هذه ماتشوفون مثلا شخص يكون من اهل الجنوب لكن قضى كل مراحل حياته منذ الولاده وهو بالشرقيه لكن لو تكلم معك ماتحسه ابدا من اهل الشرقيه ولا حتى طبعه وتصرفاته مع انه هالشخص مولود بالشرقيه وكل اهله وناسه بالشرقيه ويعرف الشرقيه اكثر مو الجنوب لكن تصرفاته ماتوحي ولا كلامه هنا يكون السبب من البيئه هو انولد بالشرقيه لكن اول لغه عاميه سمعها واستوعبها عقله هي الي طلعت من لسان امه وابوه واهله وصلت الفكره صح

ترا الديزاين خربته ورجعت المروحه على قطعه خشبيه الصج فكره جدا كانت فاشله اني اثبت المروحه على ريول كرسي 🪑

يليت عاد على كرسي خشبي ولا حديدي تهون المشكله على كرسي بلاستك هالله المستعان هذي مشكله تضارب الافكار الكثيره ومع الاستعجال بتطبيقها

اكره شي بيمر عليك كمهندس انك تلف الملفات

شغله تتعب بس التجربه تستاهل

ياخوان كنت مسوي غلط لو ربطت الملفات بشكل غلط راح يلغون بعض (:، وانا اقول وش بوه الفولت قليل اصلا مو فولت كامل قاعد اشتغل مع mV هههههههههه، بس الرياح بلاش تخيل كل ثانيه 200mV وانت ماتسوي شي


الفكره تشتغل بس لازم احسنها ميكانيكا وبس، ماعندي براغي تناسب الحديد ولازم ادوررر، المهم هي تشتغل وتقدر تحسنها، بكمل فيها اليوم ويمكن باتسر وخلاص نروح شي جديد

نرجع نلف الملفات من جديد 😍💔

الحين طلعته من 15mv الى 30mv ادري الرقم تافه بس ياخي الامكانيات، ولازم الملفات تجي فنفس المحور وكلشي مرتب عشان تطلع بافضل جهد، شوف افضل حل تجيب موتر جاهز وكلشي مرتب فيه زي حقين المكنسه الكهربائيه، بس المشكله الحديده لازم تكون خفيفه عشان تحركها الرياح فهمت (:

عاد حقين التحصيلي ركزو

مكتشف الحث الكهرومغناطيسي الي سويته لكم قبل كم يوم هو العالم فاراداي

مكتشف الالكترونات العالم طومسون

ومقياس الجهد الكهربائي بالفولت

يجيك سؤال شنو رمز الفولت رمزه من اسمه V انتبه انك تحط mV

رمز mV هذه مليفولت ويستخدم لمقياس فروق الجهد الصغيره انتبهو بالنقطه هذي

جاء الاتماس بأهم قطعه 😍

الي راح يصير يوم ريحه الكهرباء تروح برجع احاول من جديد اتأكد بوه امل تضبط القطعه ولا خلاص احترقت عقب الاتماس اذا ضلت خير على خير نكمل ماضبطت نوقف موضوع التروبين ونحول على الراديو (:

الالتزام انك تدرس بشكل منظم لا تعتمد على العشوائيه.. يعني ادخل دوره مرتبه لتعليم الانجليزي او التزم بمنهج في معهد او تابع قناه يوتيوب مخصصه لتعليم الانجليزي وانا اشوف قناه ابراهيم عادل ثقه الثقه شوفها من البدايه بترتيب.. عشان تتعلم القواعد والاساسيات صح.

التعرض انك تعيش اللغه خلها جزء من يومك يعني مثلا غير لغه تلفونك الى الانجليزي تلعب كود موبايلي حول لغه اللعب انجليزي فاهمين الفكره صح وانا اشوف انك تحول التلفون كامل مع البرامج بلغه انجليزيه وغير هذه حاول انك تسمع اللغه الانجليزيه يعني طالع
وثائقيات، بودكسات، يوتيوب، افلام، تكون باللغه الانجليزيه يعني مثلا تشوف بودكاست باللغه الانجليزيه لا تسوي ترجمه للعربي ابدا اول شي طالع مرتين بالإنجليزي بدون اي ترجمه والمره الثالثه شغل الترجمه فهمت كيف الفكره الغايه من التعرض تخلي الكلمات تبدأ تركب بمخك لحالها

الان لو اقولك بوه مغربي درس اللغه الفرنسيه من الابتدائي لين المتوسط اما الثانوي درس فقط انجليزي طبيعي بيجي ببالك ان هذه المغربي باللغه الفرنسيه بلبل عكس الانجليزيه لأنه درس اللغه الفرنسيه وهو طفل لين المتوسط يعني 9 سنين وهو يدرس فرنسي و 3 سنين درس انجليزي لكن الي حصل مختلف المغربي يفهم اللغة الانجليزيه ويتكلم فيها بطلاقه اكثر من الفرنسيه والسبب هو التعرض تلفون باللغه الانجليزيه ولو جته مهمه يبي يخلصها باللعبه طبيعي المهام تجي باللغه الانجليزيه ولو صارت عنده مشكله بالابتوب حقه يطالع محتوى انجليزي حتى لو انه مايهم لكن كان يستمع للغه ويطبق والتعرض لحاله يسوي فرق

هذه ماتلاحظون لو بوه شخص مييح باللغه مايفهم فيها وفجأه قرر يسافر ومعتمد على ترجمه قوقل هذه نفسه لو رجع من السفر بتحسه واو عنده مصطلحات ويفهم انجليزي ما كأنه هالشخص الي كان قبل لا يسافر وهذه يرجع السبب هو التعرض الشخص فجأه اللغه الانجليزيه صارت بحياته جدا طبيعي راح يتعلم