اشبعك تدحج بس تعال😂

كمل. ونحجي متت

ترا صدگ تعتبر مشاهد

الناس الي بحياتك كل شخص اله مشهده الخاص

اشخاص مشاهدهم تطول واشخاص يختصروها بالفلم الي حتكعد تستذكره بنهاية المطاف

فلم حتشوفه لوحدك من بين تجاعيد الايام وصفناتك اللامتناهية

جانت تجارب عظيمه ،شلون كدرت اتحمل كل هالمأساه بهالفلم الي تمثل على جسدي الناحل!

كل فلم دنشوفه اليوم يحمل رسالة

فلمك فقط حيكون حامل لكل الرسائل

مشاكلك الاجتماعية وتجاربك وقضاياك المختلفة ،الحب،الصداقة،الوفاء والخيانة،الديمومة والعبور ،الملائكية والشيطنة،والانسانية والحيونة،
الوعود والصدق والكذب،
البكاء والفرح والبوح و الكبت

كل هالشي حتكون حاملة بنهاية المطاف

بهذا جسدك الي ميتجاوز كيلوغرامات واطنان من التجارب

شگد حتحس بالعظمة بوقتها!

حتتمنى يكون يمك عمر ثاني

عمر تعيشة بخبرتك الي اكتسبتها

بنتاج تجاربك

بكينونتك المختلفة عن ايام الصبى والمراهقة

بس حتكون واعي لدرجة اليقين بأنه تبقى يمك سنوات او اشهر قليلة لتواجدك

مراح تتندم بوقتها لان مايمك انجاز عظيم غير هذا الكون

ويمكن راح تكون فخور لانك حتغادر الكون بدون ماتغيره وتخليه ع فطرته الي لگيتها انت،

وحتختار الهدوء بباقي حياتك،حتشارك الناس اشياء قليلة وبسيطة،وحتلتقي مع الي بقوا وياك بود لطيف