"Had"

Bizni qay shamollar etdi yuzma-yuz,
Qaysi sukutlar-la qildik ahd-paymon,
Rost bo'lsa, osmondan umidingni uz -
Lek yerda yashash ham bo'lmaydi oson!

Endi, o'zingniki emassan, essiz,
Sochdan tirnoq qadar ishqqa tovunsan.
"Yomonsiz", - deb yaxshi ko'rasan, so'zsiz,
She'rimni o'qiysan,
meni sog'insang.

Ayro bo'lmoqlikdan ayromiz, shoyad,
Shukrkim, toq dunda toq emasman men,
Sensiz baxtiqaro edim bag'oyat,
Va haliyam baxti
oq emasman men!

Hali ulguramiz yonib-kuyishga ,
Bedorlik baxtini ko'ramiz baham!
Haddim yo'q Xudodan ortiq suyishga,
Haqqim yo'q ortiqroq
suydirishga ham!

Rashid Xo'jamov
15-yanvar, 2020-yil

@with_Abendrot

#today

Ikki sabab tufayli oʻzgaramiz:
yo ahvolni yetarlicha oʻrganib, tahlil qilib, oʻzgaramiz yoki yetarlicha adabimizni yegandan keyin, majbur qolib oʻzgaramiz.
Oʻzgarmaslikning esa hech iloji yoʻq.

©Opra Uinfri

Haqiqiy erkinlik bu - xato qilishga berilgan imkoniyat)

Ayol bòlib tuĝilma Sharqda!

Hayot ba’zan musiqa kabi: barcha notalarni, ritmni, hatto kuyning o‘zini yoddan bilasan.
Lekin kerakli paytda to‘g‘ri ohangni bosa olmasang— musiqa chiqmaydi.
Bilim bor, lekin ijro yo‘q— natija yo‘q.

Hayotda ham shunaqa.
Ichingda kimlargadir nisbatan hurmat bo‘ladi, mehring, sevging bo‘ladi, qo‘llab-quvvatlashni, ishonch berishni istaysan…
Lekin qachon aytishni, qachon ko‘rsatishni, qaysi daqiqada “ohangni” boshlashni bilmasang — bu hislaring eshitilmaydi.
Ular bor bo‘lgani bilan, vaqtida yangramagani uchun, go‘yoki umuman bo‘lmagandek ko‘rinadi.
Ana shu nuqtada sen yutqazasan!

Chunki musiqada ham, hayotda ham eng muhim narsa — fursatni topish.
Ohang vaqtida chalinmasa, kuyning qadr-qimmati yo‘qoladi.
Tuyg‘ular ham xuddi shunday: ularni qachon ifoda etishni bilmasang, ularning qiymati nolga tenglashadi!