ሳምንታችንን በመልካም ዜና ብንጀምርስ?

ኮምፓስ ፕሮፐርቲስ በአዲስ አበባ ያለውን የመኖሪያ ቤት እጥረት ለመቅረፍ አየሰራ እንደሚገኝ አሳወቀ

​#Ethiopia | ኮምፓስ ኮንስትራክሽን በአሁኑ ወቅት ወደ ሪል እስቴት አልሚነት በመሸጋገር በአዲስ አበባ ከተማ የሚታየውን ከፍተኛ የመኖሪያ ቤት እጥረት በዘላቂነት ለመቅረፍ የሚያስችሉ መጠነ ሰፊ ተግባራትን እያከናወነ እንደሚገኝ አስታወቀ።

ድርጅቱ ቀደም ሲል በመስቀል ፍላወር እና በቄራ አካባቢዎች የጀመራቸውን ዘመናዊ አፓርትመንቶች አጠናቆ ለቤት ባለቤቶች ያስረከበ ሲሆን፣ በዛሬው እለት ደግሞ በቦሌ አትላስ አካባቢ በ1,496 ካሬ ሜትር መሬት ላይ ያስገነባውን ባለ 15 ወለል ዘመናዊ አፓርትመንት በይፋ ለሽያጭ ማቅረቡን አሳውቋል።

በቦሌ አትላስ ፕሮጀክት ከመካከለኛ እስከ ከፍተኛ ስፋት ያላቸውንና ከ80 ካሬ ሜትር እስከ 165 ካሬ ሜትር የሚደርሱ ባለ አንድ እና ባለ ሶስት መኝታ ቤቶችን በማካተት የከተማዋን ነዋሪዎች የመኖሪያ ፍላጎት ከግምት ውስጥ ያስገባ ስራ መሆኑ በሽያጭ መርሐግብሩ ላይ ተገልጿል።

ከዚህም በተጨማሪ ድርጅቱ በካዛንቺስ አካባቢ ለንግድና ለመኖሪያ የሚውል ባለ 19 ወለል ህንፃ ግንባታን እያከናወነ እንደሚገኝና በአደይ አበባ-ሳሪስ አካባቢ ደግሞ የጎህ ፕሮፐርቲ ኮርፖሬሽንን 80 በመቶ የባለቤትነት ድርሻ በመያዝ ሰፊ የመኖሪያ መንደር ለመገንባት የቅድመ ዝግጅት ስራዎቹን ማጠናቀቁን አስታውቋል።

እነዚህ ተከታታይ ፕሮጀክቶች ድርጅቱ በኮንስትራክሽን ኢንዱስትሪው ያለውን አቅም ወደ ቤት ልማት በማዞር የዜጎችን የቤት ባለቤትነት ህልም ለማሳካትና በከተማዋ ያለውን የቤት አቅርቦትና ፍላጎት አለመመጣጠን ለመቀነስ ትልቅ ሚና እንደሚጫወት በመድረኩ ላይ ተገልጿል።

​ #CompassProperties