የአዲስ አበባ ከተማ ምክር ቤት አባላት ያነሷቸው ሃሳቦች:-

- ፍትሃዊ የሀብት ክፍፍልን እውን ለማድረግ በታቀደው መሰረት ለወጣቶች እና ለሴቶች ሰፋፊ የሆኑ የስራ ዕድሎች መፈጠራቸውን አንስተዋል።

- በአገልግሎት አሰጣጥ ረገድም ተስፋ ሰጪ የሆኑ ስራዎች መሰራታቸውን ነገር ግን ልክ በኮሪደር ልማት፣ መልሶ ማልማት እና በወንዞች ዳርቻዎች ልማት አመርቂ ውጤቶች እንደተመዘገቡ ሁሉ በአገልግሎት አሰጣጥ ላይም መሰረታዊ ለውጦችን ለማምጣት የከተማ አስተዳደሩ በትኩረት መስራት እንደሚገባው በአስተያየት እና ጥያቄ መልክም ተነስቷል።

- የሰው ተኮር ስራዎች በተለይም ዝቅተኛ የኑሮ ደረጃ ውስጥ ያሉ ዜጎች ከተማ አስተዳደሩ ከሚያመነጨው ኢኮኖሚ ተጠቃሚ እንዲሆኑ ያስቻለ ከመሆኑም በላይ ህዝቡም ተገቢውን እውቅና እየሰጠ ይገኛል።

- የውሀ ስርጭት በስታንዳርድ እንዲሆን እየተሰራ ቢሆንም ፍትሀዊ ስርጭት እንዲኖር አሁንም ትኩረት እንዲሰጠው የህዝቡ ጥያቄ መሆኑን አንስተዋል።

- ከመብራት ጋር ተያይዞ በተለይም መኃል ከተማ በሚገኙ ክፍለ ከተሞች ያረጁ እና ሊወድቁ የደረሱ ፖሎች በነዋሪዎች ዘንድ ስጋት የደቀኑ በመሆናቸው አስቸኳይ እልባት ያስፈልጋል።

- ከኑሮ ውድነት አንፃር የሰብል ምርቶች የዋጋ መረጋጋት ያሳየ መሆኑን ሆኖም የዘይት ዋጋን ጨምሮ በሌሎች ምርቶች ዙሪያ ዘላቂ እልባት እንዲሰጥ::

- የእሁድ ገበያዎች፣ የተማሪዎች ምገባ ፣ የትራንስፖርት አቅርቦት፣ በጤና መድህን እንዲሁም ዓለም አቀፍ አንድምታ ያለው የኑሮ ውድነትን ለማቃለል የሚከናወኑ ሰው ተኮር ተግባራት አበረታች ውጤቶችን በማስመዝገብ ላይ ይገኛሉ።

ማህበራዊ ችግር ያለባቸው የህብረተሰብ ክፍሎችን ከተረጂነት ባለፈ በቂ ስልጠና በመስጠት መስራት የሚችሉትን የማሸጋገር ስራ ሰርተናል።ከንቲባ አዳነች አቤቤ

የኑሮ ውድነትና ጫናን ለማቃለል አለሜቀፋዊ ሁኔታን አገናዝበን ምላሽ ለመስጠት ሞክረናል።

* ኑሮ ውድነትን ለመቅረፍ አቅርቦትን ማሳደግ ላይ በትኩረት በመስራት በአምስቱም የከተማችን መግቢያ በሮች የግብርና ምርቶችን አቅርቦትን ተደራሽ ማድረግና የደላሎችን ሰንሰለት መበጣጠስ ችለናል።

* የኑሮ ውድነት ችግርን ማቃለል የምንችልበት መንገድ አምራችነትን በማሳደግ እንደመሆኑ መጠን የከተማችን ነዋሪ በተለያዩ አግባባች አምራችነቱ እንዲያድግ ስልጠና የመስጠትና የግብአት አቅርቦት እገዛ እያደረግን ነው።

* የገበያ ማረጋጋት ስራን በተመለከተ በቁጥጥር፣ በክትትልና፣ በድጎማ ህቦረተሰባችንን ፍትሀዊ ተጠቃሚነት ለማሳደግ እየሰራን ነው።ውጤትም አግኝተንበታል።

* ለማህበራዊ ችግር የተጋለጡ የህብረተሰብ ክፍሎችና የእናቶችን የኑሮ ጫና ለማቃለል የሰራነው ስራ ሁሌም የምንኮራበት ነው።

* 26 የምገባ ማዕከላን በመክፈት ዝቅተኛ የህብረተሰብ ክፍሎችን በመመገብ ፍትሀዊ ተጠቃሚነታቸዉን ከማረጋገጥ ባሻገር ዜጎች አብሮ የማደግ ባህል እንዲጎለብት አድርገናል።

የአዲስ አበባ ከተማ ምክር ቤት በ4ኛ ዓመት የስራ ዘመን 3ኛ መደበኛ ጉባኤው ለ2017 ዓ.ም ከ11 ቢሊዮን ብር በላይ ተጨማሪ በጀት እና ልዩ ልዩ ሹመቶችን በማፅደቅ ተጠናቅቋል:: በዚህም መሰረት:-

1. ወ/ሮ ቆንጆት ደበላ ዎላ - የአዲስ አበባከተማ አስተዳደር የሴቶች፣ ሕጻናትና ማኅበራዊ ጉዳይ ቢሮ ኃላፊ(በሽግሽግ)
2. አቶ አወሌህ መሐመድ ኦመር - የአዲስ አበባ ከተማ አስተዳደር የኢኖቬሽንና ቴክኖሎጂ ልማት ቢሮ ኃላፊ
3. ወ/ሮ አይሻ መሐመድ አደን - የአዲስ አበባከተማ አስተዳደር የኢንቨስትመንት ኮሚሽን ኮሚሽነር
4. ኢ/ር ሕይወት ሣሙኤል ጸጋዬ - የአዲስ አበባ ከተማ አስተዳደር የግንባታ ፈቃድና ቁጥጥር ባለሥልጣን ዋና ዳይሬክተር
5. ሲ/ር ሶፊያ አለሙ - የሴቶች፣ የወጣቶችና ህፃናት ቋሚ ኮሚቴ ሆነው ተሹመዋል::

በሌላ በኩል ተጨማሪ በጀቱ በከተማዋ የተጀመሩ ዘርፈ ብዙ ልማቶችን ለማስቀጠል አስፈላጊ መሆኑንም ምክር ቤቱ ተወያይቶ በሙሉ ድፅ አፅድቋል፡፡

የበጎ ፈቃድ ማኅበራት ጥምረት በበጎ ፈቃድ አገልግሎትና ማኅበራዊ ኃላፊነት ደንብ ዙሪያ ምክክር አካሄደ።

በአዲስ አበባ ከተማ የኅብረተሰብ ተሳትፎና በጎ ፈቃድ ማስተባበሪያ ኮሚሽን የቋቋመው የበጎ ፈቃድ ማኅበራት ጥምረት ከተማ አስተዳደሩ ባዘጋጀው የበጎ ፈቃድ አገልግሎትና ማኅበራዊ ኃላፊነት ደንብ ቁጥር 161/2017 ዙሪያ ውይይት አካሂዷል።

ውይይቱ የጥምረቱ አባል ማኅበራት የበጎ ፈቃድ አገልግሎት ተቋማዊ ቅርፅ እንዲይዝና ኢኮኖሚያዊ አስተዋፅዖው እንዲታወቅ፣ የመረዳዳትና የመተሳሰብ እሴት እንዲዳብር የአዲስ አበባ ከተማ አስተዳደር ላወጣው ደንብ ተግባራዊነት የድርሻቸውን እንዲወጡ ለማድረግ እንደሚያግዝ በመድረኩ ተመላክቷል።

በሌላ በኩል ጥምረቱ በበጀት ዓመቱ ያለፉ ወራት ያከናወናቸው ዋና ዋና ተግባራት አፈፃጸም ቀርቦ ውይይት የተደረገ ሲሆን የጥምረቱን አባል ማህበራት የእርስ በርስ ግንኙነት በማጠናከረ የነዋሪዎችን ማኅበራዊና ኢኮኖሚያዊ ችግሮችን መፍታት እንደሚጠበቅ ተገልጿል።

በአዲስ አበባ ከተማ የሚገኙ የበጎ ፈቃድ ማኅበራት ከአንድ ዓመት በፊት በጋራ መስራት የሚያስችላቸውንና የማህበረሰቡን ተጠቃሚነት የሚያረጋግጡበት እንዲሁም እርስ በርስ ተሞክሯቸውን የሚለዋወጡበት ጥምረት መመስረታቸው ይታወሳል።

"በጎ ፈቃደኝነት ለማኅበረሰብ ለውጥ!"

ሚያዚያ 29/2017 ዓ.ም (አዲስ አበባ)
የማኀበራዊ ሚዲያ አማራጮቻችን፥
‎ፌስቡክ - https://www.facebook.com/cpvcc.2015
‎ቴሌግራም - https://t.me/CommunityPVC
‎ቲክቶክ - https://www.tiktok.com/@aacpvcc
‎ዩቱዩብ - https://youtube.com/@communityparticipationvolu8714
‎ዌብሳይት - www.aacpvcc.gov.et