🛣 Փետրվարի 27-ին՝ ժամը 14:05-ի դրությամբ, սաստիկ բքի և տեսանելիության բացակայության պատճառով Վարդենյաց լեռնանցքը փակ է բոլոր տեսակի տրանսպորտային միջոցների համար. Ճանապարհային դեպարտամենտ

#Ավտոճանապարհներ

❗️ԱԱԾ նախկին պետ Արթուր Վանեցյանի գլխավորած «Հայրենիք» կուսակցությունը չի մասնակցի 2026թ. խորհրդարանական ընտրություններին։

#ընտրություններ

🗳«ՀայաՔվեն» միացել է «Միասնության թևերին»՝ ընտրություններին համատեղ մասնակցելու նպատակով։

«Միասնության թևեր» քաղաքական նախաձեռնության ղեկավար Արման Թաթոյանն ու «ՀայաՔվե» ազգային քաղաքացիական միավորման համակարգող Ավետիք Չալաբյանը այսօր ստորագրել են համագործակցության հուշագիր։

#ընտրություններ

Վարչապետ Փաշինյանի հասցեին վիրավորանք հնչեցնելու համար «TikTok» սոցիալական ցանցում հայտնի Հայկ Եղյանի (Айвазовский) նկատմամբ նշանակվել է տնային կալանք և բացակայելու արգելք:

Այս մասին տեղեկացնում է նրա պաշտպան Ռոման Երիցյանը:

🇦🇫🇵🇰 Պակիստանի բանակը հայտարարել է Աֆղանստանի բանակի 228 զոհված և 314 վիրավոր զինծառայողների մասին։

Ըստ պակիստական կողմի՝ ոչնչացվել են թալիբներին պատկանող 74 զինվորական դիրքեր, ևս 18-ը վերցվել են վերահսկողության տակ։

#Պակիստան #Աֆղանստան

🏢ՀՀ էկոնոմիկայի նախարար Գևորգ Պապոյանը մասնակցել է «Հայաստանի էլեկտրական ցանցեր» ՓԲԸ-ում անցկացվող քննարկմանը, որը վարել է ՀԷՑ-ի ժամանակավոր կառավարիչ Ռոմանոս Պետրոսյանը։

Քննարկվել են Հայաստանի Շինարարների միության և Կառուցապատողների հայկական ասոցիացիայի առաջարկները։

Անդրադարձ է կատարվել արտաքին էլեկտրամատակարարման ցանցերի մոնտաժման և միացման փուլերում առաջացող խնդիրներին, նոր կառուցվող ենթակայանների զբաղեցրած հողամասերի և դրանով ծանրաբեռնված անշարժ գույքերի նպատակային նշանակության փոփոխության գործընթացին առնչվող հարցերի։

#ՀԷՑ

🇪🇺🇦🇲Քննարկվել են Եվրոպայի խորհրդի հետ համագործակցության զարգացման առաջնահերթ ուղղությունները

ԱՍՀ նախարար Արսեն Թորոսյանն ընդունել է ԵԽ Մարդու իրավունքների և իրավունքի գերակայության գլխավոր տնօրինության սոցիալական իրավունքների, առողջապահության և շրջակա միջավայրի վարչության տնօրեն Ռաֆայել Բենիտեզին։

Անդրադարձ է կատարվել սոցիալական պաշտպանության ոլորտի բարեփոխումներին, մարդու իրավունքների վրա հիմնված քաղաքականությունների ընթացքին և խոցելի խմբերի իրավունքների պաշտպանության ամրապնդման մեխանիզմներին։

#ԵԽ #Հայաստան

❗️🇺🇸🇮🇱 Պետքարտուղարությունն Իսրայելում ԱՄՆ դեսպանության աշխատակիցների մի մասին կարգադրել է հեռանալ

Անվտանգության հետ կապված ռիսկերի պատճառով Պետքարտուղարությունը փետրվարի 27-ին արտոնել է Իսրայելում ԱՄՆ դիվանագիտական ներկայացուցչության այն աշխատակիցների մեկնումը, որոնք զբաղված չեն հույժ կարևոր պարտականությունների կատարմամբ, ինչպես նաև ԱՄՆ կառավարության աշխատակիցների ընտանիքների անդամների մեկնումը,

- Իսրայելում ԱՄՆ դեսպանության կայքում հրապարակված հայտարարության մեջ:

Գերատեսչությունը նաև խորհուրդ է տալիս վերանայել դեպի Իսրայել և Արևմտյան ափ մեկնումները՝ «ահաբեկչության և քաղաքացիական անհանգստության պատճառով»։

#ԱՄՆ #Իսրայել

🇦🇲🇦🇿🇪🇸 Մադրիդի Կոմպլուտենսե համալսարանում Հայաստանի և Ադրբեջանի միջև խաղաղության գործընթացի, ինչպես նաև TRIPP նախաձեռնության վերաբերյալ կոնֆերանս է անցկացվել։

Նշվում է, որ հանդիպման ընթացքում դեսպանը ներկայացրել է բանակցությունների ներկա առաջընթացը՝ ընդգծելով Հայաստանի հանձնառությունը տարածաշրջանում կայուն և երկարատև խաղաղության հասնելուն։Կոնֆերանսի ընթացքում դեսպան Սոս Ավետիսյանը նաև պատասխանել է լսարանի հարցերին։

#Հայաստան #Ադրբեջան #Իսպանիա

🇦🇲🇨🇦 Զանգեզուրի պղնձամոլիբդենային կոմբինատը դարձավ Կանադա-Եվրասիական առևտրատնտեսական պալատի անդամ

Կանադա-Եվրասիական առևտրատնտեսական պալատը (CECTE) և Հայաստանի հանքարդյունաբերության և մետալուրգիայի ասոցիացիան (ՀՀՄԱ) փետրվարի 26-ին Երևանում ստորագրեցին փոխըմբռնման հուշագիր։ 

🗣 Կանադա-Եվրասիական առևտրատնտեսական պալատի նախագահն իր ելույթում նշել է, որ սպասվում է ԶՊՄԿ ղեկավարության այցը Տորոնտո, որտեղ հիշյալ պալատի աջակցությամբ կկազմակերպվեն գործնական հանդիպումներ։

🗣 ՀՀ ՏԿԵ փոխնախարարն ընդգծել է, որ կան համատեղ աշխատանքային խմբեր և համագործակցության հստակ ուղղություններ։

#Հայաստան #Կանադա #CECTE #ԶՊՄԿ

🇦🇲🇷🇺 Ռուսական կողմի հետ քննարկվել է Գյումրի–Ախուրիկ–Թուրքիայի սահման և Երասխ-Նախիջևանի սահման երկաթուղային ենթակառուցվածքների վերականգնումը

ՀՀ ՏԿԵ փոխնախարար Արմեն Սիմոնյանն ընդունել է ՌԴ տրանսպորտի փոխնախարար Դմիտրի Զվերևին։

Անդրադարձ է կատարվել նաև ավտոմոբիլային տրանսպորտի և օդային փոխադրումների ոլորտներում համագործակցության ներկա մակարդակին։ Պայմանավորվածություն է ձեռք բերվել քննարկումները շարունակելու վերաբերյալ։

#Հայաստան #Ռուսաստան #ՏԿԵՆ

❗️«Իմ քայլը» հիմնադրամը զգուշացնում է․ կեղծ նամակներ են տարածվում աշխատակից Զարինե Հարությունյանի անունից

Կազմակերպությունը տեղեկացնում է, որ անհայտ անձինք գրանցել են կեղծ դոմեյն և ապատեղեկատվություն են տարածում՝ նպատակ ունենալով վնասել հիմնադրամի և գործադիր տնօրեն Աննա Հակոբյանի հեղինակությունը, իսկ դեպքի առնչությամբ արդեն ձեռնարկվում են իրավական քայլեր։

Հիմնադրամի 6 տարվա աշխատակից Զարինե Հարությունյանը, որի անունը շահարկվել է այս գործողություններում, պատրաստվում է դիմել իրավապահ մարմիններին՝ օգնելու բացահայտել իր անվան ապօրինի օգտագործմամբ զանգվածային ապատեղեկատվություն տարածող անձանց:

#Իմքայլը

🎯 Երևանում տեղի է ունեցել սպորտային հրաձգության Եվրոպայի մեծահասակների առաջնության բացման արարողությունը. Նիկոլ Փաշինյանը հանդես է եկել ելույթով

#սպորտ #վարչապետ

🇦🇲🇸🇪Մեկնարկել է «Մարդու միջազգային իրավունքի և չափանիշների խթանումը Հայաստանում» ծրագրի երկրորդ փուլը

ՄԻՊ Անահիտ Մանասյանը Ռաուլ Վալենբերգի մարդու իրավունքների և մարդասիրական իրավունքի ինստիտուտի նախաձեռնությամբ կազմակերպված միջոցառմանը «Մարդու իրավունքների առաջնահերթությունները Հայաստանում այսօր» թեմայով իր ելույթում`

▪️ուշադրություն է հրավիրել քաղաքականացվածության ու բևեռացվածության խնդրին, արդյունքում նաև՝ մարդու իրավունքների գործիքայնացմանը գրեթե բոլոր գործընթացներում։
▪️անդրադարձել է կրոնական ազատությունների հետ կապված հարցերին:
▪️խոսել է ազգային փոքրամասնությունների իրավունքների պաշտպանությանը վերաբերելի խնդրների մասին՝ անդրադառնալով նաև խտրական և ատելության խոսույթի դրսևորումներին։
▪️անդրադարձել է ազատությունից զրկված անձանց իրավունքների պաշտպանության ոլորտում առկա խնդիրներին։

#ՄԻՊ #Շվեդիա

🇺🇸🇮🇱 ԱՄՆ պետքարտուղարը հաջորդ շաբաթ կայցելի Իսրայել, կքննարկի Իրանի հարցը

ԱՄՆ պետդեպարտամենտի տվյալներով՝ Ռուբիոն Իսրայել կայցելի մարտի 2–3-ը։ Նա նաև նախատեսում է քննարկել տարածաշրջանային այլ առաջնահերթություններ, այդ թվում՝ Լիբանանի իրավիճակը և ԱՄՆ նախագահ Դոնալդ Թրամփի Գազայի խաղաղության ծրագիրը։

#ԱՄՆ #Իսրայել

🇦🇲🇺🇾 Ուրուգվայում անցկացվել է «Հայաստանը՝ պարտադիր այցելելու վայր» խորագրով միջոցառում

Միջոցառման ընթացքում Ուրուգվայի խոշոր և ճանաչված զբոսաշրջային գործակալություններից մեկը՝ Hiperviajes-ը, հայտարարել է Հայաստանը՝ որպես նոր և հեռանկարային զբոսաշրջային ուղղություն, իր առաջարկների ցանկում ներառելու մասին։ Ընկերության գործադիր տնօրենը ներկայացրել է Հայաստան այցելության հնարավորությունները, առաջարկվող երթուղիները և տարվա բոլոր եղանակների համար նախատեսված զբոսաշրջային առաջարկները։

▪️Միջոցառմանը ներկա են գտնվել Ուրուգվայի Զբոսաշրջության նախարարության, Զբոսաշրջային գործակալությունների ասոցիացիայի և զբոսաշրջային ոլորտի երկու տասնյակից ավելի ընկերությունների:

#Հայաստան #Ուրուգվայ #զբոսաշրջություն

🎯 Սպորտային հրաձգության Եվրոպայի մեծահասակների առաջնության բացման արարողությունը. Փաշինյանը տեսանյութ է հրապարակել

#սպորտ #վարչապետ

Պառակտված ընդդիմությանը միավորելու միակ կարող ուժը Սամվել Կարապետյանն է․ ՀՀ առաջին նախագահ Լևոն Տեր-Պետրոսյան

Պետք է անկեղծորեն խոստովանել, որ ընդդիմադիր կուսակցությունների միջև ամիսներ շարունակ ընթացող բանակցությունները ոչ մի համաձայնության չեն հանգեցրել:

Անհրաժեշտ է, վերջիվերջո, հասկանալ, որ ընդդիմության միավորումը ոչ թե քաղաքական, այլ պարզապես ազգի փրկության խնդիր է: Լինելով ինքնաբավ և կայացած անձնավորություն, Կարապետյանն ունակ է լուծել այդ խնդիրը:

❗️🇬🇧🇮🇷 Մեծ Բրիտանիան տարհանել է Իրանում իր դեսպանատան աշխատակիցներին՝ տարածաշրջանում ռազմական դիմակայության սպառնալիքի պատճառով։

«Բրիտանական անձնակազմը ժամանակավորապես տարհանվել է Իրանից։ Մեր դեսպանատունը շարունակում է աշխատել հեռավար», - նշված է բրիտանական կառավարության կայքում։

#ՄեծԲրիտանիա #Իրան

🇦🇲🇻🇦Մեծի Տանն Կիլիկիո Կաթողիկոսության հոգևորականները մասնակցեցին Վատիկանի ծանոթացման ծրագրին

31 Յունուարէն 7 Փետրուար 2026-ին, կայացաւ արեւելեան ուղղափառ եկեղեցիներու (ոչ-քաղկեդոնական) երիտասարդ հոգեւորականներու յատուկ կաթոլիկ եկեղեցւոյ ծանօթացման 6-րդ տարուան ծրագիրը։

Երիտասարդ հոգեւորականները առիթ ունեցան մօտէն ծանօթանալու Վատիկանի հովանիին տակ գործող զանազան բաժանմունքներու աշխատանքներուն եւ հանդիպում ունեցան անոնց պատասխանատուներուն հետ: Ծրագիրը նաեւ ընդգրկեց զանազան եկեղեցիներու, վանքերու, համալսարաններու եւ մատենադարաններու այցելութիւններ:

#Հայաստան #Վատիկան

🇹🇷🇻🇦Թուրքիան և Վատիկանը համաձայնության են եկել ֆինանսական հետախուզության ոլորտում համագործակցության վերաբերյալ. Ermenihaber

Թուրքիայի գանձապետարանի և ֆինանսների նախարարության ֆինանսական հանցագործությունների հետաքննության խորհրդի (MASAK) և Վատիկանի պետական ​​վերահսկողական և ֆինանսական միության մարմնի միջև ստորագրվել է հանցագործությունների և ահաբեկչության ֆինանսավորումների, փողերի լվացման ֆինանսական հետախուզության փոխանակման վերաբերյալ փոխըմբռնման հուշագիր։

Այն պաշտոնապես ուժի մեջ է մտել և հրապարակվել Թուրքիայի «Resmi gazete» պաշտոնական տեղեկագրում։

#Թուրքիա #Վատիկան