⁣💌 وصلتك رسالة جديدة
⏱ وقت الرسالة: 2026/06/04 - 03:19:55 PM
----
https://t.me/Dataengo/1691

يعطيك العافيه ومشكور على الشرح . بسألك انا لابتوب واستخدم powerpoint واصداري مدري كم لاكن اضن 365 وش الفرق بين 365 وبين 2021 وتنصحني احول ولا اخليني على اصداري ؟ مشكور مقدماً 🙏
----

- تبرع لإستمرار عمل بوت صارحني 🎁

سؤال يداً جميل ويستاهل نتعمق في تفاصيله

الله يعافيك مبدئيا يعني حمل 2021 وانت مغمض وانت ترمش وانت على عين وحده

اما بخصوص شنو الفرق بين هذه وذاك وانصحك وما انصحك عاد هذي خلوها بعدين ارسل لكم رساله توضيحيه وتعرفون شنو الافضل وشنو الي يخدم استخدامك . متى بعدين على حسب انتم وحظكم بالدنيا يمكن باجر بعز الصبحيه بعد ما اتريق زعتر ويمكن المغرب من يوم السبت ويمكن الا يوم غير معلوم

للامانه صاير انزل على حسب النفسيه والنفسيه الايام هذي متقلبه فا الله يعين الجميع ويوفق الجميع

الحين ابد ما اقدر ارتب افكاري عم اقز بالافنيوو

اوكييي جتن الطاقه اني اكتب وخير مانبدأ بوه نرد على هالسؤال

ياخي الي ينطي قلب على الاقتباسات اتعبتنييييييييي

الوكاد انا مدري راعي السؤال هو مشترك ببرامج اوفيس اصدار 365 او لا لكن بتكلم بشكل عام بين شخص يستخدم اصدار 365 نسخه مجانيه بدون اشتراك وبين شخص يستخدم نسخه 2021 بكود تفعيل

1️⃣ برنامج كامل وبرنامج مقصوص

اوفيس 365 المجاني : مايكروسوفت الصهيونيه ماراح تعطيك برامج كامله تنزلها على اللابتوب مجانا المتاح لك بنسخه 365 هو فقط نسخه ويب يعني يوم تفتح البرنامج ما كأنه برنامج محمله لا كأنك تستخدم متصفح او برامج بالحيل خفيفه وتجيك مقصوصه الميزات وفوق هذه تجبرك تكون متصل بالانترنت 24 ساعه عشان تقدر تعدل ملفاتك

-
-
-

اوفيس 2021 المفعل : يعطيك البرامج كامله داخل جهازك. تقدر تفتحها وتشتغل وتعدل بملفاتك بأعلى كفاءه وسرعه وبأي وقت حتى لو كنت بالبر او تسبح بـ شاليهات الخيران او بالطياره متجه لجده ام الرخا والشده كل هذه بدون انترنت

انتهى


2️⃣ الميزات والتحكم بالبيانات

اوفيس 365 لأنها نسخه محدوده عندك راح تكون فاقد لميزات حلوه بالاكسل والـ وورد مثل المعادلات المتقدمه وادوات تحليل البيانات والتحكم الكامل بالقوالب. والمصيبه تظل مايكروسوفت الصهيونيه تزن فوق راسك وكل شوين مطلعه لك اعلان عشان تشترك وتدفع فلوس.

-
-
-

اوفيس 2021 المفعل يفتح لك كل الميزات وكل قفل مقفل بوجهك بالبرنامج كل الميزات الحلوه والجداول المحوريه والمتقدمه ودوال الاكسل مثل داله Xlookup والثيمات الداكنه تريح عويناتك كلها شغاله معاك وبدون اي قيود

انتهى

3️⃣ استهلاك الكمبيوتر

اوفيس 365 حتى لو انت منزل نسخه تجريبيه يعني مو كامله او حتى لو انت مشترك فيها بتظل نسخه عله وتستهلك رامات المعالج بشكل يداً غوي لاحظو قلت غوي وليس قوي لأن حرفيا تستهللللللكك . لأنه مصمم يرفع ملفاتك داخل سيرفر ويرفعها اول بأول للسحابه الي هي One Drive وشغاله عمليات فحص بالخلفيه مثل فحص الترخيص النسخه هذي الامور تستهلك.

-
-
-

اوفيس 2021 مصمم اساسا انه يريح جهازك لأبعد حد لأنه يشتغل محليا داخل جهازك ماكو حركات تخزين داخل سيرفرات مايكروسوفت وداخل سحابه One Drive او عمليات فحص مكرره للترخيص فا بيكون وضع لابتوبك مستتب

رداً لراعي السؤال حتى لو كان العكس تستخدم نسخه 365 ومشترك فيها وتستخدم نسخه 2021 مو مفعله تظل نسخه 2021 مستقره وماعليها اي مشاكل وضغط مثل الـ 365

ياخي ملخص الذكاء الاصطناعي يجي منه. تبا شكلو مو بس بيسرق وظايف المبرمجين والمصممين حتى بيسرق مكاني وبقناتي بعد هالله المستعان

المهم نجي لأهم شغله انا اهتم فيها دايم على طول اشوفها افضل من ميزات البرنامج الي هي شنو النسخه الي بتكون مستقره وماراح تأثر او تضر جهازي على مدا القريب والبعيد

لأن انا شخص الصدز افضل اني عادي ماعندي مشكله استخدم برنامج يكون ستاندر مابوه ميزات حصريه او ميزات ذكاء اصطناعي دامه يعطيني احلى كفاءه وسرعه واستهلاك صفر من ناحيه المعالج والـ GPU.

اغلب البرامج الي عندي مخليها على اصدار قديم لأن مثلا نفرض ان ماراح تقدر تستفيد من خصائص الذكاء الاصطناعي الي على اوفيس 365 الا تدفع اشتراك وانا شخص اطقع ماعندي سوالف الاشتراك ومو مهتم للميزات الي لازم اشتراك فا ليه استخدم نسخه 365 واسوي ضغط على جهازي واغلب ميزاته ما اقدر استخدمها تحتاج اشتراك فهمتو الفكره صح ؟

هاي النقطه بدردشها وياكم بعدين عشان توصلكم الفكره صح

- سلمولييي -

الشغله الي اشوفها مهمه واهم من مزايا اي برنامج هو تأثير البرامج على عمر البطاريه وفريمات الجهاز

فا بقولكم الفرق من ناحيه البطاريه لأن مو كلنا نهتم بالمزايا كثر مايهم عمر الجهاز وخفته بالاستخدام

بخصوص الي يستخدمون لابتوب

برامج اوفيس 365 تستهلك من البطاريه بشكل اغواء وملحوظ عكس اوفيس 2021

نسبه زياده الصرف الي ببرامج اوفيس 365 مابين 15٪ الى 25٪ اثناء الاستخدام المكثف مثل تصميم شرائح او تستخدم دوال على الاكسل تكون ثقيله وطبعا النسبه هذي تزيد لو انت تستخدم البرامج لمده ساعتين او اكثر

اما نسخه 2021 لما تفتح ملف وورد او اكسل سحب الطاقه للمعالج CPU يظل مستقر بين 1 واط الى 3 واط والقيمه هذي ابد ماتنذكر

اما نسبه الواط الي بالنسخه 365 بسبب المزامنه الي شغاله بالخلفيه ماتقدر تقفلها وكل شوين ملفاتك يخزنونها تلقائيا على سحابه One Drive وهذه غير اول ماتشغل الجهاز دايركت برامج اوفيس 365 تشتغل معه هالاشياء هذي تخلي معدل الاستهلاك مو مستقر ابدا بيكون بين 5 واط لين 15 واط والنسبه تزيد برضوا لو انت شخص تحرق حرق وتستخدم برامج اوفيس 365 بشكل مكثف وساعات واجد

فا الي بيصير اللابتوب مالك بتكون الحراره رفيقه سنينه

حلو حلو نجي لحقوون PC

اما بالنسبه اجهزه الـ PC

بما انه البي سي مشبوك بالكهرباء طول الوقت فالخوف ماراح يكون على البطاريه الخوف بيكون على الاداء والفريمات

نسبه استهلاك الموارد الي على اوفيس 365 ياخذ مساحه ثابته بالـ RAM تزيد بنسبه 20٪ الى 30٪ عن نسخه 2021 وهذه غير السحب المستمر من طاقه كرت الشاشه GPU عشان يعالج لك الانميشن حق برامج اوفيس 365

التأثير الي راح تلاحظه لو كنت تلعب لعبه ثقيله نقول ريد ديد او قراند وبالخلفيه كل شوي اوفيس 365 يسوي مزامنه ويتأكد من الترخيص يسوي عمليات انت ماتشوفها وهذي الاشياء راح تسبب لم لاق بالعب ونزول مو طبيعي بالفريمات

عكس نسخه 2021 لو تفتح فيها اكسل وورد وبنفس الوقت قاعدن تلعب ماراح تواجه اي ضغط بالمعالج والفريمات ليه لأن مابها لا انميشن ولا فيها اي عنليات شغاله بالخلفيه

باقي 10 دقايق على اذان الفجر