تقدیم السوون بیوک شاعر استادموز
داوود انتصار
از طرف بهزاد مشگینی

دئسه لر اینانما گورسن یا نیلما

بیر بئله سئرکار اووسن کار اؤلمز

خلقین اورکینده دفن اولان یاشا

اینان مایاشایار سنت کاراؤلمز


انتصار

بو گون مهر آیینین بیرینجی گونو

قویدوم اوشاقلاری مدیرسه یه

بونلاری فارس ائدین قایتارین منه

اؤلوملر موبارک،وای اولسون منه

ایتلر دیللرینده هوره بیلیرلر

قویون اؤز دیلینده مله یه بیلیر

من سه اؤز دیلیمده دانیشانمیرام

منده نه اوز واردی ،داشام-قایایام!

نئجه اود توتمورام،نئجه یانمیرام

حاققی وار تاریخی قیناسین منی

تؤحمت لر،ذیللت لر گلسینلر منه

ییغیلسین دونیالار،گولسونلر منه

بو نئجه دورومدو،بو نئجه حالدی

بیر شاعیر کی خالقین تمثیل ائدنمیر

اونا دوغروداندا اؤلوم حالالدی

دوشونن مه میشم اؤز گره ییمی

گومان گلمیشم کی فقط دونیادا

قارنیمی دویورام،بیر گؤبگیمی

ییغیلین اوشاقلار،تاپیلین گلین

داش-قالاق ائله یین بو انتصاری

آنا دیلینیزی ساخلایانماییب

دوغما حاقلاریزی حاقلایانماییب



انتصار
@davodentesar

انتصار

انتصار
۱۳۶۴/۱۰/۱۲

اولماز

آغزین تمیز ساخلا سؤزون پاک اولسون
پیس یئردن یاخشی سؤزبویورماق اولماز
قوپان یاپیشیلار سینان دوزه لر
هئچ وعده لاخشایی قایتارماق اولماز

آغری آچیق یئملی اولماز مزه لی
دئمه زامان کئچر گلیب دوزه لی
آلما بو دونیادا هرزه گؤزه لی
نفسی سولنگینی دویورماق اولماز

گئتدیجه چاغ دؤنر روزگار سووار
ائتدیکین اعمالین بیرنیوی اووار
سورتوک آرواد گلر سیرتیق قیز دوغار
دا ، اتی دیرناقدان آییرماق اولماز

"انتصار"چیی ایشه نه اوی نه بیتیش
فیکیر سیز هر عمل اولاجاق گولوش
خمیرین ایشینه اوننوقدا یئتیش
دا بیشمیش چؤره یی یوغورماق اولماز


انتصار

۰۰۰شئعیر۰۰۰

اییله ییر ایزینی گزیر رددینی
قیزیل میداللاری سوله نیر شئعیر
دوشورقاپی قاپی واریرطاغ باطاغ
باشی قولتوغوندا دیله نیر شئعیر

داها دؤزمک اولماز بوندان بتره
الی بوشالدیقجا اوز اولور قره
هردم بوغاز اولور گاه گئدیر اره
هرنه جور سئویرلر ائله نیر شئعیر

اوخومامیش اتیرباخمامیش دویور
شعورونا کرکینیر فیکرینی سؤیور
یانچاغي باتما سین آلتینا قویور
یانچاغین ساخلاییر بلنیر شئعیر

اوزو باغلایبدیر چوخداندیر لپیر
اؤزونو قولتوقدان قولتوغا ،تپیر
آیاقلارا دوشور اللردن اؤپور
ساققالدان ساققالا چیلنیر شئعیر

یئنه ناغیللانیب گؤیه چکیلیر
اووجی آچیلدیقجا بئلی بوکولور
گئت به گئت اوزونون سویوتؤکولور
سورتولوب سیرتیلیب تیلنیر شئعیر

سؤکولوب داغیلدی آییق دویوغی
دولانیر اللرده اردوو سویوغی
چیرپی نیب یولونوب قانادقویروغی
سویولوب لوتویوب توله نیر شئعیر


گاهدان قزل لنیر گاهدان زیل لنیر
آیاغی کسیلیر بوینو پیللنیر
بیرینه قیرجانیر بیرده حللنیر
توپورجک التینا النیر شئعیر

انتصار

باخیشلارین کیله دیر
لاپ دا بیله بیله دیر
بیرباخیشا بیرعؤمور
آغیر ماعامیله دیر

قم یئلی اسدیرمی سن
آرانی کسدیر می سن
لال اولاسان آی دیلیم
گؤرکیمی کوسدورمی سن

سینه ن قوزای قاری دیر
هر نه دئسن واری دیر
یئمیشم باخیش لارین
قیشی مین زوماری دیر

اوره ییمی سیخما سان
تالئعیمدن چیخما سان
روحوم جانیمدان چیخار
سن یادیمدان چیخماسان


منه دئدین دلی سن
سن عشقین ازلی سن
بالا منده گوناه یوخ
سن ده چوخ مزه لی سن

انتصار

یاغشلارین آدی
انتصار

قار یاغماغلار

ساباها کئدن یوللار