اما خوّيٍ يرخص الروح للروح
‏ولا ترا الفرقا معزه وشيمه .

بعض الخلايق كنه العود الأزرق
‏ غالي ثمن و اليا احترق زاد طيبه

" عسى بيت الكرم والمواجيب
‏ يبقي عزيز وشامخاتٍ ركونه "

- ما تشبه الا قصيدً مات من قاله
‏ ولا زالت تعيش بين الناس قيفانه .

كثروا اللي يسبون الفقر كل حزه
‏"والفقر مايرد الطيب من المراجل "

المراجل مالها ساعة وحزه
‏كل حزه ياسلاام الله علينا

أنا ادري إنّي كل ما نزلت راسي للسجود
‏يرفعني الله بالقبول الزين لأعلى مرتبه

حملت من جُور العنّا فوق ما أطيق
‏ولا زلت أشرب شاي وأسمع قصايد

حتى القصايد في حسّنك احتارت
‏ لا قصايد ولا غزّل يرضي جّمالك .

ماتموت عزومنا دون غايات المراد
‏المحازم راهيه ،،، والدروب ندلها

طريـقٍ يعرّضـك المناقيـد ، ، لا تمشيه
‏لو انك تشوف احلام عمرك على ارصفته

"جعله يصيبك مثل ما صابني منك
‏وجعله يجيك من الحُب ما جاني"

احب الرفيق الطيّب اللي جنابه زين
‏و أعدّه من الاقراب لو ماهو قريّب

ما تشين النوايا في صدور الكرام
‏ولا تضيع الجمايل في عيون الوفي.

اضحك مع الدنيا ترا العمر فاني
‏إن كان ماجاك الكبر جايك الموت .

اللي معدنه طيب ما تغيره الظروف
‏والكفو يبقى كفو لو الزمن هدّ حيله.

القليل من التجاهل سلاح العاقلين
‏يجبر اللي غرّه الكبر يرجع مستواه

جعل حظي .. عـند ربـي مـعتلي
‏لو حظوظي عند خلق الله تطيح

ما الله خلقنا نرضي فلان وفلان
‏إليا رضى ربي علينا اكتفينا

‏نداري الخطر على حسب الامكان
‏اما مشت بالطيب ولا مشينا .