من طاب بالاجناب دون القرايب
كنه مصلي النافلة وتارك الفرض

بيتٍ هله طرمان ماهو بمدهول
الضيف يبغي له فصيحٍ يهلي

افتخر في خوة اللي يشرفني نباه
جعلني من رفقة اهل المعزه ما خلا

جعلنا سعد الرفيق وفزعته وعلاجه
ان بغى يقطع وصلنا وان بغى ياتينا

الصدق مثل العود الأزرق لقام يفوح
أتعطر به دقوون الرجاال وشوواربها

راعي المصالح لابغى حاجه يجيك .
وان جيت له محتاج قفى وخلاك .

معرض صدري لرش المطر وذعذاع الهبوب .
ودي إن المطر يغسل قلبي من شي ٍيحسه "

ماتشيل الحمول الاكتوف الشجاع
وماتهين الشجاع إلا ظروف السنين

عيون خلق اللّٰه .. على الزله وساع
وعلى الطيب والوفا عميا ما تشوف

الحيا لاقل في الارض والا في الوجيه
قل مافيها من الجاذبية والقبول .

الكفو مثل الجمل ما يشيل الا الثقال
والردي دايم لو زاد حمله رقد

اليا حظر يغني عن الكل وينوب
وان غاب ماكل من يسد بمحله

باب يساوي عزة النفس مردود
ماحد على نفسي العزيزة مبدا

كل صعب مع مرور الوقت يسهل
وكل ضامي بآخر دروبه سحابه

أدور الكايد وأحبه وأداريه لا
يمكن أرضى في قليل وسهالات

من سلايل لابتن طيبها ما هو غريب
عزوة الرجبان نطاحة الموت الحمر

من طاب لي شلته على العين والراس
ومن صدّ ... ما عنيت خلفه مسيري

من يفلت النادر وهو ما بين إيديه
ماعاد يرجع بالمدامع والصياح

‏بتحدك مقادير الدهر والليالي العوج
‏ على جمرة مالك على لمسها حاجه

‏انطح سبايب زعلك و ثوّر غباره
‏رمحٍ يخمك و لا رمحٍ تهدد به .

‏العقل شايب وفاهم الحياه وخبير
‏والقلب ورعن يدور حاجتن تزعله