سطووووووب نرجع دحين على المحتوى الاساسي

ويتم الترتيب بالمواضيع المهمه وحذف المواضيع الغير مهمه بعد اسبوع

خليت GPT يكتب الكلمات الجديده الي تعلمتها في الاستماع ويخليها في جمله ويشرحها لكن بالانجليزي.
حركه اقيمها 10/10

توفر عليك وقت وجهد وانت تدور الجمل (( اصعب حاجه بالانجليزي انك تحصل جمل عن الكلمه الي تعلمتها ))

+ انت حسب مستواك باللغه تحدد نوع الجمل الي تبيها حرفيا شي

اخخ كان ودي ادش مع انغامي دويتو لكن الالتزامات والتفاضل والتكامل 🥹

‏رياضيات متقطعه - الحاسب الالي
‏تفاضل وتكامل - فيزياء + كهرباء
‏تفاضل وتكامل + جبر خطي - ذكاء اصطناعي
‏احصاء - تحليل بيانات
‏طوبولوجيا - شبكات + والهيكله

ماقول الا هالله المستعان اكره ماعندي الرياضيات وتخصصي عباره عن كلو رياضيات

سوباراشي = رائع + عظيم
ايتشينيتشي = يوم
ناندا = صيغه تأكيد

بعد دراسه اللغه الروسيه ببرنامج Duolingo

انهيت 45 مستوى
مدت تعلم ل 300 يوم متواصله 🔥
دقايق تعليم 8174 دقيقه يعني 136 ساعه و 14 دقيقه قضيتها تعليم


حبيت حركتهم يسوون ملخص سنوي وبوه احصائيات تعلمك الي حققته خلال السنه

#English

اكيد سمعتوا بمصطلح اسمه ( خيف على القلب )

امثله بسيطه :
1- فلان يا ماشاءالله عليه رزه وخفيف على القلب

2- فلان صج انه صعوه واهبل لكن والله يا انه خفيف على القلب

وامثله واجد لا تعد ولا تحصى اكيد انقالت لك هالكلمه سواء كانت مدحه او كانت ذمه وتسبقها بمدحه

عالعموم هذه هو برنامج Duolingo حرفيا برنامج خفيف على القلب ومسلي حيل تستانس بوه لما تاخذ نقاط وتتنافس مع ربعك

وغير هذه انا اشوفه بالنسبه لي توب التوب بالبرامج تعليم اللغه لأنه جميع مستوياته تقدر تدرسها عكس البرامج الثانيه الي يقولك المستوى هذه ماتقدر تدرسه الا تدفع اشتراك بالعكس برنامج Duolingo يعطيك كل مستويات الدروس مجاني يعني مافي احتكار للتعلم اللغات

دايم نسمع بالبدايات البدايات البدايات ويابدايات المحبه ويا نهايات الوله ومصطلحات واجد صوب كلمه البدايات

لكن تبي بدايه حلوه تبدي فيها ونهايتها ترضيك اتم الرضى ؟؟ البدايه الي انك تقرر تحمل البرنامج وتبدأ بوه ياخوان والله حرفيا شي اقيمه 100 ناحيه البدايات لأن اول ماتبدأ بوه حرفيا يعطيك حافز تستمر للنهايه

ويخليك شخص مواظب بوه سالفه الستريك هذي واذا انت شخص تحب الارقام والنيران المشتعله صدقني لا اراديا بتشوف نفسك تدخل للبرنامج تاخذ درس ولو دقيقه بس عشان ماتخسر ايامك المتواصله

اوكي طبعا الحلو مايكمل وانا بالنسبه لي عندي سلبيات حول البرنامج وبذكرها ((احب ليا مني عطيت معلومه اتكلم عنها من جميع النواحي للتخفيف من علامات الاستفهام والحماسيه على الفاضي ))

عندي ثلاث سلبيات

السلبيه الاولى : البرنامج ابد مو كافي اذا كنت تبي تصير بلبل باللغه هو يعطيك كلمات لكن انت ماراح تعرف كيف تستخدمها بالسوالف لو جيت تمارسها فا يعني هو يفتح لك الطريق بنسبه 40٪ والباقي 60٪ عليك انت لازم يعني مثلا الكلمات الي تدرسها تروح تسجلها وانت تبحث وتسعى لين تحصل جمل فيها هذي الكلمات

السلبيه الثانيه : القواعد مرات ضعيفه شرح القواعد بوه مو حيل غوي لازم تدور على مصدر ثاني عشان تستوعب ليش الجلمه انقالت بهذه الشكل

السلبيه الثالثه : هي يمكن مش سلبيه لكن بالنسبه لي سلبيه الي هي تكرار وايد حرفيا مرات تحس انه قاعد يكرر عليك نفس الجمل والكلمات … لكن لو تفكر فيها عدل تراهي تعتبر ميزه مش سلبيه لأنها تفيدك تلصق المعلوومه والكلمه براسك لكن بالنسبه لي انا ماعندي وقت للتكرار ابي اتعلم بسرعه


مختصر الكلام :
صراحه Duolingo افضل برنامج عشان تبدأ بوه ويفتح لك الباب على اللغه الجديده بس اذا صرت جاد وتبي تتطور اكثر لازم تدعمه ببرامج ثانيه او تسمع افلام ومسلسلات وتشوف ناس تسولف باللغه اللي تتعلمها

#English

مبدئيا يعني دعواتكم 🤍

اهلا🙋🏻‍♂️

العموم سويت تجربه بيوم 11 نوفمبر للي يذكرها قبل لا احذف نص محتوى القناه والان احنا بيوم 11 ديسمبر واقدر اقول تجربه ناجحه وضبوطه 🔥