مقدمة على المادة الثالثة في البرمجة ف الجامعة Data structures |:
شن هي Data structures 🤔

مستقبلاً لما تتمكن من مجالك البرمجي وتتقدم للـ شركة عشان تشتغل أول حاجه يسألوك عليها الData structures

الهدف الأساسي من هذه المادة هي نطوير نفسك في التحليل البرمجي لأقصى حدود ممكنة

توا نبدو نخشو فيها شوية شوية
طبعاً كلنا خذينا المصفوفات سواء مصفوفة البعد الواحد أو البعدين
المصفوفات هذنا قالو فيهن عيوب لقدام وعيوبهن أن
كل مصفوفة لما انديروها لازم نحطولها حجم محدد صح؟ زي هكي
Int number[] = new Int [10];
هكي درنا انشاء لمصفوفة تقبل عشرة ارقام من 0 الى 9 فقط //طبعاً في لغتنا الجافا نبدو من 0 //

يعني معش تقبل أي عدد اخره تقبل عشر اعداد فقط وهذا يعتبر عيب كبير عندنا يعني مايقعدش فيه مرونة في استقبال قيم اخرى ونقعدو ملزمين ب حجم محدد

لا هنا في الData structures حليناها المشكلة هذي وقعد عندنا مرونة في استقبال البيانات يعني كل ماندخل قيمة يقبل مش ملزم ب حجم معين ندخله

أنواع الداتا ستراكشر المقررة علينا في هذه المادة :
1_ LinkedList
طبعاً لما نبي ندير داتا ستراكشر معين حنديرله كلاس خاص بيه هوا وكلاس خاص بشيئ اسمه Node
الNode: هذي هيا الحاوية الي حيقعدن فيها بياناتي والمؤشر الخاص بيا

المؤشر : هوا عبارة عن متغير من نوع نفس الكلاس Node
يعني مثلاً
Node next;
next هنا هذا هوا المؤشر

بالطريقة هذي حيكون كلاس الNode
حنحط فيها بيانات رقم معين

Public class Node
{
Iint number;
Node next;//هذا هوا المؤشر//
}
هكي انشأت كلاس للNode الي حنخزن أو نستقبل فيها رقم محدد
توا حندير كلاس الداتا ستراكشر Linkedlist

Public class Linkedlist
{
Node head ;// المؤشر هذا حيكون دائماً عند اول Node تم انشاءها //

Node Location;// هذا حيكون مؤشر خاص حيتم بيه معرفة مكانك اثناء التنقل بين الNodes//

Node prelooc; // المؤشر هذا حيكون دائماً قبل المؤشر location//

خلاص انا هكي عرفت المؤشرات الي حنستحقلهن اثناء عملي على الدوال
حنبدا ننشئ في الدوال بس مش حنتعمق فيهن لأن تبيلهن فيديو شرح وليس كتابة فقط

اول دالة
void creatList(){} دالة انشاء list

void findElement(int n) {}الدالة هذي هي الي حنبحث عليها على العدد المطلوب مثلا نبي انضيف عدد معين نضيفه هي حتبحث اذا كان العدد مدخل سابقا مادخلش مرتين

void insertElement(int number){}
دالة لإنشاء Node جديدة وادخال العدد الخاص بها

void isWmpty(){}
دالة تقوم بالإختبار اذا كان الليست فارغ ام يوجد فيه عناصر

void print(){}
دالة لطباعة القائمة list التي قمت بأدخالها


void delete(){} دالة خاصة بحذف عنصر محدد من القائمة


وهذنا يعتبرن من أبرز دوال الداتا ستراكشر Linkedlist
انا شرحت الداتا ستراكشر هذا بس لأنه هوا الاساسي كان فهمته كويس وتمرنت عليه الباقي حيكون ساهل بالنسبة لك وتوا حندزلك صورة للداتا ستراكشر المطالبين بيهن في كليتنا


_وهذي مقدمة بسيطة على المادة وأنتمنى نكون فدتكم ولو بشيئ بسيط واتمنى التوفيق للجميع ان شاء الله
الي كمل لعند هنا يدير لايك عشان نعرف فيه متابعة ولا نكتب وخلاص😂
عدي ان شاء الله تصفيها ب A المادة🔥

طبعاً كلمة static معناها لها حجم معين ثابت والي هي المصفوفات مفيش غيرهن

🌟الي مشير عليهن هنا الي مقررات عليكم في الكلية

شيتات انس الفسي السمستر هذا لمادة داتاستركشر من الثاني للرابع