‏لاتعاملني بشكل سىء كن صريح معي اخبرني بان الدرب اصبح ممل معي وانك لاتريد الاستمرار ، وان كل شىء اصبح لامعنى له ، وانني لست شخص كافي لك ، اخبرني بذالك ولكن لاتعاملني بشكل سىء.

يمكن مبعرفش أساعد حد محتاجنى بالشكل المطلوب بس من جوايا ببقى شايل همه وحزين ليه أكتر منه،يمكن مبعرفش اعبر عن حبى لحد بشكل صريح وكدا بس ببقى نفسى يدخل جوايا ويشوف بحبه قد ايه، يمكن ببقى نفسى اوصل لحد حاجه معينه بس مبقدرش اقولهاله واسيبها للظروف،انا كتوم جدا ومبعرفش اعبر للاسف.

اعتقد مفيش أمان في الدنيا يوازي جملة
" إن الله معنـا "
مهما ضاقت بيك ومهما شوفتها صعبة وملهاش
مخرج ، ومهما شوفتها مستحيلة ، وجود ربنا
معاك قادر يطمنك ، يرد فيك الروح ، يخليك
تحاول مره واتنين ومليون ودي أعظم مواساة
للإنسان حقيقي

في فرق عظيم بين الشخص ال multi character والشخص المنافق ابو وشين ، النوع الأولاني غالًبا هو اللي بيكون فاهم الحياة صح وعنده صحاب كتير بأكتر من استايل ، هتلاقيه مصاحب المحترم والدحيح والشبح والسرسجي ، ممكن في وقت تلاقيه بيرط كلام انجلش كتير وواحد معدي من جنبه يقوله  " اتفضل يا اخويا " بصوت سرسجي حقير ، ده مش بوشين ده بيتعامل مع كل واحد علي حسب عقليته وتطبيق حي لمقولة ( لكل مقام مقال ) ، بيقدر يسد في قعده ناس كبيره بتتناقش في ان الرز عايزين يشيلوه من التموين ، بعدها بشويه ممكن تلاقيه بيلعب مع عيل صغير ويبقي اتفه منه ، ممكن يبقي واقف في Event محترم بلبس شيك وبيتكلم بشكل Formal جداً وبعدها يبقي حمو بيكا في نفسه اول ما يشوف حد من صحابه ، فالنوع ده علي قد ما هو كويس علي قد ما المجتمع بينتقده وبيبصله نظره سطحية ان ازاي فلان التافه بتاعنا بيناقشني في اسئلة في النظرية النسبية او بيقرأ ادب روسي او ان ازاي فلان اللي كان قاعد معانا ع القهوة يبقي دكتور وبيقولنا ازاي نحمي نفسنا من الفيرس ، او ان ازاي فلان اللي البروفايل بتاعه كل تفاهه بيسافر قوافل خيريه او ان علان اللي بيسشور شعره بيفهم في العلوم الفقهية ، فنصيحة لو انت عندك ال skill ديه حافظ عليها وفكك من اي حد انت مش منافق

واللهِ لن تدوم الأيام الثقال
هي عسرٌ ثم يســـرٌ ثم سـرور ف اطمَئــن

لأجل اننا مُسلمون
وتعظيم شعائرِ الله فريضة
طَابَت أعيادُكم برِفقةِ مَن تُحبّون ولا قطع الله عن بيت عيدًا
عيدكم مُبَارك ، وكل عامٍ وأنتم بخير .

‏اللهم ان لك عبداً ينتظر فرجاً قريباً فبشره وعبداً يسألك الشفاء فعافيه وعبداً يريد رحمتك فارحمه 🩵

‏النوم موجود في جميع الأوقات إلا وقت النوم 🫩

اللي عزاك في وفاة حد .. هو اللي تعزيه
اللي باركلك على مناسبة .. هو اللي تباركله
اللي فرحلك تفرحله واللي وقف جنبك تقف جنبه
الدنيا معاملة واللي بيعمل معاك الصح، يستاهل منك نفس الصح، متبقاش بتدي لناس مديتكش، وتقول خليك أحسن منهم، لا… خليك سوي، وعندك مبدأ
ادي كل واحد على قد فعله، واللي يستاهل هتديله من قلبك، واللي ميستاهلش مش هتظلمه… بس مش هتزود عليه
بالبساطة دي هترتاح وهتعيش عارف قيمة نفسك، والناس كمان هتعملك ألف حساب

مافيش مرة استعرصت حد، إلا لما طلع احساسي صحيح...

من الواضح أنني سأظلُّ وحيدًا لو كنتُ إلى جانب أي شخصٍ آخر

أحياناً كل ما نريده هو التقدير فقط وليس رد الجميل

أكتر حاجه ممكن تخلي قلبي يقسي ع حد انه يتجاهل زعلي و ميحاولش حتى يطيب خاطرى بكلمه

عمري ما خسرت حد بإرادتي عمر ما حد هان عليا مهما عمل عمر ما عشره هانت و نسيت ذكريات و اوقات حلوه عمر ما حد زعل مني و قلت يولع دايما حاولت اصلح كــ محاوله و فرصه اخيره مبقدرش انسي الناس بسهوله و مبحبش حد مهم ف حياتي يتحول لصوره و بس او لذكرى تسببلي أذى فا لو خسرنا بعض دي مش من عندي انا متأكد انا بلجألك مره و اتنين و عشره عشان حد مهم عندي مش عشان ضعيف بس بعدها هدوس ع قلبي و ع اي حاجه و اي حد مادام انا هونت واللي بيبدأ بالخساره بيكون اللي قدامي مش انا و ليك مني اللي بشوفه منك لا اكتر ولا أقل

بتنضج لما تبطل تحكي مشاكلك مش عشان who cares ،بس عشان nobody can help

الصمت فى حضرة الفلاحين Emotional Intelligence

‏أعوذ بكلمات الله التامات
من الفقد والإحتياج وعتمة الروح
وكل يأس تأتي به الحياة.

متهيألي إن أغلى هدية مُمكن تقدمها لحد بتحبّه هيّ جُزء من وقتك، وتركيزك، واهتمام صادق من قلبك، حتّى لو بيكلمك في شيء تافه بالنسبالك، المُهم إنّه شيء يهمّه، وإنّه بيحكيلك عشان بيحبّك، أنا عارفه إن الموضوع أوقات كتير بيكون صعب، بس نتيجته بتكون عظيمة، جدًا يعني

نفسي محدش يستنى مني حاجه عشان مش هعملها

بجد نفسي احساسي يطلع غلط علطول بجد حاجه تزعل جدا لما احس ان الحاجه الفلانيه هتقع وتقع فعلا ولا ان الحاجه الفلانيه هتتقطع وتتقطع فعلا ولا الحاجه اللي أنا مستنيها مش هتيجي و متجيش فعلا و ان الحاجه اللي أنا نفسي فيها مش هتحصل و باقي الحاجات تحصل أو أن شخص هساله عن حاجه معينه ف ابقي عارف أنه هيكدب و يكدب فعلا أو أن لما اقعد في المترو واقول إن في راجل كبير هيجي دلوقتي هيسيب المترو كله و يجي يقف قدامي عشان يقعد ويجي فعلا أو أن أتوقع أن شخص هيخذلني و أقصده في حاجه و يخذلني فعلا أو أن مثلا اقوم اجيب الشاحن اللي مرمي محدش معبره و اول ما امسكه يبقي كل الناس عايزه تشحن في نفس اللحظة و انا عارف ان هيحصل كده فعلا مع أنه مرمي بقاله يومين محدش قاله انتا تخص مين حتي و اول ما انا المسه الناس كلها تبقي عايزاه أو أن مثلا أتوقع أن شخص هيسبني من غير سبب ف يسبني فعلا ليه ليه بجد بيحصل معايا كده ليه احساسي صح انا عايز يبقي غلط مش عايز ابقي عارف ايه اللي ممكن يحصل بس لو بصيت ليها من زاويه تانيه ممكن تبقي حاجه حلوه اللي هوا انتا مش بتتفاجئ من اللي هيحصل انتا بيبقي عندك فكره عن اللي هيحصل مش هتتصدم حاجه حلوه زي الخرا في نفس الوقت مرهقه جدا لابعد درجه و مؤذيه جدا بجد كان نفسي اكون غلط

ساعات و إنت بتتعامل مع الناس بتكتشف إن مشكلتك الوحيده هي إن أهلك ربوك .