📍Լեգենդար բռնցքամարտիկ Մայք Թայսոնը Երևանում է

🚧 Երևանի Կիևյան կամրջի հիմնանորոգմամբ պայմանավորված՝ կառույցը հունիսի 17-ից միչև օգոստոսի 29-ը երթևեկության համար փակ է լինելու:

Քաղաքապետարանը առաջարկել է այլընտրանքային ուղեգծեր քաղաքացիների համար:

🇦🇲 🇫🇷 Հունիսի 15-ին Սուրեն Պապիկյանը մասնակցել է Փարիզում անցկացվող «Eurosatory 2026» միջազգային ցուցահանդեսի բացման պաշտոնական արարողությանը։

🇦🇲🤝🇪🇺 ՀՀ ԱԳ նախարարի հետ քննարկում ենք պարբերաբեր, թե էլ ինչպես կարող է ԵՄ-ն աջակցել ՀՀ-ին, որպեսզի նախընտրած ուղղին չփոխվի․ Կայա Կալաս

Այդ համատեքստում ԵՄ արտաքին հարաբերությունների և անվտանգության հարցերով բարձր ներկայացուցիչը հայտարարել է, թե Ռուսաստանը մեծ ճնշում էր գործադրում Հայաստանի վրա, որպեսզի վերջիններս փոխեն իրենց ուղղությունը։

Օրվա սկզբին մեզ կմիանա ՀՀ ԱԳ նախարարը, քննարկում ունենք։ Հայաստանում ընտրություններն էին, որոնք ավարտվեցին,նշեց նա։

Ռուբեն Վարդանյանի կինը հայտարարել է միջազգային մարդասիրական պատվիրակության այց Բաքու կազմակերպելու մասին․

Ռուբենի խնդրանքով ես մտադիր եմ կազմակերպել կանանց միջազգային մարդասիրական պատվիրակություն, որը մոտ ապագայում կմեկնի Բաքու։

Վերոնիկա Զոնաբենդը դիմում է Ադրբեջանի օմբուդսմեն Սաբինա Ալիևային և նրա գրասենյակին՝ խնդրելով աջակցել այդ պատվիրակության այցին Բաքու, պաշտոնական հանդիպմանը, հայ բանտարկյալներին տեսակցելուն և նրանց ընտանիքներից ծանրոցների, լուսանկարների, նամակների և օրենքով թույլատրված անձնական իրերի պաշտոնական փոխանցմանը։

🇦🇲🇺🇸🇦🇿 Ադրբեջանի և Հայաստանի միջև խաղաղության համաձայնագրի նախաստորագրումը լիովին փոխել են իրավիճակը Հարավային Կովկասում։

Ադրբեջանի նախագահ Իլհամ Ալիևը ուղերձ է հղել Շուշիում անցկացվող՝ «Տարածաշրջանային ներդրումը գլոբալ անվտանգության գործում. խաղաղության կառուցումը Հարավային Կովկասում» թեմայով միջազգային համաժողովի մասնակիցներին։

Այս առումով, իրագործվող «Զանգեզուրի միջանցք» կկապի Ադրբեջանի հիմնական հատվածը Նախիջևանի տարածաշրջանի հետ, ինչպես նաև կդառնա Միջին միջանցքի առանցքային հատվածներից մեկը, նշեց Ադրբեջանի նախագահը։

🇦🇲🇪🇺 Եվրամիության ընդլայնման հարցերով նախարարը հուլիսի 5-ին կայցելի Հայաստան։
Մարթա Կոսն այդ մասին գրել է իր X-ում, նշելով՝ Ռուսաստանը շարունակում է ակտիվացնել ճնշումը Հայաստանի վրա` փորձելով հեռացնել երկիրը իր ժողովրդավարական ընտրությունից, որը կայացվել է Հայաստանի ժողովրդի կողմից վերջին ընտրություններում։

Մենք ֆինանսական աջակցություն կցուցաբերենք և Հայաստանի համար ավելի հեշտ կդարձնենք իր հարևանների և Եվրոպայի հետ առևտուրը։ Ես հուլիսի 5-ին կմեկնեմ Երևան՝ առաջ մղելու կոնկրետ քայլեր, գրել է նա։

Աշխատանքային նախաճաշի ձևաչափով քննարկմանն Արարատ Միրզոյանն ընդգծել է, որ ՀՀ քաղաքացիներն իր քվեարկությամբ վերահաստատեցին իրենց կամքն՝ ապրելու խաղաղության մեջ և պաշտպանելու անկախությունը, ինքնիշխանությունը, ժողովրդավարական բարեփոխումների անշրջելիությունը, ինչպես նաև Հայաստանի՝ եվրոպական հեռանկարների նկատմամբ ձգտումները։

Տեղի է ունեցել մտքերի փոխանակում ՀՀ-ԵՄ առևտրաշրջանառության ավելացման, ՀՀ տնտեսական ու էներգետիկ դիմակայունության ավելացման ուղղությամբ կիրառելի մեխանիզմների և հնարավոր քայլերի շուրջ։

🇦🇲🇷🇺❗️ Հայաստանի ղեկավարությունը սխալ կգործի, եթե հույսը դնի միայն Արևմուտքի որևէ օգնության կամ աջակցության վրա։ Սա կբարդացնի իրավիճակը հանրապետությունում։ Այս մասին հայտարարել է ՌԴ արտաքին հետախուզության ծառայության տնօրեն Նարիշկինը։
Նա պնդում է, թե կառաջանան լրացուցիչ խոչընդոտներ և դժվարություններ նաև երկրի տնտեսական զարգացման գործում։

🇦🇲🇫🇷ՀՀ պաշտպանության նախարար Պապիկյանը «Eurosatory 2026» միջազգային ցուցահանդեսի շրջանակում այցելել է ՀՀ ռազմարդյունաբերական ոլորտի ընկերությունների միասնական տաղավար, որտեղ ցուցադրված է մեր երկրի գիտահետազոտական և արտադրական ներուժը:

🇹🇷🇷🇺 Թուրքիայի ԱԳ նախարարը հունիսի 17-18-ը կայցելի Մոսկվա, որտեղ նախատեսվում են բանակցություններ Ուկրաինայի պատերազմի, Սև ծովում նավագնացության անվտանգության և Հարավային Կովկասում զարգացումների շուրջ։

Ինչպես հայտնում է Reuters-ը՝ Ֆիդանը հանդիպումներ կունենա Լավրովի և Պուտինի հետ։

ՀՀ վարչապետի որոշմամբ Աննա Հակոբյանը գործուղվում է ԱՄՆ՝ առաջին տիկնանց համաշխարհային ակադեմիայի (Global First Ladies Academy) չորրորդ ամենամյա միջոցառմանը մասնակցելու համար։
Նիկոլ Փաշինյանն իր որոշման մեջ նշել է, որ Աննա Հակոբյանը գործուղվում է որպես վարչապետի տիկին։

🔺«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախուզում։ Այս մասին տեղեկացնում են ՀՀ քննչական կոմիտեից:

Ռոբերտ Քոչարյանը մեղադրյալ չէ որևէ քրեական վարույթով, որի շրջանակներում նրան չթույլատրվեր դուրս գալ ՀՀ տարածքից հայտնում են դատարանից և քննչական մարմիններից:

🇦🇲🇪🇺 Միրզոյանն ու Կոսը քննարկել են Հայաստան-ԵՄ տնտեսական համագործակցությունը խթանելու մեխանիզմները

ԵՄ անդամ պետությունների ԱԳ նախարարների խորհրդի նիստի շրջանակներում Արարատ Միրզոյանը հանդիպել է ԵՄ ընդլայնման հարցերով հանձնակատար Մարթա Կոսի հետ։
Զրուցակիցները քննարկել են Հայաստան-ԵՄ գործընկերության տնտեսական բաղադրիչի խթանման ուղղությամբ կոնկրետ մեխանիզմներ և դրանց իրացման ուղղությամբ առաջիկա անելիքները: Հանդիպմանն անդրադարձ է կատարվել նաև տարածաշրջանային զարգացումներին:

Բլոգեր Միխայիլ Վերբիցկին, ով երեք օր առաջ ձերբակալվել էր «Զվարթնոց» օդանավակայանում, ազատ է արձակվել։

🇦🇲🇫🇷 Սուրեն Պապիկյանը Փարիզում հանդիպել է ֆրանսիական «KNDS» և «Airbus» ընկերությունների ներկայացուցիչների հետ, քննարկել համագործակցության ընթացքին առնչվող մի շարք հարցեր։

Զելենսկին Պուտինին առաջարկել է հանդիպում անցկացնել G7-ի գագաթնաժողովի շրջանակներում՝ ԱՄՆ-ի և Եվրամիության առաջնորդների մասնակցությամբ։ Գագաթնաժողովը կանցկացվ հունիսի 15-ից 17-ը։

Ուկրաինայի նախագահի խոսքով՝ Ռուսաստանը հերթական անգամ ցույց տվեց իր վերաբերմունքը բանակցությունների նկատմամբ՝ երկխոսության փոխարեն իրականացնելով հերթական հարվածներն Ուկրաինայի ուղղությամբ։

🇦🇲🇩🇪 Միրզոյանն ու Վադեֆուլը քննարկել են Հայաստան-Գերմանիա երկկողմ գործընկերության հարցեր

Լյուքսեմբուրգում ՀՀ ԱԳ նախարարը հանդիպում է ունեցել ԳԴՀ արտաքին գործերի դաշնային նախարարի հետ:
Կողմռրն ընդգծվել է նախորդ տարվա դեկտեմբերին ստորագրված «Երկկողմ գործընկերության ռազմավարական օրակարգի մասին» հռչակագրի կետերի կյանքի կոչման ուղղությամբ համատեղ աշխատանքների կարևորությունը:
Հանդիպմանն անդրադարձ է կատարվել տարածաշրջանային զարգացումներին: Նախարար Միրզոյանը ներկայացրել է հարևանների հետ հարաբերությունների կարգավորման գործընթացի վերաբերյալ ՀՀ տեսլականը:

🇦🇲Նիկոլ Փաշինյանի մոտ քննարկվել են արտահանման խթանմանը միտված ծրագրերն ու առաջիկա քայլերը

Վարչապետի գլխավորությամբ Կառավարությունում տեղի է ունեցել խորհրդակցություն, որի ընթացքում քննարկվել են արտահանման ոլորտում առկա միտումներն ու առաջիկա քայլերը։  Ներկայացվել են գյուղատնտեսական և այլ արտադրատեսակների արտահանման ծավալները, դիվերսիֆիկացիայի ուղղությամբ իրականացվող քայլերն ու միջոցառումները։