الأعزاء الخريجين...

يرجى العلم بأنه تم الغاء البروفات لغايات تسهيل إجراءات الحفل

الفيديو المرفق يبين إجراءات الحفل..
----

الأمور بسيطة ان شاء الله واي اشي ببالكم يوم التخريج كله بكون أوضح وبجاوبوكم عليه المسؤولين بيومها

هذا الفيديو عشان الحفل اللي ب20/7

هذا بحث لدكتورة رلى ، عبوه لو سمحتم - اضغط هنا

بالنسبة لخطوة سند اللي بعد المجلس الطبي عادي بتقدروا تعملوها قبل ما يوصلكم رقم الدفع تبع المجلس الطبي

ما بعرف اذا حدا كان فاهم انه لازم تدفعوا للمجلس الطبي بعدين تعملوا خطوة سند بس هنّ ما الهن علاقة ببعض

صحة - هنا
خدمات - هنا
حمزة - هنا
مؤسس - هنا
إجراءات المؤسس بالتفصيل - هنا
اردنية - هنا

هاي البوستات اللي نازلة لهسا

تم اضافة إجراءات المؤسس بالتفصيل

جماعة المؤسس فوتوا على هاي القناة راح يصير يتثبت عليها كل اشي بخص الامتياز

رابط القناة:
https://t.me/+u4nvL6Tq0A01ZTM0

مبارك لزملاءنا العشرة الأوائل ❤️

https://www.facebook.com/groups/MEDJUST2019/posts/23885946301060724/

عبوا هذا البحث لزملاءنا اذا سمحتم

اضغط هنا

الكلام اللي وصلني اليوم كالتالي:

القائمة الرسمية للاوائل لم يتم نشرها لحد الآن حيث لم تصدر اي قوائم رسمية عن طريق التسجيل و سيتم نشرها حال صدورها من القبول و التسجيل و اي قائمة يتم تداولها نحن غير مسؤولين عنها

----

توضيحاً للأمور، قائمة الأوائل اللي نزلتها هي اللي وصلتني بعد ما سالت عن قوائم الأوائل ولوحة الشرف لدفعتنا، واللي بتحتوي على ترتيب اول عشر طلاب على الدفعة، وما كان في اي قوائم أخرى

اللي تبين انه بالعادة بتم تكريم اول مجموعة معدلات في حفل التخرج (مرات عشر معدلات مرات اقل) حتى لو كان في تكرار وكان بالمعدل الواحد اكثر من طالب مشتركين فيه

بالنسبة لهاي السنة لحد الآن ما في قرار رسمي بالموضوع اذا راح يكون زي السنوات الماضية، ولما تصدر قائمة الأوائل النهائية برجع بنزلها ان شاء الله

المهم انه الموضوع بسيط ان شاء الله، لكن وجب التوضيح

وإذا نزلت القوائم النهائية مع التكرار لأعلى عشر معدلات بدنا نبارك لهم لأنهم بستاهلوا والله 😁

كل التوفيق

يعطيكم العافية جميعاً

اسبوع بفصلنا عن حفلة التخرج في الجامعة، فبدي اذكركم بالفيديو اللي بعثناه سابقاً لإجراءات الحفل (اضغط هنا)


شغلة ثانية مهمة، الاستاذ حارث القضاة طلع امبارح ببث مباشر على قروب الحفل يشرح فيه بعض الأمور ويجاوب على الاستفسارات المتكررة اخر فترة، واتوقع فيه الإجابة لكل تساؤلاتكم عن الحفل

رابط البث

اهم النقاط اللي بتذكرها:
* بالنسبة لأعداد الأهالي فالكل مرحب فيه ما في اي مشكلة والبطاقات مش إجبارية لحضور الحفل، واللي بحب يجيبها كدعوة لعيلته او اهله فهي موجودة وبتقدروا تستلموها من الجامعة

* اخذ الأدوار للخريجين حصراً بين 4:00-6:30 وبعد ذلك صعب جدا حدا يوخذ دور فكونوا حاسبين حسابكم تيجوا بكير

* الجامعة منعت بيع الزمامير على الابواب، فرجاءً يكون في تعاون من الأهالي وتنبيه منكم انه ما يكون في زمامير أثناء حفل الملعب وذكر الأسماء لحتى ما يعمل ازعاج للباقيين

بعد الحفل زمروا زي ما بدكم 🙃

* اللي بنادوا اسمه بعد ما يخلص يرجع على مقعده والكل بغادر الملعب بعد ما يغادره راعي الحفل

* تنبيه مرة ثانية على الالتزام بالوقت وما يصير في اي تاخيرات

* المصفات داخل الجامعة مفتوحة للجميع واللي بصف جوا بالطبية او الهندسية في باصات للجامعة تنقل الأهالي للملعب، يعني بتقدروا تدخلوا عالجامعة بالسيارات سواء للخريجين نفسهم او لاهاليهم

* مقترحات الكراسي والالعاب النارية واي اشي ممكن يحسن الحفل وبقدروا يعملوه فما راح يقصروا فيه لكن في اشياء بتكون اتفاقيات مسبقة بين الجامعة وجهات أخرى

هذا اللي بتذكره صراحة واللايف قصير 20 دقيقة بنصحكم جدا تشوفوه لانه بوضح كثير أمور إلكم

وألف مبارك للجميع ❤️

ولو سمحتم اللي بقدر يعبي هذا البحث لدكتور عبد الرحمن مناصرة (اضغط هنا)

يعطيكم العافية جميعا يا رب

تنبيهات سريعة بخصوص حفل التخريج غداً:

🔶 بما يخصنا كطلاب:

🔹المجال مفتوح لأخذ الدور من الساعة 4:00 للساعة 6:30 في الصالة الرياضية حسب الفيديو اللي نشرناه سابقاً

🔹الكراسي بتكون على جهتين جنوبية وشمالية ، كل جهة فيها 10 صفوف، وكل صف فيه 40 كرسي

🔹الجنوبية من جهة البحيرة، الشمالية من جهة المكتبة، وحسب دورك N او S بتقدر تخبر أهلك لحتى يكونوا قاعدين بالجهة المقابلة إلك (مش شرط بس للي بحب يعني)

🔹اول صف من الجهة الجنوبية للأوائل واللي راح انشرلكم أسماءهم ان شاء الله، والصفوف بتم تعبئتها صف جنوبي وبعدها صف شمالي ثم صف جنوبي ثم صف شمالي عشان يصير في توازن

🔹 بالنسبة للأوائل فدورهم محجوز بس لازم ييجوا عالصالة الرياضية يسجلوا اسماءهم، لكن مش مضطرين ييجوا بكير كونه اسماءهم هيك هيك بتكون ببداية القائمة، يعني لو اجوا الساعة 6 هيك اشي عادي

🔹بعد ما تستلم الشهادة ضروري ترجع على مقعدك لحتى ما تصير عجقة جوا الملعب

🔹ممنوع يكون في أهل او أطفال جوا الملعب مكان وجود طلاب الدفعة، وبقدروا يوخذوا راحتهم على المدرجات

🔴ضروري ما حدا ينسى روبه وراح يكونوا موجودين بكرة بنفس مكتبهم لحد قبل بداية الحفل للي لسا ما جابه

🔶بخصوص الأهل:

🔹بالنسبة لأعداد الأهالي فالكل مرحب فيه ما في اي مشكلة والبطاقات مش إجبارية لحضور الحفل

🔹المصفات داخل الجامعة مفتوحة للجميع واللي بصف جوا بالطبية او الهندسية في باصات للجامعة تنقل الأهالي للملعب، يعني بتقدروا تدخلوا عالجامعة بالسيارات سواء للخريجين نفسهم او لاهاليهم

🔹تم تحسين إنارة منطقة الهندسية لحتى تكون مناسبة بعد الحفل للي بحب يوقف مع أهله او يعمل زفة

🔹الملعب مفتوح من الساعة 4:00 لحضور الأهالي وبظل مفتوح طول الحفل ، وينصح انه يكونوا الأهل واصلين قبل ساعة على الاقل عشان يلحقوا يدخلوا ويقعدوا بمكان مناسب وما يتأخروا لو كان في أزمة

🔹يا ريت كل حدا ينبه على أهله وعائلته انه ما حدا يجيب معه زمامير ويستعملها خلال الحفل ومناداة الأسماء لحتى ما يعمل ازعاج وتكون الأسماء مسموعة للكل ، وبعد الحفل خذوا راحتكم بهالناحية ما في مشكلة

الله ييسر الأمور يا رب والجامعة شغالين لحتى يطلع الحفل بأفضل صورة فيا ريت نتعاون احنا معهم كمان

القائمة النهائية للمراكز العشرة الأولى على الدفعة ✅

ألف مبارك للجميع ما شاء الله ❤️

https://www.facebook.com/share/p/19U3m7TXbF/

بالنسبة لمناداة الاسماء بالحفل بس للمعلومة

اخذ الأدوار بكون عالترتيب صف من الجهة الشمالية (40 كرسي) بعدين صف من الجنوبية وهكذا

اما مناداة الاسماء بنادوا كل اللي بالجنوبية ، وبعدها بنادوا على كل الشمالية

صور الحفل بتنزل اول بأول على صفحة مصور الحفل للي بده يوخذ صورته لما استلم الشهادة

والمفروض انه راح ينزل فيديو مسجل لكامل حفل التخريج

https://www.facebook.com/share/15vayLM4MD/

هذا الموقع بتقدروا تعرفوا منه ترتيبكم على الفوج

https://www.just.edu.jo/ar/reg/Pages/verification.aspx

يعطيكم العافية جميعاً

اللي لسا اله أغراض بلكرات طابقنا C اللي تحت طابق المستشفى، يا ريت يكون فرغه بحد أقصى يوم الأربعاء القادم

اتوقع الأغلب اخذ أغراضه لكن عشان اذا حدا نسي فهاي معه مجال للأسبوع الجاي ، لأنه بعد هيك راح تنفتح كلها وتتوزع اللكرات على طلاب رابعة

بنت مريضة leukemia في مستشفى الحسين.. ومحتاجة وحدتين دم ضروري من هون لساعة

اذا بتعرفوا حدا يروح يتبرع باسم سارة عبابنة، التبرع في مركز الحسين