұлтанғазиев қабылдау бөлімінің, травматологиялық пункттің, стационар жұмысының және мекемені жаңғырту жоспарларының жай-күйімен танысты.

Жыл сайын орта есеппен қабылдау бөліміне шамамен 121 мың пациент түседі, олардың 20 мыңнан астамы стационарлық ем алады, ал 5500-ден астамына операция жасалады. Қабылдау бөлімі қажетті диагностикалық жабдықтармен, соның ішінде зертханалармен, УДЗ және рентген аппараттарымен жабдықталған.

«Біз балаларға шұғыл көмек көрсетудің ең үздік жағдайларын жасауға тырысамыз және бұл сапар медициналық мекемелер қандай қиындықтарға тап болатынын тереңірек түсінуге мүмкіндік берді», — деп атап өтті Тимур Сұлтанғазиев.

➕Кейін бірінші вице-министр №6 қалалық емханаға барды. Биыл мұнда Даму және ерте араласу орталығы мен шұғыл медициналық көмек бөлімі ашылды. Бұл — бала денсаулығын сақтаудағы маңызды буын.

Даму және ерте араласу орталығында өңірлік дәрігер, педиатр, невропатолог, психолог, әлеуметтік қызметкер, патронаждық мейіргерлер және басқа да салалық мамандар қызмет етеді. Орталықта GPS-навигация жүйесін қолданатын патронаждың озық үлгісі енгізілген. Бұл технология 0-ден 5 жасқа дейінгі балалардың даму мониторингін сапалы жүргізуге мүмкіндік береді.

➡️Шұғыл медициналық көмек бөлімшесінде алғашқы жедел көмек көрсетуге арнайы оқытылған көпбейінді мамандар жұмыс істейді. Бөлімше заманауи медициналық жабдықтармен жабдықталған және пациенттердің өміріне қауіп төндіретін жағдайларға уақтылы әрекет етеді.

Бұдан кейін Т. Сұлтанғазиев қалалық жедел жәрдем станциясына барып, базалық және кеңейтілген жүрек-өкпе реанимациясын, оның ішінде балаларға жарақат кезінде емдеуге жатқызуға дейінгі кезеңде көмек көрсетуге арналған заманауи жаттығу жабдықтарымен жарақталған симуляциялық орталықты аралады.

🔖🚑Жаңа туған және шала туған сәбилерді қауіпсіз тасымалдау үшін қызмет төрт көліктік инкубатормен қамтамасыз етілген.
Қала бойынша барлығы 108 жедел жәрдем бригадасы қызмет көрсетеді. Шымкенттің дәрігерлері мен фельдшерлері республикалық байқауларда бірнеше рет ең үздік шұғыл қызмет мамандары атанды.

Денсаулық сақтау министрлігі өңірлердегі медициналық инфрақұрылымды және кадрлық әлеуетті дамыту бойынша жүйелі жұмыстарды жалғастырып келеді.

⚡️ДЕНСАУЛЫҚ САҚТАУ МИНИСТРЛІГІНІҢ АЛҚАСЫНДА ШЫМКЕНТ ҚАЛАСЫНЫҢ 2029 ЖЫЛҒА ДЕЙІНГІ ДЕНСАУЛЫҚ САҚТАУДЫ ДАМЫТУ БАҒДАРЛАМАСЫ МАҚҰЛДАНДЫ

Бүгін Шымкент қаласында өткен ҚР Денсаулық сақтау министрлігінің көшпелі алқа отырысында Шымкент қаласының 2029 жылға дейінгі денсаулық сақтауды дамыту бағдарламасы мақұлданды.

▶️Бұл — республикада алғаш рет әзірленген осындай ауқымды құжат. Ол ҚР Денсаулық сақтау министрлігі мен Салидат Қайырбекова атындағы Ұлттық ғылыми денсаулық сақтауды дамыту орталығының бірлескен жұмысының нәтижесінде дайындалған. Бағдарлама еліміздің ең ірі мегаполистерінің бірі тұрғындарының денсаулығын нығайтуға бағытталған.

Бағдарламаның басты мақсаты — барлық деңгейде білікті мамандардың қатысуымен және мейіргерлік практиканы кеңейте отырып, сапалы, уақтылы және тиімді медициналық көмекті қолжетімді ету.

🔵Бағдарлама алты негізгі бағытты қамтиды:
1. Салауатты өмір салтын қалыптастыру және аурулардың профилактикасы;
2. Медициналық көмекті ұйымдастыруды жетілдіру;
3. Санитариялық-эпидемиологиялық қауіпсіздікті арттыру;
4. Медициналық білім беру мен ғылымды дамыту;
5. Дәрілік қамтамасыз ету жүйесін жетілдіру;
6. Денсаулық сақтау саласын орнықты қаржыландырумен қамтамасыз ету.

Шымкент қаласы әкімінің бірінші орынбасары Қуаныш Асыловтың айтуынша, бағдарламаның шеңберінде медициналық жабдықтарды жаңғырту, заманауи клиникалар салу, оның ішінде МӘЖ шеңберінде жаңа перинаталдық орталық, 2 көпбейінді аурухана, 5 емхана салу жоспарланған.

👉Инфекциялық емес ауруларды ерте диагностикалау мен олардың профилактикасына, скринингтерді енгізуге, салауатты өмір салты бойынша білім беру бағдарламаларын іске асыруға және COSI, HBSC, GATS сынды жаһандық зерттеулерді жүргізуге ерекше назар аударылатын болады.

Бағдарламаны жүзеге асыру барысында барлық жоспарланған мектептерде (87) стоматологиялық кабинеттер ашылады, әйелдердің жүктілікке дейінгі дайындық жұмыстары күшейтіледі. Бұл жүктілік кезіндегі асқынулар мен күрделі жағдайларды азайтып, әйелдерді контрацепция құралдарымен қамтамасыз етуді арттырады.

🔘Пациенттердің маршруттарын реттеу мақсатында 12 бейін бойынша 31 құзыреттілік орталығы, 2 скрининг орталығы, 2 амбулаториялық онкологиялық көмек көрсету орталығы ашылады. Сондай-ақ, Шымкент қалалық денсаулық сақтау басқармасының жанынан ситуациялық орталық құрылды.

Алқаның барысында Шымкент қаласының әкімдігі елдегі жетекші ғылыми-зерттеу институттарымен және ғылыми орталықтармен ынтымақтастық туралы бірқатар келісімдерге қол қойды. Бұл жоғары технологияларды енгізуге, күрделі хирургиялық операцияларды жүргізуге және медициналық туризмді дамытуға мүмкіндік береді.

Бағдарламада Шымкент қаласының 2026 жылдың бірінші тоқсанында ДДҰ-ның «Салауатты қалалар» еуропалық желісіне қосылуы жоспарланып отыр. Бұл жоба отыз жылдан астам уақыт бойы 30-дан астам елдегі 100-ден аса қаланы қолдап келе жатқан бірегей алаң.

▶️Бағдарламаны жүзеге асыру үшін мемлекеттік және жеке инвестициялар біріктіріледі. 2025–2029 жылдарға арналған жалпы күрделі инвестицияның көлемі шамамен 600 млрд теңгені құрайды, оның ішінде:
• жергілікті бюджеттен – 125 млрд теңгеден астам;
• республикалық бюджеттен – 245 млрд теңгеден астам;
• жеке инвестициялар – шамамен 172 млрд теңге.

Бұл Бағдарламаны іске асыру нәтижесінде өмір сүру ұзақтығын 79,1 жасқа дейін ұлғайту; халықтың салауатты өмір салтын ұстану деңгейін 60%-ға дейін жеткізу; халықтың медициналық қызметтердің сапасы мен қолжетімділігіне қанағаттану деңгейін 80%-ға дейін арттыру; сондай-ақ, қаланың денсаулық көрсеткіштерін айтарлықтай жақсарту көзделіп отыр.

👏ҚР Денсаулық сақтау министрлігі еліміздің әрбір өңірінде пациентке бағытталған, орнықты денсаулық сақтау жүйесін құру және жүйелі реформаларды жүргізу ұстанымын ерекше атап өтті.

⚡️ПРОГРАММА РАЗВИТИЯ ЗДРАВООХРАНЕНИЯ ГОРОДА ШЫМКЕНТ ДО 2029 ГОДА ОДОБРЕНА НА КОЛЛЕГИИ МИНЗДРАВА


Сегодня на выездном заседании коллегии Министерства здравоохранения под председательством главы ведомства Акмарал Альназаровой, состоявшейся в Шымкенте, была одобрена Программа развития здравоохранения города Шымкент до 2029 года.

🔵Это первый в республике документ подобного масштаба, разработанный совместно с Министерством здравоохранения РК и Национальным научным центром развития здравоохранения имени Салидат Каирбековой, направленный на укрепление здоровья населения одного из крупнейших мегаполисов страны.

Основной целью программы является обеспечение равного доступа к качественной, своевременной и эффективной медицинской помощи на всех уровнях, с участием высококвалифицированных специалистов и расширением сестринской практики.

▶️Программа охватывает шесть ключевых направлений:

1. Формирование культуры здорового образа жизни и профилактика заболеваний;
2. Совершенствование организации медицинской помощи;
3. Повышение санитарно-эпидемиологической безопасности;
4. Улучшение медицинского образования и развитие науки;
5. Развитие системы лекарственного обеспечения;
6. Обеспечение устойчивого финансирования здравоохранения.

По словам первого заместителя акима города Шымкент Куаныша Асылова, в рамках программы запланирована модернизация медицинского оборудования, строительство современных клиник, включая новый перинатальный центр, 2 многопрофильные больницы, 5 поликлиник в рамках ГЧП.

🔵Особое внимание будет уделено вопросам ранней диагностики и профилактики неинфекционных заболеваний, внедрению скринингов, образовательных программ по ЗОЖ и проведению глобальных исследований, таких как COSI, HBSC, GATS и др.


В ходе реализации программы будут открыты стоматологические кабинеты во всех запланированных школах (87), усилена работа по прегравидарной подготовке женщин, что позволит снизить случаи осложнений при беременности, критических состояний, повысится обеспечение женщин средствами контрацепции.

👉Для регулирования маршрутизации пациентов будут открыты 31 центр компетенций по 12 профилям, 2 скрининговых центра, 2 центра амбулаторной онкологической помощи. Открыт ситуационный центр при управлении здравоохрания города Шымкент.

В ходе коллегии акиматом Шымкента были подписаны ряд соглашений о сотрдуничестве с ведущими Научно-исследовательскими институтами и научными центрами страны, что позволит внедрить высокие технологии, проводить сложные хирургические операции, развить медицинский туризм.

В программе запланировано вступление города Шымкента в Европейскую сеть «Здоровые города» в первом квартале 2026 года. Проект ВОЗ «Здоровые города» — уникальная платформа, которая уже более трех десятилетий поддерживает более 100 городов в более чем 30 странах мира.

🔘Для реализации Программы предусмотрена консолидация бюджетных и частных инвестиций. Общий объем капитальных вложений на 2025–2029 годы составит около 600 млрд тенге, в том числе:
• более 125 млрд тенге из местного бюджета;
• более 245 млрд тенге из республиканского бюджета;
• около 172 млрд тенге частных инвестиций.

Реализация данной Программы позволит увеличить ожидаемую продолжительность жизни до 79,1 лет; достичь уровня приверженности ЗОЖ до 60% населения; повысить удовлетворенность населения качеством и доступностью медицинских услуг до 80%; существенно улучшить ключевые показатели здоровья населения города.

👏Министерство здравоохранения РК подчеркивает свою приверженность системным реформам и созданию устойчивой, ориентированной на пациента системы здравоохранения в каждом регионе страны.

🔎ҮШ ҚАЛАДА ОБЫРДЫ АНЫҚТАУҒА АРНАЛҒАН ЖАҢА СКРИНИНГТІК ЖҮЙЕ БОЙЫНША ПИЛОТТЫҚ ЖОБАЛАР ІСКЕ ҚОСЫЛДЫ


Астанада, Шымкентте және Өскеменде халықаралық стандарттарға сәйкес онкологиялық ауруларды ерте анықтау үшін жаңа скринингтік жүйелерді сынақтан өткізу басталды, деп хабарлады бүгін Шымкенттегі Денсаулық сақтау министрлігі Алқасының көшпелі отырысында «Қазақ онкология және радиология ғылыми-зерттеу институты» АҚ Басқарма төрағасы Ербол Бекмұхамбетов.

🔖Оның айтуынша, пилот шеңберінде бірінші кезеңнің скринингі кемінде 30 мың адам тіркелген медициналық ұйымдарда шоғырландырылады, ал екінші кезең — онкология орталықтарында орталықтандырылады. Сондай-ақ жаңа скринингтік тесттер - АПВ, маммография және ферменттік гемокульт-тест сыналады.

2028 жылға дейін ТМККК шеңберінде тегін қолжетімділікті кеңейте отырып, нысаналы топтарды онкоскринингтермен қамтуды 90%-ға дейін жеткізу жоспарлануда.

✍️Онкологиялық скринингтердің шеңберінде Қазақстанда жыл сайын 2,8 миллионға жуық адам зерттеліп-қаралады. Осының арқасында қатерлі ісіктердің 2800-ден астам жағдайын негізінен ерте кезеңдерде анықтауға болады.

2025 жылғы қаңтарда Қазақстанда онкологиялық аурулары бар 231 019 пациент динамикалық бақылауда болды, бұл 2023 жылмен салыстырғанда 5,9%-ға артық.

⬇️Соңғы 10 жылдың ішінде онкологиялық аурулардан болатын өлімнің деңгейі 33%-ға төмендеді.

Ерте диагностика жүйесін нығайту, скринингтік бағдарламаларды жетілдіру және мамандандырылған медициналық көмектің қолжетімділігін арттыру өлімді азайтуға ықпал етеді.