‏من أقنع الناس أنّ العفو منقصةٌ
والثأر مفخرةٌ ، والحُبَّ أوهامُ !☹️

ليت المحبه كتبها الله علينا نصيب ،
واللي تحب ويحبك : تاخذه تاخذه😞💔

‏كمية الحب في "أكرهك" وقت الزعل أكثر من كلمة "أحبك" وقت الرضى ..😢♥️

كتنهيدة مرتجفة قبل الإنهيار 💔🔥

‏ملفت للإنتباه كسطرٍ مظلل في نصٍّ طويل !💛

خطاوینا المشیناها فی درب الحب عشان نصل (مهما كانت نهايتها) تعالوا نتشارکها سوا💜

تجربة حُب:
#تجربة_حب 1

بحكي لي :
( بطلع من الصباح وأنا ملان أمل ربنا يبارك لي في رزقي الليلة، كنت بشتغل وبتحمل فوق طاقتي عشان ما أحوجها لي حاجة، عشان أثبت ليها إنو الراجل (العارضت عشانو أهلها وما عاينت غير لي حبو ليها قادر يسعدها ويحتويها بالعندو) ااي كنت بشتغل فوق قدرتي بس كل التعب كان بهون بمجرد أرجع البيت وأشوف وشها المليان رِضا)

قالت :
(إتولدت في بيت كل طلباتي فيهو كانت مجابة ودون أتعب فكان طبيعي أحلامي تكون بشريك حياة يكون بنفس مستوانا حدي ما هو دخل حياتي، كل التخطيط الكنت بانيه عليه مستقبلي والأحلام الحلمت بيها إتواضعت لما شفت حبو لي، بقيت بحلم بالجاي وأنا يدي في يدو، معاهو عرفت إنو السعادة ماهي قروش بقدر ما هي بيت حلال صغير قادر يحتوينا فيهو حبنا الكبير لبعض، ودروب قاسية بتقصر لما نمشيها سوا، الأحسن منو كتير في الرتب بس هو في عینی أرجل راجل قدر أمانو يحتويني)...

بيت الحلال يالسمحة تتذكري وقت بنيناهو طوبة طوبة وحب حب 💜

ــــــــــــــ

كل الحابي يشارك بي تجربة حبو يراسلني خاص
https://t.me/Hindoyaa12

#تجربة_حب 2

بحكي :
(كل القصة كانت تواصل عبر السوشيال ميديا و لساعات طويلة جدًّا يمكن نص اليوم كلو بنعديهو ونحن بنتكلم مع بعض، أخدت المسألة شهر من التواصل حدي ما بادرتَ وصارحتها، أخدتْ شهرين تفكر و وافقت، بعديها التواصل بقى مكالمات أكتر من رسائل، بس فجأة ظهر لي شغل و التواصل قلَّ، كانت دايرة تسمع صوتي في كل ساعة أو ساعتين وأنا الإمكانية بتسمح لي بس بِـ مكالمة واحدة أو إتنين، بقى يحصل عتاب كتير وبدينا نختلف وللأسف اِنْفصلنا فترة، رجعنا بعديها والأمور مشت تمام لِـ فترة
فجأة برنامج الشغل زاد و مسؤولياتي كترت، كلمتها بي كدا وشرحت ليها إنو الفترة الجاية دي م ح أقدر أتواصل معاك وقالت آووك
الفترة بقت طويلة لكن هي ما قدرت تصبر بترسل لي كم رسالة و بختصرها برسالة واحدة حدي ما قالت لي انحنا نرجع أصحاب م لازم نكمل، الموضوع أثر معاي، أديتا رد بارد عشان تزعل وقلتا ليها : تمام وأنا زعلان من جوه
بقت ترسل لي رسايل عادية وأنا بقيت أطنش، حبه حبه قالت لي ما نتكلم مع بعض، قلتا ليها أنا كمان فكرة أنو نكون أصحاب م متقبلا، وقطعنا علاقتنا..
بعد سنتين عرفت أنها إرتبطت بزول تاني بس للأسف طلع كمان ما خاتي ليها أي إعتبار
تجربتي معاها كانت قاسية لكن اتجاوزناها ورجعنا أصحاب)❤️

ـــــــــــــــــ

ــــــــــــــ

كل الحابي يشارك بي تجربة حبو يراسلني خاص
https://t.me/Hindoyaa12

#تجربة_حب 3

بتحكي لي :
قالت:(تجربتي مع الحب كانت في العالم الافتراضي كنا في قروب في التليجرام سوا المهم دخل لي واتعرفنا على بعض وبقينا أصحاب شديييييد شديييد❤️❤️❤️وبالصدفه كمان دخلت لي بت اهلو وأقرب زوله ليه وبقينا صحبات❤️كانت آخر سنه لي في الجامعه 🖤وانا كنت لسه م نزلت جامعه زاتو المهم لمن نزلت هو كان سافر لانه اساسا مقيم في السعوديه المهم حباني م بعرف كيف لكن انا كنت رافضه الفكره تماماً فكرة انه احب زول م حصل لاقيته🙂💔بس هو كان مصمم يصل لي قلبي لحدي م في يوم عمل حادث بعد الحادث ده أن عرفت اني بحبو وفعلا حبينا بعض وبقينا نتواصل بس هو م عندو واتس بنتواصل بالتلي ومرات بتصل لي بالتلي ومرات مكالمة عديل لانه عنده شريحه زين❤️🖤المهم بعد من الشغل بقى مشغووول شدييد لي درجة ممكن عادي في اليوم نتكلم ساعتين بس في كل دقيقه بشتاق لي ودائما بلح عليه انه نتكلم ❤️بس هو اغلب الوقت مشغول وانا بقيت بحس اني وحيده وفي جواي فراغ كبير بس رغم ده م اتخليت عنه ابداً وهو بحاول قدر الإمكان يتواصل معاي لمن يفضى❤️لينا سنه مع بعض بس للان م اتلاقينا م معروف نتلاقى متين☹️💔

ادعوا ربنا يجمعنا بالحلال 😔❤️❤️

_اللهّم حلالاً يشبه أمانينا..💙🌸

_________
كل الحابي يشارك بي تجربة حبو يراسلني عبـُـر @Hindoyaa12

#تجربة_حُب 4

وبتحكي الحلوة :

قالت :(أول مره اشوفو كنت في تانيه اساس وهو في ثالثة اساس ،وهو ولد خالتي جيتهم زياره في الخرطوم قعدت معاهم اربعه أيام وبحكم اننا اطفال سمونا عرسان ورسخت في راسنا هو عريسي وانا عروستو 💜ومرت الاجازات بنتلاقى وجد حبينا بعض كان حب طفولى رائع ..لحدي م وصلنا الثانوي مافي واحد بادر بالحب..
حتى تواصلنا قل او انعدم انا حاولت نرجع زي زمان بس حسيت انو كبريائه مانعو وزي مابقولو كسرت الحنك ونسيت موضوع الريده الجواي ليهو 💔
وانا في سنه تالت خطبني ولد خالى يعني هو لي حبيبي ود عمو
مرت سنه ودخلت الجامعه ماكنت حاسه بأي مشاعر اتجاه ود خالى وبعد سنه من الخطوبه بديت احس اني بتعلق بيه شويه شويه لحدى م وصلت مرحلة الحب الحب الغريب داك م اي حب ..اذا مرض هو انا بقاسمو مرضو بالحمى والسهر ،،اذا اضايقت من ابسط حاجه هو بحس بي حتى لو كنت بضحك الحمد لله على هذا الحب ♥️في الفترة الفاتت مشينا ناس خالتي ام حبيبي الاول وهي زوله عسل بحبها شديد حتي اليوم ..انا وهي بنوم سوا..وحتي كل اسراري عندها زوله ضحك انسانه تفتح النفس حبيبي الاول عندو صوت جميل وبغني فكان بسمعني اغنيه وبقول لي ركزي في المقطع ده ..."وافضل انا احبك من بعيد ..." لم سمعتها قلبي وجعني وهو دمع لما كان بعاين لي كان موقف مؤلم ..
صح حبينا بعض وكل واحد عارف انو بحب التاني بس ليه ماكانت في فرصه نواصل
أمه دعت لى كتييير لمن اتخطبت وفي الاخر قالت لى لمن ورينا ولدي انك اتخطبتي اليوم كلو ما رجع البيت وفي عيد الاضحى أصّر اقيف انا وخطيبي ويصورنا كان بمسح دموعه وبصور ،،
وكملت وقالت :
(بس انت ليه تعمل فينا كده كل العارفاهو انك بتحبني من جوا قلبك وأنا كنت شايلة ليك كل الريده والمحنه في جواي واخلصت ليك كل اخلاص في مرحلة المراهقة كان كل الناس الفي عمري بحبو بس انا كنت خاتاك لي بكرة بس انت بعت بكرة ...
بس لو في لحظة الخطوبة خيروني بينكم الاتنين كنت ح اختار حبي الأول
بس هو كده الكبرياء بيبعد القلوب ،، "لو بتحب زول صارحو قبل ماتفقدو
"
وربنا يكتب ليه الخير وين ماكان ويسعدني مع خطيبي وهو جد زول ممتاز وطيب وحنين على شديد حبيتو من بعد تعب وصبرو علي
عارفين الحب الاول لو صادق عمرو مايتنسي حتي لو خطف قلوبنا شخص نسانا الدنيا
ولا الحب الاول يُنسى ولا الثورة انها حفرة في الذواكر والقلوب..
صارحو من تحبون قبل ان يرحلو😊❤️

ــــــــــــ
#هـنډۄۄیۃ ..✍

كل الحابي يشارك بي تجربة حبو يراسلني خاص
https://t.me/Hindoyaa12


رابــْـط القناه @Da3ram

#تجربة_حُب 5

قالت :
تجربتي انا حلوة بس مؤلمة في نفس الوقت ..المهم انا بحبو من وانا صغيره بس م اعترفت ليهو نهائي ،،ومرت السنين وانا كل يوم حبي ليو بكبر وكانت بيناتنا مواقف كتيرة وحلوة شديد وم ح انساها نهائ
انا كنت بحس انو مهتم بي ..المهم بعد فترة ارتبط💔والله كان اسوء خبر في حياتي كلها يعني فجاه انسان بتحبه من وانت صغير فجأة تعرف انو ارتبط💔وبعد ده بس بقيت ادعي ربنا انو يكون من نصيبي ..
المهم عدت فترة بعدها رسل لي في الواتس بسأل مني وكدا وبعد فترة اعترف لي انو بحبني ومن زمان كمان😍وعارف ادق تفاصيل حياتي ومتذكر اي موقف حصل بيناتنا والعرفتو انو ارتبط بيها لانو م قدر يوصل لي انا ، وده بعد عرف انو قريبي عاوزني دي الحاجه الخلتو يحاول ينساني ..
المشكله انو لسه بتواصل معاها دي الحاجه الخلتني انا ابعد منو واحاول انساهو وهي كلمت الناس كلها بيهو وهو قال لي انا بحبك بس م بقدر اقول ليها انا م عاوزك هي اتعلقت بي شديد 💔 ودي من الأسباب الخلتني ابعد عنو واحاول انساه لانو بجد حاجة توجع ، وربنا يسعدو

وواصلت كلامها :
(انا بختلف عن الناس البشوفو انو البحب انسان يعمل المستحيل عشان يكون معاهو.. لو يزعل العالم كلو)
انا بشوف البحب انسان بجد حتى لو م كان معاك وانت شايفه سعيد ومبسوط والحواليه بحبوه دا اجمل حب اقدمه ليهو وحتى لو م القسمة جمعتنا كفايه اني اشوفو فرحان ومبسوط ودا عندي ب الدنيا والله ربنا يسعدك ويوفقك😊 ياااارب( بحبك شديد بس سعادتك اهم عندي)



ــــــــــــ
هـندوويۃ..✍
كل الحابي يشارك بي تجربة حبو يراسلني خاص
‏https://t.me/Hindoyaa12


رابــْـط القناه @Da3ram

#تجربة_حُب 6

بحكي :
(أنا عارف ومتأكد إنها بتحبني وعارف حبها لي قدر كيف، لكن هي لمن وافقت ما فكرت فيني، ما شاورت قلبها بس وافقت وخلاص، حتى لما جات تكلمني ما قالت على طول، بدت معاي ونسة عادية، بس عارفة أنا كانت مشكلتي إني بعرفها، بعرفها من نبرة صوتها لو مصدعة أو كويسة مبسوطة ولا زعلانه، بعرفا من أول كلمة بتنطقا، سألتها مالك يابت قالت لي ماف حاجة، كررت السؤال تاني، أصلي أنا كدة بي طبيعتي ما بخليها إلا أعرف الحاصل وبقلق شديد حدي ما توريني، المهم حسيت إنها خايفة كررت السؤال كم مرة، سكتت شوية وقالت إسمي حاف كدة من غير ياحبيبي، واصلت في الكلام وقالت اي في حاجة، (اي في حاجة) دي قلبت حياتي كلها وندمت إني سألتها وقلبي وجعني شديد وأعصابي باظت زي الكنتا متوقع باقي الكلام، (في حاجة دي مع اسمي الحاف دا) ما أظن انسى الجملة دي لباقي حياتي والعملتو فيني، أنا كل مرة بتذكر الكلمة دي قلبي بوجعني من الصفر كأنو الكلام الليلة، ما قادر أنساها، قالت جاها ود أهلها مغترب وهي وافقت وأنا لقيت نفسي ببكي بي أعلى صوتي زي الشافع، ما قدرتا أتحكم في نفسي وبقيت ضعيف شديد في اللحظة ديك كنت بتمنى تكون بتهظر معاي ودايرة تشوف ردة فعلي بس ما أكتر، ما قدرتا أقفل الخط فيها ولا أسيء ليها لأني والله بحبها شديد وما بحمل فيها حاجة خلي أنبذها أنا، ما قدرتا أعمل حاجة غير إني أبكي بس، أنا وقتها حاسي كأنو جواي نار بتتحرق (كان قلبي بتحرق)، يعني أنا كيف أقضي الليالي الجاية من غيرها، من غير صوتها، خفت شديد من الليل بلاها، وصلتَ لدرجة بدعي ربي إنو يأخد أمانتو قبل أشوفها بتضيع مني وأشوف عرسها مع غيري وأنا عايش
عارفة يارؤى هي ما أدتني فرصة حتى، ما قالت لي تعال أخطبني، أنا كنت مستعد أعمل أي حاجه عشانها، ليه عملت كدا، يارؤى دا أنا حتى ما مرّ يوم وخليتها تنوم زعلانه، تقوم تجي تحكم علي بالإعدام كدا دون سابق إنذار، ليه يعني زول كان معاك كل الأيام الفاتو ديل ويختفي فجأة كدا، ياخ هي ما راحت وبس هي خلتني أكره نفسي وأكره الحب، أنا ما كنت قايل الحب كدا، بس أنا الغلطان أنا الاتشوبرت وحبيت أنا أستاهل)
سكت..
وبقى يضحك،
ــــــــــــــ

هـندوويۃ..✍
كل الحابي يشارك بي تجربة حبو يراسلني خاص
‏https://t.me/Hindoyaa12


رابــْـط القناه @Da3ram

#تجربة_حُب 7

بحكي :
(حبيتها من وهي برلومة مجنونة بتحب تشاغل أي زول وحتى خالتو البتبيع في نهاية الممشى ما كانت بتسلم من ضحكتها السمحة شديد كل صباح، نفسها الخلتني لسه عالق فيها وما عارف أطلع من متاهتها كيف، بتحب تهظر بس وتفرفش بالناس وتنبسط وتبسطهم، بالرغم من دا كلو، الجدية الكانت بتطغى على شخصيتي ما منعتنا نقع في حب بعض، حرفياً كنا بنكمل بعض، والليلة ما عارف أساسًا إذا هي عايشة أو لا، ااي مشت وبعيد جدًّا وكل مرة بفتش ليها جواي بلقاها فيني بس هي بره ماف، ولو هي هسه في أي مكان تعيسة فدا بسببي، أنا الكسرتها وجرحتها وفضّلت عليها عادات غبية إنجبرت عليها في اليوم الإتوفى فيهو أخوي، كلمة أبوي في إني أكون العوض لزوجتو وأطفالو عشان ما يتربو ويكبرو دون أب، تقاليدنا البتتخذ لحظيًا كانت أكبر من حب إتبنى من سنين، وبي كدا لقيت نفسي مع واحدة تانية غير السميتها حلالي زمان ووعدتها بإنو هي الحاتنور بيتنا الحانبنيهو بباقي الحب البينا، والجيت أنا هدمتو قبل يتبني
في وقتها كان خلصنا جامعة أصلاً، ومن يومها إختفت بي إنكسارا وما رجعت وشفتها، وما عارف إذا هي لسه بتتذكر في وعودي الكاذبة وقلبها مكسور ولا كملت حياتها ومبسوطة بيها
بس وين ما كنتِ ياني الببقا بيك وبريدك وماف أي علاقة عادات بتمحيك من جواي، أبقي عافية وين ما إنتِ متأكد البستاهلوك كتار، ال ح يكونو أرجل مني..💙

ــــــــــــ
هـندوويۃ..✍
كل الحابي يشارك بي تجربة حبو يراسلني خاص
‏https://t.me/Hindoyaa12


رابــْـط القناه @Da3ram

#تجربة_حُب 8


بتحكي :

((قصة حبي ابتدت بعد أول ايام من نهاية علاقتي الكانت فاشلة ، وكنت منهارة ومحطمة ومتألمة ومكسوورة شدييد💔المهم وقتها كنت نازلة كورس لتالتة ثانوي..
ويوم جيت من الكورس نادتني بت خالي وقالت لي ولد خالة حبيبا عاوز يكلمني ، ما اشتغلت بالموضوع كتير المهم اصرت عليّ وفي النهاية اتكلمت معاهو وقال انو حابي نرتبط.. وانا رفضت الفكرة بشد بس تاني اتراجعت وقلت خلاص عشان انسى الانا فيه ارتبط واعيش حياتي لمتين اقعد كده 😪
المهم ارتبطنا وكان بصرااحة غير عن كل الاولاد العرفتهم كان بيعاملني وكاني اخته بيخاف علي وحتى ما كان بيطلب مني صور كان خجول ومحترم ...
المهم يوم كده كانت قافلة معاه وانا كنت منفسنة واتشاكلنا وقال لي انا اصلاً كنت عاوز العب بيكي وانا قلت ليه انا برضو كنت عاوزه العب بيك وده كان في بدااية العلاقة وفعلاً م كنا بنحب بعض بس هو ارتبط عشان ينسى وانا برضو ..وتاني شوية شوية اتعلقناا ببعض لحدي م جا يوم اتقابلنا فيه كان في بينا قرابة اتقابلنا في عرس بت خالي بس م اظهرت اي رد فعل ولاا حتى سلام ،
قامت مرأة كده نادتني مشيت ليها قالت لي انتي فلانة؟! قلت ليها اي قالت لي ولدي حكى لينا عنك وحكى لاعمامو وعماتو وخيلانو وخالاتو واهلو كلهم انو بيحبك وعاوزك الفهمتو انو امه ، وانا في اللحظة دي عرفت اعمل شنو من الفرحة قعدت ابكي، للدرجة دي بيحبني؟!! قامت امو حضنتني وقالت لي ي بتي انتي ماعارفة هو قدر شنو مبسوط ، الضحكة الاختفت من وشو انتي الرجعتيها ليهو💙 ربنا يحفظك ان شاء الله وساقتني وسلمت عليه واتونسنا شوية وامو صغنوونةة وكيوتة ما شاء الله وضحكنا وكل زول شاف شغلو 😴💙ويوم امي عرفت انو انا مرتبطة وامي انصارية المهم حصلت مشكلة طوول وعرض وانا دخلت فحالة نفسية من الحصل وقالو ليهو لو قربت منها تاني ما تلوم الا نفسك واعتبرا ماتت وانساها المهم احنا الاتنين حالتنا كانت صعبة شديد لانو كان لينا سنة ونص مع بعض واتعودنا ع بعض وكل زول ادمن وجود التاني ف حياته وانفصلنا ٦ شهور ،،ويوم رأس السنة كنا ماشين لبت خالتي نروس معاها مشينا وكنا واقفين في الشارع وما عارفين الطريق اول مرة نجيها وهم ساكنين جنبهم ، الهم جاء كريز ووقف لينا عاينت لقيتو ده هو نزل وكنا بنعاين لبعض مسافة وسلمنا وركبت انا والمعاي ولما وصلنا بيت بت خالتي قام قال لي مهما حصل حنرجع لبعض لان نحن لبعض كلها فترة و هتعدي وعلى قولك الجاي احلى 😉 ومشيت وانا مبسوطة
وبعد فترة اتواصلنا تاني ورجعت علاقتنا احسن من اول بكتيير وكل الناس بقت عارفة علاقتنا وقدر شنو احنا متعلقين ببعض وهو اتواصل ابوي ♥️ المهم الخلاصة من تجربة حبي هي انو اتعلمت مهما حصل مهما اختلفنا و مهما اتزاعلنا و وقفو الناس في طريقنا ما هنسيب بعض،،💜
اتعلمت انو البحبك بحارب عشان يوصل ليك وياما إتذلينا وياما فرقونا وياما ضربونا وفي النهااايةة بنرجع وهسي بعد كم شهر حتكون خطوبتنا 💕✨

وقالت🌸 :
وعاوزه اقول ليكم اختارو صح والبتحبوه ما تلعبو بيهو واسندو وكونو معاهو في الحلوة والمرة ، وم تلعبو يمشاعر زول لو من البداية م بتحبه م تخليه يتعلق بيك وشكراا🖤🖇️

ربنا يسعدكم..💓💓
ــــــــــــ
هـندوويۃ..✍
كل الحابي يشارك بي تجربة حبو يراسلني خاص
‏https://t.me/Hindoyaa12


رابــْـط القناه @Da3ram

#تجربة_حُب 9

قالت :
(كان قلبي بدق بطريقة غريبة كل ما أشوفو صدفة وبتوتر ويديني بعرقو، ما عندنا علاقة مع بعض وما بعرف إذا هو أصلاً بعرفني أو لا كل الكان بجمعنا شوارع الحلة وصوتو لما أسمعو وهو بتكلم مع صُحابو، ما عارفة إذا هو أصلاً بلاحظ لي أو لا لما أجي مارة بس كل العارفة إني حبيتو وشديد)

قال :
(عرفت إسمها بالصدفة من صاحبة كانت بتناديها في الشارع ومن يومها وإسمها ما فارق دُعاي، عيونا وسمرة لونا ودنقيرة رأسها من تشوفني وخجلها لما تجي جنبي كلها خلتني أعشق الإنسانة دي، أنا نويت أشتري أدبها قبل جمالها فحبيتها، ما عارف إذا هي أصلاً قادرة تفرزني من مليون ولد في الحلة أو لا أو حتى قارية في عيوني حبي ليها أو لا، بس كل العارفو إنو أنا دسيتها في دعواتي عشان تبقى حلالي وأقدر أكون راجل عشان أجيبها بيتي وتبقى ستو)

عاينو لي بعض وبقو يضحكو..
(الليلة عقدنا وما كنا عارفين كل الحصل دا وما كنا متوقعين إنو كل واحد كان بحب التاني وكاتم جواهو بالدعوات بس)

ربنا يخليها لي وأقدر أسعدها زي ما إستجاب لي فيها وبقت حلالي..
ـــــــــــ
فشنو..
(مرات الحب بفرّق بس مصيرا الدعوات بتجمع)💜

ــــــــــــ
هـندوويۃ..✍
كل الحابي يشارك بي تجربة حبو يراسلني خاص
‏https://t.me/Hindoyaa12


رابــْـط القناه @Da3ram