Бир гуруҳ депутатларга махсус мақомлар берилди

Айни пайтда парламент қуйи палатасининг навбатдаги мажлиси бўлиб ўтмоқда. Унда Олий Мажлис Қонунчилик палатаси депутатларини маънавий ва моддий рағбатлантириш бўйича комиссия тавсиясига мувофиқ, давлатимиз раҳбари ташаббуслари асосида қонун ҳужжатларини такомиллаштиришда, жойларда сайловчилар билан ишлашда, Қонунчилик палатаси фаолиятини ОАВда ёритишда фаоллик кўрсатган бир гуруҳ депутатларга махсус мақомлар берилди.

👉 Шуҳрат Тоғаймуратович Полвонов — “Адолатли депутат”;

👉 Мақсуда Азизовна Варисова — “Меҳнаткаш депутат”;

👉 Расул Хидралиевич Кушербаев — “Халқпарвар депутат”;

👉 Полянте Грамитонович Свешников — “Фахрий депутат”.

Мазкур мақомларга сазовор бўлган депутатлар ҳамда собиқ депутатлар махсус сертификатлар билан тақдирландилар.

Facebook | Telegram | YouTube |Instagram

Эски ҳаммомга, эски тосга қайтиш

Спарк, Нексия, Кобальт ва Ласетти автомобиллари учун контрактация қайтадан очилгандан кейин шартномалар бўйича етказиб бериш муддатлари кескин ўзгарган.

Хусусан, айни дамда Кобальт ва Ласетти учун шартнома тузганларга шартнома бўйича етказиб бериш муддати 2021 йил сентябрь, Нексия 2021 йил август ва Спарк бўйича эса 2021 йил июнь, деб кўрсатилмоқда.

Бу ҳали ҳаммаси эмас.

Шартномаларда етказиб бериш билан боғлиқ муаммолар туфайли муддатлар 2021 йил 31 декабргача узайтирилиши мумкинлиги ҳақидаги банд қўшилган.

Шунга шунчами дерсиз?!

Хабарингиз бор, бизда контрактация фақат 85%лик тўлов амалга оширилгандагина кучга киради. Бу дегани сиз 85%лик тўлов билан маблағингизни, 3, 5 ва 6 ойгача, алоҳида ҳолларда 9 ойгача музлатиб қўйдингиз дегани.

Бугунги ставкаларда сиз, масалан 85 фоиз тўловни амалга оширсангиз, 6 ой давомида камида 9 фоиз йўқотдингиз дегани. 116,5 млн.сўмлик Кобальт сотиб олиш учун 85% тўлов сифатида 99 млн.сўм пул тўлаш керак. 99 млн.сўмлик маблағингиз энг паст 18%лик депозитда турган тақдирда ҳам 6 ойда қарийб 9 млн.сўм даромад келтирган бўларди. Бошқача айтганда, 116,5 млн.сўмлик Кобальт сизга амалда 125,5 млн.сўмга тушади.

Бошқача айтганда, монополист автомашиналар етказиб бериш муддатини узайтириш орқали "ҳийлаи шаръий" усулида феълан автомашиналар нархини ошириб олди.

Юз берган ўзгаришларга иккиламчи автомашиналар бозори бирдан ўз реакциясини кўрсатган. Автомашиналар 5-10%гача қимматлаган.

Янги ва эски реалликка хуш келибсиз, пешонасига монополистдан ўзгаси битмаган ўзбекистонликлар!

P.S. Дарвоқе, 6 март ҳолатига фақат энг қиммат, автомат коробка билан жиҳозланган автомашиналар позициялари учун контрактация мавжуд. Механик коробка ва арзон, яъни харидоргир позициялар учун контрактациялар ёпиқлигича қолмоқда.

@the_bankiroff

Муҳтарама аёллар, азиз опа-сингиллар!

8 март - Халқаро хотин-қизлар байрами муносабати билан самимий табрик ва эзгу тилакларимни қабул этгайсиз.

Биз Сизларни ўзининг самарали меҳнати, эзгу фазилатлари билан Ватанимиз равнақига муносиб ҳисса қўшиб, барчага ибрат ва намуна бўлиб келаётган фаол ва фидойи опа-сингилларимиз сифатида яхши биламиз ва юксак қадрлаймиз.

Азиз аёллар!
Сизларни гўзаллик ва нафосат айёми билан яна бир бор табриклаб, Сизларга ва оила аъзоларингизга сиҳат-саломатлик, бахт-у саодат, хонадонларингизга файз-у барака тилайман.

👉 @D_Ganiyev

«Никита Макаренко халқ душмани эмас, жамиятнинг онгли аъзоси!»

Буни қарийб уч йил олдин айтган эканман ва ҳозир ҳам шу фикрдаман.

Гарчи у киши мени «қишлоқи», «гопник» атаб, фамилиям устидан кулиб «КушАУЕрбаев», деб ёзганига қарамай унинг бу гапларини фикр сифатида қабул қиламан (шахсиятга ўтиб кетганини айтмаганда) ва уни мустақил фикр айта оладиган бир фуқаро сифатида қўллаб-қувватлайман.

Ўзимнинг қишлоқдан чиққан «қишлоқи» эканлигим, ҳозир пойтахт-шаҳарда бўлсам-да, қишлоқда яшаб эътиқод қилган айрим тушунчаларим ўзгармагани учун эса афсусланмайман.

Чунки мени бутун аждодларим қишлоқдан чиққан «қишлоқи» бўлишган. Масалан, менинг еттинчи ва олтинчи ота аждодларим(Қиниртос, Сотиболди) мен туғилиб ўсган ва бугун ўндан ортиқ миллат вакиллари аҳил яшайдиган қишлоққа асос солишган, ўн иккинчи ота аждодим(Қорақалпоқ) очган иссиқ булоқдан (ҳозирги Қозоғистон Республикаси ҳудуди) аҳоли ҳалигача рози бўлиб, фойдаланиб келади. Катта отам(отамнинг отаси Қолдибой) ўн тўрт ёшида қишлоқдаги катта бригадага бошчилик қилган, нон учун ҳамир ташиб, одамларни (ўзбек, қозоқ, рус, тожик, турк, татар, корейс, қирғиз, туркман, украин, немис ва бошқа) очликдан асрашга ҳисса қўшган, йигирма уч йил катта ва кўп миллатли қишлоққа раислик қилган, месхети турклар билан зиддият бўлганда миллатлараро тотувликни сақлаб, бировнинг бурни қонашига йўл қўймаган. Онамнинг катта оталари эса ўз қишлоғидаги биринчи жадидчи муаллим бўлган, отам (Хидирали) рус тили ва адабиёти ўқитувчиси бўлиш билан бирга кўплаб зиёли, спортчи авлодларни етиштириб берган қишлоқдаги катта мактабга умрининг оҳирига қадар раҳбарлик қилган. Кўшербай эса учинчи ота аждодим, паспортдаги фамилиям Кушербаев, зиёли (интеллегент) Макаренко ёзганидек КушАУЕрбаев эмас…

Гапирса гап кўп, лекин уларнинг бари қишлоқдан чиққан. Мен эса ўша «қишлоқи»ларнинг авлодиман, фарзандларимга ҳам биз мана шундай «қишлоқи»лар авлоди эканлигимизни айтишдан, шаҳарда ишлаётганимда ҳам «қишлоқи»лигимча қолишдан уялмайман.

Айтганча сайловчиларимнинг аксарияти ҳам қишлоқдан.

👉 @deputat_kusherbayev

​Охирги кунларда ортган Covid 19 статистикаси ва эътирозларга сабаб бўлаётган AstraZeneca вакцинаси атрофида жуда кўплаб салбий муносабатлар бўляпти. Энг ачинарлиси, медицинадан хабари йўқ, вакцина, вирус нима эканини ҳатто тўғри тасаввур қилолмайдиган одамлар ҳам қўрқмасдан фикр билдиришяпти. Медицинадан озроқ хабари бор ва шу система ичидаги одам сифатида айни воқеаларга муносабатимни билдириб ўтмоқчи эдим.

1) Ростдан ҳам Тошкентда янги касалланиш ҳолатлари кўпайдими? Тез ёрдамда ишлаётган врач сифатида айтишим мумкинки чақирувлар сезилари ортган. Февраль ойида Тошкент шаҳрида бир суткада чақирувлар сони ўртача 2500 тани ташкил этгани ҳолда март ойи ўрталарига келиб 3000 дан ортиб кетди. Айниқса, болалар ўртасида иситма ва ОРВИ симптомлари билан чақирувлар кўпайган. Булар Covid 19 ми йўқми жойида аниқлашимизни имкони бўлмагани учун чақирувлар Covid ҳисобига кўпайди деб хулоса қилолмайману лекин тахмин қилишга асос бор.

2) Карантин яна кучаядими?Буни ҳеч ким олдиндан айта олмайди, ҳаммаси вазиятга боғлиқ, агар вазият ўтган йил ёздагидай бўла бошласа албатта карантин кучаяди ва бу керак ҳам! Чунки Cовидни карантин орқали йўқотиб бўлмаса ҳам карантин орқали назорат қилиш осонлашиши аниқ.

3) Вакцина олиш керакми ва бу бизни вирусдан ҳимоя қила оладими? Энг «зарарли» деб айтилаётган AstraZeneca ҳам 17 миллион эмланганлар орасида ёмон асорат тромбоз миллиондан 1-2 тага тўғри келяпти ва бу ҳали тўлиқ исботланмаган. Исботланган тақдирда ҳам барибир бу вакцинадан воз кечишга етарли асос бўлмайди. Чунки аёлларни ҳомиладорликдан сақловчи дориларда тромбоз асорати 1000 тадан 1 тага тўғри келгани ҳолда бу вакцинада миллиондан 1-2! Вакцина олганлар орасида эса асоратли Cовид кескин камайиши эса исботланганини олимлар бир неча маротаба таъкидлашди ва статистика ҳам буни исботлаяпти. Демак, вакцинанинг ҳали ҳам ижобий томондаги тоши оғирроқ турибди.

4) Касаллик кўпайишини вакцинани ўтказиш ёки соққа қилиш учун атайлаб қилишяптими?Менимча бизда вакцина текин экани ва халқни карантинга тиқишдан айрим шахслар демаса, бутун давлат катта зарар кўришини била туриб атайлаб карантинни қайтаришмаса керак, мажбур бўлишлари мумкин холос! Вакцина олишни тезлатиш учун бўлган тақдирда ҳам буни медик сифатида тўғри тушунаман, чунки бизни халқимиз иммунолог-олимлар ёки шифокорларни гапидан кўра маҳалла аёлларининг «вакцина ёмон экан, ўлдираркан, атайлаб халқни камайтириш учун қилишяпти экан» деган гапига кўпроқ ишонади.

Хуллас калом, ўзингиз тушунмаган илмий асосга таянадиган мавзулар ҳақида эҳтиёт бўлиб муносабат билдиринглар! Вирус йўқ деганлар 2.7 миллион ўлимни ҳам шунчаки бўлмаган гап дея айта оласизми? Ҳеч бўлмаса, иммунитети суст ва вакцинасиз вирусга қарши курашиши қийин бўлган қари ота онангизни ўйланг!


©Маъруф Норбўтаев, шифокор


@allaevuzb

Ўзбекистон ва дунё мактаблари: фарқлар, янги тенденциялар

Илмдан бошқа нажот йўқ. Боланинг илмга муносабати эса биринчи таълим даргоҳи – мактабда шаклланади.

Kun.uz Ўзбекистон ва хорижда фаолият олиб бораётган ватандош мутахассисларни мактаблардаги таълим сифати мавзусида муҳокамага чорлади.

👉 Мақолани ўқиш

📹 Тўлиқ видеони кўриш

Kun.uz Telegram каналлари👇

Ўзбекча | O‘zbekcha | Русская

⚡️⚡️Ўзбекистонлик олимлар ҳамкорлигида яратилган вакцинадан Хитойда фавқулодда фойдаланишга рухсат берилди.

Хитой фанлар Академияси Микробиология институти ва Аnhui Zhifei Longcom Biopharmaceutical Co.Ltd фармацевтика компанияси томонидан яратилган ҳамда ўзбекистонлик олимлар билан ҳамкорликда клиник тадқиқотлари олиб борилган коронавирусга қарши янги (СНО ҳужайрали) рекомбинант вакцинаси Хитойда фавқулодда фойдаланишга рухсат берилди.

Маълумот учун, яқин кунларда мамлакатимизга ушбу ваксинадан ҳам 1млн доза келтирилиши кутилмоқда.

@D_Ganiyev

AstraZeneca vaksinalari "xavfsiz va samarador".

Yevropa Tibbiyot Agentligi (EMA) o'rganishlari AstraZeneca vaksinalarini "xavfsiz va samarador" deb, xulosa beribdi. Agentlikka ko'ra, qon "tromb"lari paydo bo'lish riski vaksina bilan bog'liq emas.

Shuningdek, kecha Jahon Sog'liqni Saqlash Tashkiloti (WHO) ham barcha davlatlarni AstraZeneca vaksinasidan foydalanishda davom ettishga chaqirib, vaksina yuzasidan o'z o'rganishlari bo'yicha to'liq xulosani juma kuni ma'lum qilishini bildirgan.

Avvalroq, AstraZeneca vaksinalari bilan emlangan 40 insonda (jami 17mln. insondan) tomirlarda qon "tromb"lari kuzatilishi ortidan 13ta Yevropa davlatlari ushbu vaksinadan foydalanishni to'xtatish qarori qabul qilgandi.

Yevropa Tibbiyot Agentligi xulosasidan keyin esa Italiya, Ispaniya va Germaniya vaksinadan foydalanishni davom ettirishi ma'lum qilingan.

Ma'lumot uchun, o'tgan kuni O'zbekistonga ham COVAX programmasi asosida 660 ming doza AstraZeneca vaksinalari olib kelingan hamda Navro'zdan so'ng mamlakatda ommaviy emlash ishlari boshlanishi kutilmoqda.

👉 @D_Ganiyev

Tengqurlarim orasida “Sariq devni minib” kitobini sevib o‘qimaganlari kam edi. Xatto kitob o‘qishni yoqtirmaydigan sinfdoshlarimiz, do‘stlarimiz ham, hech bo‘lmasa, Hoshimjonni sarguzashtlarini bir bor bo‘lsa-da o‘qirdi.

Bugun ana shu o‘lmas asarlar muallifi, o‘zbek bolalar adabiyotining zabardast ustunlaridan biri ustoz Xudoyberdi To‘xtaboyev vafot etibdilar.

Garchi ustoz o‘zlari bu dunyoni tark etgan bo‘lsalar-da, lekin ular yaratgan ijod boqiydir.

Hali yana millionlab o‘zbek bolajonlari Hoshimjon bilan birga “sehrli qalpoqcha”larini kiyib, o‘z sarguzashtlarini yaratishadi. Men bunga ishonaman.

Ustozni yaqinlari va oila a’zolariga esa go‘zal sabr tilab qolaman. Alloh ustozni rahmatiga olgan bo‘lsin.

Inna lillahi va inna ilayhi rojiun.

👉 @D_Ganiyev

Таланганни яна талашмоқчи

Бутун қиш давомида йўқ электрдан жавр кўрган ким? Албатта энг аввало аҳоли. Лекин бизнес ундан кам талофат кўргани йўқ. Электр узилишлари ва йўқлигидан бизнес кўраётган зарарнинг ўлчаш методологияси мавжуд эмас. Лекин ишонинг бу зараркунандалик триллионлаб рақамлар билан ўлчанади. Кимдир буни қоплаш ёки айбдорларни жазолаш ҳақида масала кўтардими? Йўқ!

Қайтанга уқувсиз, самарасиз ва фақат маблағ ўзлаштиришни биладиган нопрофессионал монополист энди зўрға қишдан эмаклаб чиққан бизнесни яна қонини сўрмоқни режа қилмоқда.

Агар мана бу зараркунанда лойиҳа ишга тушса, электр тармоқларига уланиш учун тадбиркорлар қарийб 15 млн сўмгача бир марталик тўлов қилишлари мумкин.

Лойиҳада қуввати 20 кВтгача бўлган истеъмолчилар (маиший истеъмолчилардан ташқари) тайёр ҳолда электр тармоқларига уланиш бўйича Ҳудудий электр тармоқлари корхонасига БҲМнинг 30 баравари миқдорида;

қуввати 20 кВтдан 50 кВтгача бўлган истеъмолчилар электр тармоқларига уланиш бўйича ҲЭТКга БҲМнинг 60 баравари миқдорида бир марталик тўловни амалга ошириши кўзда тутилган (қўшимча йиғим!).

Шунингдек, 20 кВтдан 50 кВтгача бўлган электр тармоқларини улаш бўйича лойиҳа ҳужжатларини тайёрлаш, қурилиш-монтаж ишларини бажарилиши фақат ҲЭТК билан шартнома тузган ҳолда амалга оширилиши белгиланмоқда (яшасин, монополия!).

Ўзи бизнес қиммат, деярли Европа нархларида электр учун пул тўласа, яна бу электр кафолатланмаган, исталган пайт узилса.

Четдан олинаётган ҳар доллар қарзнинг ярми шу энергетикага кетаяпти. Соҳага пул керак бўлса, миллиардлар ўғирланаётган лойиҳалар инвентаризациядан ўтказилсин. Каррасига қиммат нархларда четга пул чиқариш учун тузилган сохта импорт шартномалари ўрганилсин. Силлиқ ўғрилар қамалсин ва қустирилсин!

Лойиҳа муҳокамасида фаол бўлинг.

Йўқ денг, йўқ денг ва яна йўқ денг. Бунга ҳақлисиз.

Bugun Yashnobod tuman passport stolida MTRK kanallaridan birida ishlovchi jurnalist bilan tasodifan uchrashib qolib, u bilan o‘tgan oy yo‘l harakati qoidabuzarliklarni fuqarolar tomonidan telefonlar orqali qayd etish masalasida munosabat bildirib, bergan intervyum haqida so‘ragandim.

Shunda jurnalist qiz intervyu efirga uzatilmaganini, buning sababi sifatida esa u ishlaydigan kanalda men “zapret”da ekanligim bilan izohladi.

Ochig‘i bu gapdan o‘zim ham hayron bo‘lib, ishonmadim. Lekin jurnalist aytgan gapdan ham ajablanib, ham ishonmay, Twitterda bu voqea haqida hazilomus tarzda yozgandim.

Lekin ming afsuski, bu tvit ko‘pchilik tomonidan noto‘g‘ri talqin qilinib, turli asossiz bahs va muhokamaga sabab bo‘libdi.

Bundan xabar topgan MTRK mas’ullari bog‘lanib, menga nisbatan hech bir kanalda rasmiy yoki norasmiy “zapret” yo‘qligini hamda men gaplashgan jurnalist noto‘g‘ri va yolg‘on ma’lumot berganini ma’lum qildilar. Isbot sifatida, shu oyni o‘zida O‘zbekiston 24 kanalida bir necha intervyularim efirga ketgani aytildi.

Haqiqatda, shaxsan davlatimiz rahbari tomonidan so‘z erkinligi rag‘batlantirilib, OAV bilan erkin muloqotlar yo’lga qo‘yilayotgan bugungi kunda eskilik sarqiti bo‘lmish “zapret”larga jamiyatimizda o‘rin yo‘q, deb bilaman.

Tasdiqlanmagan va rasmiy ma’lumotga asoslanmagan holda o‘ylamay yozgan tvitim orqali kimlardadir noto‘g‘ri fikr yoki xulosa shakllanishiga sababchi bo‘lgan bo‘lsam , yana bir bor uzr so‘rayman.

@D_Ganiyev

⚡️Тезкор хабар: 1 апрелдан оммавий тадбирлар ўтказишга айрим чекловлар ўрнатилади

Республика махсус комиссияси сўнгги кунларда Тошкент шаҳри ва Тошкент вилоятида коронавирус инфекцияси билан касалланиш ҳолатлари ортганлиги муносабати билан мамлакатимизда кескин эпидемиологик ҳолат юзага келишини олдини олиш мақсадида қуйидаги таклифларни маъқуллади:

Жорий йилнинг 1 апрелидан бошлаб Ўзбекистон ҳудудида:

🔺тўйхоналарда оилавий тантана, тўй, маърака ва маросимларни 100 кишидан кўп бўлмаган ҳолда ўтказиш;

🔺театр, кино (кинотеатр) ва концерт-томоша дастурларини ташкил этишда:

👉 томошабинлар ҳамда хизмат кўрсатувчи ходимларнинг қатъий ниқобда (маскада) бўлишларини таъминлаш;

👉 томошабин сиғимини инобатга олган ҳолда томошабинлар сонини 50 фоиздан оширмаслик;

👉 томошабин ўриндиқларидан оралиқ масофани сақлаган ҳолда фойдаланилишини таъминлаш;

👉 ташриф буюрувчиларнинг тана ҳарорати назоратини ўрнатиш ҳамда тана ҳарорати кўтарилган шахсларни дастурга қўймаслик;

👉 томоша ўтказиладиган саройларда савдо шохобчалари фаолиятини тўхтатиш (ниқоб ва антисептик воситалар савдоси бундан мустасно);

👉 чипталарга “Фақат соғлом бўлсангизгина ташриф буюринг” ёзувини ёзиш орқали аҳолини огоҳликка чақириш;

👉 кириш қисмида томошабинларнинг бинога тартибли киришларини таъминлаш мақсадида махсус ленталар ёрдамида бир қаторли кириш ва чиқиш йўлакларини ўрнатиш тартиби белгиланди.

Манба: Соғлиқни сақлаш вазирлиги


👉 @xushnudbek 👈

Bugun O’zbekistonga 1mln doza ZF-UZ-VAC2001 rekombinant vaksinalari keltiriladi

Xitoy-O’zbek olimlari hammualifligida yaratilib, shu oy boshida davlat ro’yxatidan o’tkazilgan ZF-UZ-VAC2001 rekombinant vaksinasidan 1mln doza bugun Toshkentga olib kelinadi. Bu O’rta Osiyo davlatlari ichida birinchi bo'lib bunday katta partiyada vaksina sotib olinishi.

Bundan avval mamlakatga COVAX tomonidan 660 ming doza Astra-Zeneca vaksinalari taqdim etilgandi. Bu esa 1-apreldan boshlanishi kutilayotgan ommaviy emlashda kamida 1 mln 660ming aholini 1-doza bilan emlash imkoniyatini beradi.

Mamlakatda koronavirus bilan kasallanganlar soni yana ortib borayotgan bir paytda vaksina bilan emlash ishlarini jadallashtirish talab etiladi. Shu bois, Hukumat tomonidan barcha resurslar, imkoniyatlar mamlakat aholisi uchun yetarli vaksinalar olib kelinishini ta’minlash hamda aholini katta qismini emlash ishlarini qisqa fursatlarda amalga oshirishga qaratilishi kerak.

👉 @D_Ganiyev

Oʼzbekistonga olib kelingan vaksinalar xavfsiz va ishonchlimi?

Koronavirus xavfidan qutulish, pandemiyadan avvalgi iqtisodiy faollikka erishish uchun yil oxirigacha 18 yoshdan katta aholining kamida yarmini emlashga erishishimiz kerak.

Toʼgʼri bu oson boʼlmaydi. Chunki birinchi navbatda, dunyo rivojlangan davlatlari o'rtasida vaksina talash bo'layotgan bir paytda yetarli quvvatdagi vaksinalar olib kelinishini ta'minlash o'zi eng katta muammo.

Bundan tashqari bugunga kelib vaksinaning ijobiy hamda salbiy jihatlari bilan bogʼliq turli xil asossiz va soxta axborotlar ham juda koʼpayib ketdi. Qolaversa, odamlarimiz orasida ko’pchilik nafaqat vaksinaga, balki koronavirusni borligiga shubha bilan qaraydi. Shuning uchun xalqimizga emlash boʼyicha toʼgʼri va asosli maʼlumotlarni yetkazish, targʼibotni toʼgʼri yoʼlga qoʼyish talab etiladi.

Lekin inson bir narsani targ’ib qila olishi uchun unga avvalo o’zi ishonishi, o’zi sinovdan o’tkazishi kerak. Shu bois, Oʼzbekistonga olib kelinayotgan vaksina xavfsiz va ishonchligiga amin bo’lish uchun o’tgan oy men ham ko’ngilli tarzda ZF-UZ-VAC2001 vaksinasi bilan emlandim. Qolaversa u qariyb 7 mingta yurtdoshimizda muvaffaqiyatli sinovdan oʼtkazildi.

Mamlakat aholisni ommaviy emlashda ishlatiladigan yana bir vaksina bu AstraZeneca bo’lib, hozirga qadar bu vaksina bilan dunyo bo’ylab 50 millionga yaqin odam (asosan Yevropa aholisi) emlandi. Ular orasida mashhur insonlardan tortib mamlakat siyosiy rahbarlarigacha bor.

Misol uchun, Angliya qirolichasi Elizabetta II, Britaniya bosh vaziri Boris Jonson, J.Koreya prezidenti Mun Chje Inlar ham aynan AstraZeneca vaksinasi bilan emlandi.

Shu kunlarda aynan shu vaksinani talashib, Yevropa Ittifoqi va Britaniya o'rtasiga sovuqchilik tushmoqda, Hindiston ham o'zida ishlab chiqarilayotgan AstraZeneca vaksinalar eksportini vaqtincha to'xtatib qo'yishi haqida xabarlar berilmoqda. Bu bir tomondan vaksina ishonchli va talabgor ekanligini tasdiqlasa, boshqa tomondan biz kabi davlatlarga o'z aholisini vaksina bilan ta'minlash imkoniyatini yanada qiyinlashtiradi.

Yuqoridagi misol va raqamlardan ko’rinib turibdiki, aholimizni emlashda foydalanishi rejalashtirilayotgan har ikkala vaksina turi ham yetarlicha sinovlardan o’tkazilib, millionlab odamlar tomonidan muvaffaqiyatli qabul qilingan.

Umid qilamanki, vaksina bilan emlanish taklif qilingan yurtdoshlarimiz hech ikkilanmay vaksinalarni qabul qiladilar hamda xalqimizda ommaviy immunitetni shakllantirishda o’z hissalarini qo’shadilar.

👉@D_Ganiyev

Коронавирусга қарши қайси вакцина билан эмланган маъқул, деган савол атрофида кўп муҳокамалар бўлмоқда.

Ўрганиш ва клиник синов натижаларидан келиб чиқиб, мен ҳам Хитой ва Ўзбекистон олимлари ҳамкорлигида яратилган ZF-UZ-VAC2001 вакцинаси билан эмланаман, деган қарорга келдим.

👉 @deputat_kusherbayev

Freeman FM — «Файзбоғ» телеграм каналида онлайн подкаст

Телеграмда янги функция ишга туширилгани муносабати билан, биз ҳам бугун онлайн эфир уюштиришга қарор қилдик. Агар подкастимиз обуначиларга манзур тушса, эшиттиришни мунтазам йўлга қўйишга ҳаракат қиламиз.

Бугунги меҳмонларимиз — мустақил сиёсатшунос, ўзининг кўплаб таҳлилий мақолалари билан машҳур бўлган Камолиддин Раббимов ва Олий Мажлис Қонунчилик палатаси депутати Дониёр Ғаниев.

Суҳбат, Ўзбекистон вақти билан соат 19.00 да бошланади.

👉 @fayzboguz

Freeman FM, #подкаст №1.

Меҳмонларимиз — таниқли сиёсатшунос Камолиддин Раббимов ва Олий Мажлис Қонунчилик палатаси депутати Дониёр Ғаниев. Подкастда биз бир қатор долзарб масалалар, жумладан:

— Қирғизистон ва Ўзбекистон ўртасидаги музокаралар;

— Ўзбекистон Парламентининг бугунги сиёсий ҳолати;

— ўсиб бораётган ташқи қарз;

— кўплаб баҳс-мунозараларни келтириб чиқарган ЖК-120 моддаси тўғрисида фикр алмашдик.

Тингланг, баҳо беринг, кўплаб саволларингизга жавоб олинг.

👉 @fayzboguz

Бугунги подкастимизда айни кунларда кўплаб миш-миш ва муҳокамаларга сабаб бўлаётган Жиноят кодексидаги 120-модданинг олиб ташланиши масаласи қай даражада ҳақиқатга мувофиқ эканлиги, бу масала ростдан кун тартибига қўйилган ёки шунчаки миш-миш эканлиги, бу можаронинг сабаб ва оқибатларига аниқлик киритиш мақсадида депутат Донёр Ғаниевга савол билан мурожаат этилди ҳамда жавоб қуйидагича бўлди:

"Буни ўртага олиб чиқишга хавотирли асоснинг ўзи йўқ, чунки бирор мансабдор шахс ёхуд қонун ҳужжати томонидан бу моддага ўзгартириш киритиш масаласи ўртага ташланмаган.

Фақатгина, regulation.gov.uz сайтида эълон қилинган Жиноят Кодексининг янги таҳрири кенгайгани ва моддалар сони ортгани сабабли, 120-модданинг ўрни 154-моддага ўзгарган. Мазмун ўзгаргани йўқ, рақам ўзгарган холос. Барча тортишувлар асоссиз. Биз бундай масалаларга илакишиб жамият бўлинишидан манфаатдор кучларни манзилига элтиб қўймаслигимиз керак".

👉 @fayzboguz

⚡️Ўзини ўзи банд қиладиган фуқароларга айрим турдаги фаолиятни амалга ошириш (касаначилик, ҳунармандчилик, иссиқхона қуриш ва шу кабилар учун зарурий хомашё, эҳтиёт қисм ҳамда қурилиш молларини сотиб олиш) мақсадида 5 млн сўмгача кредит маблағлари нақд пулда берилиши мумкин.

Yuksalish_live

Бир неча кун олдин интеллектуал маҳсулот ва унинг аҳамияти ҳақида ёзган эдим. Шунга бир нечта мисол келтириб ўтмоқчиман.

АҚШ иқтисодиёти бугун аниқ қўлга ушлайдиган маҳсулотдан кўра ақлий маҳсулот устида қурилган. Мен Европада итальян ёки французлар АҚШликларни маданиятсиз деб кулишганини кўп эшитганман. Уларнинг наздида “тупой америкаликлар” оддий географияни билишмайди, дидсиз бинолар қуриб, дидсиз санъат яратишади. Лекин, аксар Европаликлар бугун iPad орқали Youtube ёки Netflix кўришади, янги дизайндаги жинси шимда юришади, ўз фикрларини “Wоrd” дастуридан фойдаланиб Dell ёки Apple компьютерида ёзишади. Кинотеатрда “Аватар" фильмини поп-корн еб маза қилиб кўришади.

1000 доллар баҳоланадиган iPhone нинг тан нархи бугунги кунда 250 доллардир, қолган 750 доллари ғоя яъни идея учун тўланади. Dell ҳам, Apple ҳам, HP ҳам маҳсулотнинг ғоясини яратиб, уни арзимаган пулга Осиё мамлакатида ишлаб чиқаради. АҚШ иқтисодиёти идея яъни ақлий меҳнат маҳсулотлари устида қурилган.

Бугун ғоя яъни интеллектуал мулк энг кўп даромад олиб келадиган дунёда яшаяпмиз. Биз кучли иқтисодиёт қуришимиз учун хом-ашё эмас, интеллектуал маҳсулотлар ривожига бор эътиборни қаратишимиз керак.

@allaevuzb

Тадбиркорлик билан шуғулланишнинг зўр йўлларидан бири қишлоқ хўжалигида эканига кўпчилик ишонмаса керак. Лекин бу бор гап. Одамзод мавжуд экан, уни озиқ-овқат билан таъминлайдиган, қорнини боқадиган соҳа ҳеч қачон ўлмайди. Ўзбекистон шароитида буни бемалол қилса бўлади.

Тадбиркорлар орасида деҳқончилик билан шуғулланмоқчи бўлганларнинг кўпи ярим йўлдан ташлаб кетишади. Сабаби уларда қишлоқ хўжалиги ҳақида яхши тушунча бўлмайди. Керакли билимларни топа олишмайди. Тупроқ таркиби, соҳадаги технологиялар ўзгаряпти, кўпгина методлар эскирди.

Шунинг учун ҳам ҳозирги қишлоқ хўжалигимизни 100% самарали деб айтолмаймиз. Кам меҳнат ва харажат билан кўп даромад олиш учун янги билим ва тажрибаларни ўрганиш, амалиётда қўллаш, дарсликлар, китобларимиз бўлиши керак. Видеода гапираётган тадбиркорнинг сўзларидан ҳам бизга билим нақадар зарур эканини тушуниш қийин эмас.