لا اود ان اعلم متى أموت،إن ما أود أن أعرفه،متى سأعيش

أن تحميني من نفسي قبل شرور العالم هذا ما اوده يارب

اعود منتصِرا بكل معاركي وأمام عَـينيها البـريئة أُهـزم .

اغنية تلخص الكثير من المعارك…

تصلين الى ذروة البؤس،
فأقول للعالم الجاحد،كيف تفعل هكذا،بتلك التي كانت ترمم صباحاتُك وتنشُر الرحيقَ على وجهِك قبل أن تنشر ملابسها على الحبل؟

توقف الوحي عن النزول،حينما أدرك الله إن خلقُكِ مُعجِزةٌ لا مثيل لها…

الواحد يحير هالفتره يكرش لو يمتعض من الحب،

شبعد اكبر من هالليل؟

ثلاثةٌ نمشي،أنا والطريقُ والوقت،لكن لا احد يعلم الى اين

اكو عدة مواضيع اريد اتكلم بيها،
بس بما ان الطشه صايره ع الجامعات الاهليه وطريقة التسقيط وربط الثقافه بالدراسة فراح ابلش منا،
عزيزي موضوع الثقافه بعيد كل البعد عن الدراسة العلمية،الثقافة هي اطلاع عام تتأثر بيه السلوك والمبادئ وينطري على التزامات اخلاقية تبين بشخصية الفرد،يمكن لأي انسان ان تبين عليه هاي الملامح اذا كان دارس او غير دارس،فالماده العلمية هي مادة تخليك تتقن مجال معين او المجالات الي دارسها،اما المادة الفكرية هي الي تبين بالسلوكيات الي تظهر من الشخص،ومن هنا تكدر تقيس ثقافة الشخص من كلامة وتطبيقه،
اما موضوع الجامعة الاهلية بظل الحكومة العراقية وهنا اخصص الموضوع للبلد الي اعيش بيه،
فعزيزي بلد مثل العراق يدار من قبل مجموعة من الجهلة والاغبياء يقتلون مستقبل الاشخاص ويدمرون الكثير من الاقسام الي تعتبر اساس نجاح الكثير من البلدان بسبب اهمالهم، ويخلون كدام الفرد طريق واحد اما يسير فيه او يذهب سدى،فهنا تنجبر تدخل جامعة اهلية دافر كل احلامك القديمة،
واذا كنت غير ميسر الحال فراح تمضي للطرق المسدوده لبين ما الله يفتحها،
خلي اللخص الموضوع الك،وهاي الرساله للكثير من التدريسيين بالجامعات الاهلية الي يستصغرون طلاب هاي الجامعات على الرغم من كون هؤلاء الاشخاص نفسهم لولا احتواء هاي الجامعات الهم جان راحوا بمهب الريح،فعزيزي،اذا جان الشخص طبيب اسنان ونفترض انت نجحته غصبًا عنك بسبب سياسة الجامعة المالية،فهذا الشخص لا تتصور راح ينجح،مو من المعقول اروح لدكتور اسنان فاشل ،والطبيب سمعة،وجاي نشوف شتّان بين عيادات الاطباء الناجحه والفاشلين والزخم المتواجد،
فلا تكعد تحجي بصيغة العموم متناسي كونك دتطلع خارج العراق تدرس ماجستير ودكتوراء وتنجح بالمال ايضًا في سبيل الوصول

الرسالة الثانية للدكاتره وبظل خضام الصدف الي تخلي دكتور الشيب ماكل ملامح وجهه ويحجي بصورة طفولية منطيك درس متكامل عن كون الثقافة لا تُرمم بالمادة العلمية اذا كانت السلوكيات طفولية،فعزيزي،
تواجدي بجامعة اهلية مايعني اني فايخ وضارب الوضعية جلاق،تواجدي هنا في سبيل ضمان مستقبلي الي مستحيل اضمنه بصوره ثانيه ،وممكن تكون هاي الجامعة هي نقطة بدايتي حتى انشئ المستقبل الي اطمح اوصل لعنده،
المهم من تشوفني ما مكمل قسط، لتكعد تستنقص وتحجي بطريقة تهجمية وكأن الجامعة بانيها انت بتعبك وانت توالي دكتور مُحتضن من قبل الجامعة ومرتبك تستلمه من ايرادات الطلاب، بأي لحظة اكدر اجاوبك بالصورة الي تبينلك مستواك الضحل،لكن احترامًا لكونك استاذ واحترامًا للشيبات الي تبين فارق العمر احتري الصمت،
كلامك عن ماضيك وكأنك احد اهم البارزين في تحرير القدس والمساهم في تحقيق السلام العالمي يغدوا هباء من تكعد تثرثر وتبين اضحل من مياه المجاري الي تغطي المدن،
ممكن ظروفك وصدفتك الكونية هيأتلك فرصه اجتياز الاعجازات المالية،لكن ظروفك تختلف عن ظروف الكثير من الطلاب الي ممكن اهله ديكافحون بشتى الطرق في سبيل ضمان مستقبله، اذا شائت الصدفه وجمعتنا بقاعة مره ثانية وعدت ثرثرتك القديمه راح بوقتها اضطر اخلي كرامتك تطلع كدامك من الباب،
فالدكتور كدامه طريقين اما يكون قدوه او ثرثار يمتعض منه الجميع ويسحل نفسه من مكانته الي يعتبرها مرموقه لمكانته الخايسه،
وشتان ما بين احمد الحديثي وكم دكتور تحسهم كومة هراء يلعب النفس

وبظل هاي الرسائل احب ارسل امتعاضاتي لعدد لا يحصى من طلبة الجامعات الاهلية الي من تسلم عليه يكلك وعليكم السلام اني ابن النائب او الوزير او القائد الفلاني،
عزيزي المتهالك،ليش تخرب النظرة الي اخذتها عنك قبل ثانيتين من السلام الي جانت توضحلي انك انسان وتشوفني حيونتك من اول سلام؟
شنو الافتخار اذا كان والدك الغير مبجل طبعًا نائب او قائد او وزير او شخص واصل وارتباطاته قوية بثلة الفاسدين ؟
اذا كانت حتى الحيوانات بشوارعنا تسب وتشتم وتمتعض من الوضعيه الي والدك سبب بيها؟
تريد افرحلك لو احزنلك من تكلي هيج؟
لا حبيبي هذا مو موضع افتخار ترا بالعكس لو بمكانك اطم راسي وين ماكو كوم نفايات،
وبعدين انت ابن فلان بس انت منو وشنو؟
الناس مراح تشوف ابوك بيك لا راح تشوفك انت من تصرفاتك وسلوكياتك،
وبالاخير استذكر منا مثل او بيت شعر او اقتباس ما اعرف مصدره لكن امي تبقى تگوله گدامي،المرء ليس من قال هذا ابي ،بل المرء من قال هذا انا،
فيعني وصلت

الطالب الزربه او الحقير او الحيه،(الفتنه)،هذا احقر نوع من البشر ومن الطلاب خصوصاً ممكن تواجهه بحياتك،وماكو واحد بيكم مملتقي بهيج شخص فاشل،هذا الطالب هو نفسه اللوگي مالت المدرس،ونفسه الي ينقل شكو سالفه بالصف للادارة،وظيفته بالمدرسة ينقل اخبار وصاير وكالة انباء،وينقل الحدث قبل ليصير،هذا الطالب تلكه كل الطلاب تكرهه والي يحجي وياه هو بس الي يجامله ويفشله اكثر المرات لو وكالة انباء ثانيه من الصنف الحيواني نفسه،هذا الطالب،المفروض،كل شخص يشوفه يتفل بوجهه،ونسوي تمثال للتفال،حته يحس شوي ويصير مثل البشر،ومن هنا احب اوصل رسالة لهذا الصنف من الطلاب الي بالمدارس بشكل عام والي بمدرستنه بشكل خاص،واحب اكلك عزيزي الزربه ،وكالة انبائك الخاصه خليهه خاصة بحياتك الشخصيه،وحيونتك لا تطبقه علي،لان اذا صرت نذل وياك ممكن ارجعك بشر وانت تكره هالشي،لان اليعتاد ع الامر يحبه،وانت اعتدت تكون زمال تحب تنهق وتكره كل شخص احسن منك،واتمنى من الله يقرض هذا الصنف لانهم جرب،ومن اشوفهم جسمي يكوم يحكني،
-نص متعوب عليه ومقصود،
وجه رساله لهالصنف
@K3kybot

اما اني بمرحلتي الانتقالية من الاعدادية للجامعة اكتشفت ان هاي الفئه مستحيل تنقرض بالعكس راح تطور من قرفها اكثر:)

و بس…

السلام على الحسين ،وفكرة الحسين،وقضية الحسين،ورسالة الحسين،ومبدأ الحسين،وخلود الحسين…

اجدد سفري الليلكي بين قصائد درويش

وجسمي مثقلٌ بالذكريات وبالمكان
درويش

فالقلب يصدأ كالحديد
درويش