سلموليي

الوكاد حلاله من صكعني بجلوتي استااااااااااااااااهههللللل

اخييه بس تخيلو سحبت على المذاكره والعلم والتعلم يومين وسحبت على المشي وخربت اوقات نومي عفست روتيني كلووه

وكل هذه بحجه اني صايم امحق عذر والله

حلووو جوهم والله نسوني شنو كنت بكتب

المهم كان يمديني اكسب اجرين اجر الصيام واجر السعي بالتعلم وانت صايم لكن على قوله العراقيين اني بييااا دوده فعلا فيني دوده ولا كان اقدر اذاكر تكامل وانا صايم عادي المكيف يهفهف فيني مامن تعب لكن ماش الدوده اشتغلت فكرت دام الوضع صيام يومين وكل البيت صايم خلاص نخربها ناخد راحه يومين والصج يليتن ما خذيت

لأن يوم فكرت فيها يومين هذي كان اقدر فيها اخلصلي 5 معادلات تكامل بالراحه

وااقفل على قسم الحيوانات اعزكم الله باللغه اليابانيه لكن الشكوى لله

لكن بعوضها مع انه الجمعه ما اقدر صعب لكن السبت ضرورييي اقفل على الي سحبت عليه بهاليومين

نظامي ماشي على هالمبدأ

من الاحد لين الخميس كلوو تعلم سواء مهاره جديده او مهاره قديمه امارسها لا انساها والوكاد اي شي ينفعني بدنيتي واخرتي قاعدن اطبقه مع انه بوه مهام ما اسويها لأن اكون حرفيا مشتت

اما الجمعه اووووف اوووف اوووف مافي شي اسويه

والسبت اقعد اسجل كل الي اكون ناوي اسويه او ممكن اسويه وممكن لا اسجل كل الي بسويه خلال الـ 5 تيام الجايه

ولو شفت السبت وضعي فاضي استغل اني اسوي اي حاجه كاتب اني بسويها يوم الاحد اسويها السبت دام عندي وقت

فهمتو الفكره كيف اكتب المهام ولو شفت نفسي فاضي وسويت مهامي حقت اليوم الفلاني وماعندي شي اسويه بس عندي وقت فراغ كامل اروح اشوف المهام حقت اليوم الي الثاني اسوي الي تعجبني ومرتاح فيها وهذه افضل شي عشان باليوم الجديد تصفى لك 3 مهام او مهمتين تسويها وتسويها وانت على راحتك بدال لا تكون مجبور تنهي 6 مهام خلال يوم واحد وترا الوقت لو صار ضيق الشخص ماراح ينجز ابدا

ياخي في حاجه ببالي بوصلها لكن احس ماضبطت حاول عاد تقراء مرتين ثلاث ممكن تفهم الي انا اقصده

اثااار الهرنات لعبت بويراتي صراحه الي صارت الفكره براسي بس شرحها ما قدرت اجيبه

68 والله حلو اطقلكك تحيا الي حولت 🫡

القناه عاد لها فتره خربانه اي شخص لو حول رساله سواء على قناه او بالخاص ماتطلع لي اي احصائيه مدري شنو السبب جربت اغير الملكيه حقت القناه لحساب ثاني وماكو اي فايده كأن ميزه الاحصائيات تبخرت اختفت

فا الي يحول سواء للخاص ولا لقناه يعطيك العافيه وجزاك الله خير

السلام عليكم ورحمه الله وبركاته

اول شي الف مبروك حق الي قفلو على التحصيلي تستاهلون الفرحه عقب هالتعب والضغط . والي ماجاب الدرجه الي بخاطره ماعليه والله يمكن خيره من رب العالمين ولا يضيق خلقك

ترا عادي انا بنفسي ضاع من عمري سنه كامله ليتن وقتها شاد حيلي ومتدارك عمري وقفلت بدري ولكن الحمدالله بديت متأخر وتداركت الوضع وقمت اذاكر ولا اخفيكم مرات اذاكر وانا ابجي هههههه ما ابجي بمعنى الحرفي لكن تجيني ضيقه ضيقه تعرف يوم تكون حابسها حبس ومن اتفهه سبب تمطر هههههههه صارت معي مره المهم ماعلينا لكن مع الضيقه هذي فجأه بيوم وليله سلكت معي تيسرت من الله والحين انا تخصص هندسه حاسب وبالتخرج من الجامعه شهادتي شهاده مهندس

وكل هذه وانا كنت مالي ومال التحصيلي ولا هو جوي وفجأه ضبطت معي. اجل شلون انت يالي تعبت وسويت الي عليك بس ما الله كتب انك تقفل هالمره ؟ انا متأكد ومتيقن يقين بأذن الله انك بتشد حيلك بهالاجازه ومع اول حجز تدش الاختبار واجيب السكور الي كان بخاطرك وعساك المئويه ان شاءالله

الشيي الثاني

ياخي والله ياحظي حظاااه الان سعيد سعيد سعاده اسبوعين قدام لو تجييني مسأله تكامل واتعب واحلها وبالاخير تطلع تكامل بالتجزئه مستحيل اكتئب ههههههههه

ياخي بوه 3 كان عندهم تحصيلي ومن كثر ماهم عزيزين علي قلبت حسابي هذه كلو تحصيلي وقدرات حرفيا مرت مواقف واجد مره اروح ادور ملف لهم ارسله يستفيدون منه ومره لو مسأله مو فاهمينها اخذها واروح ارسلها لقروب عشان يحلونها مع شرح ياخي مسكت مره اني ادخل خاص شخص اسئله شنو نظام نمر الجديد ومدري شنو واخذ من كويزات اللفظي حقت قروب مكافح عشان ارسله لهم ههههههه والله لو اخاوني مو هشكل

لكن الحمدالله تعبي ماراح على الفاضي قفلو على التحصيلي بس واحد منهم بعر رفع ضغطي مو مقتنع بالدرجه الي جابها مع انها حلوه

والله شي حلو استانست كنهم عيالي قفلو على التحصيلي وهو فعلا لو مو معتبرهم عيالي ماتعبت ادور لهم واساعدهم بالاسئله الي مستصعبينها

الشي الثالث

لاهنتم يا حلوين الي عنده كتب انجليزيه تخص اكسفورد

بالله يرسلها لي بصارحني مع مستوى الكتاب اذا مبتدأ او متوسط او متقدم ولو عندك كتب بس ماتدري هي شنو مستواها عادي ماعليه ارسل وانا ببحث عنه

ناوي اسوي مجلد واجمع داخله كل الكتب الي تخص اكسفورد تكون بشكل مرتب ان شاءالله

يعني والله الحال من بعضه يا دولينجو الشكوى لله

طبعا حطيت لنفسي ان هذه اخر يوم اتعلم ياباني المفروض 10 يوليو اوقف لكن 10 يصادف الجمعه يعني وقت عطلتي فا هذه اخر يوم.. حسيت خلاص اخذت كفايتي وابي اركز على اشياء ثانيه ممكن ارجع اتعلم بعدين اما الحين لا بركز على حاجتين من هذولي الاشياء

الكهرباء - 3D - التصميم بالذكاء الاصطناعي - اسحب عليها كلها وانام

وشهر تمانيه عاد ممكن نقول ويلكم تو جبانيز 🤷🏻‍♂️