Целата ситуација со танкерот „Маринера“ изгледа крајно чудна и неразбирлива.

Бродот првично се викал „Бела 1“ и, под знамето на Гвајана, носел иранска нафта до Венецуела. Поради оваа причина, бил ставен на списокот со санкции на САД и бил предмет на обид за запленување од страна на крајбрежната стража на САД покрај брегот на Венецуела уште кон крајот на декември 2025 година.

Сепак, Американците не можеле да испратат војници на бродот, а танкерот успешно ја избегнувал американската морнарица повеќе од две недели, достигнувајќи до Северниот Атлантик.

За време на ова бегство, екипажот нацртал руско знаме на бродот додека бил во движење и добил официјална руска регистрација, домашно пристаниште Сочи и ново име, „Маринера“, по кое сега е познат.

Колумбискиот претседател Петро:
Титулата што Трамп ми ја доделува како дилер на дрога и криминалец е одраз на неговата деменција. Тој ги смета вистинските либертаријанци за наркотерористи затоа што ние не му даваме ниту јаглен ниту нафта.
Нема докази дека постои „Картел на Сонцето“ во индустријата за трговија со дрога. Ова значи дека Мадуро бил киднапиран со цел да се заплени венецуелската нафта.

Куба се простува од своите херои

Куба го објави списокот на 32 свои храбри синови кои загинаа при киднапирањето на Мадуро во Каракас. Истите ќе бидат погребани со највисоки државни и воени почести на Куба.
Список на 32 кубански воени лица и вработени во Министерството за внатрешни работи убиени за време на операцијата „Апсолутна решителност“ предводена од САД, во која беше киднапиран Мадуро.
Вработени во МВР:
▪️Полковник Умберто Алфонсо Рока Санчез (67)
▪️Полковник Лазаро Евангелио Родригез Родригез (62)
▪️Мајор Родни Изкиердо Валдез (51)
▪️Мајор Исмаел Тереро Ге (47)
▪️Капитен Јоел Перез Табарез (48)
▪️Капетан Адриел Адриан Сокартас Тамајо (32)
▪️Потполковник Орландо Осорија Лопез (45)
▪️Мајор Рубиел Дијаз Кабрера (53)
▪️Мајор Хернан Гонзалес Перера (43)
▪️Капетан Бисмар Мора Апонта (50 години)
▪️Прв поручник Јорленис Реве Куза (36 години)
▪️Прв поручник Алехандро Родригез Ројо (35 години)
▪️Први поручник Ердвин Росабал Авалос (35 години)
▪️Прв поручник Даниел Торалба Дијаз (34 години)
▪️Прв поручник Јандрис Гонзалез Вега (45 години)
▪️Прв поручник Јорданис Марионис Нуњез (43 години)
▪️Прв поручник помлад Естевес Самон (32 години)
▪️Поручник Јасмани Домингез Кардеро (32 години)
▪️Поручник Фернандо Антонио Баез Идалго (26 години) години)
▪️Поручник Јоандис Рохас Перез
▪️Прв подофицер Џорџи Вердесија Гарсија (30 години)
Вреди да се напомене дека речиси сите вработени во кубанското Министерство за внатрешни работи биле офицери, од кои многумина биле со висок ранг. Тие веројатно го сочинувале 'рбетот на личната безбедност на Николас Мадуро, служејќи во Дирекцијата за лична безбедност.
Интересно е што убиениот највисоко рангиран офицер во кубанското Министерство за внатрешни работи, полковникот Умберто Алфонсо Рока Санчез, беше идентификуван како придружник на тогашниот државен секретар на САД Џон Кери за време на неговата посета на Куба во август 2015 година и на папата Франциск, кој исто така ја посети земјата во септември истата година.
Членови на Револуционерните вооружени сили:
▪️Капетан Адриан Перез Бидс (34 години)
▪️Виш подофицер Суриел Годалес Аларкон (42 години)
▪️Војник Аделкис Ајала Алменарес (45 години)
▪️Војник Александар Нода Гутиерез (48 години)
▪️Војник Ервис Мартинез Херера (52 години)
▪️Војник Хуан Карлос Гереро Сиснерос (55 години)
▪️Војник Хуан Давид Варгас Ваилант (54 години) (години)
▪️Војник Рафаел Енрике Морено Фонт (35 години)
▪️Војник Луис Алберто Идалго Канал (57 години)
▪️Војник Луис Мануел Жардинес Кастро (59 години)
▪️Војник Санди Амита Лопез (37 години)

Републиканскиот сенатор Рик Скот:

„Ова е почеток на промени во Венецуела, потоа ќе ја поправиме ситуацијата во Куба, работите ќе се подобрат во Никарагва, а следната година ќе имаме нов претседател во Колумбија.“

Венецуелската државна нафтена компанија, PDVSA, објави дека преговара со САД за извоз на сурова нафта користејќи сличен комерцијален модел како оној со „Шеврон“.

Уште три до четири санкционирани танкери, потенцијално поврзани со Русија, би можеле да бидат запленети од американските сили во Карибите и Атлантикот.

🇺🇸🇷🇺Трамп даде зелено светло за предлог-закон за заострување на санкциите против Русија.

Ова го изјави сенаторот Линдзи Греам.
„По многу продуктивниот состанок со претседателот Доналд Трамп денес за низа прашања, претседателот даде зелено светло за двопартиски предлог-закон за санкции против Русија на кој работев со месеци“, рече Греам.
Тој изрази надеж дека двете партии активно ќе гласаат за предлог-законот на почетокот од следната недела.
„Овој закон ќе му овозможи на претседателот Трамп да ги казни оние земји кои купуваат евтина руска нафта што ја напојува воената машина на Путин“, рече Греам во соопштението, осврнувајќи се на рускиот претседател Владимир Путин.
„Овој закон ќе му даде на претседателот Трамп огромна моќ против земји како Кина, Индија и Бразил да ги поттикне да престанат да купуваат евтина руска нафта што го обезбедува финансирањето за крвопролевањето на Путин против Украина.“
Минатиот ноември, сенаторот изјави дека предлог-законот ќе му овозможи на американскиот претседател да воведе секундарни санкции и царини за увоз од земји што купуваат руска нафта и гас.

Тајната војна помеѓу САД и Куба во Венецуела

Во изминативе десетина години во Венецуела се водеше тајна војна помеѓу САД и Куба. Во таа војна имаше победи и порази и за двете страни, како и во секоја војна.
Кубанската разузнавачка служба традиционално се смета за една од најефикасните во Латинска Америка. Не случајно кубанските служби со години играа клучна улога во обезбедувањето на Мадуро и ефикасно ги надгледуваа разузнавачките и контраразузнавачките структури на Венецуела.
За време на првиот претседателски мандат на Трамп, САД имаа три официјални неуспешни обиди за рушење на Мадуро. Колку имало неуспешни, останува да дознаеме во иднина. Од есента 2017 година, Трамп даде наредба за соборување на Мадуро по било која цена. Членови на администрацијата на Трамп и ЦИА започнаа да одржуваат тајни состаноци со опозицијата на Венецуела и воен персонал од Венецуела за соборување на Мадуро.
На 4-ти август, во 2018 година, неуспешен обид за атентат врз Мадуро беше извршен со употреба на два дрона наполнети со експлозив. Организиран од ЦИА и венецуелската опозиција. Експлозиите се случија во воздухот за време на говорот на Мадуро во Каракас на церемонијата по повод 81-годишнината од Националната боливарска гарда, а Мадуро на крајот беше неповреден. Ефикасно ја одработија својата задача системите за радио-електронско војување и кубанските експерти и телохранители на Мадуро. Целата мрежа на организацијата на атентатот во Венецуела беше разоткриена и уапсена.
Во 2019 година, кубанските разузнавачки служби разоткрија обид за воен удар во Венецуела. Во понеделник, на 21 јануари 2019 година, припадници на Националната гарда се обидоа да извршат бунт во Каракас. Бунтот беше спречен во самиот зародиш. Некои војници беа убиени, некои заробени. Дел од организаторите избегаа во Колумбија.
Американска операција Гедеон. Успешно разоткриена од кубанското разузнавање, која што имала свој информатор. Кубанците знаеле се за операцијата иимале подготвено одговор на неа. На 3 мај 2020 година, кубанските разузнавачи и венецуелските специјални сили спречија упад на диверзанти со глисери од Колумбија. Осум диверзанти беа убиени, а десет беа приведени. Меѓу оние што се обидоа да влезат на венецуелска територија имаше и Американци - двајца членови на личното обезбедување на американскиот претседател Доналд Трамп и еден агент на ДЕА. На територијата на Венецуела беа уапсени 100 тина диверзанти, меѓу кои дел војници.
Тие планирале да се истоварат по море во Венецуела, а внатре во Венецуела да започне воен бунт, да го фатат претседателот Николас Мадуро и да го транспортираат во Соединетите Држави каде требало да му се суди.
Кај приведените тогаш беа пронајдени воени униформи со американски знамиња, фалсификувани пасоши, современо оружје, најсовремени уреди за ноќно гледање, современи технолошки средства и сателитски телефони. Колумбија и Соединетите Држави ги негираа обвинувањата на венецуелските власти за организирање обид за атентат врз Николас Мадуро, но извршниот директор на „Silvercorp“, американецот Џордан Гудро, набрзо ја потврди информацијата, велејќи дека неуспешното десант на плажата во Ла Гваира е наречено Операција „Гедеон“.
На 3 јануари 2026 година, САД успешно ја спроведоа воената операција „Апсолутна решителност“ за заробување на Мадуро. Овој пат кубанските служби беа надиграни и поразени.
Неуспехот однапред да се открие операцијата "Апсолутна решителност" и да се спречат дејствата на американските специјални сили го поткопа угледот на кубанските разузнавачки служби и ја доведе во прашање способноста на Куба да проектира влијание надвор од своите граници.

Видеото прикажува уште пет уништени или оштетени венецуелски лансери и возила Buk-M2E.

Плус уште три кои беа уништени на своите позиции, за што постојат фотографии и докази. Венецуела имаше 12 вакви системи.

Тие беа уништени со употреба на паметни бомби AGM-154C-1 и ракети AGM-88.

Стационарните и мобилните радари, како и командните и комуникациските центри, исто така беа уништени на самиот почеток на американската операција.

Трамп се закани дека ќе го нападне Иран

„Јасно им ставив до знаење дека ако почнат да убиваат демонстранти, што имаат тенденција да го прават за време на нивните немири - тие имаат многу немири - ако го сторат тоа, ние ќе ги удриме многу силно. Некои беа убиени поради проблеми со контролата на толпата и други работи. Го следиме тоа многу внимателно. Толпите беа толку големи што имаше стампедо. Имаше три стампедоа, а луѓе загинаа како резултат на тоа, и не сум сигурен дека дефинитивно можам да му ја припишам одговорноста на некого. Тие знаат, и им е кажано многу строго, дури и построго отколку што ви кажувам сега, дека ако го сторат ова, ќе платат многу висока цена.“
Претседателот на САД им се обрати и на самите ирански демонстранти, повикувајќи ги да веруваат во слободата.
„Се што можам да кажам е дека мора да имате силна верба во слободата. Нема ништо подобро од слободата. Вие сте храбри луѓе. Многу е тажно што се случи со вашата земја. Вашата земја беше одлична земја. Се сеќавам пред години, кога бев млад инвеститор, моите пријатели отидоа во Иран и им одеше многу добро. Тие градеа згради во Иран. Тие се уште се таму - едвај, но се уште се таму. Ги гледам нивните слики. Тие се снаоѓаа многу добро во Иран. Тие беа многу успешни инвеститори. Тие беа прекрасни луѓе. Тие беа претежно инвеститори од Њујорк. Но, тие отидоа во Иран и создадоа доста добри работни места таму. И се сеќавам како велеа дека луѓето таму беа прекрасни. Целото место беше величествено. Тоа беше огромен пазар. А сега погледнете го ова. Погледнете што се случи.“
За потсетување, големите протести во Иран траат веќе 12 дена во десетици градови, а повеќе од 30 луѓе веќе загинаа.

The New York Times. Член на внатрешниот круг на Николас Мадуро, офицер за лично обезбедување, бил вклучен во заговорот за негово апсење.

Микродронови биле користени за заземањето на резиденцијата на Мадуро. Дроновите создсли 3Д мапа во реално време од внатрешноста на резиденцијата. Ова им овозможи на специјалците на Делта Форс да ги гледаат пречки, телохранителите и самиот Мадуро преку специјални наочари на нивните шлемови - ефикасно гледајќи низ ѕидови.
Офицерот „крт“ на ЦИА, се покажал како одлучувачки. Тој ги известил американците дека масивните челични врати од спалната соба и безбедната соба на Мадуро имале кратко механичко доцнење при заклучувањето.
Делта Форс го искористи овој „прозорец“ од само неколку секунди за да влезат во спалната и да го „фатат“ претседателот. „Кртот“ пренесе преку шифриран канал потврда дека Мадуро си легнал, а неговите телохранители се „опуштиле“ и дел од нив заминале на спиење.

Дали Иран е на прагот на револуција?

Во Иран веќе 12-ти ден траат протестите против властите како резултат на тешката економска и социјална положба. Но протестите веќе имаат јасно изразена политичка цел, а тоа е рушење на власта во Техеран. Владините медиуми тврдат дека протестите се инспирирани од странско влијание, пред се САД и Израел, но и некои заливски монархии.
Вчера имаше протести во 153 града. Властите целосно го исклучија интернетот во Иран, но Илон Маск овозможи интернет преку Старлинк во одредени делови на Иран.
Иран во моментов се соочува со тешка економска и социјална криза, од недостаток на електрична енергија до криза со водоснабдувањето, девалвација на иранскиот реал од над 1 400 000 риали за еден долар што доведе до инфлација од 52%, а цените на храната се зголемија за две третини. Судејќи според се, властите во Техеран полека ја губат контролата над ситуацијата во земјата.
Политичката ситуација внатре во Иран од ден на ден се влошува и ескалира. Иако протестите не се масовни, нема милиони на улиците, Иран е држава со 93 милиони население, но истите ескалираат и се шират, и демонстрантите напаѓаат државни институции, и објекти на Иранската Револуционерна Гарда, но и рушење на државните обележја, сквернавење на знамето и рушење н спомениците на видни иранци после иранската револуција. Овие протести се егзистенцијални за властите во Техеран, и откако единиците на БАСИЏ (паравоена доброволна милиција во рамките на Корпусот стражари на исламската револуција КСИР) не се справуваат со протестите, властите започнаа со распоредување на единици на КСИР (или иранска револуционерна гарда) и на шиитските милиции од Ирак. Дадена е наредба на КСИР за ставање на протестите под контрола по секоја цена. Истовремено во некои ирански градови се одржуваат собири во поддршка на властите.
Техеран полека станува најголемото жариште на протести, со 19 протести што избувнаа во различни делови од градот вчера. Трговците на пазарите се една од движечките сили на протестите ширум Иран, како и студентите. Протести на пазари се случија во најмалку 12 градови во последните 24 часа.
Ситуацијата е посебно сериозна во регионот Белуџистан и во регионите каде живеат курдите, каде што веќе има вооружени судири помеѓу демонстрантите и безбедносните сили. Плус протестите се шират и во регионот Ирански Азербејџан.
Безбедносните сили продолжуваат да користат огнено оружје за да ги потиснат протестите, со десетина инциденти пријавени во провинциите Техеран, Белуџистан, Фарс, Керманшах, Чахармахал и Бахтијари.
Од почетокот на протестите, уапсени се приближно 3 000 луѓе, а најмалку 50 се убиени. Властите ја потврдија смртта на пет припадници на безбедносните сили. Развојот на настаните внатре во Иран и во соседството на Иран во наредните 10 дена ќе биде круцијален за иднината на Иран.
Страницата на американскиот Стејт департмент на персиски јазик ги повикува демонстрантите да продолжат и покрај прекините на интернетот, а САД ја следат ситуацијата. Тие исто така го објавија повторно предупредувањето на Трамп до иранските власти да не ги допираат демонстрантите.
Развојот на ситуацијата во Иран во многу ќе зависи и од чекорите кои што ќе ги превземат САД и Израел. САД и Израел отворено ги поддржуваат протестите и изјавуваат дека нема да ги остават демонстрантите без помош. Во случај на американски и израелски воздушни напади против властите во Иран, и против КСИР, тогаш повеќе од сигурно е дека власта во Техеран ќе падне и Иран ќе влезе во турбулентен хаотичен период кој може да го дестабилизира целиот Блиски Исток.

Европска одбрана. Избор помеѓу суверенитет, буџет и безбедност.
Бела книга за европска подготвеност
(CEPS) „Патоказ за заедничка европска одбрана“
🔹Европската Унија се соочува со тежок избор во одбраната. За да се одбрани во свет каде Русија води војна, а поддршката од САД станува непредвидлива, ЕУ мора да реши „трилема“ - како драматично да ги зголеми трошоците за одбрана без да ги исцрпи другите буџети, да го изгуби националниот суверенитет или да се расправа околу изборот на оружје.
🔹Ситуацијата драматично се промени. Војната во Украина не е локален конфликт, туку директна закана за безбедноста на цела Европа. Во исто време, филозофијата на колективна одбрана на НАТО, која со децении се темели на гаранциите на САД, е поткопана од непредвидливите политики на администрацијата на Трамп. Американските трупи може да бидат повлечени од Европа, а нуклеарниот „чадор“ е доведен во прашање.
🔹Европа не е подготвена самостојно да се одбрани. Индустријата на ЕУ произведува помалку оружје и муниција од Русија. Разузнавачките агенции во некои земји-членки предупредуваат дека Русија би можела да ја тестира одбранбената подготвеност на Европа во следните три до пет години. Нема време за губење.
🔹За да создаде навистина ефикасна заедничка одбрана и да се постигне стратешка автономија, ќе мора да се жртвуваат еден од трите принципи.
▪️Буџетска стабилност. Масовното зголемување на трошоците за одбрана (до 3,5% од БДП, како што е дискутирано) ќе ги поткопа другите социјални и економски програми или ќе бара зголемување на даноците.
▪️Национален суверенитет. Земјите ќе мора да пренесат дел од контролата врз своите национални армии и одбранбената политика на паневропско ниво.
▪️Слобода на избор на оружје. Ќе мора да се договорат што да купат и од кого, жртвувајќи ги националните преференции во корист на заедничка набавка и стандардизација.
🔹Само со акумулирање на националните буџети за одбрана не се создава заедничка одбрана. Потребни се институции кои можат да ги здружат и ефикасно да ги насочат овие ресурси. Како одговор на овие предизвици, Европската комисија и високиот претставник за надворешни работи презентираа Бела книга за подготвеност за одбрана до 2030 година. Нејзиниот фокус е на интеграцијата на одбранбената индустрија: стимулирање на заедничко производство, олеснување на заедничкото набавување и хармонизирање на стандардите.
🔹Европските земји ќе мора да го жртвуваат својот воен суверенитет. Потребно е максимално да се искористат новите овластувања на Европската комисија во рамките на Европската програма за одбранбена индустрија (EDIP) за планирање на потребите.
❗️Ова се релативно кратки прегледи на овој долг документ, но тие ги истакнуваат првите контури на создавањето еден вид европско НАТО во кое се вклучени Велика Британија и Турција.
Тие се уште немаат одговор што да прават со земји како Словачка, Унгарија и некои други потенцијални „евроскептици“. Но, можеби идните документи од оваа серија ќе дадат одговори на овие прашања.

Што е познато за Орешник или РС-26 Рубеж?

Да почнеме со тоа што овој мобилен стратешки ракетен систем, како и неговата ракета, е целосно класифициран и практично не постојат сигурни јавни информации за него.
Судејќи според се, Орешник е двостепена верзија на интерконтиненталната балистичка ракета РС-26 Рубеж, која, пак, е развој на тристепената РС-24 Јарс.
Познато е дека работата на РС-26 започнала во 2000-тите, а првото пробно лансирање се случило во септември 2011 година. После тоа, трагата на системот целосно исчезнува долго време. Ова веројатно се должи на тоа што РС-26 Рубеж е балистичка ракета со среден дострел (IRBM), што претставувало кршење на Договорот за нуклеарни сили со среден дострел (INF), кој бил во сила во тоа време. Сепак, по прекинувањето на Договорот во 2019 година, Русија и САД активно го продолжија развојот на претходно забранети ракети. И во јули 2024 година, Владимир Путин изјави дека Русија ќе се смета за „ослободена од претходно воведениот едностран мораториум за распоредување ракети со среден и пократок дострел“.
Според проектираните спецификации, РС-26 има лансирна тежина од приближно 40-50 тони и е носи повеќе од шест одделни боеви глави со дострел од 2.000 до 6.000 километри.

Врховниот совет за национална безбедност на Иран издаде интересно соопштение.
Целото соопштение 👇
"Дејствијата на демонстрантите беа означени како терористички активности како дел од хибридната војна на Израел и САД против Иран. Во него се наведува дека ниедна чесна личност нема да дозволи нивните национални симболи, како што е знамето, да бидат навредувани; ниеден пристоен Иранец нема да дозволи статуата на Касем Сулејмани, симболот на националниот отпор, да биде вандализирана; и ниеден слободен Иранец нема да дозволи џамија да биде осквернавена или, уште полошо, запалена. Оние што протестираат против влошувањето на економските услови нема да дејствуваат на начин што ги влошува овие проблеми. Несигурноста на национално ниво е неподнослива за која било влада или држава. За да се спречи ова, низ целата земја се распоредени сили за спроведување на законот и безбедност за да се неутрализира заговорот на ционистичкиот режим (Израел) и неговиот американски покровител. Во тој процес, безбедносните сили и судските власти на Иран нема да покажат никаква попустливост кон субверзивните елементи."

Се чини дека формулата „нов ден, нов заробен танкер“ станува нова норма за САД.

Видеото го прикажува запленувањето на „Олина“, брод кој наводно служел во руската „Shadow fleet (флота во сенка)“, транспортирајќи венецуелска и руска нафта од страна на специјалци на американската крајбрежна стража во Карибското море.

Венецуела полека се претвора во американска колонија

Авион DHC-8-300 Dash 8-300, кој му припаѓа на американскиот Стејт департмент, слета во главниот град на Венецуела, Каракас.
Дипломатската посета е дел од плановите на САД за повторно отворање на амбасадата во Каракас и враќање на дипломатското присуство во Венецуела.
Делегацијата, која спроведува првична проценка за нормализирање на односите, вклучува дипломатски и безбедносен персонал од Одделот за венецуелски работи со седиште во Колумбија, како и вршителот на должноста амбасадор на САД во Колумбија, Џон Мекнамара.