نـشـرة أسـعـار المـوبـايـلات بالـدولار الامـريكي فـي سـوريـا لـتـاريخ 18/4/2025 🔥🔥

⛔🔴 #كلااااااااااااااااااااااام_جدا_مهممممم

خلصنا مبارح من المزح والتقفيل واجينا للجد ..

تعوا بقا نحكي كلام منطقي تقني عقلاني بما يخص موضوع إلغاء خاصية غير ذلك من الستوري بالفيس ..

يا جماعة الخير إلغاء هي الميزة مالو هالامر الخطير يعني ولا يعتبر انتهاك خصوصية المستخدمين العظماء على فيسبوك لانو بالأساس هي الميزة للستوريات العامة ..

يعني كانت تطلع لأي شخص حاطط خصوصية الستوري عندو للعامة بكامل إرادته الفيسبوكية يعني مين ما كان بيقدر يفوت على ملفه يشوفها .. بقا هو سامح انو تكون للعامة

بتقولوا كسر خصوصية و من هالحكي لما بتكونوا قافلين ملفاتكن أو محددين خصوصية الستوري للأصدقاء أو لأشخاص معينة و الفيس خلاها عامة هون بقلكن صار في كسر خصوصية ..

لكن إلغاءها أمر طبيعي ومتوقع
الهدف منها هو تقريب التواصل الاجتماعي بين الناس و متل ميزة اقتراح الصداقات بين الحسابات ..

الميزة نزلت تجريبية من شهر والآن ثبتوها وصارت معتمدة ولكل الحسابات سواء العادية أو الاحترافية وحتى للصفحات العامة ..
@DeliverySoftware
#Facecbook

حل مشكلة هذا التطبيق غير متاح
بتحتاجوا مسح بيانات مؤقتة + تشغيل secure vpn
وبس هيك

تطبيق شام كاش بإصداره الأخير تجدونه من الموقع الرسمي اصدقائي
https://shamcash.com/ar

#يسعد_أوقاتكم
خلال الفترة الماضية، شهدنا زيادة كبيرة بحالات اختراق حسابات واتساب وتلغرام وبيع الأرقام السورية على المنتديات والمواقع المشبوهة. للأسف، ورغم خطورة الوضع، ما شفنا أي تحرك جدي أو خطة واضحة من الجهات المختصة لحماية المستخدمين.

هالموضوع ما عاد مجرد اختراق بسيط، لأنه عم يوصل لمرحلة سرقة هوية كاملة، وانتحال شخصية، وابتزاز، وتهديد، والأخطر من هيك إنو بعض الشركات العالمية بلشت تتعامل بحذر مع أي نشاط أو رقم سوري، وهاد عم يأثر سلباً على صورة سوريا الرقمية وعمل السوريين.

وبما إنو ما في حل جذري لليوم، فالمسؤولية بتقع علينا كأفراد لنحمي حالنا. وهي أهم الخطوات اللي لازم كل واحد يطبقها

١. تفعيل التحقق بخطوتين على كل حساباتك
هي خطوة بسيطة لكنها أساسية. بتمنع أي شخص من الدخول لحسابك حتى لو حصل على رقمك أو شريحتك.
لا تنسى تفعل تخزن الرموز الاحتياطية بمكان آمن، ويفضل يكون ورقي أو محمي بكلمة مرور قوية وحاول اربط حساباتك بتطبيقات توليد الرموز حتى اذا حصل اي مشاكل بالرقم يكون عندك شي احتياطي.

٢. احذف أي نسخة واتساب معدلة أو غير رسمية
هاي النسخ ممكن تكون فيها أبواب خلفية تسمح بالاختراق وسرقة المحادثات. التزم بالنسخة الرسمية فقط.

٣. راقب صلاحيات التطبيقات والألعاب على جهازك
أي تطبيق ما بتعرفه أو ما بتثق فيه، لا تعطيه صلاحيات متل الوصول للرسائل، أو الأرقام، أو الكاميرا والميكروفون.

٤. اربط حساباتك على جميع المنصات بحساب جوجل خاص وآمن
ويُفضّل يكون إيميل مخصص لهالشي، وما تستخدمه للتسجيل بأي موقع أو لعبة أو تطبيق غير موثوق.

٥. تابع أي نشاط غريب على جهازك أو حساباتك
لو وصلك رمز تحقق ما طلبته، أو رسالة مشبوهة، تصرّف فوراً: غيّر كلمة المرور، واحذف التطبيق المشتبه فيه.

للأسف، غياب الحماية من الجهات الرسمية عم يخلّي الوضع أخطر، وعم يدفع الشركات العالمية لاتخاذ إجراءات احترازية ضد المستخدمين السوريين، واللي عم يدفع الثمن بالنهاية هو المواطن.

اليوم كتير ناس بتعتمد على هالمنصات بشغلها، بإدارة شركات، بمتابعة موظفين، باجتماعات أونلاين، أو حتى للتواصل مع أهلها بالخارج، واختراق الحساب مو بس ضرر شخصي، بل ممكن يسبب خسائر مالية، ضرر مهني، وحتى مشاكل قانونية.

اتمنى اليوم تحرّك حقيقي من وزارة الاتصالات السورية والشركات المعنية بالاتصالات، ووضع آلية حماية شاملة لأرقام وحسابات المستخدمين، قبل ما نخسر أكتر.
@deliverysoftware

بهدف الحماية ⚠️

• اللي حسابـ'ـه على فيسبوك وانستقرام عزيز عليه
ورابطو برقم سوري يحذف الرقم ويخلي على بريد الكتروني نشط بجهازو
ولا يفعل "المصادقة الثنائية " برقمه السوري تجنباً لفقدان حسابه وسرقته بسبب اللي صايرة بالاونة الاخيرة

بالنسبة لحماية حسابك بالمصادقة الثنائية من خلال تطبيق المصادقة

لتفعيل تطبيق المصادقة (Authenticator App) على فيسبوك وإنستاغرام، اتبع الخطوات التالية لكل منصة:

---

أولاً: فيسبوك

تفعيل المصادقة الثنائية باستخدام تطبيق Authenticator:

1. افتح تطبيق فيسبوك أو من المتصفح وادخل إلى حسابك.

2. اضغط على "الإعدادات والخصوصية" > ثم "الإعدادات".

3. من القائمة الجانبية، اختر "الأمان وتسجيل الدخول".

4. ضمن قسم "استخدام المصادقة الثنائية"، اضغط على "تحرير".

5. اختر "تطبيق المصادقة" كطريقة الأمان.

6. سيظهر لك رمز QR:

افتح تطبيق مثل Google Authenticator أو Microsoft Authenticator.

امسح رمز QR أو أدخل الرمز اليدوي.

7. أدخل رمز التحقق المكوّن من 6 أرقام الذي يظهر لك في تطبيق المصادقة.

8. اضغط على "التالي" وسيتم تفعيل المصادقة الثنائية.

-

ثانياً: إنستاغرام

تفعيل المصادقة الثنائية عبر تطبيق المصادقة:

1. افتح تطبيق إنستاغرام وادخل إلى حسابك.

2. اذهب إلى صفحتك الشخصية > ثم اضغط على الثلاث خطوط > واختر "الإعدادات والخصوصية".

3. مرّر لأسفل واختر "مركز الحسابات" (Meta Accounts Center).

4. اختر حسابك ثم اذهب إلى "كلمة المرور والأمان".

5. اضغط على "المصادقة الثنائية" > اختر الحساب المطلوب.

6. اختر "تطبيق المصادقة".

7. سيُظهر لك إنستاغرام رمز QR:

امسحه باستخدام تطبيق Authenticator.

8. أدخل الرمز الذي يظهر لك في تطبيق المصادقة.

9. اضغط على "تم" لتفعيل المصادقة.

@DeliverySoftware

#هام
ضعف في خدمات الانترنت في معظم المناطق والمحافظات
ومشاكل في خدمة 4g لدى عدد من المستخدمين
لا تطفو اجهزتكم وتشغلوها المشكله مو من الاجهزه
@deliverysoftware

🛑عاااجل
توقف dsl في كامل مدينة حلب
وضعف كبير في شبكة 4g

سلوكيات "غريبة" تم كبحها في النموذج الصوتي لـ تشات جي بي تي

حسب تقارير اختبار للنموذج الصوتي الجديد لـ تشات جي بي تي فقد أظهر النموذج سلوكيات "غريبة" في بعض الحالات، مثل تقليد صوت المستخدم أو إطلاق صرخات فجائية وسط المحادثة. وأشارت الشركة إلى أن هذا التقليد يحدث نادراً، خاصةً عندما يتحدث المستخدم في بيئة تحتوي على ضجيج عالٍ، مثل السيارة أثناء السير، حيث يعجز النموذج عن فهم الكلام غير الواضح، فيلجأ إلى محاكاة الصوت.

من بين السلوكيات الأخرى المقلقة التي كشف عنها التقرير، إصدار النموذج لأصوات غير لفظية غير مناسبة أو مزعجة عند تحفيزه بأساليب معينة، ومع أن "أوبن إيه آي" تؤكد أن النموذج يرفض غالباً هذه الطلبات، كما أنّ النموذج قد ينتهك حقوق الملكية الفكرية في ما يتعلق بالموسيقى، لولا أن "أوبن إيه آي" فعّلت أنظمة تصفية تمنعه من الغناء في الإصدار الحالي. ويُفهم من ذلك – وإن لم يُذكر صراحة – أن النموذج قد يكون قد تدرّب على مواد محمية بحقوق النشر، وهو ما يُثير تساؤلات عن طبيعة المحتوى المستخدم في تدريب الذكاء الاصطناعي.

ورغم هذه الملاحظات، تؤكد الشركة أنّها اعتمدت عدداً من الضوابط التقنية لحماية المستخدمين، منها رفض النموذج الكشف عن هوية المتحدث أو إصدار أحكام معرفية على الذكاء استناداً إلى الصوت. كما يمنع الرد على طلبات تتعلق بالعنف، أو الإيحاءات الجنسية، أو المواضيع المتطرفة، أو إيذاء النفس.

📌#إخفاء الصور من المعرض دون #حذفها🚫

افتح تطبيق الملفات، وأنشئ مجلد جديد اسمه: .nomedia
انتبه على النقطة في آخر الاسم .
أي ملف تقوم بوضعه داخل هذا المجلد الجديد لن يظهر بالمعرض اطلاقا
وسيختفي الملف بالكامل ايضا من تطبيق الملفات

✅لاظهار الملف في تطبيق الملفات اضغط خيارات ثم اختر اظهار الملفات المخفية يمكنك تصفحه مع ابقاءه مخفيا من المعرض ..
#Delivery_Software

تحذير هااام رابط غير ٱمن منتشر على وسائل التواصل الاجتماعي وليس له علاقة بالكاريتاس يرجى الحذر
@deliverysoftware

الى متى ستستمر اختراق حسابات الواتساب وتلغرام السورية
رجاء من الجميع فعلو المصادقة الثنائية وضيفو بريد الكتروني لحسابات الواتساب تبعكم للحمايتكم
وتاغو للناس الي بتعرفوها خلوهم يحمو حالهم
كم الحسابات المخترقة الي عم تصل على المنصات عدد كبير كتير

بحاجة تدخل كامل من الجهات المعنية بسوريا والأطراف الشريكه المخدمه للشركات السورية لحل هي المشكله
#DeliverySoftware

وأخيراً شركات الاتصالات فاقت
بيان مشترك من سيريتل، MTN، والسورية للاتصالات بيقولوا فيه إنو:
"قررنا نخفّض الأسعار، ونحسّن العروض، ونعمل باقات بتراعي ظروف الناس"... إي والله!

رح تظهر من اليوم وبالتدريج

باقات أرخص للّي استخدامهم قليل، وكمان للطلاب والعسكر.

تصفّح المواقع الحكومية والتعليمية صار ببلاش (وأخيراً يا تعليمة!).

عروض إنترنت وفيديو ومكالمات بجودة أحسن وسعر أقل.

الخطوة حلوة، وبيلزمها تكملة وتنفيذ فعلي، بس مبدئياً:
عم نشوف بصيص نت ببلاش... ويمكن أمل!
#Delivery_Software

📌اي حساب تواصل اجتماعي بالعالم
ماعليه اسمك وكنيتك ومواليدك
المطابقين لهويتك ..
هاد الحساب يعتبر بنظر صحابين هي المنصات :
زائف / وهمي / لقيط / فيك / داشر / مجهول /ذباب

📌اي مشكلة رح تصير معك بحسابك :
بدك ترجع الحساب لانو اتعطل !!
بدك تفك قفل الحساب لانو انقفل !!
بدك تسترجع الحساب لان تم اختـ.راقو !!
بدك تعطل الحساب لانو قديم وماعاد معك كلمة السر!!
بدك تفتح الحساب من جهازك الجديد وماوصلك رمز !!

📌رح يخبروك الموظفين ابعتلنا صورة هويتك يا حلو لنتاكد انو هاد الحساب لالك ..

📌رح تبعتلن صورة الهوية وبس شافو معلومات اللي بحسابك مو مطابقة لهويتك رح يخبروك قحّط من هون هاد الحساب مو لالك ..

📌للاسف هي المشاكل دائماً عم توصلني 90% من الناس بدها تاخد اجراء بحسابها سواء تعطيل او استرجاع ولكن المعلومات غير مطابقة

📌اذا بيهمك حسابك طابق معلوماتو متل هويتك
الاسم عربي انكليزي مابتفرق المهم الترجمة صحيحة
وركز ع المواليد لازم متل هويتك تماما يوم وشهر وسنة

@DeliverySoftware

سرقة رمز واتس اب رغم وجود الشريحة معك

(شاهد المنشور كاملاً)

https://www.facebook.com/share/p/193YWH9bLg/

@deliverysoftware

الهيئة الناظمة للاتصالات.. تعو ولاك سيريتل و ام تي ان.. خففوا اسعار الانترنت وعطوه مجاني وحاج سرقة...

بعد يومين... سيريتل وام تي ان ببيان مشترك انو خففوا اسعار الانترنت... ورفعوا اجور الخدمات التانية 2000% اي اي الفين قراتها صح..

فعلا شركات النظام البائد تبقى سيف على الشعب.