——————————————

إيه،منين نبدي ووين ننتهي

اكو فد انسان گالي بفد يوم انت بس ابقى واني عندي سوالف ما تخلص ولا تنتهي

انه موجود بس الانسان وسوالفة انتهوا

واكو فد انسان حاجيته بطريقة العابر وگال لا اني دائم واريدك دوم،انه العابر بقيت وهو عبرني

واكو انسان،شكد خططنا انا وياه،وغير المفترق ما حققنا

هسه هاي ليش كلشوي تخلص ماعرفوا يلحنوها طويله!

يابه بس لحظه غير انقطعت المشاهد من جدامي

دحج عدل

اشبعك تدحج بس تعال😂

كمل. ونحجي متت

ترا صدگ تعتبر مشاهد

الناس الي بحياتك كل شخص اله مشهده الخاص

اشخاص مشاهدهم تطول واشخاص يختصروها بالفلم الي حتكعد تستذكره بنهاية المطاف

فلم حتشوفه لوحدك من بين تجاعيد الايام وصفناتك اللامتناهية

جانت تجارب عظيمه ،شلون كدرت اتحمل كل هالمأساه بهالفلم الي تمثل على جسدي الناحل!

كل فلم دنشوفه اليوم يحمل رسالة

فلمك فقط حيكون حامل لكل الرسائل

مشاكلك الاجتماعية وتجاربك وقضاياك المختلفة ،الحب،الصداقة،الوفاء والخيانة،الديمومة والعبور ،الملائكية والشيطنة،والانسانية والحيونة،
الوعود والصدق والكذب،
البكاء والفرح والبوح و الكبت

كل هالشي حتكون حاملة بنهاية المطاف

بهذا جسدك الي ميتجاوز كيلوغرامات واطنان من التجارب