التجميع في البيرماركت بيحتاج صبر ودراسة للعملات وخلال التجميع هتشوف حركات صعبه (لان السيولة ضعيفة ومش هيخلوك تجمع وانت مستريح)
كمثال مثلا Virtuals كانت بتتحرك صعود 500% وتخسر الصعود كله وتهبط 85% اكثر من مره خلال 150% يوم

اللي كان بيجمع شاف محفظته بتصعد 5 اضعاف وتهبط ويخسر كل الصعود وممكن خسارة من راس المال

وفجاه صعود ((235 ضعف)) في مدة مماثلة تقريبا بدون تصحيحات تذكر

(كام واحد تحمل وصبر) اتوقع مفيش الا لو حد طلع راس ماله مع اول صعود وسحب الباقي لمحفظة خارجية

📌 الفكرة التجميع صعب جدا ومتعب نفسياً ومش كل الناس هتتحمل وعندهم حق وده اصلا مقصود في طبيعة السوق (انهم ميخلوش حد يجمع بسهولة)

📌 وكمان مفيش حاجة مضمونة: كمثال مثلا فيه شخص كتب قصته علي تويتر النهاردة: كان شغال موظف في مشروع في مجال الكريبتو وكان مقتنع بالمشروع (اللي هو شغال فيه بالفعل) وقرر يشتري ب 100K$ من عملة المشروع وده حسب كلامة مدخراته خلال خمس سنوات، ولكن فجاة CEO للمشروع استقال وقفل المشروع والعملة انهارت،

تخيل ده كان موظف في المشروع مش بس دارس المشروع او سمع عنه، ده شغال معاهم وخسر كل شيء

📌 نصيحة جمع بفلوس مش محتاجها ولو خسرتها حياتك مش هتتاثر، وكده كده لو حصل بلرن المبلغ اللي دخلت بيه هتكتشف انه كان كافي جدا

📌 وغالبا محدش هيعمل بالنصيحة بس للتذكير 🫡

بالتوفيق