إذا صارت الليله موحشه وطويله والمذاكرة جاده وحاده ما بوه احسن من صحن حريره يدفي العظام ويروق المخ وبجنبه كم حبه تمر قصيمي أصلي هذا مو بس اكل او سناك. هذا بنزين التركيز اللي بيخليك تختم الكتاب وتجيب الدرجه الكامله بأذن الله وغير ذا شحكيلك عن النشوه الي بتجيك وتخلي فيك نشاط لدرجه انك تتأمل قانون نيوتن للجاذبيه 7 ساعات على امل انك تحصل ثغره تخترق فيها قانون نيوتن وتطلع قانون خاص فيك !

ترا ابدا مش وجبه عابره هذي خصوصا بوقت طلب العلم والاجتهاد بوه انا اصلا اشوفها اداة برمجيه اكثر من كونها وجبه

الشوربه الساخنه تدفي العضام وتغدي الجسم عشان جسمك مايخونك بطول السهر ويحل بوه التعب واما القليل من حبات التمر القصيمي السكري عشان السكر يوقد بوه عقلك ياطالب العلم عشان يحفظ ويستوعب بسرعه

ورب النفّاثات في العُقد انها اداة لبرمجه الجسم وليس وجبه لتملى المعده

-

اوكيييي نصيحه وقت تعلمك الانجليزي خل عندك هدف لا تمشي عشوائي او تتعلم انجليزي بدون اي هدف ومعنى لأن بوقتها ماراح تصمل ولا راح تستفيد شيء معروف اذا مافي هدف = مافي تحفيز

يعني لازم تعرف مثلا انا ليش اتعلم الانجليزي وكل ما كان عندك دافع غوي بأذن الله بتكون مستمر وتحقق مبتغاك

قبل كل شيء سجل على ورقة أو على تلفونك: ليش ابي اتعلم انجليزي ؟ طبعا انا عن نفسي كتبت لكم بالبدايه القناه الدافع الغوي بالنسبه لي والي خلاني اتعلم (: مايحتاج اكتب فا انت اكتب يكون الدافع هذه بينك وبين نفسك وكل ما جتك انتكاسه تشوف الدافع الي اساسا خلاك تدش تتعلم الانجليزي

طبعا وقت التعليم كل واحدن وجدوله وتركيزه على مهاره معينه بالانجليزي سواء كانت

قراءه . استماع . محادثه . كتابه

لكن كانصيحه ركز على الاستماع حاول انك تسمع قد ماتقدر حتى لو كنت مو فاهم المهم اسمع انا اقولك ليش الاستماع اهم

لأن انا بالنسبه لي اشوف مهاره الكتابه والقراءه مو بذيك الاهميه لأن احنا من الاساس متأسسين فيها بالمدارس منو فينا بالمدرسه ماقراء قطعه باللغه الانجليزيه منو فينا ماكتب باللغه الانجليزيه منو فينا ماصار خطه بالانجليزي احلى من خطه بالعربي ؟ هذي ترا هي مهاره القراءه والكتابه انك تقرا بالانجليزي وتكتب وهذي كلنا اظن طبقناها بالمدرسه

واذا انت تدرس استغل حصص الانجليزي مثلا تكلم مع الاستاذ انجليزي عادي راح يتجاوب معك هشكل انت قدرت تطور مهارتين مهاره المحادثه انك تحدثت باللغه وطورت عندك مهاره الاستماع

و كامعلومه بسيطه الانسان لو يبي يتعلم اي حاجه لازم يستقبل المعلومات الي يبي يتعلمها اكثر بكثير من انه يطبقها سواء كتابه او محادثه واقرب مثال هذه احنا صغار شلون تعلمنا اللغه العاميه ابد نسمع اهلنا فقط حتى لو ماكنا نتكلم ولا نعرف نكتب لكن العقل شغال وقاعد يستقبل كم هائل من المفردات

هذه ماتشوفون مثلا شخص يكون من اهل الجنوب لكن قضى كل مراحل حياته منذ الولاده وهو بالشرقيه لكن لو تكلم معك ماتحسه ابدا من اهل الشرقيه ولا حتى طبعه وتصرفاته مع انه هالشخص مولود بالشرقيه وكل اهله وناسه بالشرقيه ويعرف الشرقيه اكثر مو الجنوب لكن تصرفاته ماتوحي ولا كلامه هنا يكون السبب من البيئه هو انولد بالشرقيه لكن اول لغه عاميه سمعها واستوعبها عقله هي الي طلعت من لسان امه وابوه واهله وصلت الفكره صح

ترا الديزاين خربته ورجعت المروحه على قطعه خشبيه الصج فكره جدا كانت فاشله اني اثبت المروحه على ريول كرسي 🪑

يليت عاد على كرسي خشبي ولا حديدي تهون المشكله على كرسي بلاستك هالله المستعان هذي مشكله تضارب الافكار الكثيره ومع الاستعجال بتطبيقها

اكره شي بيمر عليك كمهندس انك تلف الملفات