اول شي الف مبروك حق الي قفلو على التحصيلي تستاهلون الفرحه عقب هالتعب والضغط . والي ماجاب الدرجه الي بخاطره ماعليه والله يمكن خيره من رب العالمين ولا يضيق خلقك

ترا عادي انا بنفسي ضاع من عمري سنه كامله ليتن وقتها شاد حيلي ومتدارك عمري وقفلت بدري ولكن الحمدالله بديت متأخر وتداركت الوضع وقمت اذاكر ولا اخفيكم مرات اذاكر وانا ابجي هههههه ما ابجي بمعنى الحرفي لكن تجيني ضيقه ضيقه تعرف يوم تكون حابسها حبس ومن اتفهه سبب تمطر هههههههه صارت معي مره المهم ماعلينا لكن مع الضيقه هذي فجأه بيوم وليله سلكت معي تيسرت من الله والحين انا تخصص هندسه حاسب وبالتخرج من الجامعه شهادتي شهاده مهندس

وكل هذه وانا كنت مالي ومال التحصيلي ولا هو جوي وفجأه ضبطت معي. اجل شلون انت يالي تعبت وسويت الي عليك بس ما الله كتب انك تقفل هالمره ؟ انا متأكد ومتيقن يقين بأذن الله انك بتشد حيلك بهالاجازه ومع اول حجز تدش الاختبار واجيب السكور الي كان بخاطرك وعساك المئويه ان شاءالله

الشيي الثاني

ياخي والله ياحظي حظاااه الان سعيد سعيد سعاده اسبوعين قدام لو تجييني مسأله تكامل واتعب واحلها وبالاخير تطلع تكامل بالتجزئه مستحيل اكتئب ههههههههه

ياخي بوه 3 كان عندهم تحصيلي ومن كثر ماهم عزيزين علي قلبت حسابي هذه كلو تحصيلي وقدرات حرفيا مرت مواقف واجد مره اروح ادور ملف لهم ارسله يستفيدون منه ومره لو مسأله مو فاهمينها اخذها واروح ارسلها لقروب عشان يحلونها مع شرح ياخي مسكت مره اني ادخل خاص شخص اسئله شنو نظام نمر الجديد ومدري شنو واخذ من كويزات اللفظي حقت قروب مكافح عشان ارسله لهم ههههههه والله لو اخاوني مو هشكل

لكن الحمدالله تعبي ماراح على الفاضي قفلو على التحصيلي بس واحد منهم بعر رفع ضغطي مو مقتنع بالدرجه الي جابها مع انها حلوه

والله شي حلو استانست كنهم عيالي قفلو على التحصيلي وهو فعلا لو مو معتبرهم عيالي ماتعبت ادور لهم واساعدهم بالاسئله الي مستصعبينها

الشي الثالث

لاهنتم يا حلوين الي عنده كتب انجليزيه تخص اكسفورد

بالله يرسلها لي بصارحني مع مستوى الكتاب اذا مبتدأ او متوسط او متقدم ولو عندك كتب بس ماتدري هي شنو مستواها عادي ماعليه ارسل وانا ببحث عنه

ناوي اسوي مجلد واجمع داخله كل الكتب الي تخص اكسفورد تكون بشكل مرتب ان شاءالله

يعني والله الحال من بعضه يا دولينجو الشكوى لله

طبعا حطيت لنفسي ان هذه اخر يوم اتعلم ياباني المفروض 10 يوليو اوقف لكن 10 يصادف الجمعه يعني وقت عطلتي فا هذه اخر يوم.. حسيت خلاص اخذت كفايتي وابي اركز على اشياء ثانيه ممكن ارجع اتعلم بعدين اما الحين لا بركز على حاجتين من هذولي الاشياء

الكهرباء - 3D - التصميم بالذكاء الاصطناعي - اسحب عليها كلها وانام

وشهر تمانيه عاد ممكن نقول ويلكم تو جبانيز 🤷🏻‍♂️

عاد لقيت كلمه بالمعجم لفتت انتباهي

طريقه لفظهم للكلمه لفت انتباهي

الي لفت انتباهي انهم سارقين اللفظ من العرب تبااا لهم

سبب استنتاجي :

اول شي مرأة ( بكسر الميم ) معروفه المنظره واذا صارن 3 منظرات يم بعض يسمونها العرب مراءٍ ( بفتح الميم ) حلو حلو

واذا صارن وايد اكثر من 3 يسمونها العرب مرايا

واذا احنا كنا نسولف الفصحى فا بنقول مثلا : فلان يتراءى بمعنى مجابل المنظره او ملصق السيف بوجهه يشوف انعكاسه

وقال ابو زيد ( سعيد بن أوس الانصاري ). رَأْيْتُ الرجل تَرْئِيَةً يعني مسكت له المنظره عشان يشوف نفسه

فا اليابانيين ماعندهم كلمه اصليه تخصهم بمعنى منظره فالي سووه حسب استنتاجي راحو خذو نفس اللفظ الكلمه بالعربي المحرف من جمع مرايا ونحتوها لين ماصارت تنكتب عندهم بهالطريقه ミラー

اما نطق ينطقوها مثل نطق العرب

تبااا لهم حلاله من رفع عليهم كوبي رايت وينك يا ابو زيد عنهم

1- حمل نتفلكس بدون لا تسجل دخول

2- ادخل موقع سفاري ( سفاري حصرا ) سفاري سفاري سفاري

3- تلصق الرابط بالبحث

4- يحولك على برنامج نتفلكس

5-تجيك رساله تسجيل دخول حط تسجيل دخول

6- صلو على النبي ( اللهم صلي وسلم على سيدنا محمد )

هذه الرابط

https://netflix.com/unsupported?nftoken=Bgj6uevcAxLCAbQjKapVNOz91mLBQ2EzEIBRlXG67ugyZGAzP5T7l/Na8nNHjjRuQq6AQ2EHhjQukZCybxw0ZqenDrH2UKsgUREquAeLsHVH+p37mdX9JVQAiSjEdoRfR1U0TWqiP1m+AnL/IwhVAKzTINAM0D1c3Oe1B/JblKwA2W9f8i9Vx8qdAz1HDHr6f0kz6VX443sQwrkv5XuwpykJsjrVMlfB8ojiGOEMTqVTXmomwtd+/EdeAgmCo8D8LAyPjr2nKagaA6YzGAYiDgoM2FmRqjX4fnr0g1Ly

ما احوووب نتفلكس ولا اييد اي شخص يضيع فتره الاجازه على مسلسلات وافلام هابطه

لكن عاد المقصد هو الافاده اي شغله احس انها تفيد سدحتها دايركت

لعلها تفيد شخص كان يبي يضيع كم فلس على شي تافه مثل مسلسل دكستر 🤷🏻‍♂️

فلوسك اشتر فيها شورما صاروخ بطنك اهم واولى تدفع عليها

الوكاد احفظو الرابط عندكم

لأن لو سجلت دخول وبعدين رجعت دخلت ثاني مره بتحصل نفسك مقشوع من الحساب وماتقدر تدخل فيه الا تلصق الرابط من جديد على سفاري ويدخلك

وبعد انا ممكن ممكن راح احذفه بعد صلاه الجمعه
لأن النيه انشر الرابط بقناه تكون خاصه

لكن ابتلشت مو قادر اسوي قناه قامعيني التيليقرام فا اتس اوكييي وصلت

اوفييه معدل المشاهدات يداً طيب

العموم متوجه للسعوديه صوب مكه (اعتمر) وصراحه وناسه بالحيل تعرف يوم قلبك يرقع بوم بوم بوم دقات سريعه حرفيا انا قلبي الان هشكل من شده الوناسه . واذا خلصنا مناسك العمره ان شاءالله سيده للاردن

ادري اني ساحب سحبه غويه لكن طوفوها هالمره فتره بسيطه وبنعيد احياء القناه

استودعكم الله ولا تنسونا من دعواتكم بالقبول والتيسير.. وابشروا بدعاء بظهر الغيب بوسط الحرم 🤍

الله يوفقكم ويرزقكم طمأنينه القلب وراحه البال ويكتب لكم القبول بكل خطواتكم

نشوفكم على خير

اللهم لك الحمد

احلى انجاز يستحق يتسجل والله واحلى سنه بتكون بعد سنه 2025