🇰🇿🇫🇷ҚАЗАҚСТАН МЕН ФРАНЦИЯ ДЕНСАУЛЫҚ САҚТАУ САЛАСЫНДАҒЫ ЫНТЫМАҚТАСТЫҚ ТУРАЛЫ БІРҚАТАР ҚҰЖАТҚА ҚОЛ ҚОЙДЫ

Астанада өткен қазақстан-француз бизнес-форумы шеңберінде Қазақстан Республикасының Денсаулық сақтау министрі Ақмарал Әлназарованың, Францияның сыртқы сауда және шетелдегі француз азаматтары істері жөніндегі уәкілетті министрі Лоран Сен-Мартеннің, сондай-ақ Sanofi, Servier, Meridiam, Ellipse Projects, Scaleo, C3Medical секілді француз компаниялары өкілдерінің қатысуымен екіжақты ынтымақтастықты дамытуға бағытталған бірқатар құжаттарға қол қойылды.

💬Форум алаңында фармацевтикалық өндірісті дамыту, ғылыми зерттеулер жүргізу, инфрақұрылымды нығайту мен техникалық жарақтандыру, медицина қызметкерлеріне арналған тағылымдамалар өткізу және бірлескен білім беру іс-шараларын ұйымдастыру салаларында келісімдер жасалды.

✍️Қазақстан Республикасының Денсаулық сақтау министрлігі мен Sanofi компаниясының арасындағы өзара түсіністік туралы меморандум фармацевтикалық өндіріс пен ғылыми зерттеулер саласындағы ынтымақтастықты көздейді.

Осындай мазмұндағы тағы бір құжат Servier компаниясымен инновациялық дәрілік заттарға қолжетімділік мәселелері бойынша жасалды.
Денсаулық сақтау министрлігі, Францияның Даму агенттігі және Францияның халықаралық техникалық сараптама агенттігі арасындағы келісім инфрақұрылым және техникалық көмек саласындағы жобаларды жүзеге асыруға бағытталған.
C3 Medical компаниясымен жасалған меморандум онкологиялық скрининг және телемедицина саласындағы ынтымақтастықты қамтиды.

👩‍⚕️Мамандарды даярлау мәселесіне ерекше назар аударылды. Астана медицина университеті Францияның Жоғары психомоторлық оңалту институтымен меморандумға қол қойды, ал Paris-Saclay университеті Астана және Қарағанды медицина университеттерімен ғылыми-білім беру ынтымақтастығы жөнінде екі құжатқа қол қойды. Бұл құжаттар академиялық алмасу, ғылыми жарияланымдар әзірлеу, тағылымдамалар өткізу және бірлескен білім беру іс-шараларын көздейді.

Тараптар қол жеткізілген барлық келісімдердің іске асырылуына бейілділіктерін растады және екіжақты әрі көпжақты форматта жүйелі және мазмұнды жұмыс жүргізуге дайын екендерін білдірді. А. Әлназарованың айтуынша, Қазақстан-Франция бизнес-форумының өткізілуі ынтымақтастықты кеңейтудің маңызды қадамы болып, ұлт денсаулығын жақсартуға бағытталған бірлескен бастамаларды әзірлеу мен іске асыру үшін жаңа мүмкіндіктер ашады.

☑️Француз Республикасы көптеген жылдар бойы Қазақстанның стратегиялық әріптесі болып келетінін, ал медицина және денсаулық сақтау саласындағы ынтымақтастық екіжақты қатынастар күн тәртібінде маңызды орын алатынын айта кету керек.

☄️ПРОЕКТ ПО СКРИНИНГУ РАКА МОЛОЧНОЙ ЖЕЛЕЗЫ СОВМЕСТНО С ФРАНЦУЗСКОЙ КОМПАНИЕЙ РЕАЛИЗУЕТСЯ В КАЗАХСТАНЕ


В Астане состоялся запуск пилотного проекта FASEP по раннему выявлению рака молочной железы. Проект реализуется совместно с французской компанией C3Medical на базе Республиканского центра первичной медико-санитарной помощи.

✅Цифровой маммограф с функцией 3D-томосинтеза - передовая система визуализации, которая позволяет с высокой точностью выявлять опухоли на ранних стадиях, особенно у женщин с высокой плотностью тканей.

Оборудование установлено в трех медицинских организациях: в РЦ ПМСП, в Казахском научно-исследовательском институте онкологии и радиологии и в поликлинике №7 г.Астаны.

«Мы уверены, что этот аппарат позволит улучшить качество диагностики, снизить количество ложноположительных результатов и обеспечить эффективное динамическое наблюдение за пациентками с выявленными новообразованиями. Сегодня мы делаем значительный шаг на пути к улучшению женского здоровья в нашей стране», — отметила министр здравоохранения РК Акмарал Альназарова в ходе визита французской делегации по случаю запуска проекта.

⚡️Инициатива реализуется в рамках программы «Решения по диагностической визуализации для скрининга рака молочной железы в Казахстане» при содействии Французского социального фонда помощи и поддержки развивающимся странам при Правительстве Франции.

📈ҚР ДЕНСАУЛЫҚ САҚТАУ МИНИСТРЛІГІ: ОТАНДЫҚ ФАРМАЦЕВТИКАЛЫҚ ӨНІМ ӨНДІРІСІ 21%-ҒА АРТЫП, 171 МЛРД ТЕҢГЕГЕ ЖЕТТІ

Өткен жылдың қорытындысы бойынша республикадағы отандық фармацевтикалық өнім өндірісінің көлемі 21,8%-ға өсіп, 171,6 млрд теңгені құрады. Бұл – фармацевтикалық алпауыттардың жобаларын отандық кәсіпорындар базасында жергіліктендіру бойынша Министрлік жүргізіп жатқан жүйелі жұмыстың нәтижесі.

↗️Инвестициялық тартымдылықты арттыру және ашық реттеушілік ортаны қалыптастыру шеңберінде фармацевтика саласына тартылған инвестиция көлемі 91,3 млн АҚШ долларынан асты, бұл 2023 жылғы көрсеткішпен (46,9 млн доллар) салыстырғанда екі есеге жоғары.

Бұл туралы Денсаулық сақтау министрі Ақмарал Әлназарова денсаулық сақтау саласындағы екіжақты ынтымақтастықты кеңейту жөніндегі Қазақстан-Франция инвестициялық форумында мәлімдеді.
Іс-шараға мемлекеттік органдардың, халықаралық ұйымдардың, жетекші фармацевтикалық компаниялардың және Қазақстан мен Францияның медицина университеттерінің өкілдері қатысты.

🔵Форумның шеңберінде Денсаулық сақтау министрлігі мен Францияның жетекші фармацевтикалық компанияларының арасында, сондай-ақ екі ел университеттерінің арасында өзара ынтымақтастық туралы меморандумдар мен келісімдерге қол қойылды.

🗣️Форумда Қазақстанның денсаулық сақтау саласындағы инвестициялық саясатының негізгі бағыттары таныстырылды. 2024 жылы осы саладағы негізгі капиталға құйылған инвестиция көлемі рекордтық $920 млн-ға жетіп, оның $330 млн-ын жеке инвестициялар құрады.

Инвестициялық ахуалды жақсартуға ерекше көңіл бөлінуде. Қазақстан шетелдік инвесторларға кең көлемді қолдау шараларын – салықтық және кедендік жеңілдіктерді, жобаларды Kazakh Invest арқылы сүйемелдеуді және мемлекеттік қорғау кепілдіктерін ұсынады.

✔️Қолайлы инвестициялық климатты қалыптастыру үшін Министрлік ұзақ мерзімді шарттар жасасу тәртібін қайта қарау жұмысын жүргізіп жатыр. Бұған дейін номенклатура жобасы өндірушілердің бастамасы бойынша қалыптасқан болса, енді бұдан кейін осы құқық белгілі бір ДЗ-ға, оның ішінде әлеуметтік мәні бар ДЗ-ға қалыптасқан нақты қажеттіліктің негізінде тек уәкілетті органға тиесілі болады.

Сонымен қатар жергіліктендіруге қойылатын талаптар күшейтіліп, түпнұсқа препараттар өндірісі ынталандырылуда, іскерлік қоғамдастықтың ұсыныстарын ескере отырып, нормативтік-құқықтық базаны қайта қарау жұмыстары белсенді жүргізілуде.

➡️Келісімшарттық өндіріс шеңберінде Pfizer, Hoffmann-La Roche және AstraZeneca секілді халықаралық фармацевтикалық компаниялармен бірлескен жобалар жүзеге асырылуда. Қазіргі таңда жалпы құны шамамен 30 млрд теңге болатын жобалар шеңберінде төрт түпнұсқалық препарат Қазақстанда жергіліктендірілді.

«Біз үшін инвестицияның көлемі ғана емес, оның сапасы, тұрақтылығы мен инновациялық сипаты маңызды. Қазақстан медициналық инновациялар мен медициналық қызметтер экспорты бойынша өңірлік хабқа айналуды көздейді. Біз ұсыныстарға ашықпыз, алғашқы келіссөздерден бастап нақты келісімдерге дейін барлық деңгейде диалог жүргізуге дайынбыз», — деді форум барысында Денсаулық сақтау министрі Ақмарал Әлназарова.