ደብረብርሃን ዩኒቨርሲቲ ከሁሉም ኮሌጅ መምህረን፣ ከትምህርት ክፍል ሀላፊዎችና ቴክኒካል ረዳት ጋር ውይይት አደረገ
========================================
ጥቅምት 20/2018 ዓ.ም፡፡ የደብረብርሃን ዩኒቨርሲቲ በአፀደቃቻው መመሪያዎች ዙሪያ ከሁሉም ኮሌጅ መምህራን፣ ከትምህርት ክፍል ሀላፊዎችና ቴክኒካል ረዳቶች ጋር ውይይት አደረገ፡፡

ውይይቱ በዋናነት የሚተያተኩረው የተግባር ሳይንስ ዩኒቨርሲቲ መማር ማስተማር ፣ ተከታታይ ምዘና ፣ ማጠቃለያ ፈተና ፣ የመምህራን አቅም ግንባታ ፣ ኮርስ ኦዲትና በፕሮግራሞች እውቅና ዙሪያ መሆኑ ታውቋል፡፡
ከውይይቱ በኋላ ሁሉም አካላት ጉዳዩን ተገንዘበው ሀላፊነታቸውን በአግባቡ እንዲወጡ የታሰበ መድረክ መሆኑ ተነግሯል።
@DBUINSIDER
@DBUINSIDER

የከፍተኛ ትምህርት ተቋማት ስርዓተ ትምህርት ክለሳ እየተደረገበት ነው። - ትምህርት ሚኒስቴር

‌‎የሚከለሰው ስርዓተ ትምህርት በ2018 ዓ.ም ዩኒቨርስቲ የገቡ ተማሪዎች የአንደኛ ዓመት ትምህርታቸውን ሲጨርሱ ተግባራዊ ይደረጋል ተብሏል።

ስርዓተ ትምህርቱን የመከለስ ሥራ የከፍተኛ ትምህርት ተቋማትን ተልዕኮ መሰረት ባደረገ መልኩ እየተሠራ መሆኑን በትምህርት ሚኒስቴር የአካዳሚክ ጉዳዮች መሪ ስራ አስፈጻሚ ኤባ ሚጀና (ዶ/ር) ገልፀዋል።

የቀድሞዎቹ ስርዓተ ትምህርቶች ዘመኑን ያልዋጁና ከዘመኑ ጋር በአግባቡ ያልተቃኙ በመሆናቸው ክለሳው ማስፈለጉን መሪ ስራ አስፈጻሚው ተናግረዋል።

የሚከለሰው ስርዓተ ትምህርት ምሩቃን ሥራ ፈላጊ ብቻ ሳይሆን ሥራ ፈጣሪ እንዲሆኑ የሚያስችል መሆኑን በትምህርት ሚኒስቴር የስርዓተ ትምህርት ፕሮግራሞች ዴስክ ኃላፊ ተስፋዬ ነገዎ ገልፀዋል።‎

እስካሁን በሁለት ዙሮች 55 የትምህርት ፕሮግራሞች ተከልሰዋል የተባለ ሲሆን፤ እስከ ዓመቱ መጨረሻ ከ80 የሚበልጡ ፕሮግራሞች እንደሚከለሱ ተገልጿል፡፡

@DBUINSIDER
@DBUINSIDER

ደብረብረሃን ዩኒቨርሲቲ በዩኒቨርሲቲው ውስጥ ካሉ የሽዋ ብርሃን ቃል ኪዳን ቤተሰብ ወላጆች ጋር ውይይት አደረገ
===================================
ጥቅምት 28/2018 ዓ.ም፡፡ ደብረብረሃን ዩኒቨርሲቲ በ2018 ዓ.ም ከደብረብርሃን ከተማ አስተዳደር ጋር በመተባበር ከተመሰረተው የሽዋ ብርሃን ቃል ኪዳን ቤተሰብ በዩኒቨርሲቲው ውስጥ ከተመረጡ በጎ ፈቃደኛ ወላጆች ጋር ውይይት አደረገ፡፡
በመድረኩም የመወያያ ሰነድ ያቀረቡት በደብረብርሃን ዩኒቨርሲቲ የሽዋ ብርሃን ቃል ኪዳን ቤተሰብ አስተባባሪ መምህር ስንታዬሁ አምባቸው እንዳሉት የዚህ መድረክ አላማ በዩኒቨርሲቲው ውስጥ ያሉ የሽዋ ብርሃን ቃል ኪዳን ቤተሰብ የተመረጡ ወላጆች የቃል ኪዳን ቤተሰብ ማለት ምን ማለት ነው ከቃል ኪዳን ቤተሰብና ከተማሪዎች ምን ይጠበቃል ? የሚሉትን ሀሳቦች ለይተው የሚያውቁበት የግንዛቤ መፍጠሪያ መድረክ እንደሆነ ተናግረዋል፡፡ አክለውም በቀጣይም ተማሪዎቹና የቃል ኪዳን ቤተሰቡ በጋራ የሚገናኙበት መድረክ እንደሚኖርም ጭምር አሳስበዋል ፡፡

@DBUINSIDER
@DBUINSIDER