ဇာတ်လမ်းကတော့ နှစ်စဉ်ပြုလုပ်မြဲဖြစ်တဲ့ Monarch လိပ်ပြာတွေရဲ့ ရှည်လျားလှတဲ့ ခရီးရှည်ကြီးကို စတင်ဖို့ ပြင်ဆင်နေကြတဲ့အချိန်မှာ အခြေခံထားပါတယ်။ ဇာတ်လိုက်ကတော့ Patrick လို့အမည်ရတဲ့ လိပ်ပြာလေးဖြစ်ပြီး သူဟာ အတောင်ပံတစ်ဖက်က သေးနေတာကြောင့် တခြားလိပ်ပြာတွေလို ကောင်းကောင်းမပျံသန်းနိုင်ပါဘူး။

ဒါပေမဲ့ Patrick ဟာ ရဲရင့်ပြီး စွန့်စားလိုစိတ်ရှိတဲ့ လိပ်ပြာလေးပါ။ သူဟာ ဒီခရီးရှည်ကြီးမှာ ပါဝင်ချင်ပေမဲ့ ပျံသန်းနိုင်စွမ်းအားနည်းတာကြောင့် အပယ်ခံရမယ့် အခြေအနေနဲ့ ရင်ဆိုင်ရပါတယ်။ ဒါကို လက်မခံနိုင်တဲ့ Patrick ဟာ သူ့ရဲ့ အရင်းနှီးဆုံးသူငယ်ချင်း Marty (ရယ်မောပျော်ရွှင်တတ်တဲ့ ပိုးတုံးလုံးလေး) နဲ့ Jennifer (အမြင့်ကြောက်တတ်တဲ့ လိပ်ပြာမလေး) တို့နဲ့ ပူးပေါင်းပြီး ဒီခရီးစဉ်မှာ ပါဝင်ဖို့ ကြိုးစားပါတော့တယ်။

လမ်းခရီးမှာ သူတို့ဟာ ပြင်းထန်တဲ့ ရာသီဥတုတွေ၊ ရန်သူတွေနဲ့ အခက်အခဲပေါင်းစုံကို ရင်ဆိုင်ကျော်ဖြတ်ကြရပါတယ်။ ဒီဇာတ်လမ်းက Patrick ရဲ့ ကိုယ့်ကိုယ်ကိုယ် ယုံကြည်မှု တည်ဆောက်ပုံ၊ မတူညီမှုတွေကို အားသာချက်အဖြစ် ပြောင်းလဲပုံနဲ့ သူငယ်ချင်းတွေကြားက ချစ်ခြင်းမေတ္တာကို ပေါ်လွင်အောင် ရိုက်ကူးထားတာဖြစ်ပါတယ်။

ဇာတ်လမ်းကတော့ အသက် (၁၆) နှစ်အရွယ် Hodaka Morishima ဆိုတဲ့ ကောင်လေးဟာ ကျွန်းပေါ်က သူ့ရဲ့အိမ်ကနေ ထွက်ပြေးပြီး တိုကျိုမြို့ပေါ်ကို ရောက်ရှိလာရာကနေ စတင်ပါတယ်။ တိုကျိုမှာ အလုပ်ရှာရခက်ခဲနေတဲ့ Hodaka ဟာ ထူးဆန်းတဲ့ အဖြစ်အပျက်တွေကို ရေးသားတဲ့ မဂ္ဂဇင်းတိုက်တစ်ခုမှာ အလုပ်ရသွားပါတယ်။

အဲဒီနောက် သူဟာ Hina Amano ဆိုတဲ့ ကောင်မလေးနဲ့ ဆုံတွေ့ခဲ့ပါတယ်။ Hina မှာ ထူးခြားတဲ့ စွမ်းအားတစ်ခုရှိပြီး အဲဒါကတော့ ဆုတောင်းလိုက်ရုံနဲ့ မိုးအုံ့နေတဲ့ ကောင်းကင်ကို သာယာအောင် လုပ်ပေးနိုင်တဲ့ "Sunshine Girl" (နေမင်းသမီးလေး) ဖြစ်နေတာပါ။ တိုကျိုမှာ မိုးတွေ အဆက်မပြတ် ရွာသွန်းနေတဲ့အတွက် သူတို့နှစ်ယောက်ဟာ Hina ရဲ့ စွမ်းအားကို သုံးပြီး လူတွေရဲ့ အခမ်းအနားတွေ၊ မင်္ဂလာဆောင်တွေအတွက် မိုးတိတ်အောင် လုပ်ပေးတဲ့ ဝန်ဆောင်မှုတစ်ခုကို စတင်ခဲ့ကြပါတယ်။

ဒါပေမဲ့ ဒီလို သဘာဝတရားကို ပြောင်းလဲပေးနိုင်တဲ့ စွမ်းအားနောက်မှာ ကြီးမားတဲ့ ပေးဆပ်မှုတွေ ရှိနေမှန်း သူတို့ နောက်ပိုင်းမှာ သိလာရပါတယ်။ Hina ရဲ့ ကံကြမ္မာနဲ့ တိုကျိုမြို့ရဲ့ ရာသီဥတု ဘယ်လိုဆက်ဖြစ်မလဲဆိုတာကို ရင်ခုန်စရာ မြင်တွေ့ရမှာပါ။

အာလာဒင်နဲ့ မီးခွက်စောင့်ဘီလူးကြီး ဂျင်းနီတို့ရဲ့ပုံပြင်ကို အားလုံးကြားဖူးကြလိမ့်မယ်လို့ထင်ပါတယ်။ ဒီဇာတ်ကားလေးကတော့ IMDb rating 8.0 အထိရရှိထားပြီး Disney ရဲ့အောင်မြင်ကျော်ကြားတဲ့ animation ဇာတ်ကားတစ်ကားဖြစ်ပြီးတော့ သီချင်းလေးတွေနဲ့ ရသစုံလင်စွာသရုပ်ဖော်ထားတဲ့ ဇာတ်ကားကောင်းလေးပဲဖြစ်ပါတယ်။ ဇာတ်လမ်းလေးရဲ့အစမှာတော့ အံ့ဖွယ်ဂူဆိုတဲ့ လိုဏ်ဂူကြီးတစ်ခုရှိခဲ့ပါတယ်။ အကြံကြီးတဲ့လူတစ်ယောက်ဟာ အဲ့ဒီလိုဏ်ဂူကြီးထဲကမီးခွက်ကိုယူဖို့ နှစ်ပေါင်းများစွာ ကြိုးစားနေတာပေါ့။ ဒါပေမယ့် အဲ့ဒီလိုဏ်ဂူထဲကို ပုန်းကွယ်နေတဲ့စိန်ပွင့်လို့ တင်စားခေါ်ဆိုထိုက်သူသာလျှင် ဝင်ခွင့်ရနိုင်မှာပဲဖြစ်ပါတယ်။ အာလာဒင်ဟာဆိုရင် စားဝတ်နေရေးကို သူ့ရဲ့မျောက်လေး အာဘူးနဲ့အတူ ခက်ခက်ခဲခဲရှာဖွေစားသောက်နေရတဲ့ တစ်ကောင်ကြွက်လေးပါ။ ဒါပေမယ့် အာလာဒင်ဟာ အံ့ဖွယ်လိုဏ်ဂူကြီးထဲကိုဝင်ခွင့်ရနိုင်တဲ့ ပုန်းကွယ်နေတဲ့စိန်ပွင့်ပဲဖြစ်ပါတယ်။ တစ်နေ့မှာတော့ စျေးထဲကိုရုပ်ဖျက်ပြီး နန်းတော်ကြီးထဲကနေခိုးထွက်လာတဲ့ မင်းသမီးလေး ဂျက်စမင်နဲ့ တွေ့ဆုံပြီး ချစ်ကျွမ်းဝင်ခဲ့ကြတယ်။ ဒါပေမယ့် သူတို့နှစ်ယောက်က ဆင်းရဲသားနဲ့ မင်းသမီးဖြစ်တဲ့အတွက် ချစ်ခွင့်မရခဲ့ပါဘူး။

Enchancia နန်းတော်ရဲ့ မှော်ဆန်တဲ့ စားပွဲသဘင်ပွဲတော်ကြီးမှာ စုန်းမကြီး Miss Nettle ဟာ မျက်လှည့်ဆရာအဖြစ် ပုံဖျက်ကာ အကောက်ကြံဖို့ ရောက်ရှိလာပါတယ်။ သူမရဲ့ ရည်ရွယ်ချက်က Sofia ရဲ့ မှော်လည်ဆွဲကို ခိုးယူပြီး နန်းတော်ကို သိမ်းပိုက်ဖို့ ဖြစ်ပါတယ်။

Miss Nettle ဟာ မှော်မှုန့်တွေကို သုံးပြီး လူကြီးတွေအားလုံးကို သူ့ရဲ့ ထိန်းချုပ်မှုအောက် သွတ်သွင်းလိုက်တဲ့အခါမှာတော့ Sofia တစ်ယောက်တည်းသာ ဒီအန္တရာယ်ကို ရိပ်မိပြီး ကျန်ရစ်ခဲ့ပါတယ်။ ထိုဘေးဒုက္ခအတွင်းမှာပဲ Sofia ရဲ့ လည်ဆွဲဆီကနေ Disney မင်းသမီး Snow White ပေါ်ထွက်လာပြီး Sofia ကို ယုံကြည်ချက်ရှိရှိနဲ့ မှန်ကန်ရာကို လုပ်ဆောင်ဖို့ အကြံပေးခဲ့ပါတယ်။

နောက်ဆုံးမှာတော့ Sofia ဟာ သူမရဲ့ သူငယ်ချင်းတွေနဲ့အတူ Miss Nettle ရဲ့ လှည့်ကွက်တွေကို ရဲရဲဝံ့ဝံ့ တွန်းလှန်ပြီး နန်းတော်ကြီးကို ပြန်လည်ကယ်တင်နိုင်ခဲ့ပုံကို စိတ်လှုပ်ရှားဖွယ် တွေ့မြင်ရမှာ ဖြစ်ပါတယ်။

လွန်ခဲ့တဲ့ နှစ်ပေါင်း ၆၆ သန်းခန့်က ကမ္ဘာမြေပေါ်မှာ ရှင်သန်ခဲ့ကြတဲ့ ဒိုင်နိုဆောတွေရဲ့ ဘဝကို နောက်ဆုံးပေါ် CGI နည်းပညာတွေနဲ့ အံ့သြဖွယ် ရိုက်ကူးတင်ဆက်ထားတဲ့ သဘာဝအခြေပြု Documentary series တစ်ခုဖြစ်ပါတယ်။

ဒီစီးရီးမှာ ကမ္ဘာကျော် သဘာဝပညာရှင် Sir David Attenborough က နောက်ခံစကားပြောပေးထားပြီး၊ နာမည်ကြီး တေးရေးဆရာ Hans Zimmer က တေးဂီတ ဖန်တီးပေးထားပါတယ်။ ဇာတ်လမ်းတွဲကို ကမ်းခြေ၊ သဲကန္တာရ၊ ရေချိုဒေသ၊ နှင်းကမ္ဘာနဲ့ တောအုပ်ဆိုပြီး အပိုင်း ၅ ပိုင်းနဲ့ ဖွဲ့စည်းထားကာ၊ ဒိုင်နိုဆောတွေရဲ့ အမဲလိုက်မှုတင်မကဘဲ သူတို့ရဲ့ မိခင်မေတ္တာ၊ အုပ်စုလိုက် နေထိုင်မှုနဲ့ ခက်ခဲတဲ့ ပတ်ဝန်းကျင်တွေမှာ ရုန်းကန်ရှင်သန်ပုံတွေကို သိပ္ပံနည်းကျ တွေ့ရှိချက်သစ်တွေနဲ့ ပေါင်းစပ်ပုံဖော်ထားပါတယ်။

အထူးသဖြင့် T-Rex တွေ ရေကူးတတ်တာမျိုးနဲ့ အမွေးအတောင်ပါတဲ့ ဒိုင်နိုဆောပုံစံတွေကို သဘာဝကျကျ မြင်တွေ့ရမှာဖြစ်လို့ ဒိုင်နိုဆောဝါသနာအိုးတွေအတွက် လက်မလွှတ်သင့်တဲ့ အရည်အသွေးမြင့် လက်ရာတစ်ခု ဖြစ်ပါတယ်။

သရဲမလေး Elli ဟာ လူတွေကို ခြောက်လှန့်ရတာထက် သူငယ်ချင်းအသစ်တွေနဲ့ ကစားရတာကို ပိုနှစ်သက်သူပါ။ တစ်နေ့မှာတော့ သူမရဲ့ဦးလေး Chamberlain ကို မြို့ကြီးရဲ့အဆင့်မြင့်စနစ်ဖြစ်တဲ့ "Quantum" စက်ရုပ်တွေက ဖမ်းဆီးသွားခဲ့ပါတယ်။

အယ်လီဟာ ဦးလေးကိုကယ်ဖို့ မြို့ပေါ်တက်လာရင်း ကစားကွင်းက "သရဲရထား" ထဲမှာ ပုန်းနေတဲ့ Vampire၊ Yeti နဲ့ Frankenstein တို့လို ထူးဆန်းတဲ့ မွန်းစတားအဖွဲ့နဲ့ ဆုံတွေ့ခဲ့ပါတယ်။ အစပိုင်းမှာ တစ်ယောက်နဲ့တစ်ယောက် အဆင်မပြေကြပေမဲ့ နောက်ဆုံးမှာတော့ အဖွဲ့ဖွဲ့ပြီး ဦးလေးကို ကယ်တင်ဖို့ ဆုံးဖြတ်လိုက်ကြပါတယ်။

တကယ်တော့ Quantum စက်ရုပ်ကြီးဟာ မွန်းစတားတွေရဲ့ စွမ်းအင်ကို စုပ်ယူပြီး မြို့ကို လွှမ်းမိုးဖို့ ကြိုးစားနေတာပါ။ အယ်လီနဲ့ သူမရဲ့ အဖွဲ့သားတွေဟာ ဌာနချုပ်ထဲကို စွန့်စွန့်စားစား ဝင်ရောက်တိုက်ခိုက်ခဲ့ပြီး အယ်လီရဲ့ ရိုးသားတဲ့စွမ်းအားနဲ့ စက်ရုပ်စနစ်ကို ဖျက်ဆီးကာ ဖမ်းဆီးခံအားလုံးကို ကယ်ထုတ်နိုင်ခဲ့ပါတယ်။ ဇာတ်သိမ်းမှာတော့ အယ်လီဟာ မွန်းစတားသူငယ်ချင်းတွေနဲ့အတူ မိသားစုသစ်တစ်ခုအဖြစ် ပျော်ရွှင်စွာ နေထိုင်သွားရင်း ဇာတ်လမ်းလေး ပြီးဆုံးသွားပါတယ်။

ဂျင်းဂျားဆိုတဲ့ ကောင်မလေးဟာ ငယ်ငယ်တည်းကတိရစ္ဆာန်လေးတွေကိုလည်း အရမ်းချစ်တတ်ပြီးဒုက္ခရောက်နေတဲ့သူတွေကိုလည်း အရမ်းကူညီပေးတတ်တဲ့သူဒါပေမဲ့ ရှပ်ပြာရှပ်ပြာနိုင်လွန်းလို့ သူ့ကြောင့်မြို့ရဲ့အထင်ကရရေပန်းကြီးပျက်စီးသွားရတဲ့အခါစေတနာကနေ ဝေဒနာဖြစ်ပြီး မြို့သူမြို့သားတွေရဲ့ဝိုင်းအပြစ်တင်တာကိုခံရတဲ့ကောင်မလေးပေါ်တာဆိုတဲ့ အိုးဖုတ်သမားကောင်လေးကတော့ဂျင်းဂျားနဲ့ငယ်ငယ်တည်းက ကစားဖော်ကစား​ဖက်…ငွေရေးကြေးရေးမပြည့်စုံလို့ အကြွေးပတ်လည်ဝိုင်းနေပြီးအိုးဖုတ်ကိရိယာကောင်းကောင်းမရှိလို့ အိုးကောင်းတွေလည်းမဖုတ်နိုင်…သူ့အရွယ်တုန်းက သူ့အဘိုးဆို မြို့ရဲ့အထင်ကရရေပန်းကြီးကိုတောင်ဆောက်ပေးနေနိုင်ပြီဆိုပြီး လူတကာကဝိုင်းလက်ညှိုးထိုးအထင်သေးခံရတဲ့ကောင်လေးဒီလိုနဲ့တစ်နေ့ ရွှေတွေငွေတွေထွက်တဲ့ရတနာသိုက်မီးကျောက်တုံးကြီးပေါ်တာ့ဆီမမျှော်လင့်ဘဲရောက်လာတဲ့အခါ…ငွေတွေ၊ အာဏာတွေက လူတွေကိုဘယ်လိုပြောင်းလဲသွားစေလဲချစ်ခြင်းတရားနဲ့ အတောမသတ်နိုင်တဲ့လောဘတွေလွန်ဆွဲလာတဲ့အခါ ဘယ်အရာကအနိုင်ရမလဲဆိုတာကိုတော့ဇာတ်လမ်းလေးထဲမှာ ကြည့်ရှုပေးကြပါဦး။

ဇာတ်လမ်းကတော့ Laura အမည်ရှိတဲ့ မြန်ဆန်ဖျတ်လတ်ချင်တဲ့ စလော့ (Sloth) မလေးနဲ့ သူမရဲ့ မိသားစုအကြောင်းပဲ ဖြစ်ပါတယ်။ သူတို့နေထိုင်တဲ့ တောအုပ်လေးဟာ ပြင်းထန်တဲ့ မုန်တိုင်းဒဏ်ကြောင့် ပျက်စီးသွားတဲ့အခါ Laura တို့မိသားစုဟာ သူတို့ပိုင်ဆိုင်တဲ့ ဟောင်းနွမ်းနေပြီဖြစ်တဲ့ အစားအသောက်ရောင်းတဲ့ ကားလေး (Food Truck) တစ်စီးနဲ့ Sanctuary City ဆိုတဲ့ မြို့ကြီးဆီကို ပြောင်းရွှေ့ခဲ့ကြပါတယ်။

သူတို့မှာ အဖိုးတန်တဲ့ မိသားစုလက်ဆင့်ကမ်း ဟင်းချက်နည်းစာအုပ်တစ်အုပ် ရှိပြီး မြို့သစ်မှာ အစားအသောက်ရောင်းရင်း ဘဝသစ်ကို စတင်ဖို့ ကြိုးစားကြပါတယ်။ ဒါပေမဲ့ မြို့ကြီးရဲ့ လျင်မြန်တဲ့ လူနေမှုပုံစံနဲ့ သူတို့ရဲ့ နှေးကွေးတဲ့ သဘာဝကြားမှာ အခက်အခဲတွေ ကြုံလာရပါတယ်။

ဒီကြားထဲမှာ သူတို့ရဲ့ အရသာရှိလှတဲ့ ဟင်းချက်နည်းတွေကို မျက်စိကျနေတဲ့ Dotti ဆိုတဲ့ လည်သာတဲ့ ကျားသစ် (Cheetah) မကြီးက သူတို့ရဲ့ ဟင်းချက်နည်းစာအုပ်ကို ခိုးယူဖို့ ကြိုးစားလာတဲ့အခါမှာတော့... Laura နဲ့ သူမရဲ့ မိသားစုက သူတို့ရဲ့ လုပ်ငန်းနဲ့ အဖိုးတန်စာအုပ်လေးကို ဘယ်လိုပြန်လည် ကာကွယ်သွားမလဲဆိုတာကို ရင်ခုန်စိတ်လှုပ်ရှားဖွယ် တွေ့မြင်ရမှာပါ။

ရှေးကျတဲ့ Tiban လူမျိုးတွေနေထိုင်တဲ့ မလေးရှားက Sarawak ဒေသကို ယဉ်ကျေးမှုတွေဖလှယ်ပေးဖိုအတွက် အင်္ဂလိပ်လူငယ်လေးတစ်ယောက် ရောက်လာတဲ့အခါ ထိုလူငယ်လေးဟာ မထင်မှတ်ဘဲ ဒေသခံမိန်းကလေးတစ်ယောက်နဲ့ချစ်ကြိုက်မိသွားခဲ့ပေမဲ့ ဂုဏ်သိက္ခာကိုရှေ့တန်းတင်တဲ့ အင်္ဂလိပ်လူမျိုးတွေဘက်ကတော့ လက်ထပ်ဖိုသဘောမတူခဲ့ပါဘူး ဒီလိုနဲ့ သူတိုတွေကြားမှာဖြစ်ပေါ်လာတဲ့တင်းမာမှုတွေ၊အချစ်ရဲ့ဂုဏ်သိက္ခာအကြောင်းတွေ Tiban လူမျိုးတွေရဲ့ယဉ်ကျေးမှုစရိုက်တွေကို အသစ်အဆန်းအနေနဲ့တွေ့ကြုံခံစားရမှာပဲဖြစ်ပါတယ် အေးတိအေးစက် အချစ်ဇာတ်လမ်းသိပ်မကြိုက်တဲ့ ကျွန်တော်တောင် ဒီရုပ်ရှင်ကိုသဘောကျပါတယ် အိပ်စက်ခြင်း အဘိဓာန်” ကဘာလဲဆိုတာ ခံစားကြည့်စေလိုပါတယ်။

ပင်လယ်ရေအောက်ကမ္ဘာရဲ့ လှပတဲ့သမီးတော် ရေသူမလေးဟာ ပင်လယ်ပြင်မှာ လှည့်လည်သွားလာရင်း လူသားကမ္ဘာကို စိတ်ဝင်စားနေသူဖြစ်ပါတယ်။

တစ်နေ့မှာတော့ ရက်စက်ကြမ်းကြုတ်တဲ့ ပင်လယ်ဓားပြအုပ်စုတစ်စုက ပင်လယ်အောက်ခြေက တန်ဖိုးကြီးရတနာတွေကို လုယူဖို့နဲ့ ရေသူမတွေကို ဖမ်းဆီးဖို့ ပင်လယ်ပြင်ကို ရောက်ရှိလာကြပါတယ်။ ဒီအခါမှာ ရေသူမလေးဟာ သူမရဲ့ ပင်လယ်ကမ္ဘာနဲ့ သူငယ်ချင်းတွေကို ကာကွယ်ဖို့အတွက် သတ္တိရှိရှိ ရင်ဆိုင်ရပါတော့တယ်။

ဓားပြတွေရဲ့ အန္တရာယ်ကနေ လွတ်မြောက်အောင် ကြိုးစားရင်း၊ တစ်ဖက်မှာလည်း လူသားတွေနဲ့ ရေသူမတွေကြားက နားလည်မှုလွဲမှားမှုတွေကို ဖြေရှင်းကာ ပင်လယ်ပြင်ကြီး ငြိမ်းချမ်းသွားအောင် ဘယ်လိုတိုက်ခိုက်သွားမလဲဆိုတာကို ရင်ခုန်စရာ တွေ့မြင်ရမယ့် အန်နီမေးရှင်းဇာတ်ကားလေးပဲ ဖြစ်ပါတယ်။

Alfie ဟာ သာမန်ကလေးတစ်ယောက်ဖြစ်ပေမယ့် သူ့ရဲ့ (၇) နှစ်ပြည့်မွေးနေ့ လပြည့်ညမှာတော့ ထူးဆန်းစွာနဲ့ ဝံပုလွေဖြူလေးအဖြစ် စတင်အသွင်ပြောင်းလဲသွားပါတယ်။

အစပိုင်းမှာ သူဟာ ဒီလျှို့ဝှက်ချက်ကြောင့် ကြောက်ရွံ့ထိတ်လန့်နေခဲ့ပေမယ့် အစ်ကိုဖြစ်သူ Timmie ရဲ့ အကူအညီနဲ့ ဝံပုလွေဘဝကို လျှို့ဝှက်ဖြတ်သန်းခဲ့ပါတယ်။ဒါပေမဲ့ ညဘက်အပြင်ထွက်လည်ရင်း ရွာသားတွေနဲ့ ဝံပုလွေဖမ်းသမားတွေရဲ့ ရန်ကို စတင်ကြုံတွေ့လာရသလို၊ သူ့ရဲ့ မျိုးရိုးဇစ်မြစ်အမှန်ကိုလည်း စုံစမ်းသိရှိခဲ့ရပါတယ်။ ဇာတ်လမ်းအဆုံးမှာတော့ Alfie ရဲ့ မွေးစားမိဘတွေက အမှန်တရားကို သိသွားပေမယ့် သူ့ကို စွန့်မပစ်ဘဲ မေတ္တာနဲ့ နွေးထွေးစွာ လက်ခံခဲ့ကြပါတယ်။

နောက်ဆုံးမှာ Alfie ဟာ မိသားစုရဲ့ အကာအကွယ်နဲ့အတူ မိမိကိုယ်ကို ယုံကြည်မှုရှိလာပြီး ပျော်ရွှင်စွာ နေထိုင်သွားပါတော့တယ်။

Japan animeတွေကြည့်ရတာရိုးနေပြီလား။ဒီတစ်ခါပရိတ်သတ်ကြီးတို့ကိုအရမ်းကောင်းတဲ့ တရုတ်Animeလေးနဲ့မိတ်ဆက်ပေးချင်းပါတယ်ဒီကားလေးကတော့ထွေထွေထူးထူးပြောစရာမရှိပါဘူးအရမ်းကောင်းလှပါတယ်။2018ခုနှစ်မှာရုပ်ပြကာတွန်းဆရာဖြစ်သွားတဲ့ထူရှောင်ရိဆိုတဲ့ကောင်လေးဟာသူ့ရဲ့၁၆နှစ်၁၇နှစ်အရွယ်အထက်တန်းကျောင်းသားဘဝ1999ခုနှစ်ကိုပြန်လည်အသက်သွင်းပြီးရုပ်ပြကာတွန်းရေးဆွဲရင်းဇာတ်ကြောင်းပြန်ရှင်းတာပါ။ဒီကားလေးမှာတော့ဘဝမှာရည်ရွယ်ချက်ရည်မှန်းချက်ပန်းတိုင်ထားတတ်ဖို့နဲ့၊ရည်းမှန်းချက်ပန်းတိုင်ကိုရောက်ရှိအောင်ကြိုးစားဖို့ကိုဆုံးမထည့်သွင်းပြီးဇာတ်လမ်းဆင်ထားပါတယ်။ဒါ့အပြင်ထူရှောင်ရိဟာသူ့အထက်တန်းကျောင်းသားဘဝကအချစ်ဇာတ်လမ်းလေးကိုလည်းပြန်လည်ရှင်းလင်းထားလို့feelအပြည့်နဲ့ကြည့်ရှုနိုင်မှာပါ။

ပင်လယ်ရေပတ်လည်ဝိုင်းလျက်ရှိတဲ့ ကျွန်းတစ်ကျွန်းဟာ စနိခ်ျများအခြေချနေထိုင်ကျက်စားရာ နေရာဖြစ်ပါတယ်.. သို့သော်လည်း စနိခ်ျများဟာ ကြယ်ဝမ်းဗိုက်စနိခ်ျနှင့် လဝမ်းဗိုက်စနိခ်ျဆိုပြီး မွေးရာပါ အမှတ်အသားများ ကွဲပြားနေကြရာ ပဋိပက္ခဖြစ်ပြီး နောက်ဆုံးမှာတော့ ကုန်းပေါ်နဲ့ ကုန်းအနီး ရေပေါ် ကျက်စား‌တဲ့ စနိခ်ျများအဖြစ် အဖွဲ့ ၂ ဖွဲ့ကွဲသွားပါတော့တယ်.. တစ်ဖွဲ့နဲ့တစ်ဖွဲ့ သူ့ထက်ငါ သာလွန်ကြောင်း မျိုးရိုးစဉ်ဆက် လက်ဆင့်ကမ်းခဲ့ကြပြီး ကင်းရှင်းစွာ နေထိုင်ခဲ့ကြရာ ကြယ်ဝမ်းဗိုက်နဲ့ လဝမ်းဗိုက်တို့ဟာ အချင်းချင်း မမြင်ဖူး မဆက်ဆံဖူးခဲ့ကြပါဘူး.. တစ်နေ့မှာတော့ အပြောင်းအလဲများ တီထွင်ဖန်တီးမှုများကို စိတ်ဝင်စားသူ စနိခ်ျမလေးတစ်ကောင်ဟာ အခြားစနိခ်ျများအကြောင်း စူးစမ်းချင်စိတ်ဖြစ်လာပြီး ကုန်းမြေနှင့်ပင်လယ် ခြားထားသော ကန့်သတ် ကမ်းခြေဆီ ခိုးထွက်လာခဲ့ပြီး မမြင်ဖူးခဲ့တဲ့ အခြားစနိခ်ျမျိုးနွယ်ကို မြင်တွေ့ပြီးနောက်မှာတော့…

Trix စုန်းမညီအစ်မသုံးဖော်သည် Infinite Ocean ရှိ ပုလဲရတနာ (Emperor’s Throne) ကို သိမ်းပိုက်ကာ စကြဝဠာကို စိုးမိုးရန် ကြိုးပမ်းကြသည်။ သို့သော် ထိုပုလဲကို အသက်သွင်းရန်အတွက် လူသားမင်းသားတစ်ဦး၏ အသက်စွမ်းအား လိုအပ်သောကြောင့် ၎င်းတို့သည် Bloom ၏ ချစ်သူ မင်းသား Sky ကို ဖမ်းဆီးခေါ်ဆောင်သွားကြသည်။

တစ်ချိန်တည်းမှာပင် ရှေးဟောင်းစုန်းမကြီး Politea သည်လည်း အောက်လမ်းနည်းဖြင့် ပြန်လည်သက်ဝင်လာပြီး Trix တို့နှင့် ပူးပေါင်းကာ ထိုအစွမ်းကို ကိုယ်တိုင်ရယူရန် ကြံစည်နေသည်။

Bloom နှင့် Winx သူငယ်ချင်းများသည် မင်းသား Sky ကို ကယ်တင်ရန်နှင့် Infinite Ocean ၏ ငြိမ်းချမ်းရေးကို ထိန်းသိမ်းရန်အတွက် ရေအောက်ကမ္ဘာသို့ ဆင်းသက်ကာ Sirenix စွမ်းအားများဖြင့် တိုက်ခိုက်ကြရသည်။

နောက်ဆုံးတွင် Winx အဖွဲ့သည် သူငယ်ချင်းအချင်းချင်း ယုံကြည်မှု၊ ရဲရင့်မှုတို့ဖြင့် Politea နှင့် Trix တို့၏ အစီအစဉ်ဆိုးများကို ဖျက်ဆီးကာ မင်းသား Sky ကို ကယ်တင်နိုင်ခဲ့ပြီး ပင်လယ်ရေအောက်ကမ္ဘာကိုလည်း ဘေးအန္တရာယ်မှ ကာကွယ်နိုင်ခဲ့သည့် ဇာတ်လမ်းဖြစ်သည်။

ဇာတ်လမ်းဟာ Bloom နဲ့ သူမရဲ့ Winx အဖွဲ့ဝင်တွေ Alfea မှော်ကျောင်းတော်ကနေ ဘွဲ့ရပြီးနောက် ဖြစ်ပျက်ခဲ့တဲ့ အကြီးမားဆုံး စွန့်စားခန်းကို ရိုက်ကူးထားတာပါ။ Bloom ဟာ သူမရဲ့ မွေးမိဘတွေဖြစ်တဲ့ ဘုရင် Oritel နဲ့ မိဖုရား Marion တို့ ဘယ်မှာရှိနေလဲဆိုတဲ့ အမှန်တရားကို ရှာဖွေဖို့အတွက် Winx Club အဖွဲ့ဝင်တွေ၊ Specialists တွေနဲ့အတူ ပျောက်ကွယ်နေတဲ့ Domino ဂြိုဟ်ဆီကို ခရီးထွက်ခဲ့ကြပါတယ်။

သူတို့အဖွဲ့ဟာ အမှောင်ထုနယ်မြေဖြစ်တဲ့ Obsidian ထဲကို ရောက်ရှိသွားပြီး အဲဒီမှာ Bloom ရဲ့ မိဘတွေကို ဖမ်းဆီးထားတဲ့ ရှေးဟောင်းစုန်းမကြီး သုံးယောက်နဲ့ ရင်ဆိုင်ခဲ့ရပါတယ်။ Bloom ဟာ သူမရဲ့ သူငယ်ချင်းတွေနဲ့ Sky တို့ရဲ့ အကူအညီ၊ စည်းလုံးမှုတွေနဲ့အတူ အမှောင်ထုကို အောင်မြင်စွာ အနိုင်ယူနိုင်ခဲ့ပါတယ်။

နောက်ဆုံးမှာတော့ Bloom ဟာ ကျောက်ရုပ်အဖြစ် အဖမ်းခံထားရတဲ့ သူမရဲ့ မိဘတွေကို ကယ်တင်နိုင်ခဲ့သလို၊ ပျက်စီးနေတဲ့ Domino ဂြိုဟ်ကြီးကိုလည်း နဂိုအတိုင်း ပြန်လည်စိုပြည် တောက်ပလာအောင် စွမ်းဆောင်နိုင်ခဲ့တဲ့အကြောင်းကို စိတ်လှုပ်ရှားဖွယ် တင်ဆက်ထားတာဖြစ်ပါတယ်။

ဒုတိယကမ္ဘာစစ်ကြီးဖြစ်နေတဲ့အချိန်ဂျပန်နိုင်ငံလည်းနေရာအနှံ့ဗုံးကျဲခံရလို့…ထွက်ပြေးကြရ-ဗုံးကျင်းတွေခိုကြရတဲ့အချိန်မှာ…..ဆဲတိုနဲ့ဆဲဆု တို့မောင်နှမ နဲ့သူတို့အမေလည်း ဗုံးခိုကြရရင်း..သူတို့အမေသေဆုံးသွားခဲ့ပါတယ်…အဖေကလည်းတိုက်ပွဲမှာတိုက်ခိုက်နေရတဲ့အတွက်အဆက်အသွယ်ကလည်းမရဖြစ်နေပြန်တော့ခိုကိုးရာမဲ့မောင်နှမနှစ်ယောက်လည်းအမေ့ညီမ တစ်ဝမ်းကွဲ အဒေါ်အိမ်ကိုမှီခိုဖို့ရောက်လာခဲ့ကြပါတယ်ရောက်ခါစကတော့ မောင်နှမနှစ်ယောက်ဆီကပါလာတဲ့အစားအသောက်တွေမျက်နှာကြောင့်ကြည်ကြည်ဖြူဖြူဖြစ်ပေမယ့်အားလုံးကုန်သွားတဲ့အခါမှာတော့ ညိုငြင်စပြုလာပါတော့တယ်ကြံခိုင်တဲ့အကိုဖြစ်ဆဲတို က အပြောအဆိုမခံချင်တာနဲ့မောင်နှမလေးနှစ်ယောက်အမေချန်ထားခဲ့တဲ့ပိုက်ဆံလေးနဲ့လမ်းဘေးနေရာ တစ်ခုမှာ စားသောက်ခဲ့ကြတယ်ညမှောင်လာတဲ့အခါ ပိုးစုန်းကြူးလေးတွေဖမ်းပြီးအရင်ကမိသားစု စုံစုံလင်လင်ရှိချိန်တွေပြန်စဉ်းစားကြတယ်တဖြည်းဖြည်းနဲ့စားစရာတွေမရှိတော့တဲ့အချိန်မှာသူတို့မောင်နှမနှစ်ယောက်ဘာတွေဆက်ဖြစ်ကြမှာလဲသူတို့ရဲ့အဖေနဲ့ရော ပြန်လည်ဆုံတွေ့နိုင်မှာလား..

မင်းသမီးလေး Amber ဟာ Sofia တို့နဲ့အတူ Buttercups ကင်းထောက်အဖွဲ့ထဲဝင်ပြီး တောတွင်းစခန်းချ စွန့်စားခန်းထွက်ခဲ့ပါတယ်။

အစပိုင်းမှာ Amber ဟာ မင်းသမီးဆန်ဆန် သပ်သပ်ရပ်ရပ်ပဲ နေချင်ပြီး ရွှံ့ပေမှာနဲ့ ပိုးမွှားတွေကို ကြောက်ရွံ့နေတာကြောင့် အဖွဲ့ရဲ့တံဆိပ်တွေရဖို့ အခက်တွေ့ခဲ့ပါတယ်။ ဒါပေမဲ့ ဆိုဖီယာရဲ့ အားပေးကူညီမှုနဲ့အတူ Amber ဟာ အပြင်ပန်းအလှအပထက် လက်တွေ့လုပ်ဆောင်နိုင်စွမ်းနဲ့ ကြံ့ကြံ့ခံစိတ်ဓာတ်က ပိုအရေးကြီးကြောင်း နားလည်သွားပါတယ်။

နောက်ဆုံးမှာတော့ သူမရဲ့ကြောက်စိတ်တွေကို ကျော်လွှားကာ အဖွဲ့ဝင်တွေနဲ့အတူ Buttercup တံဆိပ်တွေကို အောင်မြင်စွာ ရရှိသွားခဲ့ပါတယ်။ အခက်အခဲတွေကို မဆုတ်မနစ် ကြိုးစားရင် အောင်မြင်နိုင်တယ်ဆိုတဲ့ သင်ခန်းစာကောင်းကို ပေးထားတဲ့ ဇာတ်လမ်းလေးဖြစ်ပါတယ်။

မိဖုရား Athena ကွယ်လွန်ပြီးနောက် ဝမ်းနည်းကြေကွဲနေတဲ့ ဘုရင် Triton ဟာ Atlantica ရေအောက်နိုင်ငံတော်မှာ ဂီတ (Music) ကို လုံးဝပိတ်ပင်လိုက်ပါတယ်။

နှစ်အတော်ကြာပြီးနောက် Ariel ဟာ Sebastian တို့လျှို့ဝှက်ဖွင့်လှစ်ထားတဲ့ ဂီတကလပ်ကို တွေ့ရှိသွားပြီး ဂီတရဲ့ပျော်ရွှင်မှုကို ပြန်လည်ခံစားမိလာပါတယ်။ ဒါကိုသိသွားတဲ့ ဘုရင်ကြီးက တားမြစ်ပေမဲ့ Ariel က သူမအမေရဲ့ ဂီတသေတ္တာ (Music Box) ကို ရှာဖွေပြီး ဖခင်ဖြစ်သူရဲ့ အမုန်းတရားတွေကို ဖျောက်ဖျက်ပေးခဲ့ပါတယ်။

နောက်ဆုံးမှာတော့ Triton ဟာ နောင်တရပြီး နိုင်ငံတော်မှာ ဂီတကို ပြန်လည်ခွင့်ပြုပေးလိုက်ကာ Ariel တို့သားအဖ ပြန်လည်သင့်မြတ်သွားကြပါတယ်။

မင်းသမီးလေး Sofia ဟာ မိသားစုနဲ့အတူ Enchancia နိုင်ငံမှာ ပျော်ရွှင်စွာနေထိုင်နေချိန်မှာ မကောင်းဆိုးဝါးမိန်းမ Prisma က Enchancia ကို လက်အောက်သို့ယူဖို့ ကြိုးစားလာပါတယ်။ Prisma က အစွမ်းထက်မှော်ဝင်ပစ္စည်းဖြစ်တဲ့ Wicked Nine ကို စုဆောင်းပြီး အင်အားကြီးလာပြီး နိုင်ငံကို အန္တရာယ်ဖြစ်စေပါတယ်။

Sofia ဟာ သူမရဲ့ရဲဘော်မိတ်ဆွေတွေဖြစ်တဲ့ Amber၊ James နဲ့ တခြားသူတွေကို ကာကွယ်ဖို့ စိတ်ဓာတ်ခိုင်မာစွာ တိုက်ခိုက်ရပါတယ်။ နောက်ဆုံးမှာတော့ Sofia ဟာ သတ္တိ၊ ချစ်ခြင်းမေတ္တာနဲ့ သူမရဲ့အမှန်တရားကို အသုံးချပြီး Prisma ကို အနိုင်ယူနိုင်ခဲ့ပါတယ်။

Kate Hudson နဲ့ Matthew McConaughey တို့လို နာမည်ကျော်ထဲက နာမည်ကျော်သရုပ်ဆောင်တွေ ဇာတ်ဆောင်လုပ်ထားတဲ့ ရိုမန့်တစ်ဟာသကားပေါ့။ ဘာထူးခြားလဲဆိုရင်တော့ အခုထိ မကြည့်ဖြစ်သေးရင်တော့ မရတာကြာတဲ့အရသာတစ်ခုပြန်ရလိမ့်မယ်။ ဟိုးတုန်းက ကျွန်တော်တို့ကြည့်ဖူးခဲ့တဲ့ ဟောလိဝုဒ်အချစ်ရိုမန့်တစ်ကားတွေက တခြားကထွက်တဲ့ရိုမန့်တစ်ကားတွေနဲ့ မတူတဲ့အရသာတစ်ခုရှိတယ်။ အဲဒီလိုအရသာမျိုးကို ၂၀၀၀ခုနှစ်ပတ်လည်နားက ကားတွေမှာတော့ ကျွန်တော်တို့ရခဲ့ကြပေမဲ့ ဒီဘက်ခေတ်မှာတော့ အဲဒီလိုပုံစံတွေ ပြန်ရိုက်ရင်တောင် အဲဒီအရသာပါမလာတော့တာ သတ်လတ်ပိုင်းတော်တော်များများတော့ သိကြမှာပါ။ How to Lose a Guy in 10 Days (2003)က ထူးထူးခြားခြားကောင်းနေတဲ့ ရုပ်ရှင်တော့ မဟုတ်ပေမဲ့ အဲဒီလိုအရသာမျိုးကို ပြန်ပေးနိုင်တဲ့ ကြည့်ကောင်းတဲ့ဇာတ်လမ်းဆိုတော့ ကြည့်ကိုကြည့်သင့်တယ်လို့ ပြောရမှာပါပဲ။ Kate Hudson ရဲ့အလှတွေကိုလည်း ပြန်လည်ခံစားရမယ့် ရုပ်ရှင်လည်းဟုတ်ပါတယ် ဆက်လက်ကြည့်ရှု့လိုက်ပါတော့ဗျ