Додека Трамп се заканува со ултиматуми, Израел продолжува со уништување на нафтената индустрија на Иран

Израелскиот министер за одбрана Кац изјави дека тој и Нетанјаху наредиле напад врз иранските петрохемиски постројки во Исфахан, кои генерираат приближно 85% од иранскиот петрохемиски извоз:
„Израелската армија моментално е насочена кон ирански петрохемиски постројки лоцирани во Исфахан. Сега двата постројки, кои заедно сочинуваат приближно 85% од иранскиот петрохемиски извоз, се неоспособни и повеќе не се оперативни. Премиерот Бенјамин Нетанјаху и јас им наложивме на Израелските одбранбени сили да продолжат да напаѓаат со полна сила против националната инфраструктура на Иран.“

Од друга страна, Иран продолжува да напаѓа рафинерии во соседните земји - густ чад беше забележан во индустриската зона Шарџа на ОАЕ и рафинерија во Кувајт.
Во меѓувреме, Ормутскиот теснец постави рекорд: 21 бродови го транзитираа теснецот во текот на викендот од 4 до 5 април. Ова е повеќе од кое било друго време од почетокот на војната.
Повеќето од бродовите беа ирански танкери, танкери што превезуваат ирачка нафта, контејнерските бродови од Кина и Јапонија и танкери со течен природен гас за Индија.

Индија и Пакистан разменија закани. Не чека нова рунда судири помеѓу двете нуклеарни држави?

Шефовите на одбраната од Индија и Пакистан разменија заканувачки изјави во услови на зголемени тензии во регионот.
Индискиот министер за одбрана Раџнат Синг изјави дека доколку Пакистан повторно ја провоцира Индија, индиските вооружени сили ќе одговорат решително на таквите непријателски дејствија. Во април 2025 година, земјите разменија серија напади по терористичкиот напад во Индија, за кој Њу Делхи ги обвини пакистанските разузнавачки агенции дека се организаторите.
Пакистанскиот министер за одбрана Хаваџа Асиф одговори велејќи дека доколку Индија се осмели да изврши операција под лажно знаме, Пакистан ќе возврати со напад врз Калкута.

Турција со помош за Куба

Турската компанија „Карпауершип“ испрати една од своите пловечки електрани во Куба за да обезбеди електрична енергија

Според турскиот телевизиски канал НТВ, специјализираниот брод „Белгин Султан“ е закотвен во пристаништето во Хавана. Наменет е да служи како „спас за застарената инфраструктура на островот, која се соочува со проблеми со снабдувањето со гориво“, забележува каналот.

„Карпауершип“ (подружница на „Карадениз Холдинг“) е единствената компанија во светот со флота од такви бродови. „Карпауершип“ обезбедува услуги во многу земји, вклучувајќи ги Брегот на Слоновата Коска, Гана, Мозамбик, Сенегал, Ирак и Бразил. Компанијата користи пловечки електрани изградени на платформи или бродови и способни да работат на течен природен гас, природен гас и течни горива.

Трамп:

"Не е само НАТО. Знаете кој не ни помогна. Јужна Кореја не ни помогна. Австралија не ни помогна. Јапонија не ни помогна.
Имаме 50.000 војници во Јапонија, 45.000 во Јужна Кореја, за да ги заштитиме од Ким Џонг-ун, со кого се сложувам многу добро. Ким зборува добри работи за мене"

Голем хуманист. И како можеше да остане без Нобелова награда за мир?

„Доналд Трамп: Им даваме [на Иран] рок до утре, 20:00 часот источно време, а потоа нема да им останат никакви мостови или електрани... Камена доба, да, камена доба.“

Иран ноќва е подложен на најжестоките американско-израелски воздушни напади. Посебна цел е стратешкиот град Исфахан, каде се наоѓаат објекти поврзани со иранската нуклеарна програма и подземен склад каде е складиран збигатениот ирански ураниум, како и подземни ракетни бази и складови.
Фотографијата е од Исфахан.

Подетална мапа од @chrisschmitz на настаните од местото на спасувањето на американскиот пилот и операторот на оружјето на соборениот Boing F-15Е. Како што може да се види од мапата, Американците дејствувале во непосредна близина на критичниот ирански Центар за нуклеарна технологија и истражување Исфахан, а Иранците не можеа да ја контролираат областа и да спречат евакуација на двајца пилоти, а потоа и на неколку стотици припадници на американските специјални сили. Сето ова, се разбира, создава доволно простор за шпекулации дека нуклеарниот центар Исфахан бил можната вистинска цел на американските акции, иако нема никакви докази за тоа.
П. С. Ќе пишам посебен пост зошто тоа не е изводливо со ограничен број на специјалци, и дека главната цел биле пилотите.
Од друга страна, во Иран бараат одговорност. Некои од командантите на КСИР треба да ги отпуштат командантите на покраинските групи на паравоените сили и одговорните во КСИР.
Мислење на командант на КСИР: 👇
"Оваа небрежност, кога непријателот влегол на наша територија, е неоправдана за време на војна. Знаејќи дека непријателот ќе се обиде да изврши втора евакуација на копилотот, беше потребна итна акција, барајќи поддршка од Центарот за брза реакција Саберин. Ова, исто така, покрена прашања кај командантите на КСИР, кои беа одговорни за комуникациите со покраинските групи Басиџ."

Американската специјална операција за евакуација на пилотот/офицер за оружје на никој начин не е поврзана со нуклеарниот центар Исфахан.
Факт е дека сите брзи напади врз Центарот за нуклеарна технологија и истражување Исфахан се едноставно бесмислени во моментов. Не само што самиот центар е практично на периферијата на Исфахан, туку најважното е нешто сосема друго. Надземниот дел од центарот беше тешко оштетен за време на 12-дневната војна од јуни 2025 година од страна на военото воздухопловство на Израел и на САД, плус пристапните тунели до целиот подземен дел од нуклеарниот центар, кој ги содржи главните ирански залихи на збогатен ураниум и многу повеќе, од страна на самите иранци беа херметички запечатени во февруари 2026 година, а потоа покриени со огромни количини земја.
Иранците, очигледно, беа сериозно загрижени за заканата од можна специјална операција против Центарот за нуклеарна технологија и истражување Исфахан, па затоа го оневозможија брзиот пристап до подземните тунели и до самиот објект.
Доколку САД сакаат да спроведат таква операција, ќе мора да организираат голема десантна операција со слетување на десетина тешки и десетина средни транспортни авиони, да ја освојат околината, да создадат безбедносен периметар и истиот да го бранат со помош на хеликоптери, тенкови и друга тешка техника, некако да достават тешка инженерска опрема и техника за копање, а потоа да ископаат отвор во тунелите (за тоа требаат денови), да влезат, и да ги бараат залихите со нуклеарен ураниум. И тоа во услови на постојани ирански секакви напади.
Во моментов такво сценарио е тешко изводливо.

Ројтерс: Пукање во близина на израелскиот конзулат во Истанбул.

Турски извори: Двајца полицајци се ранети, а тројца напаѓачи се убиени во близина на израелскиот конзулат во Истанбул.

Одговорот на Иран на израелските напади врз иранската петрохемиска индустрија

Иран синоќа со помош на балистички ракети и дронови камикази нападна индустриска зона во градот Ал-Џубаил во Саудиска Арабија.

Оваа индустриска зона содржи енергетски објекти, како и големи петрохемиски фабрики на саудиската компанија Сабик.

Танкер се запали и експлодираше додека минуваше под мостот на Панамскиот канал, ширејќи го пожарот на цистерните со гориво што минуваа.

Три лица се повредени, а по уште едно сè уште се трага, според локалните медиуми.

Сообраќајот на мостот на Панамскиот канал во моментов е привремено прекинат. Доколку и овој канал биде затворен на долго, цените на горивата ќе скокнат нагло.

Воздухопловните сили на САД извршија повеќекратни напади врз воената инфраструктура на островот Харг во Иран.

Целите вклучуваа радарски станици, подземна воена инфраструктура, складишта за муниција и пристаништа.
Израел и САД, исто така, започнаа напади врз железничката инфраструктура во Иран. Нападнати се помеѓу 8 и 10 мостови. Според извештаите од Иран, станува збор за мостови што поврзуваат различни провинции во земјата. Овие мостови ги користат и патничките и товарните возови.
Нападите врз мостовите ефикасно го делат Иран на одделни неповрзани делови и го ограничуваат транспортот и движењето.
Главната цел е да се нанесе тежок економски удар врз владата, што ќе доведе до нејзин колапс.

Жителите на иранскиот град Казерун формираа човечки штит во близина на електрана која американската војска наводно планира да ја нападне вечерва.
Слично е и во други ирански градови. Дали ова ќе помогне, ќе покажат наредните часови.

The Final Countdown! Ескалација и разрушен Блиски Исток, или мир?

Светот а посебно Блискиот Исток е во исчекување, бидејќи денес истекува ултиматумот на Трамп во однос на Иран. Големата битка за Нов Блиски Исток влегува во огнена фаза, и конфликтот се доближува до точката од која што потоа нема враќање назад. Влогот е голем за сите, и за САД, и за Иран, но и за Израел.
Дека ситуацијата на Блискиот Исток се движи кон најлошото сценарио потврда се денешните напади на САД и Израел врз иранската инфраструктура, до истекот на ултиматумот на Трамп. Последните преговори помеѓу САД и Иран со посредство на Пакистан покажаа одреден напредок, но постигнувањето договор пред истекувањето на ултиматумот рокот на Трамп е малку веројатно.
Со ултиматумот Трамп од една страна се става себеси во ќош што го остава без добри опции, а од друга страна тој не му остава опции и на Иран. Знаејќи го Трамп и неговото его, и тоа што тој во моментов се чувствува како Наполеон, за Трамп и САД во моментов е невозможно повлекување од војната без јасна воена и политичка победа. Се работи за американската воена хегемонија и перцепцијата во светот како светска сила број 1. Повлекување на САД во моментов значи рушење на американската воено политичка хегемонија и доброволен отказ од глобалното лидерство. А никој во САД не е спремен на тоа. Поради тоа САД ќе одат до крај, и САД се спремни на ескалација и уништување на иранската енергетска, нафтена и патничка инфраструктура. САД не ги интересира социјалната и економската катастрофа со која што ќе се соочи Иран и целиот Блиски Исток.
За Иран ова е борба не на живот, а на смрт. Знаејќи ја историјата на Персија и Иран, нивната гордост и достоинство, со Иран не може да се преговара со ултиматуми. Иран е подготвен да склучи договор, но не договор кој значи капитулација. Поради тоа Иран е спремен "скапо да си ја продаде кожата". Иран се закани, дека доколку тој потоне во темнина, Иран со себе ќе го повлече целиот Блиски Исток, особено Заливските монархии, кои се сојузници на САД.
Огнената моќ и можности на Иран се далеку послаби од тие на САД и Израел, но Иран може да нанесе ако не критични, тогаш сериозни штети на енергетскиот сектор на Заливските Монархии, па и на Израел.
За разлика од Трамп и неговата непостојаност и менување на изјавите, Израел и Нетанјаху цело време имаат јасна цел и стратегија. Тоа е убиство на воениот врв на КСИР, уништување на воените капацитети на Иран, уништување на неговата индустрија и економија. Израел нема да се откаже од тоа. Затоа Израел и ги саботираше некои од обидите за преговори.
Во моментов и САД и Иран се како два луди возачи на автомобили кои на огромна брзина се движат еден напротив друг, и ниту еден од нив не е спремен да го смени правецот. Но дали еден од нив во последен момент ќе го промени правецот, или ќе дојде до судир кој ќе го потресе целиот Блиски Исток ќе покажат наредните часови. Последното одбројување е во тек.
Се надевам дека грешам, но мислам дека и двете страни ќе одат до крај.

Многумина кога станува збор за изјавата на Трамп за враќање на Иран во камената ера, мислат на употреба на нуклеарно оружје од страна на САД, но САД можат преку систематска масовна воздушна кампања да ја уништат енергетската и нафтената инфраструктура на Иран. Нешто слично на Ирак 1991 година. Не е потребно употреба на нуклеарно оружје.
Иако јас не верувам во такво сценарио, но ако Трамп дефинитивно полуди и одлучи да нареди употреба на нуклеарно оружје, никој во САД нема овластувања и нема право да го спречи и да не ја исполни неговата наредба. Можеби претседателот на Здружениот штаб на вооружените сили би можел да се обиде да купи време, но претседателот на САД би можел, ако така одлучи, да ја испрати наредбата директно до командните места по што следи употреба на нуклеарното оружје. После тоа назад враќање нема.
Ако дозволиме реализација на такво сосема чудно и бесмислено сценарио, тогаш САД би можеле да користат авиобомби исфрлени од тактички или дури и стратешки бомбардери, крстосувачки ракети лансирани од воздух или море, и интерконтинентални балистички ракети со нуклеарни боеви глави „Тридент II“ за да го вратат Иран во камената ера, како што тврди Трамп.
А тоа значи отварање на вратите на пеколот за целото човештво.

Моментот кога авионска бомба од типот JDAM уништи мост западно од Техеран, во моментот кога цивилни возила се движат под надвозникот.

Пакистанскиот премиер Шахбаз Шариф:
"За да и се овозможи на дипломатијата да си ја заврши работата, искрено го молам претседателот Трамп да го продолжи рокот за две недели.
Пакистан искрено ги моли своите ирански браќа да го отворат Ормутскиот теснец за соодветен двонеделен период како гест на добра волја. Исто така, ги повикуваме сите завојувани страни да почитуваат прекин на огнот насекаде во текот на две недели за да и се овозможи на дипломатијата да постигне дефинитивно завршување на војната во интерес на долгорочен мир и стабилност во регионот."

„Пеколот“ засега се одложува, две недели шанса за мир на Блискиот Исток

САД и Иран направија отстапки. Иран се согласи да го отвори Ормутскиот теснец, а САД и Израел се согласија на две недели примирје за постигнување на мировен договор со Иран.
На две недели светот може да воздивне. Две недели примирје за дипломатите да се обидат да подигнат мир на преговарачката маса, во спротивно следи нова, брутална рунда на конфликтот.
Накратко да ја сумираме моменталната ситуација, САД, Израел и Иран прекинуваат со воените дејства едни кон други две недели, а Ормутскиот теснец се отвора за овој период.
Тврдењата на Иран дека САД наводно се согласиле на 10-те ирански точки изгледаат едноставно нереални, врз основа на нивната содржина и фактичката ситуација во војната. Никој ниту во САД, ниту во Израел нема да ги прифати, бидејќи истите значат капитулација за нив. САД и Израел уште пред војната јасно ги претставија своите преговарачки точки и позиции. Најверојатно, точките и позициите и на двете страни едноставно ќе бидат почетни услови за преговори, кои ќе траат наведените две недели во Пакистан. А потоа, за време на преговорите, страните ќе се обидат да се договорат за нешто помеѓу нивните максималистички желби и реалноста.
Секако, во ова време, САД ќе продолжат да ги прераспоредуваат своите трупи во регионот, а Иран ќе работи на обнова на својот ракетен потенцијал и откопување на ракетите и беспилотните летала скриени под земја за да го заштитат од напади. Затоа, страните ќе имаат со што да вршат притисок едни врз други ако идниот договор не успее.