🇦🇲🇳🇴 Գյումրու «Կումայրի» արգելոց-թանգարանում բացվել է «100 տարի անց՝ Ֆրիտյոֆ Նանսենի ոտնահետքերով» խորագրով լուսանկարների ցուցադրությունը

Միջոցառումը նվիրված է նորվեգացի աշխարհահռչակ բևեռախույզ, գիտնական, Խաղաղության Նոբելյան մրցանակի դափնեկիր, Ազգերի լիգայի փախստականների հարցերով գերագույն հանձնակատար Ֆրիտյոֆ Նանսենի Հայաստան այցելության 100-ամյակին։ Ցուցադրությունը Գյումրիի բնակիչների և քաղաքի հյուրերի համար բաց կլինի մինչև սույն թվականի մայիսի 10-ը:

🔺Ցուցադրության գլխավոր հատվածներից մեկը նվիրված է «Նանսենյան անձնագրին»։ Այն անձը հաստատող ժամանակավոր վկայական էր, որը տրվում էր փախստականներին և քաղաքացիություն չունեցող անձանց։ Նանսենի նախաձեռնությամբ՝ 1922 թ. Ժնևում հրավիրված կոնֆերանսի որոշմամբ ստեղծված այս փաստաթուղթը ստացել է ավելի քան 450 հազար գաղթական, որոնցից շուրջ 320 հազարը՝ Մեծ եղեռնից փրկված հայեր։

#Հայաստան #Նորվեգիա

❗️🇺🇸 Մահափորձ Թրամփի դեմ․ ի՞նչ հայտնի է այս պահին

▪️Միջադեպը տեղի է ունեցել Washington Hilton-ում, Սպիտակ տան Ասոցիացիայի անդամների ընթրիքին:
▪️Նախնական տվյալներով՝ 31-ամյա կալիֆոռնիացի Քոուլ Թոմաս Ալենը որսորդական հրացանից վիրավորել է գաղտնի ծառայության գործակալին, նա ևս վիրավորվել է և այժմ գտնվում է հիվանդանոցում:
▪️Կրակոցներ արձակած անձի դատավարությունը տեղի կունենա ապրիլի 27-ին։ Նրան մեղադրանք է առաջադրվել հրազեն օգտագործելու և դաշնային աշխատակցի վրա զենքով հարձակվելու համար։