‌BLACK ‌Terminal 🖤

هل انت فعلا تختار المحتوى ولا المحتوى هو اللي يختارك؟ 🧠

لما تدخل السوشل ميديا تحس بإنك حر وانك ضغطت على هذا المقطع وانك كملت ذا الثريد وانك دخلت التعليقات وانك تابعت فلان وتابعت علان وتجاهلت هذا وسويت كثير اشياء من نفسك، لاكن اصلا المنصات هي اللي ترتبلك العالم اللي تخليك تتحرك فيه وانت مقتنع انك حر وفي الاصل هي المتحكمة 🔱

وهنا تبدأ فكرة التنويم الرقمي ترا ماهو انه يسلبك عقلك مره وحده هو انه يسحب انتباهك شوي شوي ويخليك تدخل في مسار معين وانت حاس انك انت اللي اخترت الطريق وكل ما طولت داخل المسار كل ما صار اصعب عليك تنتبه انك اصلا ما دخلته لحالك

المنصة ما تقولك آمن بهذي الفكرة او تقولك اكره هذا الشخص ولا ثق بهذا هي تسوي شيء اذكى من كذا وتخليك تشوف نفس الفكرة كثير وتشوف خصومها بشكل غبي وتشوف مؤيديها بشكل اذكى وتشوف القصص اللي تخدمها وتشوف السخرية من اللي ضدها لين في النهاية تحس انك وصلت للقناعة بنفسك مع ان الطريق كله كان مترتب لك من البداية 👁️

الفكرة هنا ان الانسان غالبا ما يتغير بسبب معلومة وحده يتغير بسبب بيئة كامله تكرر عليه نفس الشعور من اكثر من زاوية مره مقطع قصير ومره تعليق يضحك ومره قصة شخص يقول انا كنت مثلكم وصحيت ومره شخص يهاجم الطرف الثاني ومره واحد يشرح لك الموضوع كأنه واضح وما يحتاج نقاش ومع الوقت عقلك يبدأ يتعامل مع الشيء المتكرر كأنه طبيعي والشيء الطبيعي يبدأ يحسسك انه صحيح حتى لو ما اختبرته صح 🧪

وهنا المشكلة وهي انك ما تحس انك يتم توجيهك لان التوجيه ما يجيك كأمر مباشر يجيك كإحساس وكفضول وكغضب وكضحك وكاستفزاز وكراحة نفسية انك مع الجماعة الصح وهذي المشاعر اذا تكررت عليك يوم ورا يوم تبدأ تبني داخلك موقف كامل وانت تحسبه رأيك مع انه ممكن يكون نتيجة ترتيب طويل للمحتوى اللي تشوفه واللي ما تشوفه

المنصة ما تحتاج تعرفك هي بس تحتاج تعرف شخصيتك ايش يوقفك وايش يخليك تعيد المقطع وايش يخليك تدخل التعليقات وايش يخليك تضحك وايش يخليك تستفز وايش يخليك تحس انك اذكى من غيرك وايش يخليك تقول بينك وبين نفسك اخيرا فيه احد قال الكلام اللي كنت ابي اقوله من هنا تبدأ الخوارزمية تجمعك من تصرفات صغيره لين تصنع لك عالم يشبه نقاط ضعفك اكثر مما يشبه حقيقتك 🕳️

واخيرا وليس اخيرا اعذروني على القطعة بإذن اللي بصير انزل مقال كل يومين ثلاث

والسلام عليكم 🗽🖤.

281 views11:48